والله انتي حبيبتي وزوجتي بس مو بيدي

[زينة أبوها]

بنات صباح الخير بعد غياب طويل وحشتوني موووووت حدي ولهانه عليكم ودي انزل بعد قصه
اول شي حبيت اقولكم اني وعدكم اني اعطيكم اخر الاخبار
زينه حبيبت قلبي واختي صارلت لها احداث شيقة جداااا ومحمد همن عنندي لكم اخبار عنه فما ادري ودكم اقولكم على طول الاخبار ولا اكملها مع القصه شوفو شنو تبون وانا حاضر

 

[ReRez]

بنات صباح الخير بعد غياب طويل وحشتوني موووووت حدي ولهانه عليكم ودي انزل بعد قصه
اول شي حبيت اقولكم اني وعدكم اني اعطيكم اخر الاخبار
زينه حبيبت قلبي واختي صارلت لها احداث شيقة جداااا ومحمد همن عنندي لكم اخبار عنه فما ادري ودكم اقولكم على طول الاخبار ولا اكملها مع القصه شوفو شنو تبون وانا حاضر

اول شي وللللللللللكم حبيبتي

وثاني شي بالنسبة للأخبار انا وحده مافيني صبر ودي اسمعها كلللها سردا .. يعني مو بارت

ومادري شوفي راي الأغلبية

 

[زينة أبوها]

اول شي وللللللللللكم حبيبتي

وثاني شي بالنسبة للأخبار انا وحده مافيني صبر ودي اسمعها كلللها سردا .. يعني مو بارت

ومادري شوفي راي الأغلبية

حبيبتي ولهت عليييييييييييييييييج ورواياتج اكثر من روعة وانشاءالله اشوفج بروايه يديده حدي احب اسلوبج

 

[@أحلاهم وأتحداهم@]

بنات صباح الخير بعد غياب طويل وحشتوني موووووت حدي ولهانه عليكم ودي انزل بعد قصه
اول شي حبيت اقولكم اني وعدكم اني اعطيكم اخر الاخبار
زينه حبيبت قلبي واختي صارلت لها احداث شيقة جداااا ومحمد همن عنندي لكم اخبار عنه فما ادري ودكم اقولكم على طول الاخبار ولا اكملها مع القصه شوفو شنو تبون وانا حاضر

نبي نسمع آخر الاخبار يالله ناطرينج حبوبه

 

[DALLY]

اهلااااا

واخيرا

عاد انا من اشوف رد ف الروايه افتح على طول احسب انتي كاتبه اخبار يديده او شي

نبي اخر الاخبار بسردج الحلو

وناطرينج ف روايه يديده

 

[MISS.D&G]

اهليييييييييييين كلكم
انا توني اشوف القصة و خلصتها كلها اليوم ... زينة ابوها طمنينا على ابطال القصة شصار معاهم

 

[الاحاسيس المبهمه]

نااطرييين الاخبااار ياااحلوه

 

[زينة أبوها]

صباح الورد حبيباتي
اتوقع انكم اخترتو اني احط لكم الاحداث الي صارت وانشاءالله من عيوني
اول شي زينه خلصت كورس ماستر وارجعت الكويت والحمدلله كل شي بخير تسأل عن محمد من بعدي وبيوم كانت رايحه المعهد وشافت دكتور عندهم متعين يديد وخطبها واهي الحين في فترة ان دكتورها ناطر رايها واتقول الحمدلله انه ولد عايله وناس ومتعلم وحنون وطيب وانا قلت لها الله يجدم الي فيه الخير والصالح لج
محمد وما ادراك ما محمد اهو لي الحين مع طيبه طيبعا انا الاخبار اخذها من وحده من اهل طيبه معاي بس ماتدري اني رفيجت زينه
واهي لي الحين مع محمد اتقول انها بنت وماصار بينهم اي تطور ووايد يغلط بين اسمها واسم زينه لما سألت الي تصيرلها ليش ما تتطلق اتقول ماترد علينا ومحمد شارط عليها كل ويك اند اتروح اتنام بيت اهلها وهذا محمد من سيء لي اسوء سبحان الله ومايدري ان زينه رديت الكويت
ونسيت اقولكم بالصدفة ترا الدكتور الي خاطب زينه صديق محمد من بعيد زينه اتقول بسسس زينه اتقول انها اهدمت حياتها مرة مراح تهدمها مرتين صج على قولتها ان خطيبها مو حلو بس اتقول كافي يحبني واخلاقة عالية والحمدلله
دلال مع زينه علاقتهم بس من بعيد شوي ودلال اتزوجت والحمدلله بس انفصلت عقب 3 اشهر واتقول ان صابتها عين
وهذي بختصار والله شاهد على كلامي الاحداث الي صايرة الحين واتمنى ما اكون طولت عليكم

 

[ReRez]

الله يوفق زينه مع الدكتور و يسعدهم يارب وينسيها محمد

ومحد كاسر خاطري بالموضوع كله كثر طيبه متزوجه مع وقف التنفيذ تحاول تعدل اللي مايتعدل

لو تتطلق منه و تكسب كرامتها وايد احسن

مشكووره حبيبتي زينة ابوها على هالاخبار

 

[^^نفيشة^^]

هذي قصه صجيه صح ؟

قصه وحده تعرفينها ؟ :s

لأن حاطه موضوع بنفس النك نيم ان زينه قطت الحجاب و تزوجت دكتور
نفس احداث هالقصه
و بعدين بموضوع ثاني كاتبه نك نيم اختي
يعني زينه اختج ؟؟!

 

[MeeMeeYoo_2]

ايي صح !!

هني القصه تتكلم عن زينه

وبقسم الحياة الزوجيه انتي كاتبه موضوع تتحجين فيه بنفس احداث طيبه !!

 

[جوويره]

اختى هذي قصتج بقسم الحياه الزوجيه

مسا الخير بنات انا يمكن يديده عالمنتدى وهي اول مشاركه لي واتمنى تفيدوني من خبراتكم بالحياة لاني صج قاعده اقرا تعليقات منكم ولا اروع بس مشكلتي طويله وراح احاول كثر ما اقدر اختصرها تبدأ مشكلتي
اني قبل سنه ونص كنت مخطوبة حق ولد جيرانه لبسني النيشان وعشان ماتضيعون باللوية راح اسمي نفسي طيبة وعشت مع هالانسان حياة ناشفه سنه ونص ما ادري مغصوب علي بس اهو ياني بكيفه وبرضاه و قبل لا يخطبني بفترة قصيرة طلعت بحياته بنت رفيجت امه وكانت العكس مني بنيه تضحك ومرحه ومع الكل وبيتهم كانو كلهم يحبونها وراح اسميها سارة ومن يوم ما دشت حيات بيت خطيبي ومافي طاري غير هالبنت كانت كل يوم عنهم ضحك وسوالف وطلعات المهم وطول فترتي وانا مخطوبه ما حسيت بأحلى ايام ايامي معاه كل مسجات اهو الي راح اسميه علي بس وكل اسبوعين او كل شهر اروح بيتهم مرة اقعد معاه جم ساعه بس وكان قلبي حاس انه بينه وبين ساره شي بس ماكو دليل كلش ليما قبل ملجتي بجم يوم كنت رايحه الشقه الي بنسكن فيها طبعا ابيتهم بحط له هديه من غير لا يدري وفتحت درج من الادراج ولا الصدمة لقيت قمصان نوم عروس وكلينكس فيه دم وانتوا عارفين شنو يعني انصدمت صدمت حياتي واجهته وقالي هذي الاشياء من قبل طبعا انصدمت فيه ومر الموضوع وملجنا ومن اول يوم بالمجله اقصد بالحفله تخيلو ما باس راسي ولا مسك ايدي ولا قعد اصلا 10 دقايق وطلع ورحنا بيتهم همن نفس الشي ولا قرب لي و طلعنا اليوم الي عقبه رحنا كافيه بالمرينا ساعتين وهذي كانت اخر طلعه لي و تخيلو خلى شقتي اطول 5 اشهر مع العلم ما يبيلها الا اسبوعين ولا طلعنا ولا قعدنا مع بعض اهو 24 ساعه مسجات وطلعات وطبعا الرد ماله مالج شغل وين رايح ووين راد ليما قام يدور ابيتهم اسم ساره مرة ثانيه نسيت اوضح لكم ساره صارت بينها وبين ام علي مشاكل وفلو العلاقه بس ساره لي الحين مع علي قولولي اذا طولت عليكم عشان اكمل لكم القصه الي لي الحين ما بدت وسوري عالطواله
---------------------------------------------------------------
وهذي قصه ثانيه لج

مساء الخير عليكم جميعااا بنات عندي مشكلة وما ادري اقولها حق منو بس بقولكم مشكلتي بختصار
انا بنت الحمدلله من انا صغيرة وشخصيتي قوية واسوي الي ابيه وبختصار ما خليت شي بحياتي ابيه وما وصلت له والحمدلله
حبني دكتوري بالجامعه والحمدلله نهينا هالحب بالزواج بس مشكلتي اني تحجبت وانا صغيرة عمري 8 ومن دشيت الجامعه وانا ابي افصخ الحجاب ومتمردة ولا ابيه والصراحه كنت اطلع من دكتوري الي اهو الحين ريلي من غير الحجاب وهذا كان اتفاق بيني وبينه اهو كان يبي وحده متحرره وعادي لبس وبحر وستايل يعني كلش مايكلمني البس قصير ضيج الحياة سعيده وهذا الي انا ابيه المهم اول ما تزوجت خليت الملجة شهر ونص تقريبا وقمت اجهز حق عرسي بسرعه تزوجت وبيوم صباحيتي سافرنا انا وريلي شهر العسل واول ما وصلنا دقيت على ماماه وقلت لها انا فصخت الحجاب وما ابي اجد يكلمني لما ارد وصكرت الموبايل وانا الحين بالسفر ولي الحين ما عندي الجرأة اني اكلم اهلي ما ادري شنو ردة فعلهم
اشتنصحوني فيه لا تقولولي الله يهديج وردي لبسيه لان بس خلاص انا ما ابيه وريلي بعد مو جوهه جذي انشاءالله تنصحوني شسوي وسوري اذا طولت عليكم
-------------------------------------------
ترا حبل الجذب قصير وانتى لعبتي باعصابنا عيب عليج اللي سويتيه جان قلتى من الاساس هذي قصه خياليه مو صجيه

 

[diboo]

هاي
انا متابعتكم بصمت.......
امممممم<<<<<<شسالفه>>>>>>
شنو حبل الجذب اقصير سوري اختي امكن صج هذي طيبة نفسها بس ما تدري ان قصة حياتها مكتوبه بهالمنتدى.....وامكن مو اكيد؟؟!
وياليتج يا وينة ابوها اطمنيناا على زينة ومحمد ووويسلمووو

 

[جوويره]

هاي
انا متابعتكم بصمت.......
امممممم<<<<<<شسالفه>>>>>>
شنو حبل الجذب اقصير سوري اختي امكن صج هذي طيبة نفسها بس ما تدري ان قصة حياتها مكتوبه بهالمنتدى.....وامكن مو اكيد؟؟!
وياليتج يا وينة ابوها اطمنيناا على زينة ومحمد ووويسلمووو

ترا اللي كاتبه قصة طيبه اهي نفسها زينة ابوها روحي جيكي بقسم الحياة الزوجيه وشوفيها حاطه قصة طيبه بان اهيا طيبه..وشلون كل شوي تعطينا اخبار عن زينه وتقولنا ابشركم ترا اهيا درست الماستر وانخطبت حق دكتور ورودودكم راح اخلي زينه تقراها وكله طلع جذب بجذب حتى لو شخصين اللي داشين بنك واحد هم ماتركب القصه تلعب علينا اهي؟؟ الشرهه علينا اللي تفاعلنا معاها حسبناها قصه صجيه

 

[DALLY]

امبيه اشدعوه

كل هالقصه طلعت مو صج يعني مفبركه

والله حاله

مساكين احنا اذا ينقص علينا

عالعموم يعطيج العافيه زينة ابوها ولو يكون اكوا توضيح احسن

 

[ReRez]

انا بعد قريت المواضيع بالزوجيه والمشاكل الاجتماعيه

وحيل استغربت

لأن زينه تكلمت علساس انها طيبه

والله مادري شالموضوع :/

 

[so_what]

الحين اي وحده من هالقصص اهيا القصه الصجيه ، و زينه خلاص تزوجت الدكتور؟

 

[حمايم قلبي]

اشكرج اختي العزيزه ع القصه الحلووه

 

[ga6wa90]

شسالفه؟؟

 

[DALLY]

السالفه نفس ماشفتوا ف احداث القصه وف رد العضوه اللي حاطه اللي طرحته الاخت زينة ابوها

اتوقع العضوة زينة ابوها هي نفسها زينه بس يمكن لانها كانت ف حيره مع محمد وطيبه ان شنو لازم طيبه تسوي تطلق او تظل معاه وهي تدري ان محمد يحب زينه فحبت تطرح المشكله عشان تشوف ردود
واتوقع لما حطت سالفة الحجاب هي قطت الحجاب عقب ماتزوجت وكانت خايفه من هالقرار وف نفس الوقت تبي تاخذ راي البنات اهنيه وماعرفت شلون تحط لها مبرر او خل اقول ماعرفت تصيغ السالفه والله الاعلم مااحط ف ذمتي بس صج حيرتينا واحس استصغرتي عقولنا بهالفبركه....