واقفه بنص المجمع مع حبيبها وتتضحك وتتكركر جدام اللي يسوى واللي مايسوى !!!

[Şhώasha . . ~]

السلام عليكم ورحمة الله وبركاته
مبارك عليكم باقي الشهر ..
بنات انا قبل كم يوم رحت مجمع من المجمعات ..
آختي كانت تشتري شغله من سيفورا ..
انا وامي واقفين ننطر آختي على ماتخلص واتيي لنا ..
كنا تحت واهي فوق على ماننطرها ..
الا نجوف وحده مع ريلها دآشين المجمع و وراهم ولد صغير والخدامه ماسكته من يده
يعني تقريبا سنتين او 3 سنين لا اكثر ..
انزين يعني عيزانين تمسكون الولد ..؟؟؟؟؟ .. امي احترت .. قالت شمهته هذي اللي وياها ليش مخلي الولد عند الخدامه يعني اهم اثنين خل اي احد يمسك بيده ولا يشيله ... هذي وهو واحد جذي عيل لو عشرة شبيسوي ..؟؟؟
وبعد مرهكنت رايحه الا اجوف وحده مبين عليها بالعشرين .. عندها اربع عيال صغار .. و وراها 4 خدامات :eh_s(4):
وكل خدامه ماسكه ياهل .. لعنبووو !!!
ليش هاي كله .. اهو تباهي .. لا مبالاه ولاشنو بالضبط ..؟؟؟
وبعد جفت ذاك اليوم قبل شهرين تقريبا .. وحده ماشيه و وراها خدامتين .. وحده ماسكه الياهل والاغراض و الثانيه ماسكه واحد رضيع بيدها ويمشون ورا هالأم الدآيخه ..
وجدام عيني .. قالت حق الخدم روحوا لعبوهم بالالعاااب .. وهي مبين عليها ناطره احد جان اييها واحد تمت واقفه فتره تسولف وياه .. اهو كان اسمر وهي بيضه واااايد .. ولاتقولون لي اخوان لان مستحيل .. المهم تمت فتره تسولف وياااااه وتتضحك بدلع ومادري شتسوي .. ويحط يده على جتفه ومادري شيسوي حركات قذره .. تبون تسون شي روحوا بيتكم جدام الناس ليش بعد ..؟؟؟؟
المهم بعد ماخلصت سوالف ودعته وراحت صوب الالعاب !!! .. يعني اكيد اكيد حبيبها اللي مابيشك يشك !!! :rgewrg:
النوعية الاولى انا ما اجوف لها داعي كللللللش .. بس مفوشر !!!
و النوعية ثانيه لا تعليق صراحه كل اللي اقدر اقوله الله يهديها !!!
و اترك التعليق لكم وشرايكم بهالنوعيات ..؟؟؟؟

 

[فديت حلاتي]

هههههه والله ضحكتني النوعيه الاولى وخصوصا الاربع خدامات

جد لقالو شر البلية مايضحك

وبالنسبه للنوعيه الثانيه لاتعلييق

الله يهديها ولايبلانا والمشكله انها ام وعندها اطفال

 

[حبيبي وبس]

من راقب الناس مات هما

 

[مفسرة الاحلام]

الله يهديها ويهدينا ويهدي جميع المسلمين

 

[sadan111]

لو كل وحده انشغلت بعيوبها كان الناس بخير

 

[Tulips]

الله يستر على الجميع

 

[Freakya]

أول شي على سالفة تعدد الخدامات يمكن الناس عندها فلوس زايدة

خدامات الاوادم زاعجينج شي ؟؟

و بعدين يمكن الريال يصير حق المرة خو انتي تعرفينها و تعرفين اهلها طبعا لأ

اخر شي بقولج ان الظليمة شينه و من راقب الناس مات هما

 

[بنت عطا]

بالنسبه للخدامات منظر طبيعي نشوفه

وبالنسبه للي ماشيه وراها ٤ خدامات يمكن موكلهم لها يمكن مالوت خواتها ترا دايم تصير معاي اكون طالعه واخذ عيال
خواتي وخداماتهم فاللي بيشوفني بيقول كلهم لي

وبالنسبه اللي واقفه وتضحك مع واحد كيفهم هالمناظر صارت بكل مكان وشي عادي عن هالناس* الله يهديهم

 

[fulla 7elwa]

الظليمه شينه
اسمحيلي بس مو من حقج تحشين بالناس
شي ما ترضينه عليج لا ترضينه على غيرج

 

[بـربـوشـآ]

استري على ما واجهتي ..

والله يحب الستر

ادعي لهم بالهدايه ..

 

[بـربـوشـآ]

اما مسألة الخدم ..

يمكن المرهـ تبي تسوق وما تقدر تخلي ولدهـآإ بالبيت بروحه ..

فـ خذته .. ما اشوف فيهآ شيء عآدي

 

[Şhώasha . . ~]

آول شي على سالفة الخدامات .. انا صراحه اجوف ان ماله داعي
وبعدين انا لاحشيت بالناس ولاتكلمت من ورا احد وانا من طبعي اصلا ماحب احش
ثاني شي اهي ظاهره وحبيت اسمع رايكم فيها وبتصرف المره
يعني شنو معقوله واحد يصير لها بتم اتلفت يمين ويسار وتصرف عيالها والخدم !!
شنو الياهل بيشك !!
وبعدين كل وحده اكيد بتجوف شي ماعجبها بتتكلم عنه انا لاذكرت من هي المره ولا شي
وانا لا اعرفها ولاهي تعرفني .. !!
اهو مجرد حدث صار جدام عيني حبيت اناقشكم فيه لا اقل ولا اكثر .. !!
و انا ماظلمت احد الحمدلله واذا كان واحد من اهلها يارب سامحني
و مشكورين وكل وحده عادي تقول رايها بس بدون تجريح

 

[سكوتي بذوقي]

ياختي الحين كل الناس مايعيشون من غير الخدامات

الأم تجيب عيالها وتقطهم على الخدامه

يعني شوفوني متزوجه وعندي عيال هذا اللي تبيه بس

اما تربيه لا ولما عيالهم يضيعون وقتها يحسون

بالنسبه للموضوع الثاني يمكن يكون زوجها وقف السياره بالمواقف ونزل لهم او قريب لها ماحب سوء الظن

يعطيكِ العافيه

 

[sarona babydoll]

امبيه شدعوه كليتو البنيه @@
اهيا ماحشت بأحد اهيا مجرد قالت مواقف شافتها وماعجبتها وحبت تتناقش معاكم وتشوف ارائكم !!!
اللحين اللي تحش بأهلها واهل ريلها ومايبقى كلمه ما تقولها عنهم ماتقولون لها شي وهذي عشان كتبت جم موقف سويتوها حش ومادري شنو !!! شكو ؟ شالتناقض ؟ الحمدالله والشكر​

 

[Şhώasha . . ~]

sarona babydoll
آيه عليج
آنتي اللي فاهمتني .. بمجرد آن وحده اكتبت رد كلهم
صاروا يكتبون على نفس المنوال وانا هالشي ماحبه صراحه كلش :\
وآيد لاحظظظت هالنوعية من البنات ( مو الكل بس الاغلب )

 

[ღ كحلاء العين ღ]

،*

بسـآلفة آلخـدآمآت گيفهم حلآلهم ويسون الليے يبـونـه …

بسآلفـة آلمرهـ هم گيفهآ مآ تدرين شنو يقرب لهآ عـآديے تـریے !

آنـآ عمميے آسممر حيييل و عمتيے بيييضه تقولين زبـدهـ من بيآضهـآ …

و يمگن آنتـيے آلليے شگگج آلحرگآت آلليے سوهآ …

لآ تعوريـن رآسج بهآلنآس وتشيلين همهم بتتعبين …

ومشگوورهـ عآلموضـوع …

​

 

[غلا التركي]

والله مدري شقووووووووول

الله يستر على جميع المسلمين

 

[bal8es]

النوعيه الاولى والله بالعكس تحط للياهل خدامه ولا تقعد ما داريه ولا تدري عنه لا اهيي الى ملاعبته ولا اهيي الى موكلته واغلب البنات الي تو متزوجين وعندهم يهال بدون خدامات والخاله تكون الله بالخير الياهل يصير لج جنه من يهال افريقيا وعايش بمجاعه والنوعيه ال2 لا تعليق ما تدرين الظليمه شينه

 

[سميتك الغلا كله]

الله يسسستر علينآ ..

 

[بحر هادي]

الواحد يطلع يبي يستانس..بس صار تنسد نفسه من اللي يشوف..ويحس الدنيا وسخه..<< بالاصح الناس مو الدنيا..:nocommint:
الله لايبلانا..ويهدي الجميع ويستر على اللي يدور الستر..

sarona babydoll
آيه عليج
آنتي اللي فاهمتني .. بمجرد آن وحده اكتبت رد كلهم
صاروا يكتبون على نفس المنوال وانا هالشي ماحبه صراحه كلش :\
وآيد لاحظظظت هالنوعية من البنات ( مو الكل بس الاغلب )

من جد انا ملاحظه هالحركه في الردود..اذا الوحده مدحت الكل قام يمشي ع نفس الخط..:eh_s(1):
ويوم تهاوش مشوا وراها..ويوم تنصح قاموا ينصحون..
واذا قامت تنكت قاموا ينكتون مثلها..ومع الخيل ياشقرا..:eh_s(1):