واحد يدقدق علي ويعرف اسمي ؟؟؟ ماذيني اتصالات وتس اب شسوي عطوني حل ؟؟؟

[انونا]

السالفه ما تنحل الا بوجود رجل او مرأه عاقله جدا <<<< بدعت باللغه العربيه الفصحى
اهم شي شخصيه قويه ، لهم كلمه

واهم راح يعرفون يتصرفون معاه ويوقفونه عن حده
ونصيحه اختويه
ترا مو كل البنات تثقين فيهم ..... ترا في شي اسمه غيره

 

[mf6nt el3lat]

صلي على النبي بس هدي ( الاموووور طيبه واحنا بخير )

عطيه سكب سكب سكب حتى لو ظل شهر مصيره بيزهق ليه متى يعني ؟؟؟؟ ولا تردين علييييه وطاف ان شاء الله لو عرف عنوان بيتكم امج تعرف بالسالفه خلاص ... حسبي الله عليييه الله يبعد عنج عيال الحرام يارب ويبعده عنج ويشغله ..

 

[قدسآؤيه قمر]

شصار عليج اختي الحنونه دائما.

 

[لورا آشلي]

أكو ابلكيشن يديد حق الايفون اسمه numberbook اذا حط الواحد رقم الموبايل أو الاسم تطلعله بيانات الشخص فيمكن اهو شير رقمج بالصدفه عقب حط الرقم بالابليكيشن وعرف بياناتج ,,, شوفي عطي التلفون اخوج او ابوج خل يدق عليه يعطيه كلمتين بالعظم يوقفه عند حده ولا تغيرين خطج ولاهم يحزنون وان ماياز وتمادى اشتكي عليه بالمخفر يقدرون يتلونه تل مثل الخروف ويوقعونه على تعهد

بالضبببببببببببببببببببببببببببببط

هذا اللي كنت بقوله

حبيبتي اهو مطلع اسمج من هالبرنامج

 

[موت الاماني]

الله يكافيج شره

طنشي واهم شي ان امج تدري

 

[سندس 90]

حبيبتي مايقدر يمسك عليج شي دامج مومكلمته لا تخااافين خلاااص
الحين غيري خطج وافتكي منه وإذا ماتقدرين تغيرين خطج لانه عااجبج خلاص روحي اشتكي عليه أو عطيه أحد من أخوانج خل يحاجيه ولاتخافين ماعنده دليل ضدج
الله يستر على بنات المسلمين من هالاشكال

 

[PuPa^^SWeeT]

دام امج عارفة بالموضوع

خل اتكلمه و اتقووله شتبي

خير ؟؟؟

 

[تبيني آرضى عليك]

البناااااااااات ماقصروووووووووووا

 

[MagiCEyEz]

بالعكس لان ابوج طرازه قديم راح يلعن ابو اسلافه قلعته و انا اقول يا امج ترد علي التلفون مؤقتا هالايام او تغيرين رقمج و تفتكين لازم ريال يدش بالموضوع عشان يكون حل قاطع

 

[ملوكـه]

هذا برنامج بالايفون

اسمه نمبر بوك
انا أذوني اتصالات واتس اب وخرعوني يعرفون اسمي

 

[روح امها]

حسبي الله عليها من برامج
كل شي صار فيه تجسس حتى خصوصية مافي :rgewrg:

 

[fajorh]

اب اب اب

 

[[ نور عيني ]]

الله يستر عليج ان شاءالله ..

 

[ببي جونسون]

لاحول ولاقوه الابالله

 

[HaAaDoOol]

ماقصروا البناااات
والله نااس فااضيه ايدق كل ساعه
واكيييد مو مقلب مقلب هالكبرررررة

 

[لحن التياعي]

كرري
اللهم اكفنيه بماشئت
صار معاي نفسج قبل سنوات كنت اول سنة بالجامعه واحد مزعجني ويعرف اسمي ويقلي احبج
بس الحمد لله ربي صرفهم عني هو ومن اعطته رقمي
ترا الدنيا تخوف وخليج حذرة خاصة من بنات الجامعه

 

[Sparkle]

حبيبتي أكو رقم خاص للبنات تدقين عليهم يسحبوونه المخفر ويروح فيها


+ أنتي وأمج وأختج غيروا أرقامكم وأشتروا خط اب اسم أي أحد ثاني ان شاء الله الخدامه بس المهم مو اب اسمكم وأرتاحي ولا تعطيني أحد رقمج اليديد الا الناس الي واثقه فيها 100%

 

[om fairoz]

استغفر الله الناس صار ماعندهم خوووف من رب العباد
مثل ماقالو البنات اكيد عنده البرنامج ومطلع اسمج منه عسى الله يفكج منه ونصيحتي دخلي اي ريال من اهلج ماعادا ابوج ولاتدزين مسج له عشان ماتكونين تواصلتي معاه باي شكل من الاشكال

 

[شوشو الشقيه]

اخذيها نصيحة لله في لله
شكله انسان بايعها
انسان جريء ما تقدر توصلين لجرائته
ما يفعل هذه الحركات الا رجل مغازلجي
والله لو هو محترم يريدج بياتي من الباب

بس هو اصلا مو وجه احترام وشكله شري خافي منه
ابتعدي عنه لا يعمل لج بلاوي يبين عليه بايعهاااااااااااا

اولا غيري رقم تليفونج مباشرة
احساسي يقولي انه انسان بيره غزير
انتي ما تقدرين توقفين بوجه
احسن حل غيري رقم اختج وغيري رقم امج
وغيري رقمج مباشرة

بس اهم شيء رقمج انتي غيره لانه هدفه انتي
نيته مو سليمة
نيته شينة
اكيد احد دازه عليج شوفي من لج عداوات مع بنات
عطوه رقمج عشان ينتقم منج لهم

شكله عارف اسمج واسم ابوج
ابتعدي عنه

من اختج وشوش

 

[الزورق222]

لاتردين عليه خليه يتصل كيفه بس لاتردين عليه ومااتوقع راح يستمر على هالحالة اكيد راح يمل ويتركج ..افضل ان تحدثى شخص من عايلتج غير الوالد لاسمحالله صار شى يكون احد من الرجال يدرى بس مو الوالد مادام نظامه قديم ..
ماماتوا هذى النوعية اللى يتصلون ويزعجون الناس ماتوا من زمان الله يهديه ..