والله العظيم أحبك

[ضوى العيون]

(بيت سعيد بن سلطان )
الساعة ثمان الصبح شوق قايمة وأول مرة تسويها خاصة انه اليوم الخميس يعني اجازة،(شوق بنية حلوة وحيدة امها وابوها الله يرحمة عمرها 19سنة اول سنة جامعه مأدبة وخلوقة وفرفوشه)
أول ما نشت غسلت ويهها وراحت عند امها وتريقت وبعدين اتصلت بربيعتها فطوم،ربيعتها من يوم هم صغار
فطوم:الو
شوق:هلا بعدج راقده قومي والا بسير عنج
فطوم:شو؟ حتى فالاجازة حرام نرقد
شوق:يتقومين والا اسير عنج؟
فطوم:وييييييييين؟
شوق:لا والله نسيتي أنه اليوم بنسير عند بيت سلامة عازمتنا عندها
فطوم:هييييييييييي صح خلاص بقوم الحين ومري علي
شوق: أوكي بسرعة خلصي باي
فطوم:باي
بعد نص ساعة مرت شوق ع فطوم وساروا بيت ربيعتهم سلامة
(بيت سالم بن خميس )
سلامة:هلا والله توه نور البيت
فطوم: هلا فيج الغالية
شوق:منور باصحابة
سلامة: قربوا نسير حجرتي
وصعدن البنات غرفة سلامة
سلامة:يلسوا هني بسير اييب عصير وبيي
وطلعت عنهن وخلتهن يلعبن باغراضها
شوق:فطوم عييب لاتنبشين
فطوم:عاااااادي هي الا سالموووووووه ما بتقول شي
وفجأه يدخل واحد طويييل وحلو
...:سلا.............؟؟؟؟!!!
شوق:...........؟؟؟!!!!!!
فطوم كانت داشة الحمام(عزكم الله)
...:اسف ماكنت ادري انه اختي عندها ضيوف
شوق:لالا عادي ماصار الا الخير
...:انا اسف سمحيلي
شوق :مسموح
وهني تطلع فطوم وتييبس محلها
(هذا اخو سلامة اسمة محمد عمرة21 سنة يشتغل فالشرطة هو وايد ويا اخته سلامة ماعنده غيرها،وهم عايشيين بروحهم ابوهم وامهم متوفين فحادث سيارة يوم كتن محمد صف ثالث ثنوي ومن ذال الوقت ومحمد كلة مهتم باختة)
هني تيي سلامة وتشوفهم
محمد:سلامة انا اسف ماكنت ادري انه عندج ظيوف
سلامة:لا ماعليك هذي ربيعتي شوق وهذي فطوم
ويطلع محمد عنهم
شوق:منو هذا؟
سلامة:اخوي محمد ...عيبج هههههههه
شوق:شو هالكلام عييب بس انا تفاجأت فييه
كانت شوق وايد مرتبكة ومبين عليها
سلامة: اهاااااااا
وتموا البنات يسولفون وشوق فعالم ثاني
الساعة12 قامن شوق وفاطمة بيرجعون البيت وهم نازلين يتلاقون ويا محمد
محمد:ليش بتروحون يلسوا بتخلوني بروحي ويا سلامووه ملييت منها(حب يسولف)
سلامة:شووووووووووووووو ملييت مني ماعليه انا براويك ههه
شوق :لاتظاربون بني مرة ثانية انشا الله
فطوم:يلا شوق
ويطلعوم ومحمد ما خوز عينه عن شوق
فاليل شوق كلة سرحانه وتفكر فمحمد ليش ما تدري بس هي مانت نعجبة فيه من قبل لانه شال اختة والبيت وهو بعده شباب بس يوم شافتة كان شي ثاني ماتفدر تخوزة عن بالها
ومن جهة ثانية محمد كان يالس فحجرتة ويفكر فلي صار له اليوم ويقول في خاطرة:شوق يحلاة اسمها وهي بعد حلوه ماشا الله عليها
محمد ماعنده سوالف بنات ما بنات كان ريال سيده لايمين لا يسار بس مايدري ليش هالانسانة جذبته هل هو شكلها ولا صوتها والا لباقتها والاشو
المهم اليوم الجمعة وشوق تيلس ويا امها لين اذان الظهر بعدين تحل واجباتها
بعد الصلاة شوق قررت انها تتصل حق سلامة وتسألها عن الواجبات لان فطوم فجامعة زايد وشوق وسلامة فجامعة العين
شوق:ألو
محمد:ألو السلام عليكم
شوق :وعليكم السلام
محمد:شحالج شوق؟
شوق:يسرك الحال ممكن اكلم سلامة
محمد:لحظه بزقرها...سلاااااااااااامه سلاااااااااااااااامة
سلامة: دقيقة وبيي
محمد: سمعتيها الحين بتيي
شوق:هي
محمد: اقول شوق
شوق:هلا شو في خاطرك
محمد:انتي تعرفين سلامة من فترة طويله يعني هي تخبرج بالي في خاطرها صح؟
شوق:هي بس ليش تسأل؟
محمد:انا اريد اعرف بشو تفكر اختي صح انا اخوها بس بعد هي ماتقولي كل شي يعني تعرفين هي بنت وبتستحي
شوق:وتريدني انا اخبرك؟
محمد:يعني اذا مافي مانع عندج هذا رقم تيلفوني......ويوم تكونين فاظية طرشيلي مسج وانا برد عليج
شوق:...
محمد:شوق لاتفهمين غلط انا احاتي اختي
شوق:ماعليه
وهني تي سلامة
سلامة:هلا شواقي شحالج؟ خير انشا الله
شوق:كل خير بس بغيت اسألج عا الواجبات
....
محمد كان يالس ويطالع اخته كان وايد يحبها ويريد يرظيها باي طريقة كان يحاول يوفر لها كل شي كانت بالنسبة لة اهم من نفسة

ياترا شوق بتتصل لمحمد والا لا وشو أخر هالعلاقة

 

[سدين]

مشكورة روعه القصه مثل كاتبتها

 

[ضوى العيون]

شوق و فاطمة دخلن على ام شوق كانت شاحبة وشكلها وايد تعبان
شوق:يالله فديتج يا اماية زيغتيني عليج
الام:لاتتروعين يابنتي ما فيني شي بس الدكتور شو قال
شوق: ماشي بيسوون تحاليل وبتمين هني 3 ايام لين تطلع التحاليل
الام:ياااااااااااااااااااااالله لااااااااا فديتج ما بتم وينه هذا الدكتور انا برمسة
شوق:اماية دخيلج تمي هنيه عشان يطمنون عليج
الام:بالاج انتي انا مابتم هني
شوق:اماية اذا تحبيني تمي
الام: احبج يلبنيتي بس مب هاين علي اخليج بروحج فالبيت
فطوم:ماعلييييج خالتي بتي وياية البيت
الام:اذا جي خلاص
وروحوا عنها ساروا بيت فطوم واول مادشوا
شافوا خليفة اخو فاطمه اكبر عنها ب5 سنين
خليفة:فطوم وين كنتي
فاطمة:كنت فالمستشفى عند ام شوق تعبانة شوي
وينتبه خليفة انه في حد ورا اخته
خليفة:ماتشوف شر سلامتها
شوق:الله يسلمك
ويسيرن البنات حجرة فاطمة وكل يوم تسير شوق حق امها المستشفى وكبعا غابت عن الجامعة 3 ايام لين يا موعد النتايج
شوق: ها دكتور شو نتايج التحاليل؟
الدكتور:تفضلي دي ورقة فيها كل حاجه
فتحت شوق الورقة و ما صدقت اللي شافته تمت متيبسة محلهاوصرخت
لااااااااااااااااااااااااااااااااااااااااااااااا امييييييييييييي لااااااااااااااااااااااااااااااااااااااااااااااااا اا
واغمى عليها
شوق اغمى عليها بعد ما قرت ورقة التحاليل ولحقوا عليها الممرضات وحطولها ع السرير يحاولون يوعونها المهم بعد 5 دقايق قامت شوق مب مستوعبة الي صار كله تصيح والممرضات يحاولن يهدنها قامت تريد تروح عند الطبيب بس الممرضة قالت انها بتسير بتزقره واول مادخل
شوق: دكتور امي لازم تصح سو اي شي مستحيل يكون هذا مصيرها مستحيل
الدكتور: انا فاهم حالتك بس مادرش اعمل حاجة المرض انتشر فجسمها
شوق: انزين عطني تصريح بسفرها برع
الدكتور: مافيش فايدة مش حيعملوا حاجة
هني رظخت شوق للامر الواقع وانها ممكن تفقد امها فأي لحظة تكت حزينة امها الوحيدة الي اهتمت فيها بعد موت ابوها لاعمها ولاخالها سالوا عنها هي اصلا ماكانت تشوفهم
وتمت تفكر كيف بتوصل المعلومة لامها
وقامت راحت عند امها
شوق: السلام عليكم شحالج امايه؟
الام:وعليكم السلام حمدالله بخير هاا شو قال لج الطبيب؟ شو فيني؟ متى بطلع؟
شوق: يالله يا اماية تبين تعرفين كل هذا مرة وحده صبري علي الله يسلمج الدكتور قال تقدرين تطلعين اليوم بس لازم كل اسبوع تسوين فحوصات عندهم
الام: ليش انا شو فيني؟
شوق: لا ماشي بس شوية تعب. اقول اماية انتي يعورج شي؟
الام :لا ماشي بس احيانا احس بشوية عوار فراسي واكل عليه بندول بس ها الايام مايفيد فيه لابندول ولاشي اسير ارقد وانسى العوار
شوق: انزين اماية ليش ماكنت تقولين لي عشان اوديج المستشفى؟
الام: ماريد اشغلج عن دراستج والدكتور قالج شوية تعب يعني مافيني شي يالله نسير البيت
وتمت شوق اطالع امها وهي تحارب دموعها عشان ماتشوفها امها وهي تصيح

بعد ما خلصوا اوراقهم رجعوا اللبيت ويا الدريول وسارت الام ترتاح فدارها واتصلت شوق لفاطمة عشان تييها البيت وتخفف عنها شوق ماقالت لفاطمة شو صاير بس فاطمة حست انه في شي موطبيعي
فاطمة: السلام عليكم شواااااااااااااااااااااااااااقي(كانت فاطمة متعودة تزقر شوق بصوت عالي لانه مافي ريال فالبيت)
شوق:هلا فطوم تعالي فوق
فطوم: شو تسوين
شوق: اكتب طلب للجامعة بوقف الكورس الياي
فطوم انصدمت اول مرة شوق تسويها
فطوم:شوووووووووووووووووووووووووووووووو لييييييييييييييييييييييييش؟؟؟؟؟!!!!!!!
شوق:.............
فطوم: شوق شصاير في شي؟قولي لي
وهني ماقدرت شوق تيود عمرها وطاحت في حظن فاطمة وهي تصيح
فطوم:شوق بلاج ؟ليش تصيحين ؟عمتي وعلتج فشي؟
شوق:.............
فطوم:شوق حبيبتي لاتزيغني
شوق: امي يا فاطمة بتظيع مني
فطوم:شو بتظيع ما بتظيع .جي عمتي ياهل؟؟؟
شوق:لا بس امي مريظة فيها سرطان فراسها
فطوم:......................
فطوم مو مستوعبة شوق شو تقول وفنفس الوقت منصدمة من الي قاعدة تسمعة ليش ام شوق ليش هالانسانة الي مافي منها وشوق عند منو بتم
فطوم:والدكنور شو قالج ليش ما يعالجونها
شوق: الدكتور يقول انه المرض منتشر في راسها وما يقدرون يسوون شي حتى لوسفرناها ماشي فايده.....وترجع تصيح
في هالحظة كانت ام شوق واقفة مارةعند باب غرفة شوق فسمعت كل شي
فطوم: انزين شو قلتي حق امج؟
شوق:شو اقولها.اقولها انج بتموتين فاي لحظة.ما اقدر قلتلها انه شوية تعب ولازم ترتاح
فطوم صعب عليها حال شوق بس معذورة من وعت ع هالدنيا وما لقت جدامها غير امها مالقت غير هالحظن الدافي لا ابو ولا اخو ولا عم ولاخال
فطوم:شوق خلي ايمانج بالله قوي هذا بلاء من ربج عشان يختبر عباده
شوق: ونعم بالله
وتمت فطوم تواسي شوق الي كانت منهاره تماما
اما الام رجعت غرفتها وهي منصدمة من الي سمعته وكيف انها في اي لحظه بتخلي بنتها شوق في هالعالم وحيده غريبة لا انيس ولا ونيس
بالباجر شوق قايمة عشان عندها جامعة ماتقدر اطنش اكثر من جذيه نزلت تحت وشافت امها
شوق: السلام عليكم اشحالج امايه شو معنج الحين
الام: وعليكم السلام شو بعد شو موعني ؟ جي تبيني اخيس رقاد
شوق: فديتج يا اماية بس اباج ترتاحين
الام: وانا كله برتاح!!!
تريقوا وتموا يسولفوا وحبت شو ق امها ع راسها وسارت الجامعة . هالاسبوع دور شوق وصلت عند بيت سلامة ونزلت عشان تستعيلها

واول مادشت شافت محمد
شوق: السلام عليكم
محمد: وعليكم السلام هلا شوق شحالج؟
شوق: بخير حمد الله سلامة جاهزه؟
محمد: هي الحين بتيي
تم محمد يطالع شوق وشوق مستحية ومنزلة راسها صاروا كل مايشوفون بعض يفرحون ولو انهم مايبينون ها الشي
وشوي وتيهم سلامه
سلامة: مرحبا شوق..... انا زعلانة منج جي تسوين امج مريظة وماتخبريني توديها المستشفى واطنشين3 ايام وما تقوليلي شو السبب وانا كل ما اسال يقولون مانعرف وادق لج ماتردين.ع الاقل قولي عندي ربيعة تحاتيني
شوق واقفة ماعرفت شو ترد كيف سلامة تكلمها بها الطريقة جدام اخوها ومحمد فنفس الوقت منصدم ما عرف شو يقول
محمد: بسم الله منج انزين سؤال سؤال مب جي صفيتيهن ورا بعض
شوق: انا اسفة بس ماكنت ابا ازعج
سلامة: عشان خاطر امج بطوفها واياني وياج تعيدينهاهههههههههههههههههههههه اعرف اهزب
شوق: ويا ويهج اونه اعرف اهزب هههههههههه
محمد: وانتوا بتموا اتسولفون ولا جنه وراكن جامعة
سلامة: يالله انسير مع السلامة
محمد: الله يحفظكن
محمد ما نزل عينة عن شوق لين ما سارت السيارة وبعدها سار شغلة
منصور: هلا هلا بو جسيم
محمد: بو جاسم لا فرك من الدريشة
منصور: انزين يا اخي حبينا انسولف
محمد: جي اصغر عيالم بو جسيم
منصور: تعال ع طاري العيال اخوك خطب
محمد: صدق والله
منصور: هي نعم
محمد:منو تعيسة قصدي سعيدة الحظ
منصور: احمم بنت خالي
محمد: والله وسويتها يا منصوروه
منصور يطالع محمد بنص عين: شو منصوروه هاي بعد
محمد: اسمحلنا الشيخ من قدك خاطب
منصور: تعال انته ليش ما تخطب ربيعة اختك ونعرس فنفس اليوم
محمد تم يفكر بكلام منصور صح انا ليش ما اعرس انا الحين اشتغل واقدر افتح بيت بس اخاف البنت مخطوبة خيييييييييييييييبه
منصور: يا جماعة نحن هنا
طلع محمد عن منصور وما عطاه سالفة وهو يفكر بكلام منصور

 

[ضوى العيون]

خلصت الدوامات وكل راح بيته
شوق:ميري حطي غدا
وتسير عند امها
شوق: ها اماية ماتبين غدا
الام: تعالي شوق بكلمج
شوق: خير
الام: تعرفين خليفة اخو فطوم ربيعتج
شوق: هي بلاه؟
الام:يا يخطبج اليوم وهو ريال ماينعاب وما عليه كلام
شوق انصدمت واول شي يا عبالها محمد ماتصورت حد ياخذها غيره بعد ما تاكدت من حبها له
الام: انا مابغصبج بس تعرفين انا حرمه عوده واريد اطمن عليج قبل ما اموت
شوق وهي تحظن امها: اماية لا تقولين جي
الام: فكري يابنتي فالموظوع
شوق :انشا الله بس انسير نتغدى الحين
ونزلوا تغدوا وسارا الام دارها عشان ترتاح وشوق سارت دارها قفلت الباب وتمت اتصيح
شوق ما تعرف خليفة بس كل الي سمعته عنه انه ريال عن عشر رياييل ما عليه كلام والكل يحبه
وتقول في خاطرها امي موافقة عليه وانا ماريد ازعلها بس انا احب محمد وخليفه ماعرفه بس اخاف محمد يفكر بوحده ثانيه او انه ماحطني عباله او انه مايريد يعرس الحين
وتمت تفكر لين ما غلبها التعب ونامت
ع اذان العصر يت ام شوق اوعت بنتها عشان تصلي قامت شوق توظت وصلت ويلست تفكر بكلام امها
ومر اسبوع ماشافت قيه شوق محمد وجنه سنه
الام: شوق حبيبتي فكرتي بالموظوع
شوق:......... هي امايه فكرت
الام: وشو رايج
شوق: رايي من رايج امايه اذا انتي موافقه انا موافقه
الام: يزاج الله خير بتصل الحين حق ام خليفة وبخبرها
وبعدها باسبوع تحددت ملجت خليفة وشوق وكانت بالاسبوع الي بعده بالخميس
والكل درا عن هاذي السالفة حتى محمد وماتتصورون حالته صار يعصب ع اتفه الاشياء ومايطيق حد وكله يفكر ومو مصدق انه حبيبته بتظيع منه بياخذها الغريب عنه ماقادر يتصور انها بتعيش ويا حد غيره

ترن ترن
شوق: الو
محمد:..................
شوق: الو..الو
محمد: هلا شوق
شوق حست قلبها وقف هذا صوت حبيبها
شوق: هلا فيك
محمد: مبروك
هني حست شوق بظيجه فصدرها: الله يبارك فيك عقبالك
محمد: لا انا راحت علي البنت الي احبها واريدها خلاص بتعرس
شوق جنه حد صب عليها ماي بارد
محمد: شوق
شوق: هلا
محمد: ليش وافقتع خليفة يعني ماكنت تفهميت نظرتي لج ما كنت تحسين بلي كنت اريد اقوله
ليش سويتي جي
انـــــــــــــــــــــــــــــــا احبــــــــــــــــــــــــــــــــــــــــــــج
شوق: يعني... بس انته ماقلتلي انا كنت احسب عمري فوهم او اني اتخيل ما كنت ادري انه صدج
محمد: خلاص ما عاد ينفع الكلام الي راح راح والله يهنيج بغيري بس اريد اسمعها منج مرة وحده
شوق:........
محمد:شوق مستخسرتنها علي والا انتي ما تحبيني
شوق: لا بس............
محمد: بس شو خلاص براحتج بسير اوقر سلامة
شوق: محمد
محمد: لبيج
شوق: احبك والله العظيم احبك
محمد: .........
شوق:..............
محمد: مع السلامة
شوق: الله يحفظك
وتسكر عنه وقلبها يعورها عليه معقولة كان يحبني واني اللي منت احسب عمري واهمة بس خلاص ملجتي بعد يومين وبحاول اطاع محمد من قلبي

فها اليومين شوق مشغوله بالحنا والفستان وامها مرتبشة فرحانه فبنتها وتعزم اهل الفريج ماخلت حد ما عزمته
يوم الملجه
العرب متيمعين وشوق فوق عندها فطوم وسلامة
سلامه كانت حاسة انه محمد يحب شوق بس ماكانت تعرف انه شوق تحب محمد لانها مابينت الها ها الشي
وشوي ويدخل خليفة
طلعوا فاطمة وسلامة وتموا شوق وخليفة بروحهم
وصلنا يوم خليفة يدخل ع شوق ويتمون بروحهم
خليفة: مبروك
شوق: الله يبارك فيك مبروك عليك
خليفة: الله يبارك فيج
شوق:....
خليفة: شوق
شوق: هلا
خليفة:اممم الي اعرفه انكم مستعيلين ع العرس عشان ظروف عمتي
شوق:هيه
خليفه:انزين انا بسافر ورا باجر
شوق ماتعرف عن سالفة سفره
شوق: ليش..شو صاير؟
خليفة:واحد من الربع مريض وبروح وياه بريطانيا يتعالج
شوق:ومتى بترد؟
خليفة:مادري يوم يخلص علاج عشان جي هلي بيرتبون كل شي واول ما ارجع بنعرس بالخميس شرايج؟
شوق:براحتك بس مب جنه بسرعه ورا باجر
خليفة:ليش تبيني اتم؟
شوق استحت ونزلت راسها
خليغة:شو ما بتجاوبيني
شوق ماعرفت شو تقول هي ما تعرف شعورها تجاه خليفه ماتعرف اذا هيه تباه يتم والا لا اللي تعرفه انه حياتها بتكملها ويا هالانسان ونه لازم تمحي محمد من بالها وفلبها بعد
خليفة: شوق...مارديتي علي
شوق هزت راسها ايييي بس تمت منزلة عيونها
خليفة: هههههههه خلاص انا بروح الحين وهذا رقم تيلفوني ،انا خذت رقمج من عند فطوووم
شوق:.
خليفة قام وحب شوق ع راسها: مع السلامة اشوفج بخير
شوق: الله يحفظك وانشا الله ترجع سالم
طلع خليفة عن شوق ودخلت عليها فاطمة وقالت لها انه سلامه رجعت البيت
و ع الساعة 10 روحت عايلة خليفة البيت

سلامه اول ماوصلت شافت محمد يترياها فالصاله واول ماشافها قام
محمد: شو صار ملجت؟
سلامه: هيه
محمد اتمنى انه اخته تقوله كلام ثاني : الله يوفجهم
وطلع داره سلامه كانت حاسة بأخوها بس ماتقدر تسوي له شي
محمد كانت حالته حاه ما يعرف ينام كله يشوف خيال حبيبته حبيبته اللي خذها منه حد ثاني حبيبته اللي صارت لغيره وهو ما يقدر او يمنع هالشي خلاص كل شي راح شوق راحت

 

[ضوى العيون]

شوق كانت تفكر فكل اللي صار لها من اول ماشافت محمد لين زواجها من خليفة الاحداث مرت بسرعه وكل شي كان خارج عن ارادتها ماتقدر تسوي اي شي
بس قررت انها تحط خليفة مكان محمد لازم تنسى محمد لازم ولو انه نسيانه صعب ويمكن يكون مستحيل بس لازم تسوي اللي تقدر عليه

اليوم سفر خليفة وكل شوي يتصل لشوق
خليفة:ها حبيبتي تامرين عشي
شوق تصيح وما قادره تيود عمرها هي صح ماتحب خليفة بس تحترمة وتعزه وايد لانه ريال والنعم
خليفة: شوق خلاص برد ما بطول عشان خاطري خلاص
شوق: خليفة دير بالك ع نفسك وكل يوم دق لي طمني ويوم توصل دق لي
خليفه: انشا الله بس لا تصيحين يالله فمان الله
شوق: وداعة الله الله يحفظك
ويسكرون بس شوق ماقادره توقف صياح
سافر خليفة بريطانيا وكل يوم يتصل بشوق يطمنها

شوق صار لها شهر ماشافت محمد وكانت وايد متولهه عليه وفي نفس الوقت ماتريد تشوفه
اليوم بتسير شوق نتزهب عشان خليفة بيرجع بعد اسبوعين وبيعرسون باول خميس
راحت فطوم وشوق ولفوا كل الاسواق اللي العين ما خلو مكان ماساروه وهم راجعين
شوق: آآآآآآآآآآآآآآآآآآآآآآآآآآآه تعبت خلاص مافيني حييييييل
فطوم: يالله طالعين الصبح وماردينا الا الحين فالليل
شوق: بس خلصنا الاشياء الضروريه
فطوم: تعرفين انج قهرتيني ودي اعطيج كف
شوق:ههههههههههههههههه لييييييييييش؟
فطوم: لااااااااا والله ماتعرفين يوم دخلنا المحل اللي فيه اللبناني
شوق:هههههههههه عيل مب عيب عليج اطالعين الريال جي جنه اول واحد تشوفينه
فطوم: بس ما كا..............محمووووووووووووووووووود حاسب
شوق:يمااااااااااااااااااااااااااااااااااااه
ويسوون حادث

في هالوقت كان محمد راد من الدوام وجاف الحادث حس بقلبه انقبض بس مايدري ليش ماكان يعرف انه هناك حبيبته شوق
ويت الشرطه والاسعاف
فطوم يتها شوية رظوظ والسواق كانت حالته خطيره اما سوق
فاطمه:شوق شوق ردي علي
فتحت شوق عينها وكانت اصاباتها وايد خطيره:فط...وم امي
فطوم:شوق بلاج
شوق:امي امانه لاتخلونها ...محمد..محمد
فطوم: منو محمد؟
شوق:محمد حب حياتي
فطوم:شوق
شوق:هيه احبه محمد بس هو تأخر
فطوم: وليش ما قلتي شو دنبه اخوي
شوق: خليفه انسان مافي مثله انا اعزه واحترمه ما قدرت احطه مكان محمد بس له مكانته عندي
شوق:فاطمه
فاطمه وهي عرفت انها بتودع شوق: عيون فاطمه
شوق:خليفة زوجووه من سلامه هاذي الانسانه اللي اثق فيها بتسعد خليفه
ومحمد سلمي عليه وقوليله اني احبه اني اموت فيه
وتغمض عيونها
فطوم:لاااااااا شوق لا

ماتت شوق وخذت وياها كل الذكريات الحلوه والمره من انولدت لليوم احلى ذكرياتها كانت ويا محمد محمد اللي ما قدرت تنساه محمد اللي كان مسيطر على كل تفكيرها
وانتشر خبر وفاة شوق
ام شوق: لالاااااااااا بنتي حبيبتي لا شوق شوق بنتي ليش تخليني بروحي شوق غناتي يعلني افداج
الام ماقدرت تتحمل خبر موت شوق وتعبت ونقلوها مستشفى توام

تقدرون تتصورون ردة فعل سلامه وشوق كانت اقرب صديقه الها
اما خليفه رد لبلاد مع اول طياره وهو كله حزن وهموم
بس محد يقدر يتصور ردة فعل محمد
كان يصرخ من داخله لااااااااااااااا لااااااااااااااااا شوق حيه شوق ما ماتت شوق عايشه فقلبي فشراييني فروحي فذكرياتي كلهم جذابين شوق حيه ويصرخ
شووووووووووووووووووووووووووووووووووووووووووووووووو ووووووووووووووووووق
ليش خليتيني ليش رحلت انا ماعرف اعيش من دونج ولو انج ماكنت لي بس اعرف انج حيه

بعد ما خلص العزا فطوم قالت لخليفة عن شوق وعن وصاتها وقرر انه ينفذها الاسبوع اللي بعده لين تهدا الاوظاع

الجزء الاخير
خليفة قرر انه ينفذ وصات شوق وانه يسير ويخطب سلامة لانه واثق من اختيار شوق وفعلا سار ورمس امه بعد ما صار ع وفاة شوق شهر وهو كان المفروض يخطبها قبل بس عشان ام شوق فالمستشفى ومرضها اشتد عليها بعد وفاة بنتها
خليفه: امايه يالله تاخرنا
الام: يالله انسير
وساروا يخطبون سلامه اول ماوصلو ظربوا هرن وطلع لهم محمد اللي كانت حالته حاله بعد وفلة شوق
محمد اول ماشاف خليفة عرفه هذا الانسان اللي خطف حبيبته شو يبا ياي هنيه
خليفة: السالم عليكم
محمد: وعليكم السلام يا حيا الله من يانا قربوا
ويدخلون الصاله
خليفة: بلاك محمد شكلم تعبان؟
محمد: لا بس الشغل تاعبني شوي
ام خليفه: ماوين عليك ياولدي الشغل لاحق عليه المهم صحتك
خليفة: محمد انا بدخل فالموضوع سيده
محمد: يكون احسن
خليفة: اما والوالده يايين اليوم نخطب اختك سلامه، هذي كانت وصات شوق لي انه سلامه الانسانه الوحيده الس توثق فيها
محمد جنه حد صب عليه ماي بارد، معقوله ياي ياخذ مني اختي بعد ماخذ حبيبتي ، انزيت ليش انا شسويت فدنياي عشان يصير لي اللي صار
ام خليفه: ياولدي يامحمد سلامه مثل بنتي فاطمة وانته ماشا الله عليك شاب باجر بتعرس وبتم اختك بروحها
محمد يقول في خاطره ههه اتزوج منو اللي بغيتها وحبيتها خذها الموت بعد ماخذها ولدج مني
خليفة: محمد شو قلت؟
محمد: انا مالي راي الراي الاول والاخير هو راي اختي سلامه ، انا بشاورها وبردكم بخبر
خليفة: خلاص احنا نتريا ردكم
ام خليفه: انشا الله خير يالله مع السلامه
محمد: مع السلامه
خذ خليفه امه ورجعوا البيت اما محمد تم قاعد فالصاله يفكر فكلامهم وشوي وتيي سلامه
سلامه: منو؟
محمد:...
سلامه: محمد بلاك؟
محمد: ها لا ماشي
سلامه: شويبا ريل شوق؟
محمد عصب: لاتقولين ريل شوق، خليفع مب ريل شوق، شوق خلاص ماتت ماتت ماعادت حرمته
سلامه: محمد انا اسفه ماكان قصدي انرفزك
محمد صاير عصبي من بعد وفاة شوق: انا اسف ما قصدي اصرخ عليج
ويلوي على اخته: تعرفين شو يبون؟
سلامه: لا شو؟
محمد: يبونج
سلامه:؟؟؟!!!
محمد: خليفه يا يخطبج يقول هذي وصات شوق قبل لاتموت انه ايي ويخطبج، سلامه انا مابغصبج عليه لانها وصات شوق، ولا بمنعج ، انتي فكري وخبريني بقرارج
وطلع محمد داره بدون مايسمع من سلامه ولا كلمه وسلامه كانت مب متوقعه اللي صار
معقوله شوق ترشحني اكون بعدها معقوله
طلعت دارها وهي تفكر ومحتاره
محمد حاز في خاطره انه خليفه سبقه ع شوق بس هو ما كرهه ،بس مايقدر يتخيل انه الانسان اللي خذا حبيبته منه يا عشان ياخذ اخته

 

[ضوى العيون]

اول ما وصل خليفه زامه البيت
فطوم: هااااااا بشروا
خليفه: بيردون علينا خبر
وسار داره وام خليفه بعد سارت دارها بدون ماتتكلم
فطوم: بلاكم جنكم يايين من عزا
وطلعت هي بعد دارها

سلامه فكرت واليوم بترد على محمد وبتقوله عن رايها
محمد كان نازل بيسير شغله صار له وايد ماداوم
سلامه: محمد
محمد: هلا بغيتي شي؟
سلامه: يوم ترجع بقولك رايي
محمد سار عند اخته وتم يطالعها واخته اطالعه
محمد:ليش سوين جي ...عشاني ؟
سلامه: عشانك وعشان شوق، انا ما اقدر اشوف صوره شوق فكل مكان شوق اللي كانت الاخت والصديفه والزميله والرفيقه، ما اقدر اخذ الانسان اللي ارتبطت فيه بشوف فيه شوق ماقدر
محمد: سلامه فكري
سلامه: فكرت وجوابي لا ما ريده ماقدر اخذه سامحني ماقدر....
محمد: براحتج انا مابغصبج
وسار محمد شغله وفالطريق اتصل حق خليفه وخبره راي سلامه
خليفه انصدم لانه كان واثق انهم بيوافقون

فاليوم اللي بعده سلامه سارت تزور ام شوق اللي حالتها مستقره
سلامه: شحالج ام شوق
ام شوق اول ماشافت سلامه تمت تصيح
سلامه: خالتي انا يايه ازورج مب يايه عشان تشوفيني واتصحين
ام شوق: ماعليه يابنتي بس اتخيلتج شوااقي ...آآآه يا شوق ولهت عليج ما تدرين بحال امج لو كنت ادري ما بخليج تسيرين السوق
سلامه: خلاص الله يرحمها ادعي لها بالرحمه
ام شوق: الله يرحمها ويغمد روحها الجنه
سلامه: امين
وتمت سلامه تسولف ويا ام شوق لين الظهر وبعدين طلعت عنها وشافت فطوم
فطوم: سلاااااااااااامه شخبارج
سلامه: هلا فطوم وينج عنبو ولا جنه عندج ربيعه اسمها سلامه
فطوم: افا انا ماانسى بس انتي ماتطلعين
وهني ايي خليفه : السلام عليكم
فطوم وسلامه: وعليكم السلامه
سلامه: يالله فطوم باي
فطوم: باي
ردت سالمه البيت وشافت محمد يترياها
محمد: هلا سالمه تعالي
سلامه: خير
محمد: خليفه يا اليوم يخطبج مره ثانيه وعطتني هذي الورقه من شوق
سلامه فتحت الورقه
إلى صديقتي سلامه:
انا كتبت هذي الرساله لاني اعرف انه ما بقالي وايد ، انا رحت المستشفى بعد ماسوينا تحاليل حق امي ،وسويت انا بعد تحاليل ، ماخبرت حد بالنتايج عشان ماريد حد يحس بالشفقه علي، سلامه انا ورثت المرض من عند امي صح كان فبدايته وانه ممكن اتعالج بس ماقدرت اسافر واخلي امي بروحها.
سلامه انا وافقت عخليفه وادري انه بيي يوم بموت فيه عشان جي انا اطلب منج توافقين يوم ايي خليفه يخطبج، هو انسان صدجي مابتلقين مثله ، مثل ما انا مابلقى مثل محمد
انتي بتقري هالرساله بعد ما اموت ، وافقي ياسلامه وافقي
اختج
شوق


وصلنا يوم سلامه تقرا رساله شوق
سلامه: لا ماصدق ...شوق... شوق كانت مريضه وماتخبرني كانت تتحمل وتصبر... ليش ليش ماتعالجت حرام جي حرام
ويلست تصيح ومحمد يهديها
محمد: سلامه حبيبتي شوق مابتكتب هالرساله الا لانها واثقه منج وبعد واثقه انه خليفه هو انسب ريل لج ...
سلامه: خلاص
محمد: يعني موافقه
سلامه: هيه
محمد: مبروك ...فديتج يا اختي ويلوي عليها
بالباجر محمد دق لخليفه وقاله عن موافقع سلامه طبعا خليفه استانس وااااااااااايد اخيرا وافقت والمغرب يو اهل خليفه وحددوا موعد الملجه والعرس بعد... يعني بالخميس الملجه وبعده باسبوعين العرس
سلامه وفطوم كانوا مرتبشين كل يوم السوق عشان يخلصون بسرعه
فطوم: سلامووه بسرعه ورانا اغراض وايد
سلامه: حشا مب انا العروس انتي
فطوم: هههههههههههه يالله ياربي متى بعرس
سلامه: غربلات عدوج جي جدامي انتي ماتستحين
فطوم: استحي من منو !!!!!؟؟؟
سلامه: جي انزين خبرج بيوصل عند خليفه
فطوم: لااااااا دخيلج الا خليفه اصلا يوم احش فيج ماتعرفين شو يسوي فيني
سلامه: بعد تحشين فيني ومن وراي!؟
فطوم: هاا .... سيري لا اسولف وياج
ويكملون سوالفهن لين ما خلصن اقصد بعد ما خمن السوق وما خلن شي ما شرنه
ويا موعد الملجه ...وقعت العروس اللي كانت آيه من الجمال... تخبل
ودخل خليفه وياه محمد على سلامه
خليفه و محمد: السلام عليكم
سلامه: وعليكم السلام
خليفه:...
سلامه:...
محمد:ههههههه يعني اطلع...ههه اشكالكم اتظحك شوفوا عماركم فالمنظره ههههههه
ويطلع وهو ميت من الظحك عليهم
خليفه وسلامه تموا يسولفون عن بيتهم و عن العرس وشو لازم يسوون ومن هالسوالف
قبل العرس باسبوع يا واحد اسمه هزاع يخطب فاطمه( هزاع شاب فيه جمال بسيط طيب وعايلته تعرف عايلة فطوم من زمان)
ام خليفه: ها يابنيتي شو قلتي
فطوم مستويه مثل الطماطه: ماعرف
ام خليفه: يعني شو موافقه
فطوم: اللي تشوقينه انتي زابوي وخليفه
ام خليفه: جي هو ياي يخطبنا والا يخطبج
فطوم: اماااااااااااااااااه
ام خليفه: خلاص فهمنا هههههههه مبروك
فطوم: الله يبارك فيج
اهل خليفه كانوا يبون يسوون عرس عيالهم في نفس اليوم عشان جيه هزاع وفطوم ماسوو حفلة ملجه
وفعلا عرسوا في نفس اليوم أول شي دخلوا خليفه وسلامه وبعد ما روحوا دخلوا هزاع وفاطمه
كان العرس يهبل ولا فالاحلام
محمد كان فرحان باخته وفي نفس الوقت كان يتمنى شوق وياه الحين تشاركه فرحته
محمد بعد شوق اعزف عن الزواج ( مثل مايقولون الحب مره) صكر ابواب قلبه ع شوق محد يقدر يدش بعدها هي الاولى والاخيره ولا في احد بعدها

 

[ضوى العيون]

الله يسلمج ويعافيج يارب