والحل مع هالزوج ؟ اتركهه ؟ اروح بيت اهلي؟ اكلم امي؟

[إبتسامي دمع]

سوري حسستيني إنه مارثون الحمل ٧ من عايلتناحملو وانا ماحملت اتوقع إلي تمرين فيه مجرد غيرة حريم لا اكثر ولا أقل بدليل إنج ماتحبين تشوفين وحده حامل وثاني شي انتي حاسه بضياع و حياتج مو مستقره حتى الخدامه مو عارفه شلون تتعاملين وياها وعلى فكره كثرة الاطفال ماتجلب السعاده وراحت البال حاولي تصلحين علاقتج مع زوجج ولاحقه إنشالله على الحمل *

 

[ديانا سبنسر]

انتي من تزوجتي واناي تعرفين ظروف دوامه لازم تقدرينه وتفهمينه وتكيفين مع وضعه
بنتج صغيرة. تو الناس الهي معاها وبتربيتها و الحمال ملحوق عليييه انشاءالله
الخدامة مو عاجبتج غيريها وجيبي وحدة تعلمينها وتفهم عليج وتريحج
مشاكلج بسيطة ولها حل بس انتي مكبرتها
يبيلج تغييير شامل لشخصيتج

 

[عواش دق دي]

لازم تسحرينه باللوك مالج وبالكشختج وبالعطرج وبالرومانسيه وبالكلام الي يخليه يطلب منج الجماع وااهو ااكيد عنده احساس الحب

والتفاااهم انشاءالله لو ابو جهل بس لهااا قلب واحساس نبض اللبس وكيك وشمع سوي نفس الافلام والله من صجي موقااعد اضحك

يعني انشاءالله مااعطيج ادروس بالاشياء هذي بس حبيت اقول الاسلوب هذا مو تعالى الحين تبويض هذا مو اسلوب

 

[جذابه بنت ذيابه]

حبوبه لا تفكرين بالحمال لان اذا فكرتي فيه بتتعبيين


تعوذي من ابليس وخلي الرجال بحاله مع الايام بيتعدل و يتسنع من نفسه ومن تصرفاتج
خلج ابرد منه .. قومي بواجباته و بسس!

الهي ببيتج و ببنتج وعلمي خدامتج على شوي شوي و اشتري بنادي او روحي بيت اهلج
او اشتري بصالونات للعنايه .. الهي بحياتج و دنياج وصدقيني بيلقي لج بال ..


يمكن يمر بضغوطات نفسيه و يمكن الدوام حيل متعبه يحب دوامه ولا يحب شي ثاني !!

 

[رجفة وهم]

البنات ماقصروا فيهم الخير والله وانا مع كل كلمه قالوها

واهما نصحوك لأنهم خايفين عليك وعادينك بحسبة أختهم

بنتك توها صغيررررررره لاتستعجلين إللي الله كاتبه بيصير

السبب الاول والاخير منك أنتي أنتي نفسيتك تعباااانه حيل من التفكير خذيلك ريلاكس شووي

وغيري حياتك من الأسوء للأحسن أشغلي نفسك بأي شيء غير سالفة الحمال

مو شرط بنتك تتم سنتين لازم تحملين خلي بنتك الحين تاخذ الدلع كله وتكبر شوي

الله يوفقك إن شاء الله

 

[دآنة آلرشآيده]

الله يفرج همج ويرزقج باللي تبين
هونيها وتهون

 

[تبيني آرضى عليك]

الله ييسر امورج ويهدي بالج
انت مشكلتج الاولى علاقتكم المتوترة بالفراش
لا حمال ولا دوام

الخادمة مشكلتج مو مشكلته انت اللي تعلمينها هذا الشي المتعارف عليه
تدريب الخدامة وتعليمة من مسؤولية الزوجة مو الزوج

وبعدين لا تحنين تبويض تبويض
تحسسينه انه الة
اكيد بيتوتر ويخاف يفشل
الاولى تتناقشين ليش الفتور هذا
وتحطين في بالج دوامه الطويل المتعب
انت كأنج تقولين له انامو ميتة عليك بس ابي احمل ابي طفل

واذا بخيل ع البيت خليج بخيلة اكثر بعد
ليش تصرفين
تناقشو باموركم المادية
كل طرف يعرف اللي له واللي عليه

واخذي ملاحظاته لج بعين الاعتبار
فهمي ليش قال احترميني
لا تطوفين شي من ملاحظاته
مو شرط كل كلمة يقولها وهو معصب مايقصد فيها شي
لا مرات يكون شي شايفه عليج

بليز لا تفهمين من ردي اني الومك او اقول انت السبب
بس انا اكلمج كونج الطرف اللي
نعرفه
ونقدر نناقشه

عسى الله يهديه ويسخره لج ويرزقج من حيث لا تحتسبين
ولا تتهورين باتخاذ قرار قبل لا تفكرين عدل

:eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15):

 

[فطوم 84]

البنات كفو ووفوا*

بس بزيد نقطه علي كلامج. *انتي قلتي *يقولج احترميني ))
ترا الريايل تفكيرهم مو نفس تفكيرنا*
يعني اهو يكره المعاشره. *لماتجين وتطلبين))الريال. دايما يحب اهو يبادر. * اهو. اللي يبدا. يتضايق ويبتعد عن المراه. *اللي تجي وتطلب. *يحس. ك انج. تقولين له انته موريال. * * لما تجين وتقولين تعال. ننام. *فتره تبويض. كانج تقولين. خلك ريال. انا ابيك. يفهمونها جذي * علشان جذي. يرد. *ويقولج. احترميني.*
انتي مره. متزوجه لازم تفهمين الريال شلون يفكر. ترا طريقة تفكير الريايل غير عنا*


لاتطلبين واتركيه *خليه اهو يطلبج. اهو يحس انه. جاي. لج. * ولاتطلبين. * * *فتره. اكشخي. وخليه يشتاق لج*

ولاتحرين عمرج. بفلانه وعلانه. *قولي الحمدلله علي البنوته *

والله ييسر امورج ويوفقج ويسخر زوجج لج انشالله. اللهم امين

 

[عسل سل]

,


براييي انه المشكله منج انتي حبيبتي و بآسلوبج ويا الريال !
اتيين له بالفراش تقولين له يلا خل انام مع بعض عشان ابي بيبي و الحين فتره تبويض و مآدري شنو
خو بينيله انج مشتاقتله بدون هالكلآم ..


يعني فتره التبويض كشخي و خلج على سنقه 10 و سوي عشا خفيف و اشتري عطور و يبيله هديه
ترا لريال مثل الياهل .. لميه قوليله آحبك و اشتقتلج جذي رآح تكسبينه
مو بآسلوبج الجآف هاذا و سوري على كلآمي


بالنسبه لـ وظيفته هاذي طبيعه عمله و انتي تدرين فيها المفروض قبل الزوآج ..
يعني بالعربي مآله دآعي تتحلطمين عليه الحين

صح كلاممممهااااا
وانتي اسلوبج احس في مثل الاجبااار وهو مو آله
هالشي يبيله مثل الي قالته الاخت الي فوق ^
وانتي همج الحمماال وانتي عندج بنت اهتمي فيهاا واستانسي حاولي تسوين لج جو اصلن لو بتكونين سلسله بالتعامل راح يصير تعاملج وياه اسهل انتي مصعبتها وبس
والخداامه مايبيلها شي علميها شوي شوي بتعررف
وبالنسبه انه ماعنده وقت خليه على رااحتته
وانتي اكشخي واهتمي سوي الي عليج منها تونسين روحج ومنها ترضينه ف راح يصير الي تبين باذن الله
واكيد بيكون ماله خلق شي 12 ساعه طبعاااا ماله خلق وانتي تحنين
اكيد مايبي لانج غضب تبين هالشغله
وكل شي يبيله وقت مو يلا على طول
حبيبتي هدي بالج ولاتطرين هالشي اهتمي وبس لاتطرين الحمل الحين
توترج بالحمل اهو الي ازم الوضع واهو بسيط ان شاااء الله

 

[عسل سل]

والي تسألج بوقاحه ردي عليها
البنات ماقصرو اهني جاوبوج

 

[Geisha]

اختي الغلط منج من من الريال !!! انا لو منه انحاش عيل حتي علاقتكم بالفراش سويتيها مصطنعه جذي وليش معتبره نفسج بالمهمه المستحيله وبس تبين الحمال تبين تسكتين الحريم هذيل اللي هامينج !؟!؟!؟!؟
فكري بعقلج وشوفي وراجعي امورج وصلحي من غلطاتج
تبينه في طرقوايد مو جذي الله يهديج

وظفيته اكيد من قبل الزواج عارفه وضعه
الخدامه هذا دورج

 

[سيدة الذوق]

قولي الحمدالله انا شقول بنتي صكت ال 9سنوات ولي الحين نتهاوش وقت تبويض

 

[Om_HoBi]

الموضوع قديم و ماكملته بس التعليق ان اول خل يتسنع ريلج تالي فكري تيبين عيال
ليش تكودين يهال و الابو مو مجابل تظلمييينهم

 

[فتاة الكوخ]

يمكن نفسيته تعبت من شافك حمال حمال تحاليل تحاليل اهدي اشوي واللي كاتبه ربي بيجيك

 

[engineerah]

حبيبتي ذكري ربج و تعوذي من بليس .... اذا الله كاتب لج الحمل بتحملين و اذا لا لو شتسوين ماراح تحملين صج يمكن اهو تعبان الشغل يهد الحيل لاتحنين عليه الرجال مايحب الحنه اذا يبيج اهو الي بدورج انتي لاتكررين الموضوع عشان اهو لايزهق .... قوليله الله يعطيك العافيه ماتقصر حبيبي ادري انت تعبان من الشغل انا ولهانه عليك ولاتيبين طاري الحمال كلشششش بعدين ترا 8 شهور شويه مو وايد و كل شي خيرة و نصيب من رب العالمين .... الله يصلح الي بينكم و حاولي تكسبينه اهو كانسان قبل لايكون زوج و موفقه حبيبتي و ادعي ربج يرزقج الذريه الصالحه

 

[قلب طفـــله]

الموضوع القديم !

الله يهديج ترى بنتج صغيره شفيج ميته ع الحمال !

تقولون دوام وخدامه ماتفهم وابو مايقدر ولايهتم ليش تييبين عيال وتكودينهم !

واذا رفيجاتج حملو هذا رزقهم مكتوب لهم شعليج من الناس

اذا حد سالج ليش ماحملتي قوليلهم بسم الله تو الناس بنتي صغيره خل جسمي يرتاح وخل نستانس انا وريلي بشبابنا !

الله يهدي ريلج ويحنن قلبه عليج

 

[Shoshaa_q8]

بصراحه انتي مكبرة الموضوع
استهدي بالله اولا
و الرزق من رب العباد مو من المستشفيات لو رحتي لاكبر دكتوره ماراح تحملج و التبويض مو شرط يسبب حمل انا قعدت اسويها بايام التيويض ولا صار و بالوقت الي مافكرت فيه و ووكلت امري لله سبحانه حملت الحمدلله بعد سنه ونص

اولا توكلي علا الله سبحانه و ادعي ليل و نهار و انصحج بقيام الليل تدعين بالذريه الصالحه عاجلا غير اجل
ثانيا لا تشوفين ارزاق غيرج دام ربي رزقها قولي عسى الله يرزقني بالمثل و ادعي ان الله سبحانه يبعد عن قلبج الحسد حرام هاذي ارزاقهم و رزقج بيجيج بس آمني بالله و توكلي عليه صدقيني زوجج ماراح يجيب لج الولد الا اذا الله كاتبه
ثالثا انتي كل بعد دوره باسبوع البسي اكشخي خليه يجيج من غير ما تقولين له عن التبويض قولي خاطري فيك
و سوالفج لا تكون كلها حمل حمل حمل لاني مالومه ينحاش يبي يفكر بشي ثاني ف يبتعد
حسسيه بالحب لما يدخل اضحكي بوجهه سوي له عشا بنفس حلوه و كشخه مايحتاج اقولج هالشغلات بس لا تقولين ما يستاهل زوجج ارحم من ازواج غيرج
بس خلي بيتج مكان يريحه مو ينحشه
و لازم الزوج يفج شوي عنج عشان هم ترتاحين و الطلعات لو طلعه بالاسبوع بس لا تقولين طلعني كل اسبوع لاا قولي له بعد ما تشوفينه مرتاح جذي ابي نطلع باجر نطلع خاطري بالطلعه

و نصيحه لا تصيرين نفسيه بسالفه الحماله وربي غيرج يتمنى جاهل واااااحد
الحماله بيد رب العالمين ادعي غيرج وانا اشوفه سنين ماخلو شي و لا حملت

 

[انصاريه قمره]

من صجج !!
فوق كل هالضغوط تبين تحملين حياتج مو مستقره ونفسيتج تعبانه وبنتج اسم الله عليها صغيره وانتي تداومين وريلج دوام وخدامتج ما تعرف شي ولا تعلمت لي الحين وناويه تحملين صدقيني بتتعبين داري نفسج وبنيتج وضبط حياتج مع زوجج وعلمي خدامتج وخلي حياتج تستقر ونفسيتج تتعدل وبعدهااا انشالله تحملين بتوم صبيان وتولدينهم بالسلامه

 

[عاشقة هواك]

اول شي الله يعينج

وثاني شي تمني الخير حق الناس عشان الله يعطيج ويرزقج لا تخلين قلبج اسود كل شي رزق من الله


واذا الله كاتب لج تحملين راح تحملين بس عليج بالاستغفار