واخيييرا زوجي قال لي

[الزيــALZAINــن]

رد : واخيييرا زوجي قال لي

حي الله اهل المملكه بدرة الخليج الكويت :eh_s(7):..


فنادق الكويت :

1.فندق المارينا..

2.فندق جي دبليو ماريوت..

3.فندق كورت يارد ماريوت (بجانب الرايه)..

4.فندق المريديان على شارع الخليج و في مطعم حلو ...

5.فندق هوليدي ان ..

6.فندق الشيرتون في مطعم حلو اذا القمرة نامت اسمه ريكاردو و في ايراني..


اسواق الكويت :

1. مجمع الافنيوز من اكبر و احلى و اجمل المجمعات بالكويت :eh_s(21):..

2. مارينا مول مجمع رهيب و في جسر لذهاب لمطاعمها و انصحج تروحين زعتر و زيت شغل عدل للافطار :hjy5jewf: ..

3.مجمع الرأيه و في مطعم يحبونه اهلي من السعوديه برجر بوتيك، عارفه ان فتح فرع بالسعوديه بس عندنا الاصل :ggdw:..

4. مجمع الصالحيه للماركات العالميه و ملابس المناسبات ،و موجود فيه مطعم عجيب بهذا الجو جوني روكتس يعني بالخارج :icon30:..

5. سوق شرق من اوائل مجمعاتنا التجاريه بشارع الخليج و له مميزاته ..

6- سوق المباركيه مكان جميل و في محل للعبايات مميز عباءة السعيد و مقهى حليب و هيل ( مقابل مسافط المناخ وبنك الخليج )
للافطار وعجيب بصراحه و فريج صويلح :gathering:..


مطاعم حلوة و مميزة ما ذكرتها سابقا:

1-.نينو بشارع الخليج و الافنيوز..

2.تشوكليت بار الافنيوز و مارينا مول ..

3.تشيليز بشارع الخليج و الافنيوز..

4.سنيور ساسي بشارع الخليج و 360 ..

5.الفورنو مطعم ايطالي بالافنيوز..


لقطات :

1. القمرة ممكن تخلينها ببروي للعب و تتسوقين و تستانس باللاعب بالافنيوز ..

2. اذا كان ودكم بسينما ففي سينما بسوق شرق -مارينا - الافنيوز-360-المهلب-الفنار.

3. اذا ودكم تروحون مكان ترفيهي فانصح بحديقه الشعب ..

4. اذا بتشترين هدايا من الكويت فانصح تشترين من المباركيه بقصم و درابيل من المقهى المذكر سابقا هيل و حليب فهذي هديه محبوبه و مستخدمه .

5. اذا كنتي تبين محلات للعباءه فعباءة اسيل و جدا مميزة و حبيبه صاحبة المحل و موجود في المثنى و عباءة نجد في الرايه و عباءة شذى حاليا و سابقا اسمه بيت حناين في مجمع النقرة الشمالي و الافنيوز ..


حاولت اقدم لكي كل ما هو جميل و رائع و مميز بديرتي الحبيبه الكويت و الله يوفقكم برحلتكم للكويت ، و بلغي زوجك ان يومين مو كافين للكويت و يجب اعطائها حقها و للجدول :q8:..

 

[hooryah q8]

رد : واخيييرا زوجي قال لي

حياج الله حبيبتي
والبنات ماقصروا

:eh_s(8):

 

[منجامور]

وووه بس فديتكم والله اخجلتوني :eh_s(2):

احبكم والله:eh_s(7):


الزين والله انش زين


مشكورة على ترتيبج وعلى لطفج ووردج يالغالية

قلت له زوجي مو كافية :eh_s(11):

والله اني صرت احب الكويت من هالمنتدى حتى هو مستغرب كل كلمة والثانية كويتيات ووو


الموهيم قال لي اذا عجبج الوضع نروحه بين فترة وفتره قريبة كلها 4 ساعات


وووبس


:ggdw:


مشكورين ماقصرتوا يالغاليين​