واخيرا حددنا موعد يوم اللقاء العالمي لطالبات الاساسيه؟؟دشو لايطوفكم بسرعه

[miss_avocado]

هااااي انا افوكادو تذكروني نزلت موضوع ان ودانا احنا بنات التربيه الاساسيه نلتقي بالكليه بنات حددنا يوم الخميس من الساعه 11 لي1بالمبنى الرئيسي يم دري (درج) الاصول و بالتحديد صوب مكينة الطوابع شرايكم و خلونا نحط فيونكه اي لون تحبينه على مكان واضح عشان نعرف مو اي وحده نشوفه نروح نلزق فيها ما تدرون وايد بنات مو منا راح يوقفون يم المكينه ههههههه( على فكره فكرة الافيونكه اهي فكرت زميلتي العزيزه (ستايل ماله مثيل ) هذا حفظ لحقوقها الفكريه بعد قلبي ) ها بنات شرايكم بليز اللي بكون موجد يدزلي عالخاص انا راح اكون هناك و لو بنت وحده بتي لأن اكيد بتشرف بمعرفتها و معرفتكم و اللي ما يناسبهم الوقت ترا هذي مو اخر مره راح نلتقي لأراح نحدد لقاءات واااااايد بس خنجرب هالمره
يله ناطره ردودكم الغاليه و متشوقه حق شوفتكم الأغلى ........

 

[سارونه أشكناني]

انا بكووووون موجودة ان شاء الله وتشرفني شووووفتكم بعد عمري <<<<<< متحمسه حق يوم الخميس بشووووفكم ^_^

 

[جوجو.]

اي انا بعد :> بلبس كرفته حمره جسمي نفس جسم نانسي عجرم

 

[3w!Shni]

هلووووووو

انا مادري

بس بكون وياكم عالخط هني

لم تخلصون وتشوفون بعض

عطونا تقرير هني

 

[miss_avocado]

انا ناطرتكم و متشوقه بعد مثلكم وااااااي ونااااااااسه

 

[Winter Q8]

حسـافة بنات .. ما أقدر أشوفكم باجر ,, مضطرة أني أطلع من الكلية مبجر ..

عاد كنت متشووقة بـ معرفتكم .. ان شاءالله اليايات أكثر ...

 

[Miss M]

انا محاضرتي تبدي الساعه 12 انشالله امر اشوفكم اذا قدرت

 

[-Bello-]

انزين عندي اقتراح بدال الفيونكه حطو ورده حمرا صووب اذونكم ولا مسكوها وخلوها اهي الاشاره بينكم :krkrkr: اتغشمر ..اذا مو يايزتلكم واذا يايزتلكم حياكم الله ولاتشكرووني ككك ..حدها حلوه فكرتكم شكلي ببوقها واقولها حق كليتنا انسوي نفسها

 

[miss_avocado]

انزين عندي اقتراح بدال الفيونكه حطو ورده حمرا صووب اذونكم ولا مسكوها وخلوها اهي الاشاره بينكم :krkrkr: اتغشمر ..اذا مو يايزتلكم واذا يايزتلكم حياكم الله ولاتشكرووني ككك ..حدها حلوه فكرتكم شكلي ببوقها واقولها حق كليتنا انسوي نفسها

ههههههههه و الله جد ضحكتيني و فكره حلوه
يشرفني مرورج الغالي ياقلبي

 

[Stylist]

اليوم الخميس
وناااااااااسه كان ودي اكون معاكم

 

[3w!Shni]

شصااااااااار؟؟؟؟؟

 

[Miss M]

انا توني رديت من الكليه مريت بسرعه وانا مستعيله كنت متأخره على محاضرتي الساعه 12 بس جني ماشفت احد!!!!!

 

[miss_avocado]

بصراحه انا زعلانه معقوله و لا وحده يت شنو نسيتو حرام عليكم ساعه الاربع انا واقفه على امل ...............:eh_s(14):
حتى هذي اللي تبيع طوابع مالت الصندوق قالتلي تبين شي مسكينه شكلي شاذ خافت مني:eh_s(16):
عالعموم نا مقدره الكل و بصراحه في جم عضوه تعذرو عن اليوم و راح اشوفهم ايام ثانيه و اي شي يصير راح اقولكم

 

[TeAcHeR_BeZaRiN]

وييييييييييييي حدة فشلة ولله انا اليوم اطريت اروح الطبيب وماييت سامحييني بس يبيلنا يمعة ثانية واتكون أضبط ان شاء لله

 

[جوجو.]

هلووو انا رحت من ال11 وماشفت احد وكنت امبسطه عالكرسي وماكو احد انتو وينكم ؟؟؟

 

[أحب أمي]

أنا سالفتي سالفه اليوم



أنا صارلي جم يوم ما شبكت على النت وشريكتي بالنك طرشت لي مسج أنكم راح تتقابلون وآهي الله يهدأها مطرشتلي المكان غلـط مت اليوم وأنا انتظر حتىا طنشت المحاضره عشان عيونكم




قايله لي بالمسج انكم راح تتقابلون يم المكتبـه وأنا انتظر انتظر ماكو أحد !


توني الحين لما قريت الموضوع فهمت السالفه ودي ازنطــهآ شكو ماكينه الطوابع ودرج الاصول عن المكتبـه هين شغلها عندي



يبيلـه أعاده تجمـــــــــــــــــــــــع وبمكان أحسن من جذي مادري احس الممر مو مكان مناسب _> الاخت ناويه تطق سوالف ههههههههه

 

[Stylist]

واااااااااي حسافه
كنت ناطره مس افكادو تقولي شصار لأن قايلتلها اليوم ماراح اداوم
وصج المفروض نختار مكان رايئ وهادي >>جنه صعبه على كليتنا مكان هادي
يعني لو كافتيريا الملحق واااااااااايد أحسن

وعندي فكرة من زمااااااان مفكرة فيها ومستحيه
انتبهوا عالفكره الخطيره

كل وحده تكتب نك نيمها بالمنتدى بالبلوتوث وتشغله
وبالكافتريا ندز حق بعض ونعرف بعض من نظرات العيون
وندل الطاوله شرايكم فيني

 

[أحب أمي]

ستآيل خوش فكره حطيت نكي بالمنتدى بلوتوث


وصج كافتريا الملحق أنسب مكآن على الاقل هآدي شوي

 

[3w!Shni]

حق الريحه اوعووووووو

يمعودين خلونا نتقابل في الحديقة الي قبال قسم الرياضيات

مكان هادي و جميل ..

وخلونا على يوم نكشت كشته جماعيه بعد شنسوي ...

حلوة فكرة البلوتوث

 

[miss_avocado]

ما عليه يابنات صح اليايات اكثر و انا عاذرتكم كلكم بعد قلبي
و ستايل فكرتج تهبل تهبل مثلج و مو غربيع عليح هالافكار الحلوه بس انا امس كنت حاطه فيونكه صفره هاهاهاهاها و جنطتي كانت برونز كل رفيجاتي قالو صايره عجيبه
و فكرة الحديقه هم بعد حلوه انا موافقه عليها خصوصا هاليومين الجو صاير يهبل يعني صج كشته جماعيه عجيبه
خلاص الخميس الياي ان شاء الله لأن اكثركم يناسبهم هاليوم وحنى لو ما شفتكم الخميس الياي اللي وراه لين اشوفكم اشوفكم يعني اشوفكم