بنات ,,
هذا واحد كويتي كاتب كلام منطقي بصراحة و حبيت أنقله لكم
و يا بنات تكفوون انقلوا الموضوع لمنتديات ثانية و على الإيميل تكفووون
******************
السلام عليكم ورحمة الله وبركاته
أممم أكو شي غريب انا ملاحظه من فتره ..... ان سوالف الحب والغراميات كاثرة هاليومين بالمنتديات
فما ادري هي موضى و الا عبالهم اللي يسوونه مفخره ( يعني شوفونا عاشقين بعض ) والا شنو
طيب ابي افهم شنو نهاية الحب هذا؟؟؟
يعني تبون تفهموني انكم بتتزوجون بالأخير ؟ هههههههههههههههههه
إي هين اتحدى .. ومنو اللي يرضى على نفسه يتزوج وحده متعرف عليها لا يكون للحين تحسبون اننا بزمن عنتر وعبلة وقيس ليلى
لا يبه الزمن تغيير هذاك اول .... الحين ماكو شي اسمه حب قبل الزواج كله جذب بجذب
والشباب أغلبهم اذ مو كلهم يتسلون بعقول البنات هالمساكين ... فيا اختي ان كنتي على علاقه مع واحد بمنتدى والا مانسنجر اتقي ربج و خافي منه
تراه جذاب هذا يتسلى فيج شايفج لعبه عنده .... هذا تفكير كلللل الشباب ... صراحه انا مستغرب من البنات
يعني ما قاع تسمعين بالجرايم الاخلاقيه و جم بنت فقدت عرضها وشرفها ؟ تدرين شنو كانت البدايه؟
ترى جذيه نفسج مكالمات شووي شووي وتحولت لمقابلات ألييييين طاح الفاس بالراس
اختي العزيزه .. سمعيني عدل ..
انتي المتضرره الاولى والاخيره من هذي العلاقات ولا ترى الريال ما يضره شي يعني احنا بمجتمع
يقول لج : ان الريال عيبه بجيبه .. و ان البنيه من الزجاج لا انكسر ما ينجبر
شنو بيضرج لو صبرتي شوي و يا لج نصيبج من الباب ؟ شنو يضرج لو حافظتي على طهارة قلبج
وما دنستيها بالحب المحرم وعلاقات غرامية فاشله وتافهه مثل هذي ؟؟
بالعكس ماكو اي ضرر إلا قولي هذا الخير وكل الخير .. الحين روحي سألي هذا اللي تكلمينه وقاع تغازلينه
انته ترضى ان واحد من الشباب يتعرف ع اختك و يكلمها ؟ وشوفي شنو رده ؟
والله عاد اذا قال لج : اي ارضى ,, فهذا جذاب 100% يعني احنا الشباب فاهمين بعض وندري انه
الشباب ماخذين البنات تقزيره وتضييع وقت .. و اذا كان من صجه يتحجى ويرضى على اخته انها
تحاجي واحد فاا اهني اسمحي لي أقول تراهـ ديوث 100% .. اي نعم ديوووث و ستين ديوووث اذا ترضى ان اختك تكلم واحد !!!!!!
فيا اختي اخذيها مني .. ماكو ريال يآخذ وحده كان على علاقة سابقه وياها
ولا صار يبي يتزوج ( الاكيد مو انتي اللي بيتزوجها )
و لي بغى يتزوج و صارت السالفه صج عاد لازم يقطع علاقته فيج
( من دون ما يصدمج او يجرحج ) بس اشلون ؟ << لا والله ولد حلال ترى قلبه عليج هههههههههه
يا و قال لج :
والله امي شافت وحدة من البنات و احلفت علي الا آخذهاااا .. عاد آنه حاولت مني مناك اني اقنعها بس ما كو فايده
و تعرفين هذي امي ( جنتي وناري ) ما اقدر اعصي لها أمر ......... وصك الخط بويهج !!
كلهم جذيه أختي ,, لا تقصين على نفسج يبـا وتدمرين عفافج بنفسج ,, اصحي ما كو ريال عاقل ياخذ بنيه متعرف عليها ..
وين ما كانت العلاقه هذي سواءاً بالإنترنت ( شاتينج روومز وإلا ماسن و إلا منتدى و إلا تليفون )
كلهااا نهايتها وحده ( الفشل ) وكلها حرام وماترضي رب العالمين
شوفي رب العالمين شنو يقول لي و يقول لج :
{ غير مسافحات و لا متخذات أخدان }
والخدن اهوا الخليل و العشيق ..
و كلمه حاب اوجهها للشباب اللي قاع يضحكون ع البنات المساكين :
ياخي استح على ويهك و خلك ريال لو مره وحده ,, وآنه قد الكلام اللي اقوله
اذا تحبها ما له داعي انته وياها تعيشون مسلسل مكسيكي من امية وستين حلقة .. تبيها روح اخطبها من اهلها
و اتق الله و خف منه ترى كما تدين تدان و باجر الله يبليك بوحده من محارمك ..
يعني هم فاسد وتبي تتزوج وحده عفيفه محترمه بعد ما يصير اسمح لي ( شين و قوة عين ) !!
و اللي يقول لا آنه نيتي زواج فعلاً وآنه ما أخون .. زين ليش تكلمها و تغازلها ؟ ليش ما تتقدم لها على طول ؟
وين احترامك لعفافها تغازلها عيني عينك و حتى لو كان المغازل و المكالمات بالسر ياخي وين خوفكم من ربكم ؟
وين غيرتك على عرض اختك المسلمه ؟ يا جماعه ليش صرنا جذي نستخف بهالمواضيع ؟
و ليش البنت ما تتعظ من القصص اللي تسمعها ؟ يعني لازم تصير لج بلوه ولا مصيبه عشان تتعظين
وتعرفين قيمة الحشمة والادب و الاخلاق و التربيه ؟ لازم تفقدين عرضج وشرفج عشان تعرفين انج غلطانه
وان الشباب كلهم جذابين و ماعندهم شي اسمه حب وغرام ؟
شوفي هذي المقاطع و شوفي شلون قاعدين الشباب يضحكون على البنات وشنو رايهم بالحب قبل الزواج :
و اهي من برنامج ( المخدوعه ) و حلقه انعرضت على التلفزيون .. انصح كل البنات يشوفونها
YouTube - ط§ظ„ظ…ط®ط¯ظˆط¹ط© ط§ظ„ط¬ط²ط، ط§ظ„ط§ظˆظ„ 1-6
YouTube - ط§ظ„ظ…ط®ط¯ظˆط¹ط© ط§ظ„ط¬ط²ط، ط§ظ„ط§ظˆظ„2-6
YouTube - ط§ظ„ظ…ط®ط¯ظˆط¹ط© ط§ظ„ط¬ط²ط، ط§ظ„ط§ظˆظ„ 3-6
YouTube - ط§ظ„ظ…ط®ط¯ظˆط¹ط© ط§ظ„ط¬ط²ط، ط§ظ„ط§ظˆظ„ 4-6
YouTube - ط§ظ„ظ…ط®ط¯ظˆط¹ط© ط§ظ„ط¬ط²ط، ط§ظ„ط§ظˆظ„ 5-6!
YouTube - ط§ظ„ظ…ط®ط¯ظˆط¹ط© ط§ظ„ط¬ط²ط، ط§ظ„ط§ظˆظ„ 6-6
YouTube - ط§ظ„ظ…ط®ط¯ظˆط¹ط© ط§ظ„ط¬ط²ط، ط§ظ„ط§ظˆظ„ 6-6
الجزء الثاني :
YouTube - ط¨ط±ظ†ط§ظ…ط¬ ط±ط£طھ ط¹ظٹظ†ظٹ ظ€ ط§ظ„ظˆظ‡ظ… ظ€ ط§ظ„ط¬ط²ط، ط§ظ„ط§ظˆظ„
YouTube - ط¨ط±ظ†ط§ظ…ط¬ ط±ط£طھ ط¹ظٹظ†ظٹ ظ€ ط§ظ„ظˆظ‡ظ… ظ€ ط§ظ„ط¬ط²ط، ط§ظ„ط«ط§ظ†ظٹ
YouTube - ط¨ط±ظ†ط§ظ…ط¬ ط±ط£طھ ط¹ظٹظ†ظٹ ظ€ ط§ظ„ظˆظ‡ظ… ظ€ ط§ظ„ط¬ط²ط، ط§ظ„ط«ط§ظ„ط«
YouTube - ط¨ط±ظ†ط§ظ…ط¬ ط±ط£طھ ط¹ظٹظ†ظٹ ظ€ ط§ظ„ظˆظ‡ظ… ظ€ ط§ظ„ط¬ط²ط، ط§ظ„ط±ط§ط¨ط¹
YouTube - ط¨ط±ظ†ط§ظ…ط¬ ط±ط£طھ ط¹ظٹظ†ظٹ ظ€ ط§ظ„ظˆظ‡ظ… ظ€ ط§ظ„ط¬ط²ط، ط§ظ„ط®ط§ظ…ط³
YouTube - ط¨ط±ظ†ط§ظ…ط¬ ط±ط£طھ ط¹ظٹظ†ظٹ ظ€ ط§ظ„ظˆظ‡ظ… ظ€ ط§ظ„ط¬ط²ط، ط§ظ„ط³ط§ط¯ط³ ظˆط§ظ„ط§ط®ظٹط±
و السلام عليكم
اخوكم
بو مشاري .
