وافترقنا يا .......... ((((( سعود )))))

[q8ya 3sal]

افا غوالي انا رديت عليج

 

[غلا Q8]

يعطييييييييييج العااافيه والله ماتقصرييييين ع هالبارتااات الحلوووووووه

عفيه كمليهااا نااطررينج قلبي

 

[marshmallow]

la nazleeh ilyoom plzz

 

[رحلة النسيان]

غوااالي تكفين شوقتينا
هذا احنا معاج من البدايه
لا تتأخرين علينا حبيبتي

 

[وااي شحلاتي]

روووعه


ننتظر البارت اليديد لاتطولين علينا خيتو


يسلمووو

 

[غوالي76]

من حظكم ضاق خلقي ورديت شبكت ..

وكملت البارت .. وبانزله بعد شوبي نطروووووني

 

[غوالي76]

(((((( الجزء 25 ))))))

((((((((((((((((((((((( والأخيييييييييييييييييييير )))))))))))))))))))))))



منار : حمد ؟؟؟؟؟
حمد : منار شلونج وشخبارج ..
منار : الحمد لله
حمد : ليش تبجين يا منار ؟
منار : لا ولاش .. بس خايفة من العملية..
حمد : وين اهلج .. ليش ياية بروحج ؟
منار : آنا ما قلت لأحد .. مابيهم يحاتون
حمد : بس يا منار لازم يكون معاج أحد من أهلج .. سبحان الله أخاف نحتاج شي وقت العملية .. ما يصير جذيه ..
منار بجت .. حمد تقطع قلبه عليها : حمد انت عارف ظروفي أظن فاطمة حماتي قالت لك .. آنا الكل تخلى عني ..
حمد يطالعها .. نفس الشوق واللهفة اللي كان يحسهم معاها لمن كانت بالثانوية أول ما بدى يحبها .. أيام الشاليه .. تذكرونهااااا ؟؟؟؟؟؟

حمد : خلاص منار لا تحاتين .. آنا راح اكون معاج .. اعتبريني .. اعتبريني .. أخوج العود .. (( بالغصب يالله اطلعت منه هالكلمة .. أخوج .. ))
منار حست نفسها ارتاحت .. واابتسمت لحمد : ما تقصر يا خوي

حمد طبعا قال لها هالكلام عقب ما أيس منها .. عقب ما فقد الأمل انها تحبه .. هذي الدنيا شيسوي .. خلاص داس على قلبه وتعود ان منار ما تحبه ..


حمد : منار روحي الجناح مع السستر .. وآنا باخلص لج الأوراق لا تحاتين ..
منار اشكرته وراحت الجناح .. حضروها للعملية ..

منار خذوها صوب غرفة العمليات .. كانت تبجي .. حمد كان يمشي يمها .. يطالعها وايسمي عليها .. والله حلوه .. وأحبها

منار حبيبتي شدي حيلج .. هاذي هيام تكلمها ..
منار : هيام حبيبتي ليش ييتي .. انتي تعبانه
هيام : بعد قلبي يا منار مستحيل أخليج مره ثانية ... انتي الغلا كله ..
باستها ودعت لها تقوم بالسلامة ..

قعدت هيام تنطر مع الدكتور حمد ..

حمد : هيام .. منار شلون نفسيتها ألحين ؟
هيام : والله ياحمد انت تدري اشصار لها من أهل ريلها
حمد : والله ادري .. وأنا كلمت ريلها .. بس مو راضي ينسى ماضيها ..
هيام : أدري فيك ما قصرت .. هذا نصيب منار
حمد : منار بسألج سؤال .. بس بيني وبينج .. محلفج بالله
هيام : اسأل يا حمد .. سرك في بير
حمد : تهقين إذا تقدمت لمنار بتوافق ؟
هيام اضحكت : حمد انت اليوم تفكر تخطبها .. وقبل شهر سعود خطبها
حمد بقق عيونه : سعود خطبها خلااااااص
هيام : لا يا حمد منار ارفضته .. منار ألحين ما تبي إلا عيالها .. تبي تنسى كل شي
حمد : انتي كلميها .. خسرانة شي .. آنا بعد يا هيام مرتي طلقتها عقب ما يابت لي بنت وولد
هيام اشهقت : لييييييييش
حمد : ابد .. بس ما كانت مضبوطة معاي .. يعني عندها سوالف .. ورفعت عليها قضية وصاروا عيالي عندي ..
هيام : الله يعينك والله .. ما دريت عنك
حمد : عفية هيام كلميها .. والله اني شاريها .. بس مو تقولين لها حمد قال لي .. سولفي معاها عادي وبوقي لسانها ..

كملوا سوالف .. طلعت الدكتورة .. طالعت حمد : مبروك مرتك يابت ((( ولد )))

حمد : الله يبارك فيج ( ياريتها مرتي والله ) ، كانت الدكتورة ياية من بره المستشفى فما تعرف حمد ..

هيام : دكتورة شلونها ؟
الدكتورة : الحمدلله زينة .. والبيبي ألحين يطلعونه لكم تشوفونه .. الحمدلله على سلامتهم

حمد وهيام طالعوا بعض .. استانسوا حيييييل ..

هيام دقت على أم ناصر وبلغتها ودقت على فاطمة اخت جابر ..

صعدوا منار الجناح .. سلم عليها حمد ومشا راح البيت ... أم ناصر قامت تبجي .. بنتها تكسر الخاطر راحت بروحها للعملية عقب ما شافت القسوة من أقرب الناس لها خواتها وأمها

هيام ظلت قاعدة عندها .. منار حيل كانت تعبانه .. يتها أم ناصر وريم وحنان .. والنفس خايسة .. بس ام ناصر كانت حليوه معاها .. حنان وريم يتشرهون ليش ما ندري فيها ولد !!! ليش ماندري انها راحت تولد !!!!!! ومن هالكلام .. وأم ناصر جعمتهم , وقالت لهم لمن تسألون عنها راح تعرفون اخبارها .. جرعتوها المر بقطاعتكم لها .. كانت محتاجة لحبايبها والكل تخلى عنها .. ريم وحنان انجعموا وما ردوا ..

فاطمة راحت لأهلها . كانت داقة عليهم مبلغتهم انها تبيهم بموضوع ضروري ..

الكل كان قاعد بالصالة .. أم جابر وجابر وفيصل ومرام وسارة .. بدون فوزية .. اهيا شكو بعد تتدخل

أم فيصل : فاطمة اشفيج شغلتينا تحجي ..
جابر : فاطمة إذا الموضوع فيه منار .. آنا ماشي .. وقام ..

فاطمة قامت امسكته من ايده وقعدته : جابر مرتك يابت ولد ..

الكل انصدم .. توقعوا فيها بنت كالعادة ..
جابر طالعها : فاطمة من صجج .. شدراج ..
أم فيصل قامت تبجي وتبوس جابر وتبارك له ومرام بعد

سارة اطلعت من الدار وما علقت .. كانت توها والدة ويايبه ولد ..
فيصل حن على أخوه : جابر يالله امش نروح المستشفى نشوف ولدك .. يا بو نواف
جابر استانس .. الحين صج بونواف ...

راح لبس وطلع مع أمه ومرام وفيصل وطبعا فاطمة .. طقوا الباب على غرفة منار .. ودشت أم فيصل ومرام وفاطمة .. سلموا على منار .. اللي كانت حيييييل تعبانة .. منار رحبت فيهم وأم ناصر بعد .. ريم وحنان من شافوهم طلعوا .. مرت حنان من فيصل وجابر وطالعتهم باحتقار ولا سلمت عليهم ... جابر نزل راسه

أم فيصل ومرام وفاطمة كانوا يايبين معاهم الحلو الكشخة لحفيدهم .. ويضحكون مع منار ,, وتأسفوا منها على اللي صار..

منار ما علقت وماكانت تبي تذكر هاليوم ..
مرام : يالله فطوم قومي نروح نشوف نوافو الغالي.. طلعوا ومعاهم أم فيصل عقب ما سلموا

راحوا قسم المواليد .. طلبوا الولد .. يابته لهم السستر .. جابر شاله .. وطالعه حييييل كان نسخة أبوه .. يعني مزيون .. مع مرتبة الشرف .. ادمعت عينه .. هذا ولده من حبيبته منار..

الكل باسه وشاله .. وعطوه للسستر .. وراحوا ..

منار بالمستشفى .. الكل زارها إلا سارة وفوزية .. مالهم ويه بعد ما هدموا بيت منار وجابر

جابر راح بسيارته .. تذكر منار وحبه لها .. ليش خلاها .. واهيا محتاجته ؟؟؟ ليش تركها بروحها ؟؟
بس مو متخيل نفسه يرجعها عقب ما عرف ماضيها .. صعبة على أي ريال يدري عن مرته انها كانت تحب غيره .. ويخليها عنده .. صععععععععععععععععععععبة

خلاص جابر اقلم نفسه ان ماراح يرجع منار لو شنو...

ثالث يوم راح بيشوف ولده بالمستشفى .. قبل لا يصعد فوق ..شاف منار قاعدة على الويل جير وبحضنها نواف والهندية تدزها .. ومعاها هيام ماسكة فرح بنته ... وأخوها فراس قاعد ايخلص الإجراءات علشان منار بتطلع ألحين من المستشفى ..

فز قلبه وخفق حيييييييييل .. شعور غريب حسه جابر لما شافها .. لهفته وشوقه خانوه .. وبين على ويهه الحب ..

لاتتعبني يكفي القلــــب مجـــــــروح لاقلت احبك اسكت...واسمعـــني

ماجيت ادوّر فيك لوعـــــــــات وجــروح جيتك وانا كلي امل ...تسعــــدني

جيتك وانا كلي احاسيس ووضـــــــوح جيتك ابي لوساعةٍ...تفهمــــــني

والله ماغيرك سكن داخــــل الــــــروح ولاغيرك انت وســـط قلبي وعيني

والعاشق اللي يعشق بصدق مفضوح لو جا يرد الشـــــــــوق لازم يبينـي

لاتسالني وش ورى الهم والنــــــــوح وفي عز جرح القلب لاتســـــــالني

ياليتني اقدر على البـــــــوح وابــــــوح ان كان ماشفتي الشقا محتوينــي

ياللي تحسب الهوى لعب ومــــــزوح شوف سواة العشق والهــم فيني

بعض الغـــرام ايجيله ايــــام ويــــــروح وانت غـــرامك بالحشا مبتليـــني

لاتتعبني يادوى القلــــــب والــــــروح لاقلت احبك اسكت...واحضني


منار ما شافته كانت قاعده تبوس ولدها نواف .. جابر ما قدر يحبس شوقه لمنار .. هيام لمن شافته أخذت منها نواف ونادت الخدامة وبنتهم فرح .. وراحت لفراس ساسرته .. وشافهم جابر رايحين بعيد عنهم ..

هيام كانت تبي جابر يكلم منار لمن ايشوفها .. وفعلا جابر راح صوب منار .. منار ارفعت راسها .. وصارت عينها بعين جابر .. ما نزلوا عينهم عن بعض .. وصارت عيونهم اهي اللي تسولف مكان لسانهم .. دمعت عيون منار .. جابر قرب منها ...

جابر : منار شلونج ؟
منار ما تكلمت ولا كلمة .. وبجت
جابر : منار خلاص لا تبجين .. آنا غلطان .. آنا تسرعت بالقرار .. آنا تخليت عنج ..
وقام ايلوم نفسه .. من شاف منار نسى كل شي..

تموا نص ساعة .. منار : جابرآنا ما ألومك آنا غلطت بس تبت .. والله يا جابر ما أحد مسك ظفري غيرك .. ولا جاسني غيرك .. لا يروح فكرك بعيد ياجابر ..

فراس : السلام عليكم بو نواف
جابر سلم بحرارة على فراس.. وواعده باجر بيمرهم ..

راح جابر أخذ ولده من الخدامة وقعد ايبوسه وايقول له يا وجه الخير .. يا نواف..

ثاني يوم .. جابر راح خطب منار .. وملجوا مرة ثانية بعقد ومهر يديد .. جابر لمن شاف عياله حن عليهم .. وفكر فيهم .. ما يبي يشتتهم بين ام وأبو مطلقين .. يبي يجمع شتات اسرته اللي فككها ماضي انتهى .. ومنار مستحيل يحب غيرها ..

نطر عليها لمن اطلعت من الأربعين وسوا لها استقبال كبييييير بصالة حلوه .. مع الديجي والبوفيه ..

وعقبها راحوا باريس .. عاصمة الحب ..قضوا اجمل أسبوعين بحياتهم .. تفاهموا على كل شي .. جابر درى من مصادر موثوقة إن حمد وسعود خطبوا منار .. وان منار ارفضتهم .. لو تبيهم جان خذت واحد فيهم ..


اعترف لك ... كنت احبك من زمان................ سر اخفيتة بقلبي من سنين

ما بقى للصمت في صدري مكان)).............. ايه احبك )) ..قلتها واللة يعين

لا تحسب كلمتي زلة لسان ..................الغلا ما يحتمل (( شك ويقين((

اللسان ب.. ساعة الشدة حصان................. والخجل مايبعدة مسح الجبين .!!!

معك ينساب الحكي حب وحنان......................وكل شدة باس قدامك تلين

انتي حبك صار واضح للعيان ................ وصار يحرجني معك في كل حين

للصراحة جيت واطلقت العنان................ جيت ابوح بصمت ها الحب الدفين

مابقى للصمت في صدري مكان ................ ((ايه احبك )) .. قلتها واللة يعين


جابر عقب هالسفرة ما ياب سيرة لمنار عن حمد أو سعود .. ومشت حياتهم مع بعض عسل في عسل ..


* ريم .. حياتها عادية ما تغير فيها شي ..

* حنان .. ردت مع منار حيييييل .. كانت ريم تحرشها على منار .. بس بالنهاية الحب يغلب

*ناصر وايد تعدل .. وعاش مع مرته حياة عادية .. وخلف بنات وصبيان

* فراس ... تزوج وحده كان يحبها من زماااااان >>> يا ما تحت السواهي دواهي ...

* لولوة .. للحين بره مع زوجها وعندها بنت تارسة عليها حياتها..

أم ناصر ظلت بروحها بالبيت .. كل عيالها طلعوا بس فراس قعد عندها ... وطبعا الله يعافي ميري صارت رفيجة أم ناصر الروح بالروح خخخخخخخ


* حمد فقد الأمل كللللش بمنار .. تزوج وحدة من أهلهم .. كانت وايد حبوبة .. وحبت عياله حيييييل ......

* فرح ماتت بحادث بششششششششع بششششششششع .. وايخرع .. اكتبوا عنه بكل جرايد الكويت ..

* سارة تطلقت عقب ما خانها زوجها فوق العشر مرات .. اخذ وحده عن حب .. وسارة تمرمرت ويا عيالها .. وزوجها حتى ما سأل عنها ...

* فوزية مشتاقة تحط ياهل بحضنها .. بس ما يابت خلاص عقب عيالها .. فيصل يخونها وتدري عنه .. بس ساكته .. ما تبي تصير نفس مصير سارة ..

* مرام تزوجت ,, واستقرت .. وفاطمة عايشة أحلى حياه مع زوجها وعيالها .. وقاعدة تجهز لبنتها لأنها على وشك الزواج خلال أيام ..

* سعود تأقلم مع مرته .. بس للحين ما حبها .. ولا حركت مشاعره ...

* هيام ... الله رزقها بزوج حبها وحبته حيل .. واستمرت علاقتها مع منار أحلى من قبل

يمكن مرت عليكم شخصيات بالقصة .. ما كانت وايد مهمة .. انتوا تخيلوا نهاية كل شخصية فيهم ...


هذي نهاية قصتي .. كتيتها لكم بــ 21 يوم .. جمعت فيها كل المشاعر .. الحب والشوق واللهفة .. الحقد .. والحسد .. واللعانة .. الصداقة والخيانة .. الإخلاص والطيبة

كتبتها لعيونكم .. وأبي انتقاداتكم أو مدحكم .. لأسلوبي .. لتدرج القصة .. يعني كتبوا لي كل شي يطري على بالكم لمن تابعتوا القصة ..

اتمنى ما تنسوني ولا تنسون منار وجابر وادعو لهم .. إن الله لا يفرق بينهم .. لأنهم يعيشون بينا .. حقيقة مو خيال .. بس غيرت بالأسماء وبعض الأحداث علشان خصوصية صاحبة القصة ..

كانت القصة حقيقية .. منار انسانة أعرفها .. وإن شاء الله تقرأ قصتها وتعرف إن إهيا المقصودة .. لأن الأيام فرقتنا عن بعض ...


ناطرتكم .. ولي عودة بقصة يديدة من تأليفي طبعا ...

راح أشتاق لكم .. مع السلامة ...............

 

[fĂňţąşŧĭĊ«3]

يسلموووو ع القصه الاكثر من روووووووووووووعهـ :tek:

 

[غوالي76]

يسلمج الغالية

 

[najla2]

جكجكجكجكجكجكجك القصه روووعه والاسلوب اروع ..والله يوفقها منار والله كسرت خاطري حياتي والله ما تستاهل ....وتسلم ايدج حبوبه .. وناطرين القصص اليديده

 

[رحلة النسيان]

قصه روووووووعه وعيشتينا احلى 21 يوم بحياتي
اشكرج جدا جدا جدا وسامحينا اذا ازعجناج وحملناج فوق مقدرتج بس من تشوقنا لهالقصه والله
اشوه انج خلصتيها قبل اسافر لاني احاتي اذا سافرت شلون اقراها
يعطيج العافيه اخت غوالي
وننتظر روائعج

 

[cute 7adee]

امبيييييييييييه ببجي

النهايه حلوه

بس على كثر ماني مستانسه ان النهايه حلوه على كثر ماني زعلانه انها خلصت ..

حسافه يعني الحين ماكو شي اسمه ننطر قصه افترقنا يا ....... (( سعود ))

يلا نبي قصه ثانيه غوالي قبل المدرسه

ومشكوووووووووره على القصه وآسفين اذا تعبناج ويانا ..

 

[غلا Q8]

وااااااااااااااااي تييينن القصه جاان زيين ماخلصت والله

حيييل حيل عشنا الدوور

يعطييييج العاافيه غوااالي صج صج عندج موهبه روعه ماشاءالله علييج

مشكوووره ياقلبي وناطرييين يديييدج واكييد انا من الاوائل اللي راح يقرونها

 

[marshmallow]

ee wallah na6ren 8i9a thany aminich

 

[انصاريه قمره]

اختي الغالي غوالي كتبتي فأبدعتي واثمرتي وابهرتينا بقصتك لكي مني ومنا كل الاحترام والتقدير متمنيه لك مستقبل باهر في هذاا المجال

ننتظر يديدج

اختج انصاريه قمره

 

[وااي شحلاتي]

روعه روعه روعه

تسلم ايدج خيتو
ولاتحرمينا من يديدج

 

[DLO3T AMHA]

تيييييييييينن القصه

دمعت عيني كسرت خاطري منار

يعطيج الف عافيه
ناطرين قصه ثانيه

بباي

 

[خالتي عمتي]

مشكورة على القصة الرووووووعه و الأسلوب الحلو

و إن شاءالله تنزلين قصه يديده بنفس المستوى و أكثر .

و الله يوفق منار بحياتها و إن شاءالله ربي يجمعكم مع بعض يــا غوالي .

صـــــــــــراحـــــــــــه في أجزاء تبجي و تقطع القلب و نهايتها حلوه

:tek:​

 

[نــوف]

حلوه

 

[q8ya 3sal]

رووووووووووووووووووووووووووووووووعه غوالي

قصتج مو طبيعيه

وناطرين يديدج