والله حدي مترددة في موضوعي xd

[مُتعبة]

حبيبتي يمكن اهوا طبعه جذي واضح من كلامج

مو معناته ان ما يحبج او في وحده فباله


في رياييل اهمه جذي مايعرفون ويستحون وعندهم ان هلشي بلفعل مو بلقول


حلو انج ذكرتي ان قاعده تعلمينه


شي وايد زين


استمري


مارده بيتعود على هلشي


وضحيله بس مو بطريقه مباشره

ليش ماتقولي ليش ماتسويلي ليش ماتدق علي


يعني مثلا هاا ما اشتقتلي !! يعني بطريقه ثانيه عرفتي


والله يوفقج حياتي بحياتج اليديده


وتكون هذي اكبر مشكله عندج هههه

إيي ههههههههه إن شاء الله تكُون فعلاً أكبر مشكلة
نورتيني حبيبتي :eh_s(7):

 

[مُتعبة]

حبيه بطريقته مدام قالج انتي اتعرفين اني احبج يعني بالنسبه له اهو يشوف نفسه يعبر عن حبه

بقولج عن تجربه وحدة ذاكرتها بموضوع ..

مرة كنت اشوف برنامج عن العلاقات الزوجية الناجحة والدكتورة كانت تتكلم ان في 5 طرق تقريبا للتعبير عن الحب منها
تخصص الوقت , التبادل الجسدي, الهدايا والمساعدات, الكلمة , وشي ثاني ما اذكره
اكتشفت ان انا من النوع الي يحي الكلمة ... فبتالي اقول وايد كلام حلو حق ريلي و كنت ابا منه نفس الشي
بس ريلي طلع من النوع الي يحب التبادل البدني من اللمسة لين اكبر شي ف بالتالي طريقة تعبيره عن الحب بهاي الطريقة بتكون وعلى ها الاساي اتغيرت حياتي ... انا احب كل شي اباه يخصص وقت لي و ابا منه الحضن و الهدية و الكلمة و المساعدة بس اكثر شي اكتشفت اني احب الكلمة فعرفت ان مب بالضرورة هو بيقول كلام حلو لان طريقة تعبيره مختلفة وبادلته نفس طريقة تعبيره عن الحب قمت اسويله مساج وهو يسوق مثلا امسك ايده احضنه واشيا ثانية وااايد تتعلق باللمس اتغير ما قمت اقول انت تحبني , زين قول تحبني , لا سكت فتدريجيا يوم انا احضنه يقول لي اشتقت لج وين من زماج والله فالدوام كنتي فبالي وانا من داخلي مستاانسة يعني خذيت الي اباه بس من خلال تطبيقي لطريقته هو

نصيحتي لكم اعرفي انتي شو تبين و هو شو يبا لا تسالينه بس اعرفي من خلال معاشرتج له
تخصيص الوقت يعني قعدته فالبيت دليل انه يحبج و يبا يقضي وقت وياج يوم يقولج لا تتاخرين اترياج و تردين البيت عبالج مسوي مفاجأة لج لا تنصدمين لانه هو يحترى ان الوقت الي بيقضيه وياج هو الحب ذات نفسه

الكلمة الحلوة نفس الشي

الهدايا في ريايل كل شوي يشترون هدايا وهي المسكينة ملت تبا شي يديد ... شوفي جربي تشترين هدايا له شوفي كيف بيتغير يعني اقصد جربي نفس طريقته فالتعامل

والتبادل الجسدي معروف شي جريم يملون من اللمسة و الحضن الي اخره اقولج عمري ترا من خلال ها الشي يقولج احبج جربي عامله نفس الشي احضنيه امسكي ايده وهو قاعد اكليه امسحي على راسه اذا هو صدق من ها النوع بيموت فيج



يا حياتي احسج صغيروووونه الله يوفقج

:eh_s(16):شكله كلامجَ صج ، أنا مَرة قلت لهَ ، تعرف مَتى أحس وَحشتك ؟

يقُول متى ؟ أقوله لمَا ماتجوفنِي فترة ، اذا جافنِي ولميته يمسْح على ظَهري

هههههههههههه صِج ما يبادلنِي اللمة بس أعرف من مسَحتهه عليّ

يالله شَوي شَوي نتعود ، وصَح كلامج أغلب الريَاييل باللمس يعبروُن

ثانكس حبيبتي وايد فادني ردج وتَرى قريته أكثر مِن مرة ، :eh_s(22)::eh_s(17):

 

[مُتعبة]

حبيبتي آنآ ريلي مب مثلج ريلج بآرد !!
لكن تحسينه من آلنوع آلي مب فآضي ههههههههههه

يعنى آنآ آسوي و آسوي و آشتري هدآيآ و هوو لأآآ !! ههههههههه

بس دآيمآ يحس بتآنيب آلضميير <<< يستآهل !!

هههههههههههه ، إي البضاعة الخليجية جذي الظاهر
لازم في شي ناقص :eh_s(11): ههههههههههههه ،
الحمدلله على كل حال
أهم شي يحس على دمه والله !

 

[مولاي الفرج]

حبيبتي انتي قلتي ان اهو خجول ولاهي بدوامه اذا صج اهو يلهيه دوامه فماينلام

تخيلي انتي بالكلية واهو كل شوي يدق عليج ويتشره عليج راح تتضايقين صح

وان شاءالله لما تصيرون ابيت واحد بتعودينه عالرومانسيه ماعتقد اهو حجر اكيد بيبادلج الشعور

اذا مو بالقول بالفعل ان شاءالله راح يبين

 

[dalo0oa121]

يعني في عقد زواج لكن مالبستي الفستان الابيض غريبة
وبالنسبة لخطيبج في بعض الرجال طبيعتهم باردين ومو دليل انهم مايحبون
يمكن يحبج بس مايعرف شلون يعبر عن مشاعره ويواجه صعوبة لكن
اذا ودج تعرفين انه يجبج من حركاته اكيييد