والله تعبت

[lula-lula5]

السلام عليكم جميعا اخواتي حبيت اسالكم شنو الشي الي اسويه تفهمة الناس عني حسن نية والله تعبت:tek:

 

[الحــــياة]

وعليكم السلام.
ما فهمت يعني الناس دايما تفهمج غلط ولاشنو؟؟؟؟؟

 

[lula-lula5]

حبيبتي اشكرج علا ردج
بس انا من طبعي دائما مااسكت عن الغلط والحق اقوله حتى علا نفسي في احد بيحاسبني اللي اقوله رفيجاتي صارو يتضايقون مني من اتفه الاسباب وعلا اي شي ارد فيه اواشاركهم لدرجة سوالفهم بينهم واذا دخلت عليهم غيرو الموضوع صرت احس نفسي ثقيلة حتى الدوام كرهتة

 

[الغدق]

حبيبتي الله يعينج على نفسج
بس لازم اتغير اسلوبج اوكيك ماتسكتين عن الغلط
بس حاجيهم بأسلوب ولا اتزيدين واتعيدين بالموضوع
يعني انتي قولي وجهة نظرج واهما كيفهم مو اتضايقنهم بالحجي

 

[lula-lula5]

شكرا على مرورج حبيبتي
بس نا المضوع اقوله مرة وان عجبهم ولالأ بكيفهم بس الي جنني انهم صارو احزاب ضدي والله لدرجة كرهت الدوام والمكان

 

[am_kshaa]

حبيبتى ماكو احد يسكت عن الغلط ولازم تبينين ان هالشى غلط وهذا صح
بس الاسلوب الى تكلمين فيه يمكن غلط تنزرينهم او تكلمين بسلوب حاد او صراخ
احنا ماشفنا طريقتج او الحوار بينكم علشان نحكم بس اخاف انتى تزفين او شى واهما مايتقبلون جذى
بس شوفى السبب الرئيسي وين وعالجيه

 

[happy&single]

ان كان الكلام من فضة فالسكوت من ذهب
وعن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه )
(( ومن كثر كلامه كثر خطؤه )) هذي حطيها في بالج عدل ،،

فحبيبتي المشكلة فيج في اسلوبج مو كلشي لازم نعلق عليه مو كل موضوع لازم اقول رايي فيه لكل مقام مقال ..
وهذا مو معناته انه تستكتين لكن تراعين اللي حوالينج ووضعهم والهدف من الحوار وكوني مستمعة جيدة تكسبين من حولج .. معاي؟
ساعات محد يطلب رايج الموضوع كله فضفضة فانتي اتدخلين جذيه بما لا يعنيج ..
ساعات الجو والوضع العام للمناقشة ما يستحمل انج تضيفين له او تزيدين فيه
خصوصا ان كان موضوع فيه اهل او زوج وزوجته او اصدقاء

انتي ما تقدرين تغيرين الناس بس تقدرين تغيرين بنفسج واسلوبج وتعرفين متى اتكلمين ومتى تسكتين
عيدي حساباتج مع نفسج وراح تعرفين الغلط وين ،، دايما لازم نبدي بنفسنا ،،

لان اي ردة فعل من الناس اكيد نتيجة فعل سويناه .. الله يحفظج ويبارك فيج

 

[رووز q8]

حبيبتي خل اقولج

عندي وحده من خواتي امووت فيها هي اقرب خواتي بس عليها اسلوب انما ايه

لما نتحجى عن اي شي تقعد تقول لا ما يصير وعيب وفشله وانتوا ما تستحون و و.. إلخ لدرجه خواتي لما يحبون يتكلمون عن موضوع وهي موجوده يسكتون ويغيرون السالفه واهي نفسها تتضايق من هالشغله

حلو الواحد ينصح الي يحبهم بس الاحلى من جذي انه يكون باسلوب لبق وسمح

 

[عاشقه مودي]

أذا ططبعج هذا عااجبج ما عليج بأحد خليج علي طططبعج وطبيعتج محد بيتغير عشششانج عششان جذي لا تتغيرين عشششان احد ..

وبعدين فديتج هالناااسسس ما يعجبهم ششي وصصدقيني ألي بيحبج بيحبج بيحبج بعيوبج :eh_s(21):

 

[tolay]

على حسب الكلمه

اللي ماتتحاجى لاتكلمينها بأي شي وكوني حذره معاها

واللي عادي وطيبه كلميها بإحترام وعفويه

ولاتصيرين طيبه واااااااااااااااااايد ولا قشره

خلج حقانيه لاتضرين احد ولاتسكتين عن الحق

 

[puppet]

من نظر في عيب نفسه اشتغل عن عيب غيره

مو كل غلطة الواحد يوقف عندها .. الناس ما تحب اللي يتبع عثراتها

لازم تخففين ..

 

[قبس من نور]

االسلام عليكم حبيبتى والله انا ابى الفت نظرك الى شى وارجو ان تتقبلين منى شوفى حبيبتى ممكن تكونين تنتقدين غيرك بطريقه ناشفه شوى او يكون محد ملاحظ هذا الغلط فتنبهين المجموعه الى هذا الغلط فتفشلين صاحبة هذا الغلط ثالثا يمكن تكونين طريقتج فى نوضيح الغلط فيه نوع من السخريه فهذا الشى ايضا يزعل لذلك انتبهى حبيبتى لانه حرام تخسرين صديقاتك لانه الانسان مايقدر يعيش بروحه وصعب يلقى ناس يرتاح لهم بسهوله والله يعينك ويكون معاج