السلام عليكم
بنات انا عضوة معاكم من زمان بس سويتلي يوزر يديد مفتشله اقول سالفتي و في بنات يمكن يعرفوني
و الله ما عندي احد افضفضله ألحين غيركم و حتى لو سالفتي بتحسونها بايخه بس والله صدري قامتني مابي منكم غير دعوة تفرج علينا
بناات انا بالبيت مع خواتي ثنتين و امي وابوي و اخوي كله سفرات و اذا موجود بالديره ما جنه معانه بالبيت و خواي الكبار كلهم متزوجات بس بالاسبوع مرتين او اكثر ايون عندنا
يعني علاقتنا ابعض انا وخواتي الحمد لله واايد حلوة الله لا يحرمني من اهلي
المشكله بابوي بناات اهوا من قبل يعني من وانا بالمتوسط ( انا الحين 23 ) كله مشاكل مع امي و بالبيت واايد عصبي معانا كلنا و شوي بخيل بالمصرف
أحين عقب ما تقاعد صار يدور مشاكل مع امي بزيادة و يجذب اشكره جدامنه و كله يقول ما عندي واخذوا من امكم و مأذي امي واايد والله بنات يعن اهوا مو مقصر معاي انا و خواتي حييل بس مادري شلون اشرح لكم
يعني سفرات ماكو سيارات ماكو .. يالله مصرف الشهر اللي ما يكفي نص الشهر
والله بنات حدي متضايقة على حالة امي واايد تتعب بسبته يقط عليها حجي و ينرفزها واهيا مره كبيرة ما تتحمل بسرعه تتعب و مشكلته بعد ما يسمع النصيحه عمامي يكلمونه و خوالي اهوا يحب يعااند بكل شي
والله تعبنه ما ندري شنسوي معااه :eh_s(2):
بنات الله يخليكم اللي تقرا الموضوع ابيها تدعيلي الله يفرجها و يهدي أبوي و يحنن قلبه علينا
الله يوفقكم دنيا و آخره
