واحد صفر الدايت كير

[بنت الدسمه بسمه]

شفتوا بنات

خلصت شهر عندهم ياحرام ولا خربطت ولاشي

بس 2ونص نزلت عندهم قهر صح قاطه 200 دينار عشان كيلووين ونص

عاد انا قررت السبت انشاء الله بروح للدكتور محمد ربيع او رجيم سنتر الي بمجمع تالا

مليت من المتن

انا ابي بس 15 كيلو تعبت موقادره انزلهم

انتوا شرايكم

انا اختكم وماعندي خوات غيركم انصحونوا وين اروووح محمد ريبع ولا رجيم سنتر مابي اقط فلوس عالفاضي يكفي الدايت كير وومعهد النصير الصحي

تكفووون لاتخلوني

 

[AL BLOUSHY]

حـرام والله يلا فـدوه حق راسـج
شـوفي انـاعنـدي بنت خـالتي نزلت مـع دايت سنتـر بس شنــو اشتركت جم سنــة
انتي من النـوع الأكيلــه ولا لأ؟؟؟

 

[n_1]

لاو ابشرج ذولا يمكن سوائل مو كيلوات صج يعني اكلي وجبه وبيرجعون

روحي محمد ربيع رجيمه يضعفج لانقاش اذا التزمتي فيه مع مشي والله لتقطين 10 كيلو بالشهر

انا مدري البنات اللي يشتركون بهالشركات مايفكرووون؟ مايعدون السعرات مايشوفون اكلهم دسم وشكثره شلون بيضعفوون

لهدرجه مستغنين عن فلوسهم ؟

انا محال اشترك لوشنو يقولون والله (الا لاتعهدوا ووقعوا يرجعون الفلوس كامله ان مانقصت على الاقل 8 بالشهر )

ماكو احلا من الرجيم اللي انتي تسوينه على مزااجج واكل تشترينه بنفسج بيعطيج دفعه معنويه

مو قاعده نايمه بيتكم ويجيج كرتون نصه تسخنينه بالميكرويف لو شاريه وجبات المكرويف احلا وانظف وارخص

ادري تكلمت واااجد بس من القهر انا منقهره اكثر منج هههههههههههههههههه

يالله خليه درس لج لاتنساقين وراء مواضيع شركات الرجيم والصور الحلوه

مدري متى تتعلمون يابنااات

 

[twinsmam]

بس كيلوييييييين ؟؟؟ حرااام و الله
انا بروحي سويت رجيم و باسبوع او 10 ايام نزلت كيلوين
حبوبة روحي حق دكتور وايد احسن و انا من اسبوعين ماخذه رجيم محمد ربيع من قسم الأنظمة يهبل و ينزل و هذا انا مو ملتزمة في عدل بس انتي راجعي عنده احسن و انشالله توصلين لهدفج و اهم شي ان الارادة موجودة
موفقة

 

[بنت الدسمه بسمه]

اي والله انكم صاجين حده قهر محتره حيل

 

[missnohaa]

انا نفسج الدايت كير نزلت كيلو واحد بس
ولما سالت الاخصائيه ليش جذى تقولى ما ادرى يمكن علشان انتى يايتنى واساسا منقصه جم كيلو يعنى مسويه ريجيم

 

[أحلى عيون]

رد : واحد صفر الدايت كير

اختي والله بالاراده والاصرار صدقيني تضعفين

تدرين العيب موفي الدكتور ولا في الشركات العيب فينااا مانتحمل البعد عن الاكل

اختي والله كل دكاتره التغذيه نظامهم واحد انا جربت اكثر من ٦ دكاتره وحتي المستشفيات العامه رحت لهم
كله طلع النقص فيني


تركت كل شي وسويت رجيم من عندي بعد مااخذت نبذه عن الدكاتره كلهم ونظامهم الغذائي وصارت عندي خلفيه عن كل شي عرفت انه الوحده اذا التزمت بشي لازم تكمله


سويت قروبات ولله الحمد من انجح القروبات ونزلوا فيه البنات اكثر من ٤٠كيلووو وانا ولله الحمد والمنه نزلت اكثر من ٣٠ كيلووو لاني حطيت في بالي الاكل مايخلص بس الصحه تخلص

اختي يمكن تكلمت وايد بس حبيت اني اعطيج نبذه انه بايدنااا احنا الي نسويه لا دكتور ولا شركه ولا غيره



امشي كل يوم ارقصي واقفزي بمكانج اشربي ماي واعشاب ملينه سوي رياضه اشتركي في نادي كل هذي الامور تساعد علي نقص الوزن



والله المستعان

 

[بنت الدسمه بسمه]

ماعندهم سالفه والله انا حدي محتره

والحين قعدت افكر بجد اروح لمحممد ربيع واقط كل اسبوع 10

ولا اروح لرجيم سنتر حدي محتاره

انصحوني تكفون

 

[Q8stylle]

روحي حق دكتور وايد احسن