والله حتى الشيب في راسي من كثر الهم

[حلوة وامورة]

حبيبتي رايي من راي البنات والله يوفقج ويعدل حالج ......... امين يارب العالمين

وقولي لن شنو صار معاج ؟؟؟؟؟؟؟؟؟؟؟؟؟؟

 

[cute_little_bunny]

اختي الغالية مو بس انتاي حساسة وايد.. وايد بنات حساسة نفسج و انا ياما امي كانت تتحلطم من حساسيتي الزايدة بس كنت دايما اقول مثل ما الله خلق ناس مو حساسة و تبوني اتعود عليكم... انتو بعد تعودا على حساسيتي و اقبلوا انها من شخصيتي اللي الله خلقني عليها....
اقولج عن خبره و من تجربتي الشخصية... كثره البجي تفقد للدموع معناتها و يصير متعود على شكلج كل تبجين و يصير عنده شي عادي يعني ممكن انتاي قاعدة تبجين و تبينه يحس فيج و لا اهوا يقول لج اشفيج؟ اشقاعده تسوين؟؟؟ يعني شسوي بالله؟ ما تشوفني ابجي!! عشان جذيه لازم تحاولين تخففين البجي مو كل شي تاخذينه بالدموع يا امورة و دموعج غالية
ثاني شي... يااااااااااااما كنا اذا زعلت اطول بالزعل و هالشي غلط لان اذا انا احد سواها فيني بعد مده بزهق و اقول كيفهم.. فلازم تحاولين انج حتى لو زعلتاي بسرعة انج ترضين بسرعة بعد خاصة ان اهوا قاعد يضحك فمعناته ما يبي يتهاوش و لا له خلق النجره و الحنه . و ترا الريال طبعه يحب الغشمرة و قصده بس يلطف الجو و ما يعرف الا عالاسلوب...فاهني انتاي دورج انج تبرمجينه يعني اذا ما سوى اللي تبينه عطيه هنت لان الريال يحتار ما يعرف شنو يسوي و بعدين يزهق فقوليله من غير الغاز و بينيله شنو اللي تحبينه و اللي يرضيج... و اذا قعدتي معاه تتناقشون بهذي الامور و فيه شي سلبي تبين تقولينه لا تهجمين عليه عن طريق انج تقولين له انتا دايما و انتا كل تسوي جذيه و انتا كل و انتا و انتا... لان راح يعتبره هجوم و على طول تشوفينه يشغل الدفاع او ان يقفل معاج و ما يتجاوب.... حاولي مثلا اتيبينها جذيه: بدال لا تقولين (انتا دايما تشوفني ابجي و اتطنشني) قوليله ( أنا لما اكون متضايقة او قاعدة ابجي احس بالسعادة لما اتتي تحضني و تمسح دموعي) .. الخ.. اما اذا كان شي ايجابي فأبدي الكلام عنه مثلا بدال (ليش ما تصير رومانسي) قولي (انتا ووووووووايد رومانسي لما تقول لي دموعج غالية او لما تشيل عني صينية الشاي و توديها الصالة عشان تريحني... و اشكريه ببوسه) يعني تعطينه فكره عن اللي تبينه يسويه عشانج من غير لا يحس انه مقصر معاج و ينحبط ... و اختميها ان اهوا اروع زوج و اكثر واحد رومانسي في الكون

الزوج يحب زوجته تكون حساسة لانها انثى بس هم يحب بعد ياخذ راحتها بالسوالف معاها كأنها من ربعه... و هذا الشي حلو لان يبين ان مرتاح لها حيل...
لكن انا معاج ان مرات يمسخونها بالغشمره الزايدة عاد اهني لازم تكونين سياسيه و تاخذينه بالدلع اقولج شلون:
يعني قالج كلمه جرحتج طالعي جذيه بيبي فيس و برطوم عنونو و قولي له بكل صراحة ترا كلامك جرحني
و اذا ما تجاوب معاج فرضي نفسج بكل نعومة مثلا انج تقربين منه و تقوليله انا زعلانه منك وااااااااايد بس ادري ان زعلي ما يهون عليك لانك ما تقدر تعيش من دوني و بعطيك فرصة عشان اسامحك...
طبعا دايما خلي الثمن اللي يدفعه عشان ينال السماح يعني شي مو صعب او مهين عشان يحس انج كيوته و في نفس الوقت مت تبين له التعب او ان لازم يطلع و يصرف مبلغ يالله ترضين لان راح يحس انج صعبه و مكلفه و متعبه
و لا تخلينه يحتار و يفكر شلون يراضيج و انتي في بالج شي معين و كل اللي يسويه مو عاجبج لان الزوج انسان ماله قدرة على قراءة الافكار... بالعكس مثلا قوليله اذا تبيني اسامحك اول شي لازم تعطيني 100 بوسة او اكتبلي احبج 10 مرات على ورقة او بدال لا يشترلج بطاقة حب خل اهوا يسويلج بطاقة حب حتى لو عبارة عن ورقة عادية و جم كلمة حب و رسمة تضحك.. و اذا عطاج اياهم بيني انج منبهرة و فرحانه فيهم و حضنيه و قوليله خلاص سامحتك و بعدين تشيطني و ضحكي و قوليله بس مو تعيدها مره ثانية... و تقدرين من وقت لا وقت بدال لا يسوييلج شي عشان يراضيج ... انتاي قوليله انه زعلج و عقابا له رااااااح..... و فجأه من غير كلام تشننين عليه هجوم على غفله و اتدغدغينه مووووووووت و لا توقفين الا اذا قال توبه تووووووووبه و جذيه حتى خلافاتكم الصغيرة تكون ما اكبرت و تعالجونها على قدها بالضحك و الدلع و العياره... و هذي مجرد افكار بسيطة يمكن تساعدج تشوفين افكار ثانية و تذكري ان كثرة البجي تسبب الكآبة و محد منه يحب الكأبة.. و بعد يتعب البشرة و يا قلبي اهم ما عليج بشرتج و جمالج... و حاولي تخلينه يحس معاج مثلا بدال لا تسألينه يهون عليك زعلي؟ لا ... انتاي قوليله... ادري ما يهون عليك زعلي... انا ارنوبتك او انا قطوتك ... ترا انونولك لما تزهق و قعداي بحضنه و قوليله بنوتك محتجه على (اللي قلته او سويته) و تطالب ببوسة قووووووووووية و من هالحجي... يعني بأختصار خلي زعلج سريع و رضاج سريع و لا ما يحتاج تقطين حساسيتج بحر لكن لازم تتعودين انج ما تخلين حساسيتج سلبية بالبجي و الطناقير.. لا خليها ايجابية عن طريق الدلع يعني انج تكونين مثل اوكيه انا زعلانه ابي بوسة عشان ارضى لا مو عاجبتني عالبوسة ابيها اقوى يالله بوسة ثانية... الخ

و ادري ان لما تكونين زعلانه و ودج يحس فيج و اهوا يبي ينام و لا كان صاير شي و لا همه.. ادري شي يبط الجبد لان ودج يقعد معاج و يحارب من اجل رضاج ساعااااااااااات لما تصير الساعة 1 او 2 الفجر و الى ان يقول لج راسج : "اوكيه خلاص الحين راح ارضى"... بس للأسف و انا مثلج.. الواقع مو جذيه... لان الريال يكون تعبان طول اليوم و يكرف علشانج و وراه قعده مسكين فلازم شوية تعطينه مساحة و تخلينه يهدى... لان اذا تبينه يقعدلج على مزاجج و هم يكون هادي على مزاجج فمايصير... سوي نفسج هادية... و لا تطلعين من غرفة النوم و عادي نامي حتى لو بعيد على الطرف و الصبح بتلقينه عادي و لا كأن شي صاير عاد انتاي خليج طبيعية و في تفس الوقت خليج ثقيلة بزيادة شوية و لما يرد من الدوام كملي ثقلج و لا تسولفين وايد او تضحكين وايد و اذا ضحكتي سوي روحج كان مجاملة ولا تتنطين مثل الكيوته عشان يحس و يقول اشفيج عاد اهني بكل سياسة و هدوء تقولين ليش ما تدري؟؟ من امس و انا (ماخذة بخاطري) منك و انتا و لا على بالك... و ضيفي (حبيبي و لا على باله .... الى اخر الاغنية) ... و عاد هم اهني حاولي تكسبين منه رضاج عليه مثل ما قلت لج فوق

و قلبي معاج يا رب يخليكم لبعض و يزيد المحبة بينكم و لا يفرق بينكم يا رب
و بلييييييييييز طمنيني!
:edbf4317b9:

 

[فقدتك يانور عيني]

الله يعينج

 

[شهدQ]

انتي حساسه عادي ياقلبي طوفي طوفي عشان المركب تمشي

وحاولي تعاتبينه اذا هدا

 

[نوارة الكويت]

اختي في رياييل ما يحبون المرة اللي على كل شي تبجي واتزعل ... وريلج تعود انج تبجين وتزعلين صار شي عادي عنده
انتي حاولي من اليوم ورايح ما تزعلين ولا تضيقين خلقج من شي

 

[قهوة عربية]

تدرين ليش ما يهمه زعلج؟
مو بس لأنه تعود على دموعج
لان بعد واثق مليون بالاميه انج تموتين عليه
قللي من اهتمامج فيه شويه

نفس الرد ....ثقلي شوي ولاتقطين روحج وايد عليه ....وحاولي تخففين من حساسيتج وتحملي شوية ...ومع الأيام بتتعودين على طبعه


على فكرة Q8ia_ 100% أنا من زمان معجبة فيج وبأسلوبج وبمنطقج ....ووااااايد تعجبني ردودج ...قمة العقل والحكمة

سبحان الله .....عيني عليج باردة ....كلامج كله ذهب ....

صج دايما تقولين كلمتين وبالمختصر المفيد .....لكنها عين العقل


الله يكثر من أمثالج ويزيد بناتنا حكمة ومفهومية وتبصر ....ويبعد عنج العين والحسد

 

[*^*مــــزيــــانــــا*^*]

شوووفي حبيبتي

صح محد يلوووومج ؟؟

انج انتي من طبعج حساسه ودمعتج قريبه عليج

<<< مثلي

الرياييل ما يحبووون الحنه والنكد والبجي

مثل ماقالوا البنات

اهما خبره وعايشين التجربه

انا بنصحج باللي اقدر عليه

انتي قد ما تقدرين خلي دمعتج غاليه

وخلي عهد بينج وبين نفسج انج ما تبجين جدامه

اذا دمعتي او حسيتي الدمعه قربت تنزل طلعي برااا الغرفه جنج

رايحه تاخذين شي من الصاله او تكرمين الحمام او خليج جنج تسوين شي وتلفين ويهج

عشااان ما يشوووف دمعتج ...

وحاولي تخلين نفسج تاخذين الاموور بساطه ولا تعقدينهاااااا

وا اخذي كل شي بروووح حلوووه ورياضيه

جنهااااا ميااااانه وضحكي وتغشمري

خلي يحس انج تغيرررررتي

وخففي نومتج عند اهلج

وخليج قريبه يمه

خلي يشوووف الوناسه والغشمره والسوالف والضحك كلهاااا عندج

والله يسخر لج زووووجج ويخليه لج يا رب



مزيانا