والله بتبقين عانس ..

[كويتية بالغربة]

هذي قصيدة وردها قريتها بمنتدى وحبيتكم تقرووووووووووونها​

والقصيدة بعنوان : اي افتخر

ايه افتخـر لقالـوا النـاس عانـس افـرح اذا ماجـزت للخاطـب ظـلال

أضحك وانا اسمع سيرتي ف المجالس واعرف عيون الناس ماترحم الحـال

حالي مثل منهو على البـاب حـارس يحفـظ كنـوز ماتقـدر بـالامـوال

صعبه يجي انسـان ماهـو بفـارس ياخذ بنيـه ينضـرب فيهـا الامثـال

ولايجـي طايـش وجاهـل مـدارس اكبر طموحـه خـط بيجـر وجـوال

صدره من امراض الدخاخين تـارس زود علـى التنبـاك منحـط الامـال

النفس في خشمـه ودايـم يعامـس يقول انا لي شـارب والبـس عقـال

خبرني كيف احيا مع انسـان لاقـسو شلون اجاري لعبة انسـان دجـال

ايه افتخر لي قالـوا النـاس عانـس مـادام ماهـو مـن تقـدم برجـال​

وهذا الرد عليهااااااااااااااا كاتبه عضو


يالي بغيتي مـن الاحـلام فـارس

هذي الرجوله يوم تنطـق وتنقـال

ماني بميت لجل اوصـل وانافـس

على بنيه طربهـا القيـل والقـال

ما عابني اليوم جهـل المـدارس

هذي مزيـه وترفـع بـي الحـال

همي انـا دينـي ولانـي ببائـس

من رافق الله يعدلـه بكـل مـوال

ان عابني الدخان فمانـي بجالـس

انطر جنابك لين تسمـح وتنطـال

حقي اشوف نفسي عليك واعافـس

لانك بعيني ما تسـاوي ولا ريـال

لوك عزيزه نفس وشيخه مجالـس

لا ما بغيتي مدح من انسان دجـال

كم عاشقه تسواك يا ام وجه خافس

كم عاشقة تشرى بكنـوز وامـوال

هذي حقيقه والله بتبقيـن عانـس

وبتشكي من الدنيا وكـلام عـذال

يالي حكيتي بصوت كل العوانـس

خلك على فخرك باني ماني برجال​

يالله بنات ردو عليه صج انهم ...

بس ان شاالله عجبتكم​

 

[الغلاااااااكله]

مشاركة: والله بتبقين عانس ..

تسلمين عالنقل يالغاليه

بس اعتقد اللي رد يخربط ماعنده سالفه

مشكووووووووووووره::>

 

[كويتية بالغربة]

مشاركة: والله بتبقين عانس ..

تسلمون حبيباتي ومشكورين على المرور
واللي راد اكيد ماعنده سالفة

 

[نجداويه]

مشاركة: والله بتبقين عانس ..

حرررررررررااام ليش كذا على البنيه

واساسا ليش يرد عليها

لقااافه

تسلميييييين كويتيييه

 

[كويتية بالغربة]

مشاركة: والله بتبقين عانس ..

الله يسلمج صاجة لقافة