والله شي يحز بالخاطر ،، (>._.<)

[.،:"$الـعـوبــــة$":،.]

السلام عليكم ورحمة الله وبركاته ،،:eh_s(7):

اول مرة اكتب بهالقسم اعتقد ،

لأني في شغلة لي فترة افكر فيها ولاني عارفة وين احط الموضوع ،،

قلت يمكن هالقسم انسب مكان له ،،

اللي خلاني افكر بهالموضوع ، ان معاي ولية امر بالدوام دايم تجيب بنتها عندنا تحفظ قرآن ،

والبنت الحين ختمت ماشاءالله تبارك الرحمن والحين الأم تجيب بنتها الصغيرة ،

المهم سألتها عن الكبيرة قالت والله توني رادة من دول اوروبيه والله مو ذاكره اي دولة رايحه مع فلانة عشان نضبط وضعها هناك لأنها بتكمل دراستها،

تقول لأن بنتها تبي تخصص معين وموموجود بالكويت وبرى احسن ودراستهم هناك دقيقه وشهادتها مضمونة ،

قلت حرااااااااااااام بنوتة صغيرة هناك بروحها الحين ، << انا خوافه بصراحه !:eh_s(2):

وليش هنيه مو موجود التخصص !!

قالت مودعتها الله ان شاءالله ، شسوي مجبورة هنيه مافيه الا جامعه حكومية وحدة ولازم نسبه وسالفة عشان يقبلونها وحتى لو نسبتها مرتفعه ممكن يكون فيه ضغط اواعداد كبيره !
وفوق هذا مافيه التخصص اللي تبيه ، يعني البيبان مسدودة بوجهنا من كل مكان ؟:bbbiu:


:flower::flower::flower::flower::flower:

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يعني انا كل مرة اشوف مبني شكبره ماخذ مساحه شااااااااااااااااااسعه ، وأتامل خير ، اي اكيد مستشفى حكومي او جامعه جديدة !!!!!!!!!:yaaaaaarb:

وانصدم انها مجمع ؟!!!!!!!!!!:rgewrg:

تكفون كم مجمع عندنا بالكويت ؟؟ وكل واحد كم المساحه اللي ماخذها ؟ وبعضهم حرام فيه المكان والارض !؟ وبعدين احنا الكويتيين كم شخص تكفوون ؟ نحتاج كل هالمجمعات يعني ؟؟:eh_s(10):


مو الاولى ان الاراضي هذي تستثمر في صالح الكويت وشعبها ؟:q8:

جامعه حكومية وحدة والباقي كلهم دورات ؟!

يعني الحين اذا كبروا عيالي لازم يسافرون برى عشان يضمنون مستقبلهم ؟

ليش ؟

كم طالب وطالبه يتغربون عن اهلهم اقل شي 4 سنين ومايشوفون بعض الا بالاجازات ومو على كل حال بعد ؟
كم طالب وطالبه صارت لهم مشاكل بالدول الثانية بس لأنهم عرب ؟
كم طالب وطالبه يتأثرون نفسيا بالبيئة اللي يكونون فيها ويتغيرون على اهاليهم لما يردون !
وشكثر المبالغ اللي يقطونها الاهالي على عيالهم عشان مستقبلهم لأن ديرتهم مو موفرة لهم الفرص انهم يدرسون عند اهاليهم !؟

بعض الموظفات اللي معاي لما شافوني انا والام متضايقين وهي تشكي لي ،

يقولون شدعوه رايحه تجاهد عااااادي كلها دراسه كم سنة وترد ؟؟:gathering:

بس انا والله العظيم تخيلت نفسي مكان وليه الامر احس تقطع قلبي !؟

لا وبنيه بعد اللي تدرس برى بروحها ! يمكن لو ولد شوي اهون !!!:eh_s(2):

أماااااااااااااااااانة مو شي يحز بالخاطر ؟!؟:0bee2e8d89:​

 

[هواجيس الفجر]

انششششششششششششهد

انا مو غاثني بالكويت الا كثر المجمعات و المطاعم اكثر مننا احنا يالمواطنين لوووووووووووووول

 

[Tom ♥ Jerry]

.،


و الله ييبتيها ع الجرح !
وين مآ نروح مجمع أو نآدي صحي حق الشباب !
شنو هاذا .، سوو مكتبه . جآمعه . طورو البلد
و الله ملينا من المجمعات ماشالله وآيد
بس مآ نبي ! :/
نبي اشياء ثقافيه نستفيد منهآ
اشياء يديده (=

خليها على الله :eh_s(22):

 

[$ بنت علمي $]

اي والله

هالمجمعااات ياااكثرهم...

الله يهديهم بس

لو يحطووون مباني حكوميه نستفيد منهاا أأأحسن,,

شكررااا

 

[G!RLooNa]

اكو جامعه يديده من قال ماكو جامعه الشداديه اللي فيها كل الكليات و قاعدين يخططون لها من قبل لا انولد لوول و اتوقع احفادي بعد ماراح يلحقون عليها بيتخرجون من الجامعه و اهيا لي الحين ما خلصت :dddds:

امس حاطين سؤال بتو الليل تعتقد بتم اعمار اليابان قبل و لا الانتهاء من تصليحات الدائري الاول :dddds:

 

[آتعــبني غـلآآك]

والله كلامج عدل
الناس يتطورون واحنا بس همنا المجمعات والمطاعم
لو ع الاقل يسوون جامعه ثانيه معقوله دوله نفطيه
مثل الكويت وعندها خير مافيها الا جامعه وحده !​

 

[مكسورة الخاطر]

صح كلامج
لا وبعد قبل فترة كانو حاطين باحد الجرايد عنوان " تسووناامي طلابي يغرق جامعة الكويت في يوليو المقبل" :\ !

خو يحظي تحرركوو سوو جامعات يديدة شناطرين بعد !
الخليج كله تقدم وافتتحو جامعات واحنا للحين جامعة وحدة :\ لي متى بنتم جذي !!

 

[رآآحٺ آيآمڪْـ]

خليهـآ علئء آلله ..~ْ

 

[FeShinGoOo]

واحنا شعندنا غير المجمعات والمطاعم كثر الله خيرهم حاطينل لنا جم سينماا :/ تعبوو روحهم والله ..

خو المشروعات السياحيه غسلي ايدج منهااا بكلوروكس .. ميته وداثره ماشفنا غير الجزيره الخضره الي انسميها مقبرة الخليج .. ومدية الترفيهيه .. ماتوقع في اوادم اتطبلها .. وحديقة الشعب .. حديقة الاشباح ..

طووروو مشاريعكم سوولنا اماكن ترفيهيه سنعووو مشروعاتكم السياحيه شووي ..

وبالنسبه للجامعه والله معاج حق ليش مايسوون جامعه يديده وليش مايوفرون كل التخصصات ؟؟ ليش عيالنا يسافرون برى عشان يردسون ويتغربون ويتبهذلون عشان ديرتنا مافيها الا جامعه وحده بس فالحين يسوون فيها معارض وتخصصات ماكو ..

 

[~Mazuna~]

صااجه والله جاانزييين يسوون لناا جااامعه احسسن من هالمجمعاات الي كل مره طالعلي وااحد وششكبرره

الحين قاعدين يرفعون النسب والسبه الاعداد الكبيره الي قاعده تتخرج سنوياا ومااكووو مكاااان فل غير الطلبه الي ناقعين بالجامعه كل واحد كبر يدي

 

[.،:"$الـعـوبــــة$":،.]

انششششششششششششهد

انا مو غاثني بالكويت الا كثر المجمعات و المطاعم اكثر مننا احنا يالمواطنين لوووووووووووووول

مادري عنهم ؟؟ والمشكلة كلها نفس المحلات ياليت عاد اللي تقولين مجددين باالمحلات والماركات !
خلاص خل يستغلون هالمساحات بجامعه بمستشفى !
ماصارت عاد !
​

.،


و الله ييبتيها ع الجرح !
وين مآ نروح مجمع أو نآدي صحي حق الشباب !
شنو هاذا .، سوو مكتبه . جآمعه . طورو البلد
و الله ملينا من المجمعات ماشالله وآيد
بس مآ نبي ! :/
نبي اشياء ثقافيه نستفيد منهآ
اشياء يديده (=

خليها على الله :eh_s(22):

ونعم بالله ،
بس والله شي يحز بالخاطر ؟
يعني بامانة شنو السبب اللي يخليهم مايفكرون بتطوير الكويت ؟
لاتقولون نقص ميزانية او نقص تخطيط !
المشكلة ان كل من استلم له مكان اهم شي عنده شكثر يبوق ويسرق عشان يضمن نفسه !
حسافه صدق !
انعدمت الأمانة والوطنية بنفوس البشر للأسف ،:0bee2e8d89:​

اي والله

هالمجمعااات ياااكثرهم...

الله يهديهم بس

لو يحطووون مباني حكوميه نستفيد منهاا أأأحسن,,

شكررااا

والله ياليت !
الوزارات الناس فوق الناس ! 50 موظف و4 مكاتب ؟ :eh_s(10):خلاص ماتبون تبنون مستشفيات وجامعات !
زين وسعوا الوزارات حطوا افرع بكل مكان عشان حتى تسهولون عالمواطن اذا بيراجع ،
وتخففون الزحمة من اماكن تمركز الوزارات !؟
وعفوااااا ،:eh_s(17):​

اكو جامعه يديده من قال ماكو جامعه الشداديه اللي فيها كل الكليات و قاعدين يخططون لها من قبل لا انولد لوول و اتوقع احفادي بعد ماراح يلحقون عليها بيتخرجون من الجامعه و اهيا لي الحين ما خلصت :dddds:

امس حاطين سؤال بتو الليل تعتقد بتم اعمار اليابان قبل و لا الانتهاء من تصليحات الدائري الاول :dddds:

الله يقطع عدوك وانا مصدقه !!
هم يخططون لها قبل تولدين ! لا اجل هانت ان شاءالله ، كلها 20 سنة ثانية وتخلص !:eh_s(16):
​

والله كلامج عدل
الناس يتطورون واحنا بس همنا المجمعات والمطاعم
لو ع الاقل يسوون جامعه ثانيه معقوله دوله نفطيه
مثل الكويت وعندها خير مافيها الا جامعه وحده !​

لا والله مو معقولة !
والقهر انك تشوفين عيالك يتغربون بدول اجنبية ماتدرين صاحين مو صاحين وغصبن عليك تسكتين بهدف ضمان مستقبلهم ؟!!!:eh_s(2):
​

صح كلامج
لا وبعد قبل فترة كانو حاطين باحد الجرايد عنوان " تسووناامي طلابي يغرق جامعة الكويت في يوليو المقبل" :\ !

خو يحظي تحرركوو سوو جامعات يديدة شناطرين بعد !
الخليج كله تقدم وافتتحو جامعات واحنا للحين جامعة وحدة :\ لي متى بنتم جذي !!

شدراك عاد اني كل ماسمعت عن افتتاح جامعه جديدة بالخليج وبدولة معينه اموت قهر !
بس قلت مابي اتكلم يقولون صكتنا عين وحاسدتنا !؟
الدول تسعى على تثقيف شعبها ومجتمعها واحنا صرنا نطفشهم برى !
صار حالنا حال ،،،،،،،، غيرنا << بدون ذكر اسماء ،​

خليهـآ علئء آلله ..~ْ

ونعم بالله ،
الحمدلله الله منعم علينا من كل صوب ،
له الحمد والشكر يارب على كل شي ،:yaaaaaarb:
بس العيب فينا !
​

صااجه والله جاانزييين يسوون لناا جااامعه احسسن من هالمجمعاات الي كل مره طالعلي وااحد وششكبرره

الحين قاعدين يرفعون النسب والسبه الاعداد الكبيره الي قاعده تتخرج سنوياا ومااكووو مكاااان فل غير الطلبه الي ناقعين بالجامعه كل واحد كبر يدي

هذي المصيبة !!
النسب صايرة خياليه بالنسبة لمستوى التدريس الحين ؟
يعني اشكره مبين مايبون يصير ضغط عالجامعه ؟
قمة الظلم صراحة !:bbbiu:​

 

[G!RLooNa]

اي والله ترا بلشوا فيها يم بيتنا بينت معالمها و في مبنى خلص بس عاد متى الافتتاح الله اعلم مو قبل ٢٠ سنه

 

[الغنج والدلع]

موبس غربه للبنت حتا الولد اتوقع الام ماتصبر عن ضناها وتحاتيهم الله يعين الامهات بس الله يسلم الجامعات الخاصه اذا بتسافر للخارج ودفع فلوس دفعيها اهني احسن بس بعض الناس يتشيحطون ولدي ماخذ شهاده من امريكا لووول جامعه وحده بس لها افرع والجامعات الخاصه ماشاءالله والتطبيقي يعني من هالناحيه الحكومه مومقصره

 

[chanel N22]

اي والله صدقتي كا انا مغتربه مع ريلي والكويت دوله غنيه تقدر تسوي مو جامعه الا عشر جامعات بس الله كريم ويعدل الوضع
والله الغربه كربه وصعبه حيل حيل بس الله يهونها ونرد بالسلامه يارب ويرجع كل مغترب يارب

 

[الفدنه]

والله صدقتي يالعوبه
بس شنقول الشكوة لله
الله يهديهم ومايولي علينا
الا اللي قلبه ع البلد واهلها
قولوا امين فديتكم​

 

[كلهآ ملح ..}]

اي والله انه شي يحز بالخاطر ويضيق الصدر
وصدق الخوف على البنت اشد ..

الله يستر عليها بس وعلى من مثل حالهآ وبنآت المسلمين يآرب

ومنصدمه صراحه ان مابه الا جامعه وحده

 

[اخت واختها]

اى صح اغلب المشاريع الي حولنا كلها مجمعات ومطاعم

ملينا شنو هذا

 

[كارلوفي فاري]

الله المستعان

 

[آزٍرٍيت آتوٍبهٌ]

هههههههههههه ,

بعد آبشركم آلحين بيفتحون مجمع مطآعم جديد يم كويت مجك بـ آلضبط فيه شيليز

آلمشكله مو هذآ آنا مو حآرني آلا مستشفى بآبآ جآبر آلله يررٍحممه , للحين مآخلس سآرلهم آكثر من خمس سنين

ومآشآلله بسعوديه فآتحين مدينه جديده فيهآ جآمعه آسمهآ جآمعه نوره آتوقع سمعتو عنهآآآآ خلسوهآ بسنتين بس وهي كبييره حيل مدينه كآمله وآحنآ يآحظي مستشفى مآخلس ؟؟؟​

 

[.،:"$الـعـوبــــة$":،.]

اي والله ترا بلشوا فيها يم بيتنا بينت معالمها و في مبنى خلص بس عاد متى الافتتاح الله اعلم مو قبل 20 سنه

:eh_s(2):20 سنة بس لاهانت ان شاءالله ،
​

موبس غربه للبنت حتا الولد اتوقع الام ماتصبر عن ضناها وتحاتيهم الله يعين الامهات بس الله يسلم الجامعات الخاصه اذا بتسافر للخارج ودفع فلوس دفعيها اهني احسن بس بعض الناس يتشيحطون ولدي ماخذ شهاده من امريكا لووول جامعه وحده بس لها افرع والجامعات الخاصه ماشاءالله والتطبيقي يعني من هالناحيه الحكومه مومقصره

ا

ي والله ،
بس البنت تخافين عليها ، حتى لو كانت ثقة ، ماتثقين في اللي حواليها !
الله يستر على بناتنا وبنات المسلمين اجمعين ،​

اي والله صدقتي كا انا مغتربه مع ريلي والكويت دوله غنيه تقدر تسوي مو جامعه الا عشر جامعات بس الله كريم ويعدل الوضع
والله الغربه كربه وصعبه حيل حيل بس الله يهونها ونرد بالسلامه يارب ويرجع كل مغترب يارب

حياتي ، عسى الله يهونها عليكم ويردكم بالسلامة ومعاكم احسن الشهايد وترفعون راسنا فوق ،:eh_s(7)::yaaaaaarb:
والله كريم واتعدل الاوضاع هذي الكويت ، مهما كان ، املنا بالله اول شي ثم فيها كبييييييييير ،:eh_s(22)::eh_s(17):
​

والله صدقتي يالعوبه
بس شنقول الشكوة لله
الله يهديهم ومايولي علينا
الا اللي قلبه ع البلد واهلها
قولوا امين فديتكم​

اللهم آمـــــــــــيــــــــــن ،:yaaaaaarb::eh_s(7):
​

هههههههههههه ,

بعد آبشركم آلحين بيفتحون مجمع مطآعم جديد يم كويت مجك بـ آلضبط فيه شيليز

آلمشكله مو هذآ آنا مو حآرني آلا مستشفى بآبآ جآبر آلله يررٍحممه , للحين مآخلس سآرلهم آكثر من خمس سنين

ومآشآلله بسعوديه فآتحين مدينه جديده فيهآ جآمعه آسمهآ جآمعه نوره آتوقع سمعتو عنهآآآآ خلسوهآ بسنتين بس وهي كبييره حيل مدينه كآمله وآحنآ يآحظي مستشفى مآخلس ؟؟؟​

مدري علامهم ماخلسوا لا المستشفى ولا الجامعه !
يعني خلاس ملينا من النتره ، << النطره ،،
الا اقول الصاد علامها قلبت سين عندك ؟:eh_s(10):​