واقفه بنص المجمع مع حبيبها وتتضحك وتتكركر جدام اللي يسوى واللي مايسوى !!!

[جروح ودموع]

لا تعليييق

 

[Şhώasha . . ~]

ارائكم على عيني وراسي بس عاد الكل شدعوه في
بعضهم بس ع الفاضي لا عيالهم شياطين ولا شي !
اخت رفيجتي عندها ولد واحد وعمره سنتين وتودي معاها
3 خدامات ليش تقول بس ابي الناس يجوفون اني بخخير ونعمه :|

 

[3oosh <3 MJ]

الله يهديهم يارب
وبعدين اللي مافيها شده تعابل يهال لاتييب يهال احسن لها
مشكوورة حبيبتي

 

[ScarletteO'Hara]

انا ممكن استنكر الي تروح السوق مع ريلها و ماخذة الخدامة معاها
طلعة عائلية ليش تحشرين الخدم فيها ما احب هالحركة و ان شاء الله ما اسويها
اما الي مثلا تطلع بروحها مع غيابها و معاها خدامة مافيها شي اذا تبي تتسوق و تخلي الخدامة تجابل اليهال

اما الموقف الثاني ترى ما تقدرين تتأكدين ان الشخص الي معاها رفيجها
ان بعض الظن اثم
ما احب التكهنات الي جذي لأني مرة انحطيت بهذا الموقف و انفهمت غلط
كنت طالعة مع ريلي رايحين مطعم و متفقين مع خواتي هناك
في طاولة بنات يمنا يطالعونا و يتناقزون
و لما طلعنا من المطعم ريلي راح بسيارته و انا رديت مع خواتي
عاد لا تشوفين قاموا البنات يتمسخرون و يأشرون علينا أشكرة يحسبون ريلي رفيج وحدة منا
و لا تاخذينها مقياس ان اسمر مستحيل يكون اخو وحدة بيضة
انا بيضة و اخواني الشباب سمر عادي
و هم صج سالفة الأربع خدم فيها مبالغة كبيرة
شدعوة وحدة ما تكفي؟؟؟
انا اعرف وحده عندها ٣ عيال حق كل واحد خدامة
ما احب جذي

 

[ام عفاف الكويت]

انا بكلمج بنقطه الخدم اانا مره دشيت مجمع ومعاي اعيال اخوي وخدامتهم وولد اخوي وخدامته وعيالي خدامتهم يعني مو كلهم لي لا بالعكس يمكن مو كلهم لها في بيت الحين فيه اكثر من 2 لاسره وحده ماشاااء الله اما اللى تكركر الله يهديها الحمدلله والشكر يايبه عيالها وتغازل الله يهديييييييييييها

 

[رحيق الحياة]

يعني هو موضوعج 1- تناقشن قضيته تعدد الخدم,,, انتو شكو بالناس مانتي ادرى بحتياجاتهم ان شاء الله عندهم مليون خدامه شكوو فيهم انتي امبييييي صج ماس ماعندهم شغل
2- حش بالناس شفت وحده مع واحد ,,, اقولج(ان بعض الظن اثم ) وبعدين بدال لاتقولين الله يستر عليهم قاعده وحش فيهم وخذيتي اثم وبعدين اش دراج يمكن يقرب لها
3-ماكو شغل مراقبت و تصرفاتهم ,, اقولج من راقب الناس مااااااااااااااااااااااات هما

 

[dantella]

مالج شغل باحد
ناس الله معطيهم خير انتي ليش معترضه
الله يرزقج مثل مارزقهم

 

[لحظآتَ]

غريبه والله!!
انا لا رحت السوق
تلوع جبدي يادوب اخلص اغراضي وامشي
ماحب اخز فلانه وعلانه ومنو معاها وشنو شرت
ماحب احس بضيقه .. اصلا مايمديني يادوب اشيل قشّي واتشرّى وامشي
طبيعي من راقب الناس مات همّا !!
شعلينا من العالم بالله ..
جان زين ننشغل بنفسنا والله يهدي الجميع !

 

[عالمي انا غير]

حبييبتي وانتي ليش متعبه نفسج كل واحد ذنبه ع جنبه

من راقب الناس مات هما

 

[كنت و كنت]

الـصـراحـه مـالـه داعـي تـراقبيـن أللـي داش و طــالـع
و اللــه يــهدي الجميــع ​

 

[@ كويتيه @]

ههههههههههههههههههه
حبيبتي هاذي تهوون
مرهـ كنت انا وخالي ملتزم نتمشى بالافنيوز بنروح لمرته وامي وخالتي
تخيلو واحد ماسكه مرته من ظهرها ويمشون جدام خالي وخالي يستغفر ويمشي اوووم الفشله تمنيت الارض تنشق وتبلعني من الفشله
والا تقرب من اذنه اللي يشوفها من بعيد يقول جنى تبوسه استغفرا الله تخيلوو يابناات تقوله بصووت عالي مو منصجك لاااا بدلع ومياعه والدلع وين واهيا وين والحجم استغفرا الله اتقولون تاهو 6 سلندر استغفرا الله الله يهديهم وخالي لاتشوفونه عصصصب عااد انا بضيع السالفه قلت دقيقه بأخذ موكا من ستار بكس قال تمشين للسياره والا افشلج جداامهم بصراحه ما الووومه (جمع اللوم) خخخخخخ << براا

بلييز اللي من هالنوعيه تسوي هالحركاات ببيتهااا واانااا ادري كويتيات مو مثلهااا بسس ما اقول الا الله يهديها اهي وزوجهاا

واسسفه على الاطاله واسمحيلي صاحبة الموضوع بسس احسس الموقف اقوى من المواقف اللي حطيتيهاا

 

[Şhώasha . . ~]

اوكي على قولتكم كيفهم يعددون الخدم مثل ماوضحت بردي الاولي
انا شعلي منهم خلاص كيفهم بس اللي ابي اوصل له في ناس اهم عايله صغيره عندهم مليون خدامه
ليش الله راح حاسبهم اهم مب لعبه !!
و الموضوع الثاني شدعوه كلكم كليتوني بقشوري !! ، احنا ياين انتناقش مب انتهاوش !
و الصراحه طريقتكم ماعجبتنيُ ، المهم مب مشكله بس اللي تقولي ان بعض الظن اثم وانتي شعليج من خلق الله وتحشين !
شنو مالي شغل بخلق الله وآحش آي آحش آي بطيخ ! ، هذي مايسمونه حش الحش اهو اتكلم عنها بكلام سوء انا الحمدلله لا تكلمت عنها بكلام سوء ولا شي الحمدلله ملتزمه حدودي و اعرف الصح من الغلط ! ، وبعدين من قال لكم ظلمتها لو ظلمتها جان ماجفتوها اتلفت يمين ويسار و الف علامه وعلامه على ويهها .. لنفرض ظلمتها بس الحركات الوصخه بعد ظالمتها !!!
بنات انا مادري انتوا شلون تفكرون بس وحده اكتبت شي كلكم قلدتوها في بعضكم انا ادري مب وجهة نظرهم بس يقلدون .. لاحول ولا قوة الا بالله ...
مشكورين وماقصرتوا !

 

[Strawberry]

من راقب الناس مات هما

:eh_s(15)::eh_s(15):

 

[Şhώasha . . ~]

وبعدين بنات صح تذكرت اكي انا بعد سمره
بس اخوي فاتح كل اللي يجوفه مايقول اخوي !!!
بس مب لدرجة آني هبله ومافهم وماعرف اذا اخوها ولا واحد يقرب لها
اخوها يتلصق فيها ويده عىل جتفها وخصرها ويتضحكون ويتكركرون جدآم خلق الله
اخوها بتقعد تتلفت يمين ويسار .. اخوها ولا واحد يصير لها يعني بتقعد معاه شوي وتروح وهي الف علامه وعلامه على ويهها !
كله بس تبون تطلعون الناس ان اهم الغلطانين واللي يحشون بخلق الله .. واللي تقولي انا اروح مكان بس آبي آخذ الشغله وماعلي من خلق الله اقولها مب كل الناس مثلج !! .. يعني معقوله انا بوقف وبطالعهم انا كنت قاعده اتغدى عند ردهة المطاعم وجفتهم جدامي واقفين !!
شـقالت احش قالت !

 

[منال القلب]

ماكو فايدة فيكم
بس تخوززون بالعالم
من راقب الناس مات هما
وانتي شكو فيهم حبيبتي!!
خلاص لهم رب فوقهم ويحاسبهم
واعتقد اهما كبار وعارفين الي يسونه غلط
بالطقاق الي يطقهم انتي ليش حارة نفسج؟
لا اهم يعرفونج ولا انتي تعرفينهم خليهم يولون

===

انا من يومين كنت بالافنيوز
وشفت منظر كلش بايخ وماعجبني وتكلمت عنه
وقلت رايي فيه انه ماعجبني.. بس ان اسوي موضوع علشان
اتكلم على موقف شفته وابي رايي الناس فيه فصدقيني ماراح تخلصين لي باجر..
واكيد من بعد كلامج اكيد راح تشوفين ردود من نمط واحد..

 

[Şhώasha . . ~]

منال القلب
منوره حبيبتي .. بس آهو للنقاش وياكثر المواضيع اللي على هالمنوال يات علي انا
جزآ الله كل وحده ردت على موضوعي خير

 

[نونو العصله]

هي ما راقبت الناس
وحده تمشي جدامي اغمض عيوني مثلا

هي طرحت موضضوع عن اللي شافته وما عجبها

وكفا الله المؤمنين شر القتال

 

[kuwaitya_zoGaa]

انا افسر لج
الاولي يمكن ماخذه الخدامه تغير جو وماتبي تخليها بالشقه بروحها ... او ... انها تبي تقعد مع زوجها وماتبي تلها مع الياهل .
الثانيه واضح انهم مو ملوتها او انه خيرهم وايد وتبين الصج 4 يهال صغار صعبه طلعتهم .
اما الحاله الاخيره ... الله اعلم انا ما احط بذمتي لاني تعرضت لنفس الموقف ولد عمتي اسمر حيل وانا بيضه وكنا نسولف مع بعض بالمجمع ... فما احط ابالي اى شى ثاني .

 

[وردة-الكويت]

يحطون خدامه عشر خدامات كيفهم اهم حرين انتي تشوفين ماله داعي هذي وجهت نظرج ماتغصبين الناس عليها

وكل وحده حره بنفسها اما الي تسولف مع واحد وتضحك احسني النيه يااختي يمكن خالها عمها اخوها ولد اخوها ولد اختها

اخوها بلرضاع احسني النيه بعدين انتي تروحين تتسوقين بلمجمع ولا تراقبين الناس من راقب الناس مات هما وهذي مو مشكله

اجتماعيه عشان تزلين موضوع ان انتي شفتي خدامات ماسكين اليهال كل وحده حره بقراراتها

 

[غلآوي .~]

الله لا تبلانآ