والله ما يستحوون على ويوووهم... استغفرالله

[درة أهل الطولات]

رد : والله ما يستحوون على ويوووهم... استغفرالله

خيولون ولا يهمونج

 

[مشمش أحمر]

ياربي ياحقارتهم
والله شي يبط الجبد حاسه فيج

وغصب يخلي الوحده تتنرفز

وهالزمن ماتضمني اي ريال انه يميل او حتى نزوه لا سمح الله

ديري بالج على ريلج والله يبعد عنكم بنات الحرام خطافات الرياييل يارب

 

[لمااارالكويت]

رد : والله ما يستحوون على ويوووهم... استغفرالله

الله يعينج وانا لاحظت مثل هالاشكال يخزون المتزوجات مع زوجهم ويعطون الزوجة خزه من فوق لين تحت
بس في زوجات من كثر ماتعقدو من الوضع ما الوومهم بس فيهم شي غلط
انها اذا طلعت مع ريلها تترصد جنها ياية تصيد البنات اللي يخزون ريلها وتلمه حيل صوبها وتطالع يمين يسار جنها صقر والبنت اللي ماتطالع ريلها ياويلها وياويل اللي معاها وواااايد مواقف صارتلي متزوجات يعطوني ذيج النظرة اللي تخليني اخاف واخترع جني مسوية ذنب وجريمة ولدرجة مرة رحت المطعم مع بنت عمي ودشو اثنين متزوجين وقعدو يمنا واحنا ناطرين الطلب ويت هالمرة تخزنا وتلمس بريلها قلت حق بنت عمي بغير مكاني ماقدر اقعد اهني ماحب اشوف هالمناظر عييب لان انا مو متزوجة اخاف تسوي شي او يسوون شيات مو ناقصة وهم عشان نبين لها لاريلها ولاغيره يهمنا يايين نغير جو مو نترصد بالرياييل ونخوزز فيهم قالت من صجج نغير مكانا خن نطلع من المطعم بكبره ونروح مطعم ثاني ماقلنا الاسم عشان لاتلحقنا اهي وريلها واقول بصوت عالي من زين ريلها ميتة عليه بخلي المطعم حقها بروحها
لانه صج ماخزيته ولا شفته ولاسويت شي ولمن طلعنا من المطعم شفته بشوف شنو هالريل اللي خايفه عليه عبالي ملياردير ووسيم وحلو ومعضل وانا مادري اخرتها معصقل اسود وحول ولا فيه شي حلو لدرجة بنت عمي تقول انتي طالعتييه؟؟؟
شطالع فيه شبي فيه
وموقف ثاني وحدة كبر امي اواخر الاربعينات مع زوجها اواخر الستينات زين مايت وعطتني كف
كنا ب360 مع اختي رايحين جيان نشتري شغله واحنا نازلين بالمصعد المتحرك هالمرة مجلبة بريلها وتلف ويها لان
كنا وراها وتطالعني من فوق لين تحت وتكشر بويها وتطالع ريلها وتبتسم له اي ليش شسويت لج انتي وريلج الشايب زين ماتكسر واهو يمشي
بفهم وحدة بعمري شتبي بواحد جيكر وشايب اكبر من ابووووي وملابسه مبهدلة وصفرة و(متزووووج) شسوي فيه؟؟اكله مثلا اكووفن فيه مثلا؟؟
يعني خفوو من هالنظرات وخلوكم واثقين من نفسكم
واللي صج تأكدتي انها تطالع ريلج خزيها وسوي اللي تبين فيها مو اي بنت مرت هاتيها طراقات بالنظرات
والريل يتفشل اذا مرته جذي تقعد تخوزز بالبنات وتدور منو تخزه عشان تتهاوش وياها ولا تسوي حركات جنها مو مصدقة عندها الريل
وبس سوري وايد تكلمت

 

[([عطر رومانسي])]

وي ياما شفت من هالمواقف بس انا الحمدلله اطنش ومن النوع اللي ابط جبودهم هالبنات


اذا شفت وحده جذي اقعد اطلع فيها اي شي واقوله حق ريلي بأذونه يعني اعلق عليها ونقعد نضحك واهما ينغثون هههههههه


عمري ماتضايقت وخربت الطلعه بالعكس اخذ هالسالفه ضحك وغشمره وتعدي على خير الحمدلله


عيل انا مره وحده منقبه معاها وايد بنات بمطعم وكنت حامل بشهري السابع بطني شكبره جدامي وقاعده مع ريلي نسولف ولا يقومون من مكانهم ويغيرون طاولتهم عشان يقابلونه وكل شوي يقول صج قليلات ادب انا طنشت وقلت خلهم يولون وماسألته شنو يسوون عشان لاأغث عمري المهم يوم طنشناهم جان يقومون بيطلعون ولا المنقبه الله ياخذها تفصخ نقابها وتبوس رفيجتها بوسه على خدها بس والله البوسه طريقتها وصخه وكلها دلع وتطالع ريلي وتضحك ضحكه حقيره مثلها وتروح الجلبه الله لايوفقها بس هم كملت الوضع عادي ولا جنه صاير شي لانه حرام ريلي ماله ذنب وانا ادري انه مطنشهم قعدت اقول اذا جدامي جذي سوت عيل من اليوم شنو تسوي من وراي وريلي يقول قليلات الادب؟؟؟


وياما وياما صارت مواقف عاد ريلي يقول والله بروحي ماشوف هالمناظر ولا احد يتحرش فيني بس بيقهرونج >> زين ليش شنو يستفيدون حسبي الله عليهم


ومشكووووووووره عالموضوع

 

[قطيووه^_^]

رد : والله ما يستحوون على ويوووهم... استغفرالله

استغفر الله
عطيهم طااف يبون يقهرونج

 

[ميااااار]

رد : والله ما يستحوون على ويوووهم... استغفرالله

واااي

قلة حيا وناقصات تربيه عمى بعين اهلهم اللي ماعرفو يربون

لو انا مكانك يمكن باقرب ماعندي

الله لايحطني بهالموقف..

 

[جوري 2007]

اشهالسالفة اللي زايدة هالايام

ليمتى قلة الحيا او بالاحرى اشتستفيد لما تسوي جذي ؟؟

واشيسوى عليج تنقلب زوجة اللي تخزينه عليج وتموتج طق

والله ناس ماتستحي

بذمتكم هذي اللي تسوي جذي مع واحد متزوج اتهقون اللي مو متزوج شنو ممكن تسويله @@ وع

 

[قمورهـ]

رد : والله ما يستحوون على ويوووهم... استغفرالله

والله البنات صايرات بارعات قطيعه تقطعهم

شكثر يتحرشون ويخوززون بس انا فديته ريلي يمسك ايدي وعيونه علي اهو يتعمد يغثهم ههههههه ولو لمح وحده تخزه عطاها نظره حقييييييييييره وسب بصوت عالي

يقولي تشوفين البقره اللي عاليمين هههههههه مالت على الوجه عاد صج البنات يندقرون ماتقدر تسوي شي لانه راح يفضحها ولو صارت هوشة دقوا سحبوها

ومرة وحده تحرشت بس الغبيه طلعت اعرفها بنت بنت عم امي ويوم دققت علي ماتبي الا عمرها

ورحت لهم زوارة انا وامي فجأه ومسكتها وسفلت فيها جدام امها

لو تشوفين امها طقتها طق وسفلت فيها واطردتها فوق وتأسفت منا وقالت ستروا عليها

هذيل اللي يتحرشون عبالهم الدنيا سايبه ترا لو سلمتي مره او مرتين بعدها ممكن تطيحين بشر اعمالج

والله ماانسى سالفة السعوديه اللي بكافيه تحرشوا بريلها بنات

واهيا طولت بالها لين افقدت وامسكت البنت وطقتها طق سنة بساعه وطقتها بصحن مدري كوب كان عالطاوله بطت راسها ههههههه

يعني لو تصك هوشة محد بينفعج يدقون عالشرطة وراح يتلونج واييبون اهلج وشوفي الفضايح

لا والمصيبه انه الغلط راكبج متحرشه بواحد وزوجته شنو موقفج جدام اهلج والشرطة والفضيحه اللي راح تحصلينها؟؟

 

[sweet dashttya]

رد : والله ما يستحوون على ويوووهم... استغفرالله

الله يعينج

 

[franshiska]

رد : والله ما يستحوون على ويوووهم... استغفرالله

مره كنت بجيليز البدع انا وريلي وخالتي وحمواني 2 وحماتي وريلها
ووحده اتجابل ريلي وتسويله حركات وتنزل بلوزتها صوب الجتف وتطلع زندها اللي لوع جبدي
وانا اخزها واضحك على حركاتها لانها مهزله
جان حماتي تنقهر منها جان اتمسخرها
تعلي صوتها واتطنز عليها
وانا غشيانه من الضحك
ما سوت عليها قلة الادب
لووووووووووووووول

 

[روحي تحبه غصب]

الله يعينج حبيبتي في بنات يستخفون اذا شافوا ريال مع مرته

تلاقينها تراهن نفسها انها بطيح جدام مرته وبترقمه؟؟؟؟؟؟؟؟؟؟؟؟؟؟

اذا حصلج هالموقف مره ثانيه مالج الا تخزينه وتفشلينها وقولي لها (خير في شي)

 

[summer's day]

رد : والله ما يستحوون على ويوووهم... استغفرالله

قطيعه
مشفح

 

[غنـــــج]

يااااي


سبحان الله عاد انا متزوجه بس والله لما اشوف وحده وزوجها اتعمد اعطيهم ظهري بالذات لما تطيح عين الزوج علي والله انحاش عشان زوجته



حسبي الله عليهم هالاشكال

بس نصيحه ديري بالج تبينين له انج محتره امشي معاه كأن مافي وحده غيرج بالسوق رفعي راسج وترفعي عن هالاشكال حتى لو منقهره جذي تصير ثقتج بنفسج مهزوزه جدامه

 

[برد ابو الذهب]

احلا طاااف

 

[دمعه ندم]

قلت أدب بس صج إن لم تستحي ففعل ما شئت
حبيبتي ماعليج منهم ولاتحرين روحج

 

[~LiBrA~]

رد : والله ما يستحوون على ويوووهم... استغفرالله

حسبي الله علىهم بنات ابليس

طنشي بعد شتسوين

 

[miss_jamsheer]

لووول ياما راح اتشوفين بس الحين ماقمت احتر اسمعهم تعالوا قعدوا معانا بعد ولا طاااف لانه محترين منج