واحد يدقدق علي ويعرف اسمي ؟؟؟ ماذيني اتصالات وتس اب شسوي عطوني حل ؟؟؟

[منو انت]

لا تردين عليه مسجات بعدين يمسكهم ضدج احقريه وخلي امج ترد عليه تقول نعم شتبي من بنتي ترى انت مزعجنا وراح اخلي ابوها يرد عليك في شي تبي شي واكيد بعدها ماراح يرد لما يشوف امج اللي ردت راح يعرف انج مو من النوعيه اللي يبيها


والله يستر علي بنات الحلال وعليج يارب

 

[قلب للايجار]

انا قد صارت لي سالفه مثل كذا واحد يعرف اسمي بس ماعرفه ولا ادري من وين طلع لي ومن وين يعرفني بس ماكلمته ابدا خليت امي تكلمه وهاوشته ودعت عليه وخلته شي مايسوى وبعدها مااا دق مره ثانيه ابدااا

انا بنصحك تهددينه تقولين ان ابوك بالمباحث او عمك وتهددينه انك بتخلين ابوك او عمك يكشف رقمه وتبلغين عنه

 

[جنون العاطفه]

ممكن يشتغل بالاتصالات اوو ممكن احد يعرفج

دقي على الاتصالات عادي قولي في رقم ازعجني ويعرف كل بياناتي
يعني دقي على اي خدمة عملاء انتي منهم زين او وطنيه اوو فيفا


لا تخافين انا صارت لي مثل هالمشكله وكلمت الاتصالات
موفوضى هي
اكييد اذا مو مقلب يعرف احد بالشركه اوو هوو يشتغل
ويمكن اذا بالشركه يتجسس على محادثاتج
ديري بالج اشتكي

اوو غيري رقمج وريحي راسج
ولاتغيرين خطج من نفس الشركه لالاا اخذي شركة ثانيه

ودامج ما سويتي شيء غلط لاتخافين ​

 

[ام روابي]

الزبده كلها غيري رقمج ورتاحي

 

[nono93]

يعطيكم العافه وماقصررتوووووا


ردودكم كافيه وواافيه


والحين بدق ع الوطنيه

وماتقصروووون

 

[لؤلؤة مكنونة]

اسم البرنامج truecaller توه دازيلي المعلومه عالواتس اب وانه ياخذ نسحه من الاسماء والارقام المحفوظه لديك ويشارك فيها مستخدمين البرنامج نفسه دون علمك

 

[ترانيم القصيم]

حسبي الله و نعم الوكيل

شوفي يا إنك تغيرين رقمك

يا إنك تشتكين عليه عند شركة خط جوّالك آللي أنتِ عميلة عندها ,, و راح يتصرّفون معه

أنـا ما أبيك تخافين لأنوهـ عرف اسمك ,, و خير يعني ,, خل يعرفه لا تضيقين صدرك

واثق الخطى يمشي ملكًا ,, دلمك خلوقة و محترمة و ما سوويتِ شي غلط لا تخافين !

الله معك و راح ينصرك بإذنه تعالى

صلي قيام ليل و اطلبي الله إنوهـ يفرّج همك و يرد كيدهـ على نحرهـ

صار لي موقف مشابه و وقتها كان عمري 15 سنة ,, علمت أخوي الكبير و أخذ شريحتي و قال لي ( طلعي ثانيـة )

طلّعت ثانية و افتكيت ههههههههههههههههه ^^

 

[granted]

عطيه طاف خيرته بيمل

 

[كشموووشه]

حبيبتي خايفه منه ؟ من الاخر عندج ادارة مكافحة الجرائم الالكترونيه روحيلهم او اتصلي فيهم راح تكون شكوتج سريه اذا ماتبين احد يدري وراح اييبونه ليعندج وحتى لوكان بره الديره اييبونه عن طريق الانتربول ترا هالاداره قاعده تبذل جهد كبير بس مااشوف الاعلام معطيهم حقهم .......​

 

[فطوم السعوديه]

حبيبتي هذا برنامج الهوزكولينق ..

ينزل من السيديا واي احد يدق عليك يطلع لك اسمه

فانتي دقيتي عليه وللاسف وطلع اسمك عنده ومسكها عليك ..

انتي اذا جوالك ايفون حمليه وبيدق عليك وبيطلع لك اسمه مع اني ما انصحك تعطين اسمه اخوك او ابوك لانه بتصير مشاكل بس خلي امك ترد عليه وتهزأه وان احنا عرفنا اسمك ونقدر نقدم فيك شكوى يمكن يخاف
..


ومره ثانيه لاترجعين تدقين على احد .. الحين هالبرامج تخوووف

 

[عادت ذكرياتي]

حسبي الله ونعم الوكيل

 

[برنسيسة2007]

حبيبتي لاتخرعين
قولي لاخوج او ابوج هالرقم يدق علي كثير وليش اني ما ارد اتوقع انه عرف اني بنت رد علبه وقوله ان هذا رقمك
اهو اذا دق مستحيل يقول اسمج حق ابوج!
واذا ماتبين عادي غيري رقمج ودزي حق كل رفيجاتج الرقم الجديد وبس

 

[ƒédaîtn¥ ZoO'3a]

أكو ابلكيشن يديد حق الايفون اسمه numberbook اذا حط الواحد رقم الموبايل أو الاسم تطلعله بيانات الشخص فيمكن اهو شير رقمج بالصدفه عقب حط الرقم بالابليكيشن وعرف بياناتج ,,, شوفي عطي التلفون اخوج او ابوج خل يدق عليه يعطيه كلمتين بالعظم يوقفه عند حده ولا تغيرين خطج ولاهم يحزنون وان ماياز وتمادى اشتكي عليه بالمخفر يقدرون يتلونه تل مثل الخروف ويوقعونه على تعهد

 

[ألايانفس......]

حبيبتي زين انج علمتي الوالدة بالموضوع
عشآن مايقولون سآكته وخآيفة فيهآ بلا ,
خلي الوالدة تكلمه وتسفل فيه !!
او دقي على الشركة تحجب رقمه عن خطج ,
او غيري خطج , والا طنششششيه بالمرة , مرده بيمل ويزهق وماراح يرد يدق

الله يسستر علينا وعلى بنآت المسلمين يارب !

 

[شموع الكويت]

الله يعينج

شوفي اذا خطج وطنيه سوي خدمة بلوك يو مدتها شهر

تتصلين عالشركه ويعلمج عليها تحجبين رقمه يعني ماتستلمين منه لا مكالمات ولامسجات فهمتي


خلي بالج منه وكوني حذره وعلمي امج باللي يصير معاج اول باول خليها فالصوورهــ

 

[om_dodo]

عزيزتى عندج حلين بما ان خبرتى ك محاماه

الحل الاول عطي رقمه لاقرب مخفر
الحل الثاني غيرى رقمج

انتى اختارى اللي يناسبج

 

[q8 knosha]

كلمي اخوج او ابوج وفهميه القصه!!

انا رفيجتي جذي واحد دق عليها بالغلط وردت وسمع صوتها بنت ولزق فيها!

امبيه زفيتها شيبيلها بعد

خلي ريال يكلمه

مو تقولين امج ماراح يخاف

ريال يكلمه ويسفل فيه

واذا تبلا عليج قولي حق ابوج او اخوج

هذا جذاب لو اني اعرفه جان ماقتلكم جان غيرت خطي وخلاص

 

[q8 knosha]

ما انصحج بالمخفر!

شلون بتدش مخفر واهيا بنت؟

بتراكض بلقضيه!

وماله داعي مخفر

ريال من اهلج وخلاص واذا مافاد اهوا يتصرف يروح المخفر

 

[اميره الجوري]

حبيبتي اهوا يمكن دق بالغلط او دق يبي يغازل من هذول الشباب الي نفوسهم ضعيفه والعياذ بالله الي يدقون اميت رقم لين ماتطلع لهم بنيه ويمسكونها ويوم شافج بنيه وحاقرنه احتر وعطي احد من ربعه يمكن يشتغلون بالداخليه وطلع اسمج واذا انتي واثقه من نفسج خلاص مالج شغل فيه خي ولي ونصييييييييييييييييييييييييييحه لا دخلين ريايل بالسالفه لانها راح تكبر ومخافر وشاكل وحجي بيطلع انتي غيري رقمج ورغم امج وخلاص واذا عاد السالفه اهنيه دخلي ريال بس يكووون عااااااااااقل واعي ومو عصبي تعرفين الريايل الا اهلهم عشان يتفاهم معاه ونصيحه لايكلمه خل يروح المخفر يقدم بلاغ. واهما يتفاهمون وياه. والله يبعده عنج ان شالله والله يستر عليج وعلي بنات المسلمين بس تكفين بلغينا بالسالفه لانه وربي قلبي علييييج الله يشغله بدنياهويعطيج علي قد نيتج قولوا امييييييييييييييييييييييييييييييييييييييييييييييييييييييييين *

 

[أريد حلا]

أكو ابلكيشن يديد حق الايفون اسمه numberbook اذا حط الواحد رقم الموبايل أو الاسم تطلعله بيانات الشخص فيمكن اهو شير رقمج بالصدفه عقب حط الرقم بالابليكيشن وعرف بياناتج ,,, شوفي عطي التلفون اخوج او ابوج خل يدق عليه يعطيه كلمتين بالعظم يوقفه عند حده ولا تغيرين خطج ولاهم يحزنون وان ماياز وتمادى اشتكي عليه بالمخفر يقدرون يتلونه تل مثل الخروف ويوقعونه على تعهد

بعد عمري فديتج هذا اسمه اللي امس ضايعين اسألهم شسم البرنامج يحكون راسهم
خخخخخ جنه سر ،، قتيعه

مشكووورة:eh_s(7):