والحل انا مليت

[عاشقة هواك]

الله يهديج

 

[شيوخ ــه]

علي فكره حيل نرفزتيني


حسبي الله ونعم الوكيل


انتي مريضه نفسيا ولازم تتعالجي هذا مو عيب


وعلي فكره الدنيا دواررهةوبيجي اليوم اللي بتعيشين بروحج ومحدويحبج ويفكر فيج


وراح يجيلج يوم محدويسالفيج وانتي باعز لئحاجه ليوقفون معاج


انا متاكده انتي انتي ما تحبين تفسج لان لو تحبينها ما صرتي انسانه سيئه وانتي مو راضيه عن نفسج


اللي مافيه خيرةلاهله ما فيه خيرىفي الناس


وراح تتحاسبين علي سواتجوالله يسود الوجه اللي يفعل مثل هالفعل اذا تبين اللهةيسعدج صلحي اخطائج وتخربين الرجال علي اهله


وخافي ربج في اهج وخواتج

 

[شيوخ ــه]

بدليات سوري. بس مالي لق اعدل


صاحبه الموضوعةانا رديت عليج لكن والله انا ما اتصور في هالزمن اللي الكل يحاول يعدل منزنفسه القي وحده مثلج الجهل. لاعب فيها

 

[سكوتي بذوقي]

مافيكِ ذرة طيب

لو طيبه ماتخلين الرجال يتغير على أهله

تنتقمين منهم ليش عرفتيهم علشان تقولين سوو لك شي لا طبعاً

وحتى لو قالو شي الوحده تسمع وتطنش علشان حياتها تسير

انتي تدمرين نفسك انتي عدوه لنفسك اسلوبك هذا مايخلي الناس يحبونك ويحترمونك

بالعكس ينفرون منك لاتخلين الماضي يغلب على الحاضر

الله يهديكِ يارب

 

[~ بنت الهدى ~]

مريضه نفسياً

كل هذا و تقولين حنونه و طيبه !!!!!


استغفر الله

الله يشفيج اختي

و يعين خطيبج عليج !

 

[pinky_3soola]

لا حول ولا قوة الا بالله

الله الهادي يا عمريي

اذا الله يسامح عبيده !!! منو احنا عشان ما نسامح :eh_s(16):

و اذا لي هالدرجه شايله على قلبج عليهم خلاص طاف بالطقاق الي يطقهم:eh_s(8): سامحيهم و وخري عن دربهم كملي حياتج و لا تربطيين مشاكل العايله ب خصوصياتج

ترا باجر انتي راح تصيرين ربه بيت و راح تربين اجيال انشالله

و الله مو زين الكره لا تحمليين بقلبج هالشغلات السلبيه ترا بعدييين تتحول حق امراض افه سمالله عليج غيل من سنو الناس صار فيهم السرطان و القلب و قرحة المعده و غيرها و غيرها تر 95% من المرض الوضع النفسيي

اسم الله عليج الرحمن و الله الهادي و عسى ربي يتمم عليج الفرحه :eh_s(17):

 

[احبج ياديرتى]

واضح انج وانتى صغيره مدلله حيل عشان جذى مسيطره على البيت وماتحبين يمشون كلااهم عليج مالج حل غير الصلاه وتدعين ربج يهديج

 

[غداً القاك]

الله يشفيك ..

 

[هديتي]

أحس في شئ غلط بالموضوع ..
معقول عارفة اخطاءك و بتعترفي فيها و ما بدك تصلحي من حالك؟؟؟

 

[جوري - q8]

قبل سبع سنين يعني عمرج١٧ وكل هالسنين يمكن قسوة قلبج كبرت وياج شي حلو انج تعترفين هذا اول العلاج نصيحه خلي زواجج مفتاح لتغييرج ترا الي تزوج تغير فيها اشياء كثيره انشالله تحملين وتلتهين بنفسج وتنشغلين بضناج عن الناس ادعيلج ان الله يهديج

 

[روانتي 12]

سلام عليكم . .

قبل لا إبتدي بكلامي بقولج شي (( عامل ناس كما تحب أن يعاملوك ))

امبيه 7 و3 سنين قاطعه خواتج . . تعتبرين قاطعة رحم وهالشي مايجوز لانج بتدخلين نار لا سمح الله الا اذا رحمج برحمته الواسعه
حبيبتي حاولي تتخلصين من جميع اساليبج الي مو حلوه ترا جذي أبدآ مو حلو كونج كابنت وربي يعطي كل شخص على قد نيته
لا تصيرين قاسيه ولا تصيرين راعية انتقامات و راعية بلاوي حاولي تتخلصين استغفر الله امانه بسألج بالله انتي مرتاحه باللي قاعده تسوينه ؟! بتجذبين علي اذا قلتي إيه
لا حول ولا قوة الا بالله العلي العظيم تغيري تغير شاصع خلي الكل يحبج ويحترمج ويقدرج اما اذا تبقين على هذي الحاله اعرفي ان ناس راح تعاملج مثل ماتعاملينهم
لاتقولين ما اقدر لا تقدرين اذا تبين لكن هذا شيطان يلعب عليج ويقص عليج لا تصيرين ضعيفه جدامه خليج قويه
وعسسسى الله يهديج

 

[القلب الخالي]

والله اختي كسرتي خاطري..
بس مافي بيدي غير اني ادعيلج واقول فكري اكثر بمسئلة الدكتور النفسي
وانتبهي مايكون اي كلاام لانو في دكاترة مو شي..

 

[هدوووشه]

شكلك انصدمتي من اقرب ناس لك وهذا اللي خلا اسلووبك كذا
وكبريائك هو اللي مخليك ماتتجرأين تصالحينهم
بس بقوولك شغلة انا لي اخووو كان مقاطع اخوي من ابوي وكلنا نحبه الا هو
ويوم فكر يصالحه بعد سنين سبحان الله تووفى اخوي
وتعالي شووفي الندم بكى بكا قطع قلوووبنا
الانسان مايحس بقيمة الشخص الا اذا مات وان شاءالله ماتفقدين احد
بس لازم تتغيرين وانتي ادرى ..
مووفقه

 

[هدوووشه]

بنات لا تحطمون البنت صحيح غلطانة ومعترفه وكاتبه المشكلة
مو عشان
تقولون مريضة نفسيا ؟ وغيره !!
اعطووها الدافع انها تصلح
ولا اسلوبكم هذا ماظنتي يصلح المشكلة يمكن يزيدها سووء

 

[أعشقه]

من كلامك احس اني خايفه ارد عليك وتكرهيني ..
قبل كل شي ابي اقولك شغله وحده
دام ماتبين تروحين لطبيب نفسي حلي وعالجي امورك بحسن النيه واتركي كل شي ع ربك
في مثل يقول .. من سوى سوي له ..
يعني مثل ماتسوين في اهلك وناسك بيجي من يسوي لك ..
اولهم عياالك .. اذا ربي رزقك ..
دام داخلك حنون ليه تخفين هالشي .. خليك حنونه ع اهلك وخواتك
وحرام تقسين قلب زوجك ع اهله وهذا انتي للحين مابعد تدخلين في حيات اهله ..
اتقي الله ..
الغريب في المووضوع انك تعرفين نفسك وتعرفين شيخصيتك
فااتوقع تعرفين وش علاجك ووش المفروض تسوينه
الدنيا ممر نهايته المووت .. فا لاتخلين حياتك تضيع بالخداع ..
صدقيني بيجي يوم وبتندمين فيه وبتقولين ياليت وياليت بس بعدها ماتفيد ولا تنفع
خليك صافيه وحبوبه خلي الكل يحب الجلسه معك ويتقبلونك اتركي الكره عنك
وصفي قلبك ..
الله يجعل حياتك طريقها السعاده

 

[جراحي تخدر]

اختتتتتتتتتتتتتتتي ..

ليش كل هالحقد .. 7 سنين اعوووووذ بالله
سامحيهم موعشانهم عشان ترفع اعمالك لله

وزوجك احمدي ربك وحبي اهله لانهم لولاهم ماكان هو زوجك
لانهم اكيد مختارينه لك ف ليش كل هذا وش سوا لك
وبكره بيجي لك ولد صدقيني وانا اقولك وانا متاكده بتسوي حرمته وبتكرهه فيك
ف انتي اكييييييييييييييييد ماترضينها كيف ترضينها على امه وخواته
خافي ربك تر وراك حفررره محد يدخلها الا انتي
وتقربي لله

الله يهيدك لطريق الخير

 

[قمر بيت أبوها]

مليتي من أسلوبك وحياتك وقطاعتك صح؟!
طيب لما تموتين يمكن بكره يمكن بعد يومين ويمكن بعد عرسك مباشره
منوا الي بيدفنونك ومن اللي بيغسلونك ومن بيأخذون عزاك هذولا اللي انتي حاقد عليهم
الله لا يقسى قلوبنا علي أهلنا ولا علي المسلمين
عسانا نموت مظلمين ولا ظالمين
عسي الله يبلانا بكل شي الإ قسوة القلب اللي تخلين نتجرأ علي الله وخلقه
أخرتك وأخرتنا ترآآآآآآآآآآآآآآب مهما كنتي قويه رغمآ عن أنفك ينثر عليك ترآآآآب ويمشي عليه البشر
القوه بالتواضع والرحمه
القوه بالدعوه للإسلام
القوه القيام بالليل والبرد قارس
القوه الصبر علي الألم لأجل الله

 

[شونغ هونغ]

دكتور نفسي دايركت

 

[هب العطر]

معقوله لها الدرجه انتي شاريه جهنم الحمرا ؟؟؟

هالتصرفات لها نهايه واحده : جهنم و بئس المصير , تعرفين جهنم ؟؟؟


انتي رايحه لها بريولج ,,


لما تسوين هالحركات و تفرحين لما تغيظين فلانه و علانه , كم يوم بتفرحين ؟ سنه سنتين ؟؟ و بعدين ؟؟


مستعدة تتحملين عشرااااااااااات السنين و انتي بين العقارب و الحيات في جهنم اللي ما ترحم ؟؟؟


تضيعين عمرج و شبابج و حياتج و انتي في الجانب الاسود من الدنيا ما تشوفين من السعاده شيء ؟؟


بالله عليج هذي حياة ؟؟ لا رفيجات و لا اخوات و لا راحه ضمير ؟؟


هذي عيشه ؟


شنو بتاخذين من الدنيا ؟ الاشياء اللي تسوينها و سواد القلب اللي انتي فيه راح يضرج حتى بحياتج الزوجيه و عيالج و كل شيء


راح تعيشين بضنك و ضيم , و ترا كل شيء تسوينه ظلم و طغيان ترا بتشوفين حوبته بصحتج و بمالج و بعيالج و ريلج ,, تبين يصير فيج جذي ؟؟؟


انتي ضامنه ان ربي ما راح يعاقبج على تصرفاتج ؟؟ ضامنه ان العقوبه ما راح تكون بصحتج او جمالج او نظرج او حركتج ؟ ضامنه ؟


لما تسوين الاشياء هذي ما يصيبج خوف من ربي ان هذا ظلم و حرام و نهايته وخيمه ؟


حتى لو الناس اللي حوالينج مو زينين , مسموح تدافعين عن نفسج بس مو مسموح تضرين و تعادين و تحفرين , ترا ربج يدري بهذا كله ,,


تبين تعيشين حياتج كلها و انتي تتوقعين حوبه فلانه و الا علانه ؟؟


استغفري ربج ,, استغفري ترا اللي انتي فيه مو شويه ,,


و ما دام انج اعترفتي و اشتكيتي , هذا يدل على انج على اول خطوات التصحيح , و هذا مؤشر طيب


تعوذي بالله من ابليس , و لا ترافجين ابليس و تقوينه على نفسج ,


تعوذي بالله من الشيطان ,, و افتحي صفحه يديده 100 % و نظفي قلبج من داخل ,,


ركزي على صلاتج و ايمانج و اقري قرآن و رددي ( اللهم أزل سخيمه قلبي )


و ابتدي صفحه جديده , انا ما اقول لج اعتذري و مادري شنو ,, لا , خلي اعتذارج بشكل غير مباشر


يعني سوي عزيمه و اعزميهم ,, توسطي لوحده من خواتج عند امج او دافعي عنها بالكلام و خليها تسمع


اشتري لعيالهم هدايا اذا عندهم عيال ,,


و شوي شوي تلين القلوب ,,

 

[حلوه بس هبله]

بيني وبينج صصصصدمتيني يوم قلتي انج تقسين زوجج على اهله
انتي حطي تفسج في مكانه ترضين انه يخليج تقسين على امج !؟ تقسين على اخبابج ؟! عشان ريلج ؟!!!!
مستحيل ترضينها ،،، اتركي الرجال في حاله خليه يحترمج كبري في عينه بدال لا تقولين له خلنا نطلع اهلك معاها اليوم الفلاني او ازورهم في اليوم الفلاني او جيب هدايا لاهلك بدون مناسبه ، تروحين تقسينه على اهله ؟؟؟ ليه شصاير ؟!
هذا جزاتهم انهم فكرو فيج زوجه لولدهم يستر عليج ويحبج ويحافظ عليج وتجيبين لهم الحفيد ويفتخرون فيج جدام جماعتهم واهلهم ؟!!!
لا بصراحه انتي استخفيتي ، غيرج يتمنى الريل ومو محصلين
شوفي حبوبه المشكله مو بالناس المشكله فيج انتي لازم تراجعين طبيب نفسي والاحظ فيج كبرياء بشكل فظيع
اكسري هالكبرياء عشان ماتهدمين حياتج وحياة زوجج بيدج لاززم تتعالجين وباسرع وقت ممكن لاززززم
لا تزعلين مني او من كلامي بس ذكرتيني في مرت خالي جذي تسوي في خالي لحد ماكشفها وكشف الاعيبها
قسسم بالله ان جدتي واهلي يدعون عليها وربج من الله صارت ماتجيب عيال من دعاوينا عليها
حبوبه الدنيا صغيره كما تدين تدان باجر تجي وحده لولدج تخليه يقسى عليج انتبهي انننتبهي
لا تلعبين براسه تغيري عشانه ، هو عشانه يحبج ماشي معاج ولان الحب عمي راح يمشي معاج
اصحي انتي قبل لا يصحى من الي هو فيه وتتوهقين وتقولين ريت الي كان ما صار

الله يعينج ويوفقج