- إنضم
- 20 يونيو 2010
- المشاركات
- 1,701
- مستوى التفاعل
- 0
- النقاط
- 0
السلام عليكم شلونكم حبايبي حبيت انزلكم تجربتي عن عمليه شد بطني لاني قبل العمليه وايد كنت اسوي سيرج بالنت علشان استفيد من تجارب البنات
بقولكم قصتي من البدايه انا قبل 9 سنوات اول ماتزوجت كنت وايد ضعيفه والبطن لازق بالظهر وزني كان 39 كيلو وطولي 155 سم وحملت على طول ولي الشهر السابع من حمالي وانا وزني مازاد الا 3 كيلوات لمن دشيت نص السابع الله وكيلكم سباق انا والميزان المهم قبل الولاده صار وزني 80 كيلو يعني متخيلين شكل بطني شلون صار عقب الولاده ترهل فضيع وبشع جدا جدا مابقت خلطا مابقا كريم ماحطيتهم على بطني ومافي فايده
والحين عندي 3 بنوتات الله يحفظهم لي
فقررت وخلاص مابذني ماي الا اسوي العمليه رحت مستشفى عاليه الدولي الي بالمهبوله ودشيت عياده التجميل طبعا العياده فاااااااااااااضيه مافيها احد صراحه انا خفت تعوذت من ابليس ودشيت وكلمت الدكتور نفسيته كانت حلوه وقالي انا مبدئيا مو شايف انج محتاجه عمليه شد بس اتفضلي يامدام اكشف عليكي اهو كشف علي جان يقولي لأه يمدام انتي محتاجه عمليه شد واعاده ترميم وعضلاتج فيها فتاق وووووووووووووو
المهم قلتله ادري انا ابي اسوي العمليه ابي اقرب وقت كان التاريخ 29 / 8 قالي اقرب موعد تاريخ 4 / 9 يناسبج التاريخ قلتله اي اوك بس روحي مع السكرتيره سوي التحاليل واذا مافيهم شي تحاليلج اندق قبلها بيوم ونقولج اتين قلتله اوك
رحت سويت التحاليل ماعجبني مكان المختبر و لا معامله السكرتاريه
وقبل العمليه بيوم دقو قالو تعالي يوم الاربعاء دشي علشان العمليه وفعلا رحت يوم الاربعاء الصبح انا وماماتي الله يحفظها لي وسويت اجارائات الدخول ويت الممرضه ودتني غرفتني وشافو حرارتي وضغطي بعدين دشت دكتوره التخدير كنت مصبغه اظافري جان تقول ابي اشوف لون اظافرج مسحي الصبغ لو سمحتي مسحو جان تقولي مسحي الحمره بشوف لون شفايج جان تطلع انا هني خفت قلت شنو بيكنسلون العمليه وضاق خلقي جان ايدش الدكتور قالي نسبه دمج نازله ويمكن تحتاجين نقل دم اثناء العمليه موافقه ولا تنطرين على ماترتفع نسبه دمج قلتله لا بدش العمليه مابي انطر جان يقولي عيل يلا قومي وسوالي المخطط على بطني وودني غرفه العمليات طبعا اول مادشت ابره البنج بايدي ماحسيت عقبها دشيت العمليه الساعه 10 الصبح صحيت من البنج الساعه 5 بس ماكنت قادره اتحمل العوار عطوني مسكن ورديت نمت طبعا الالم كان كله بعضلات معدتي صوب الخياط مو حاسه باي الم بس حرقه خفيفه
ثاني يوم شالولي القصطره وقالولي حاولي انج تشربين ماي او عصير بس ماقدرت وقمت ارجع ياني الدكتور قالي مايصير جذي غصبي نفسج المهم صارت سوالف وارتفعت حرارتي وحاولو ينزلون حرارتي بس مانزلت الحراره الدكتور قال حق امي لازم احطلها جيس دم بعد وحطلي بس وايد تاذيت من الممرضات اهم نفسيتهم حلوه ويونسون بس شلخوو ايدي مايعرفون ايغزون ابر
ثالث يوم الالم لايطاق ذبحني غيرلي الدكتور على الجرح وقالي قومي تمشي شوي وباجر اشوفج
رابع يوم شالي البرابيش وغير على الجرح وقالي خلاص اليوم تطلعين سويت اوراقي ورديت البيت
طبعا ماقدر امشي الا وانا منزله ظهري وانام وانا حاطه مخاد تحت ريولي مايصير افرد طولي بس للحين في الم
واليوم اليوم السادس بعد العمليه عندي موعد علشان ايبدلي على الجرح الحين بروحله
ادري طولت عليكم حبايبي واي استفسار انا حاظره وانشالله
بكتب لكم كل شي يصير معاي خطوه بخطوه
بقولكم قصتي من البدايه انا قبل 9 سنوات اول ماتزوجت كنت وايد ضعيفه والبطن لازق بالظهر وزني كان 39 كيلو وطولي 155 سم وحملت على طول ولي الشهر السابع من حمالي وانا وزني مازاد الا 3 كيلوات لمن دشيت نص السابع الله وكيلكم سباق انا والميزان المهم قبل الولاده صار وزني 80 كيلو يعني متخيلين شكل بطني شلون صار عقب الولاده ترهل فضيع وبشع جدا جدا مابقت خلطا مابقا كريم ماحطيتهم على بطني ومافي فايده
والحين عندي 3 بنوتات الله يحفظهم لي
فقررت وخلاص مابذني ماي الا اسوي العمليه رحت مستشفى عاليه الدولي الي بالمهبوله ودشيت عياده التجميل طبعا العياده فاااااااااااااضيه مافيها احد صراحه انا خفت تعوذت من ابليس ودشيت وكلمت الدكتور نفسيته كانت حلوه وقالي انا مبدئيا مو شايف انج محتاجه عمليه شد بس اتفضلي يامدام اكشف عليكي اهو كشف علي جان يقولي لأه يمدام انتي محتاجه عمليه شد واعاده ترميم وعضلاتج فيها فتاق وووووووووووووو
المهم قلتله ادري انا ابي اسوي العمليه ابي اقرب وقت كان التاريخ 29 / 8 قالي اقرب موعد تاريخ 4 / 9 يناسبج التاريخ قلتله اي اوك بس روحي مع السكرتيره سوي التحاليل واذا مافيهم شي تحاليلج اندق قبلها بيوم ونقولج اتين قلتله اوك
رحت سويت التحاليل ماعجبني مكان المختبر و لا معامله السكرتاريه
وقبل العمليه بيوم دقو قالو تعالي يوم الاربعاء دشي علشان العمليه وفعلا رحت يوم الاربعاء الصبح انا وماماتي الله يحفظها لي وسويت اجارائات الدخول ويت الممرضه ودتني غرفتني وشافو حرارتي وضغطي بعدين دشت دكتوره التخدير كنت مصبغه اظافري جان تقول ابي اشوف لون اظافرج مسحي الصبغ لو سمحتي مسحو جان تقولي مسحي الحمره بشوف لون شفايج جان تطلع انا هني خفت قلت شنو بيكنسلون العمليه وضاق خلقي جان ايدش الدكتور قالي نسبه دمج نازله ويمكن تحتاجين نقل دم اثناء العمليه موافقه ولا تنطرين على ماترتفع نسبه دمج قلتله لا بدش العمليه مابي انطر جان يقولي عيل يلا قومي وسوالي المخطط على بطني وودني غرفه العمليات طبعا اول مادشت ابره البنج بايدي ماحسيت عقبها دشيت العمليه الساعه 10 الصبح صحيت من البنج الساعه 5 بس ماكنت قادره اتحمل العوار عطوني مسكن ورديت نمت طبعا الالم كان كله بعضلات معدتي صوب الخياط مو حاسه باي الم بس حرقه خفيفه
ثاني يوم شالولي القصطره وقالولي حاولي انج تشربين ماي او عصير بس ماقدرت وقمت ارجع ياني الدكتور قالي مايصير جذي غصبي نفسج المهم صارت سوالف وارتفعت حرارتي وحاولو ينزلون حرارتي بس مانزلت الحراره الدكتور قال حق امي لازم احطلها جيس دم بعد وحطلي بس وايد تاذيت من الممرضات اهم نفسيتهم حلوه ويونسون بس شلخوو ايدي مايعرفون ايغزون ابر
ثالث يوم الالم لايطاق ذبحني غيرلي الدكتور على الجرح وقالي قومي تمشي شوي وباجر اشوفج
رابع يوم شالي البرابيش وغير على الجرح وقالي خلاص اليوم تطلعين سويت اوراقي ورديت البيت
طبعا ماقدر امشي الا وانا منزله ظهري وانام وانا حاطه مخاد تحت ريولي مايصير افرد طولي بس للحين في الم
واليوم اليوم السادس بعد العمليه عندي موعد علشان ايبدلي على الجرح الحين بروحله
ادري طولت عليكم حبايبي واي استفسار انا حاظره وانشالله
بكتب لكم كل شي يصير معاي خطوه بخطوه
