والله انتي حبيبتي وزوجتي بس مو بيدي

[ba6re8a]

ambaaaaaaaaaaaaaih shaaaaaaal banaaaaaaaaaaaaaaaat

 

[UNiQe^PRiNceSs]

وااي مو صج !!!
كملي حبيبتي ناطرييين

 

[زينة أبوها]

يعطيج الف عافيه زينه ابوها

لايوقف

يعافي قلبج

 

[أروسا]

اووووووووووووخ

امبيه من صجهم ... صار حالنا حال الاجانب

و حلوه هذي حبايبنا بصوب و الكبلز بروح

و زينه هبله تمشي وياهم و راضيه بعد ....

 

[بنتq8]

حدههه موو صج في شي بيصيررر

 

[تيناا]

؟؟؟؟؟؟؟؟؟؟؟؟؟؟؟؟؟؟؟

 

[زينة أبوها]

مساء الخير بنات انا آسف على التأخير واليوم انشاءالله راح انزل لكم بارت واشوفكم على خير :tek:

 

[UNiQe^PRiNceSs]

waiting

 

[زينة أبوها]

مساء الخير اسفه اني تأخرت عليكم بس تدرون دراسه ولويه وادعو اني اتخرج وافتك




زينه كانت بالطريج رايحه حق سعاد وشلتهم اليديده واهي بالطريج رن تلفونها زينه: ألو هلا ماماه
الام : هلا زيونه ماماه وينج
زينه : ماماه انا بالطريج امممممم رايحه اتغدى مع البنات
الام : لا يالله عاد ردي البيت بروح انودي خالتج ام علي المطار شنو نسيتي
زينه توهقت : ها ماماه لا ما اقدر روحي انتي
الام : يالله عاد عن سخافتج ردي الحين اقولج لا تفسليني
زينه : ماماه يعني شلون الحين
الام : شنو شلون اقولج يالله ردي البيت خلصينا
زينه : اووووووف زين زين يالله راده
زينه تقول بقلبها ( امبيه شالبلشه الحين شنو اقول حق سعادوه والله راح تذبحني ) قامت زينه ودق على سعاد وكان صوت ازعاج واغاني
زينه : ألو هلا سعود
سعاد : زيون يالله وينج انتي بالطريج
زينه : سعادوه ما اقدر اييي والله ماماه توها اتصلت علي وقالت لي ردي البيت عندنا مشوار
سعاد : لا اي شي والحفله الي مسوينها لج بمناسبة انظمامج
زينه : والله ودي بس مااماه شسوي
سعاد : انزين انا اكلم امج يالله عاد لا تملقين زيون
زينه : والله ما اقدر اصلا ما يمشي مع امي هالكلام خلاص خليني اخلص من مشوارها واحاول امركم
سعاد : خلاص ناطرينج بس حاولي تكفى يالله باي
زينه : باي
وردت زينه البيت وخذت امها وراحو مرو مشرف بنت ام علي ومروة وخذوهم بيروحون المطار وبالمطار
ام علي : والله يا ام طلال ان راح نولهه عليكم وايد تعودنا عليكم
مروة : ايه والله خالتي حاولو اتييون انتي و زينه
ام طلال : والله ودي بس تدرين ابونا بالبيت وما احب اخليه بروحه
زينه : يالله انشاءالله خالتي السفرة اليايه كلنا مع بعض
ام علي : والله جان زين المهم ام طلال ما اوصيج على وليدي حمود ترا بروحه تدرين اهو ما يكلم اخوه
ام طلال: افا عليج روحي لا تحاتين حمود بحبسة ولدي
زينه : خالتي اصلا لا تحاتين انا كل يوم راح اقثه
وظحكو كلهم وودعوهم وزينه وامها ردت البيت
وبليل زينه قاعده واتقول ( خل ادق عى حمود اسال عنه )
ورن التفلون محمد : الو منو معاي
زينه : انا معجبة كااااااااااااااااااك حمودوه انا زينه طاق الثقل
محمد : هلا والله زيون ما عرفتج
زينه : ايه حبيبي الي لقى اصحابه نسى احبابه المهم يالله وينك وقاعد مع منو وشنو لابس وكليت ولا لا يالله قول قول
محمد : اشويشوي علي نطريني حشى مو بنت انا بالدوانيه قاعد مع الربع ودوانيتي بمشر ف وبس
زينه : انزين ماماه اتقول شنو تبي باجر عالغدا ابتلشنا فيك
محمد : ميت من الضحك لا ما ابي مشكورة ابي سلامت عمرج
زينه : قول خلصنا امك اومصيتني عليك ابتلشت فيك
محمد موقادر يمسك نفسه من الضحك) زيون بس والله بطني يعورني مشكور ة لا تكلفين على نفسج
زينه : عاد اشدعوة انا راده عليك المهم اكلمك وقت ثاني حمود
محمد : اوكيك زيونه اكلمج بعدين يالله تامرين على شي
زينه : زين دق علي بعد شوي عشان اعطيك لستهه عن طلباتي لوووووول
محمد : (ميت من الضحك) اوكيك يالمينونه يالله باي
زينه باي

وبليل دقو على بعض وظلو يسولفون
زينه : حمود وينك شنو هالازعاج
محمد : ايه زيونه انا بالجمعيه اشتري اغراض
زيونه : يالله عيل يبلي اغراض معاك
محمد : من عيوني آمري
زينه : عبالك قاعده اتغشمر معاك ولا بستحي اسمع ابي معجون اسنال وابي مزيل مكياج وابي فرشة اسنان وابي كلينك صغار وابي بيض كيندر وابي فريرو روشيه وابي رد بول
محمد : لوووووووووول من صجج تبيني اشتريلج
زينه : ايه اشفيك انشاءالله تبيني استحي منك يالله ابي اغراضي
وصج محمد ظل يتسوق ويشتريلها انواع واذا في شي مايعرفهه يصور لها الاغراض ويدزهم لها
وظلو يسولفون لي الصبح
محمد : يالله زيونه صار الساعه 7 الصبح خل انام
زينه : موبي ابي اغراضي بييي اخذهم
محمد : من صجج يالمينونه
زينه : ايه ........... حمود 5 دقايق وادق عليك موتنام
محمد : اوكيك ناطرج باي
زينه : باي
زينه قامت إلبست تريننق وردي وحطت قلوس وعدسات وطلعت من البيت ودق على حمود
زينه : ألو هلا مودي
محمد : زينه انتي وينج صوتج جنج بالسيارة
زينه : ايه يالله انا يايتلك اخذ اغراضي نزلهم
محمد امبقق عيونه : انتي من صجج يالمينونه والله انتي مينونه
زينه : واااي حمودوه اقولك يالله انا نزلت يالله تعال انزل لي
محمد بدل ركض ونزل لها وقاعد يطالعها من بعيد وشايل جياس الجمعيه
زينه : لوووووووووووووول يالله كومار حط اغراضي بالسيارة
محمد : يالله عاد لا تطنزين علي
وحط الاغراض بالسيارتها وواقف تحت يسولف معاها
محمد : زيون بوسيني
زينه امبققق عيونا : كاااااااااااااااك يالله اقلب ويهك من صجك
محمد : ايه بوسيني على خدي
زينه : مابي يالله الحمدلله والشكر اشفيك
محمد حس انها ما تبي : اتغشمر معاج يالخبله يالله ردي
زينه : انزين يالمينون لا تنسى راح اتييبلك اليوم ماماه الغدا
محمد : والله زيون انتوا امفشليني خلاص اوكيك اشوفج عيل
زينه : يالله اوكيك
والعصر زينه قامت بدلت ونزلت تحت
زينه : ماماه وين الغدا خل اوديه
الام : ايه والله احسن وديه وحطي بالج عالاكل
زينه : اوكيكي

نزلت لبست وخذت الغدا وودته ووصلت عند الباب اتصلت على محمد : ألو حمود يالله انزل اخذ غداك
محمد : هلا زيونه والله ليش كلفتو على عمركم يالله كاني نازل
ونزل محمد ذا الغدا وقالها : زيونه نزلي اكلي معاي
زينه : مالي خلقك يالله وبعدين انا ما اكل سمج لووووووووول
محمد : يالمينونه يوزي يوزي شيطانه شاقه القاع وطالعه
زينه : انزين يالله اكل من خيري وادعيلي يالله باي
محمد : بايات اكلمج بعدين
وردت زينه البيت واول ما دشت ...................
يالله بنات اسمحولي اذا البارت قصير واشوفكم على خير انشاءالله باجر انزل لكم بارت باي​

 

[بنتq8]

مشكورة بس تكفين لا تعلقينا والله يوفقج بامتحاناااتج يارب

 

[زينة أبوها]

مشكورة بس تكفين لا تعلقينا والله يوفقج بامتحاناااتج يارب

حياتي انتي مشكورة ماقصرتي على تواصلج وانشاءالله من عيوني

 

[أروسا]

ثاتكيو على البارت

اشوه انه زينه ما راحت الحفله ... و خلها تلهى مع محمد احسن من روحة الشقيق و الحفلات اللي مالها داعي

و اخيرا ...

الله يوفقج زينه ابوها بالامتحانات و يسر لج امورج

 

[زينة أبوها]

ثاتكيو على البارت

اشوه انه زينه ما راحت الحفله ... و خلها تلهى مع محمد احسن من روحة الشقيق و الحفلات اللي مالها داعي

و اخيرا ...

الله يوفقج زينه ابوها بالامتحانات و يسر لج امورج

يا حياتي تسلمين لي ويوفقج انشاءاللله بحياتج

 

[UNiQe^PRiNceSs]

الله يوفقج حبيبتي
وثانكس على البارت

 

[زينة أبوها]

الله يوفقج حبيبتي
وثانكس على البارت

ولكمو قلبي وانشاءالله تعجبج القصه

 

[زينة أبوها]

مساء الخير ادري متشوقين عالبارت اليديد في احداث يديده بعد خلكم معاي



زينه بعد ما ودت الغدا ردت البيت وقعدت عالاب توب افتحت صفحتها الي بالتاق ( التاق موقع مثل الفيس بوك)
وقعدت اتعبث ولا واحد ظايفها بنك msaad81...........
سوت له ادد وشافت صورة ولا يعجبها وظافت معاه بعد ناس وظلت اتكلم مساعد بالمسنجر ويسولفون
مساعد : زينه انا وايد مرتاح لج وودي يكون بيني وبينج علاقه
زينه : اي شي شكو اليوم اتعرفني اليوم ترتاحلي اليوم تبي علاقه كلام الافلام ما يمشي علي
مساعد : زينه صدقيني اني منجذب لج وخلينا انتعرف على بعض قبل لا اسافر
زينه : صج بتسافر وين حتى انا بسافر
مساعد : والله بروح لندن انا كل سنه اروح مع الاهل
زينه امبققه عيونها : صججججج حتى انا بروح لندن انا بعد كل سنه تقريبا هناك امبيه انتوا وين تسكنون ومتى يتسافر
مساعد : تارخ 1-8 وانتي
زينه : لا انا بعدك انا 7-8 وبنقعد شهر
مساعد: شفتي زينه طلعنا اثنينا نفس الشي
زينه : ايه والله لووووول
مساعد : انزين زيونه خلينا فرند بس ودي ادق عليج اسمع صوتج
زينه بعد تردد : خلاص اوكيك
وعطته رقمها عشان يدق عليها ودق عليها تمو يسولفون بالساعات وارتاحو حق بعض وزينه كانت تكلم غير مساعد ومحمد وايد بس بهالوقت قلت لكم زينه ما حبت غير خالد والباجي بحياتها ربع والسلام
والفير زينه اتكلم حمود : حمود باجر بروح بيت سارونه رفيجتي امبيه بس سيارتي بالوكاله ما ادري شلون اروح
محمد : اي شي عيل شلون بتروحين
زينه : حمودوه الحين ويك اند اشرايك اتمرني واقعد عندك لي الظهر وتالي اتقطني بيت سارونه
حمود منصدم : اي شي انتي والله بايعتها مينونه ماتخافين احد يشوفنا
زينه : شكو احد يشوفها اليوم ويك اند والكل نايم منو يقوم من الساعه 6 يالله يالله اول ماتصير 6 تعال اخذني
محمد : خلاص اوكيك زينه بس تقعدين عندي احسن من الفراره
زينه : خلاص اوكيك
قامت زينه إلبست جينز وقميص ابيض وحطت معاها بالجنطه بجاما حق بيت سارونه رفيجتها
زينه : حمودوه مو تيلي بالبورش تعال بالكابرس تدري البورش شبهه اكثر
محمد : والله انج ذكيه خلاص اوكيك امرج بالكابرس
وصج محمد مر بيت زينه بالكابرس وخذاها وراحت بيتهم ومحمد كان عنده شقه بروحه ابيتهم ومدخلها بروح وصعدو فوق اقعدو اثنينهم يسولفون ومرة وحده محمد بس ما قدر قرب صوب زينه
زينه : حمود اشفيك جذي لازق يالمينون
محمد : زيونه ببوسج
زينه : انت من صجك مينون وخر عاد لا ابهدلك
محمد فعد يعرد معاها ماسك ايدها حيل ويضحكوزينه خايفه شوي
زينه : محمد وخر وخر وركضت لي اخر ممر الشقه قام وحكرها وباس ....... راسها زينه وخرت منه قالت له يالمينون والله بعد مراح اقعد عندك ومحمد ميت من الضحك
محمد : اشفيج زيونه والله مو ابالي شي
زينه : مو ابالك شي تحاول تبوسني وبعدين تبوس راسي لا انت مو صج هذا وانت ولد رفيجت امي
محمد : والله زينه مو ابالي اشفيج
زينه : مافيني شي بس موتعيدها
وظلو قاعدين ليما صارت الساعه 12 زينه قالت حق محمد ويوديها بيت ساره رفيجتها ومحمد وصلها ورد البيت
زينه : سارون انا وصلت يالله قومي
ساره : هلا زيونه منو يابج
زينه توهقت : ايه طلال اخوي توه وصلني وراح
وبالهوقت رن تلفون زينه ولا مساعد
مساعد : الو هلا زيونه شلونج يبا
زينه : هلا مساعد انا زينه انت شلونك
مساعد : انا تمام يا عسل ها وينج
زينه : انا عند سارونه رفيجتي ورا الغدا بنلبس ونروح المرينا
مساعد : اها اوكيك عمري بس بغيت اطمن عليج
بهالوقت ساعد ودلال كل يوم يدقون على زينه وزينه كل يوم اتعذر لهم بسالفه
ومرت الايام وبيوم صار موعد ردت ام علي وبنتها وزينه قاعده اتكلم محمد الفير كالعاده
زينه : حمود لاتيي اليوم المطار انا وماماه بروح
محمد : مو بكيفج هذي امي بيي غصبن عليج
زينه : اووووووف عليك اشتبي لاتييي
محمد : انتي اشتبين ترا امي
زينه : مالت عليك زين
محمد : انزين زيونه انا خل انام ساعتين وقعديني وقت الي بتروحون المطار
زينه : خلاص اوكيك ( هذا ويهي ان قعدتك )

والصبح زينه لبست نفنوف ابيض ومكياج خفيف وراحت اهي وامها بالمطار طبعا ما قعدت محمد
مروة بهالوقت دزت مسج حق زينه انهم اوصلو بس ناطرين الجناط
زينه : هلا خالتي مروة الحمدلله عالسلامه ولهنا عليكم
ام علي : الله يسلمج احنا ولهنا عليج ولا شطانتكم شخبارج ام طلال
ام طلال : انا الحمدلله بخير الحمدلله على سلامتكم
ام علي : وين محمد ما اشوفه
زينه : لوووووووووووول خالتي انا ما قعدته وبهاللحظه رن تلفون زينه ولا ............


بنات حدي تعبت عندي جامعه باجر انشاءالله يعجبكم البارت واشوفكم على خير باي

​

 

[بنتq8]

مشكورة قلبي نااطرين عاد ويك اند ونبي بارت اطوول

 

[UNiQe^PRiNceSs]

ثانكس

 

[sweet.sanfoora]

ناطرتج

 

[زينة أبوها]

مساء الورد صديقاتي ومتابعاتي ثانكس وايد على متابعتكم لي والله طول اليوم اقول يا رب يصير عندي وقت وانزل لهم بارت عاد عندي باجر امتحانين ادعولي اكمل لكم البارت اليديد



زينه : ايه خالتي انا ما قعدته احسن كنا متراهنين منو ياخذكم وانا فزت لووووووول
الكل قامو يضحكون بالهلحظه رن تلفون زينه
محمد : زيون وويعه ليش ما قعدتيني وينهم وصلو ولا لا انا ياي بالطريج
زينه : ايه حبيبي اوصلو وانت خلك نايم امك كاهي يمي
زينه : خالتي كلمي ولدج قبل لا يموت لوووووووول
ام علي : الو هلا حبيبي حمودي
زينه اتقول حق مروة اهم شي حمودي لووووووووول
محمد : هلا يماه الحمدببه على سلامتج يماه طالبج لا تركبين مع زينه نطريني
ام علي : انشاءالله من عيوني يالله ناطرينك
محمد : ياللله 5 دقايق وانا عندج
ام علي : حط بالك يمه بالطريج
محمد : انشاءالله يالله مع السلامه

وانطرو محمد وصج 5 دقايق ولا اهو الي واصل وزينه ميته من الضحك
محمد :يالله يماه ركبي معاي وخلي مروة اتروح مع المينونه
زينه : انا مينونه يالخبل يالله مروة مشينا ماشي خالتي ترا انتي حدج خيانه كل هذا عشان الابيض
( زينه كانت اتسمي محمد سنو وايت وكاسبر لانه ماشاءالله ابيض)
محمد : ماشي يالخبله يالياهل
زينه : انا ياهل يالمعوق
وقامو الكل يضحكون وزينه ودت مروة البيت وردت بيتهم وهني سعاد دقت عليها
سعاد : الو هلا زيون شلونج ولهنا عليج مرينا
زينه : هلا سعادوه انا تمام انتي شخبارج والله انا بعد مفتشله منكم
سعاد : انزين زينه مرينا تعالي والله قاعدين وان ما عجبج الوضع ردي
زينه : سعدوه فشله وبعدين انا ما اعرف حق هالاجواء والله سوري
سعاد : يالله زينه عن الملاقه وشغل يهال تعالي بس شوفينا عفيه كا دلول بعد يايه
زينه بعد تردد كبير: خلاص يايتلكم بس حدي ترا كاشخه
سعاد : ايه عادي اشفيج كلنا كاشخين وبعدين ظلمه منو بيشوفج
زينه : اوكيك وينكم نفس العماره ؟
سعاد : ايه ايه تعالي ودق اول ما توصلين الدور الرابع
زينه : اوكيك باي

زينه بالطريج وصلت عند العماره ودق على سعاد ماشالته جان ادق على دلال : الو دلول وبينكم ماتردون انا عند باب الشقه
دلال : يالله كاني يايه افتح الباب ولا تنسين كبلزج حمود ها
زينه : ايه اوكيك اوكيك بس الله يخليج لا يقرب لي
دلال : ايه انا امفهمته انج مو جذي
وافتحت لها البببببببببببببببببببببببببباب وزينه انصدمت قامت اتشوف الوضع بذهول بنات مفاصيخ وشباب يشربون وظلمه وزقاير والوضع اول مرة اتشوفهه بحياتها
زينه استر وحده فيهم ويبين شكلها مرتكبه وحدها ميته خوووفقربت لها سعاد ودلال : هلوو زينوه امبيه اتيننين بس شنو لبس الستر هذا فصخي التونز
زينه : اي شي من صجج وليش افصخ مابي
دلال : يالله زيونه تعالي قعدي يم حمود
زينه قامت تمشي واهيا ماتشوف من الظلمه وراحت سلمت على محمد وقعدت يمه
وشافت البنات يرقصون ويشربون ويتمييعون وشافت بعد ناس يبوسون بعض واشياء واااايد كل هذا جدامها واهي قاعده مكانها
زينه : محمد ممكن ادليني الحمام
محمد : افا عليج من عيوني وانا راح انطرج عند الباب اخاف عليج
زينه : مشكور
ودخلت زينه الحماام وقامت تبجي تبجي اتقول امبيه انا بنت ناس اشيايبني اهني ومنو هذيل امبيه واذا كبسو عليهم انا معاهم شلون اواجهه اهلي واذا احد جاسني وووايد وايد اسأله ابالها امسحت دموعها وعدلت ميكبها وبطلت الباب ولا محمد ناطرها يكون الاخ خايف عليها ابتسمت زينه بويها وردت مكانها
محمد : زيونه تشربين
زينه امبقق عيونا : لا طبعا لا اصلا ريحته ويع
محمد : انزين تبين زقاره ؟
زينه : لالا ما ادقن
محمد : انزين قومي نرقص
زينه اطالعه : لالا ما اعرف ارقص روح انت ارقص
محمد : انتي ماتسوين شي عيل اشيايبج هالاماكن ؟؟؟؟؟؟؟؟
زينه : ها انا يايه مع دلول وسعاد بس جذي
محمد : انزين انا هالحفله بسامحج بس الحفله اليايه ان ما رقصتي بذبحجج بشوفج ترقصين لي
زينه ابتسمت وبداخلها قصصصصصه : خلاص اوكيك المرة اليايه
ظلت زينه بهالوضع ساعه وشي وبعدين استأذنت انها بتطلع وطلعت
واهي بالطريج اتفكر امبيه انا شلون قعدت مع ناس ما اعرفهم ورقص وشرب وين.........مون مع بعض جدامي شنو حيوانات هذول ويع ويع انا الوحيده الي كلاس امبيه مو صج

و بوقت ثاني امم علي اتصلت على ام طلال : الو هلا عمري شخباركم
ام طلال : هلا والله ام علي شخباركم وشلون العيال
ام علي : والله كلهم تمام وبروح اخطب حق محمد انشااءلله قريب
( نسيت اقولكم ان محمد قايل حق زينه بخطب واهي ماكانت حاطه شي ابالها وتطنز عليه تقوله منو بترضى فيك باجر يا زينه تعضين اصابعج ندم)
ام طلال : الله يتمم عليكم انشاءالله على خير
ام علي : ها ام طلال ما تعطيني زيونه والله اني احبها وابيها
ام طلال : يا حلوج يا ام علي احنا انتشرف بس تدرين هذي عوبه ماتبي تتزوج اذبحتني
ام علي : الله يخليها لج انشاءالله عقب شهر بخطب له وانشاءالله يوافقون باخذ له بنت رفيجتي اتعرفينها
ام طلال : لا والله بس انشاءالله انتشرف فيها وانتهت مكالمتهم على هالحوار

زينه واهلها سافرو لندن بالعطله وهناك تلاقت زينه مع مساعد
زينه : الو هلا سعودي انا توني واصله هيثرو
مساعد : هلا حبيبتي انا بعد بلندن يالله اليوم اشوفج
زينه : بسم اللله توني واصله انطر باجر
مساعد : زينه حدي ولهان عليج عفيه رحميني يالنحيسه
زينه : خلاص احاول اليوم بس ما اوعدك يالله اكلمك اول ما اوصل الشقه
زينه مع ابوها وامها واخوها الصغر حسين
ووصلو الشقه وهني زينه قالت حق امها : ماماه انا بنزل اشم هوا لندن ولهت عليها فديتها
ام طلال : الحمدلله والشكر كل سنه احنا اهني وتونا واصلين
زينه : وااااي ماماه يالله عاد عفيه
ام طلال : يالله روحي بس مو اتهيتين وايد
زينه : اوكيك ماماتي
البست زينه تريننق اسود وعدسات وغلوس وطلعت
زينه : الو هلا سعودي يالله تعال الكوفي الي بعد هارودز
مساعد يالله كاني قاعده اتشوفيني ............

بنات حدي دخت انشاءالله تعجبكم احداث البارت واشوفكم على خير باجر واتمنى اشوف أرأكممممم معاي تواصلكم يالله باي

​