ضيم في قلبي وروحي صرت والله ما اقدره
ماروى ضيمي نهر والا بحر والا مزون
ليه احس إني ياعالم صرت اعيش بمقبره
كني لحالي معنكم تسرحون وتمرحون
صرت انال الناس اشكي عن همومي أشكره
وأنا عمري ماشكيت لحد عن هم وطعون
والشاطر اللي يفهم لشعري ومابين أسطره
بس ياحسافه وين راحو ناس كانو يفهمون
باقي في قلبي كثير أشياء بس المعذره
لو بعبر عن شعوري خايف إنكم تزعلون
بإختصار الجرح جرح كان أكبره والا أصغره
الحزن في القلب لاتغتر من ضحك السنون
مشكله لاصرت كاتم جرحٍ ومحدٍ بك درى
لو خفيته وسط قلبك تفضح الجرح العيون
ومشكله لومابقى لك شي واحد تخسره
من بعد ذيك الخساره كل شي عندك يهون
لاهنتي
