واجهتني هالمشكله بموبايلي سوني اريكسون k800i

[سبائك]

السلام عليكم

ازايكو يا بنات

انا موبايلي سوني اريكسون k800i

صار لي فوق السنه من شريته تقريبا

ومرتاااااحه عليه وايد الحمدلله

الا شغله وحده<<<الحلو ما يكملش

بالآونه الاخيره بدا يخوره بالمسجات

يعني يوصلني مسج من اختي بس الأسم اسم زوجي!!!!

أو من رفيجتي بأسم خالتي وهكذا.....

يعني يلخبط لي المرسل ويخوره يحط اسم المرسل من عنده وبكيفه

وبجذي انا اتوهق ما أدري من المرسل الصجي للمسج وتعالي فججي عاد

شرايكم أحد صار له مثلي؟؟

على فكره سويتله فورمات كامل ما في فايده :eh_s(1):

 

[нάγoηά cнεмίsтяγ]

هلا حبيبتي انا بعد نفس نوع تلـفونج بالضبط وصارله معاي اعتقد سنتين بس لا ماواجهتني مشـكلتج ! :\
ليش ماتسألين الشـركة يمكن يفيدونج ..

 

[supermarket]

ضحكتيني سباجة يعني يسوي حذرة بذرة

انا عندي نفسه بس ماصارلي جذي !!

جربتي تشيلين السيم كارد والبطارية ورديهم مرة ثانية

او يبيله فورمات

 

[مناوووي]

مرحباا

انا نفس جهازج وصارله معاي سنه

والحمدلله ماشفت منه شي ولا قام يخورها

لحد الحين هو خووووش وااحد

 

[سبائك]

ماشاءالله الله يتمم عليكم

بجرب أشيل الشيب وأن شاءالله يتسنع

 

[زلابيا]

سبوج انا الجهاز ظل معاي بعد سنه والحمدالله تمام بس انا شريت الايدد منه

شوفي يمكن اهو على الحظ ... لأن رفيجتي هم جذيه قام يخوره معاها هالأيام

 

[الام الحنونه]

اقول عزيزتي الله ما كثر الموبايلات الي بالسوق؛بصراحه انا لو منج اغيره على طول لاني احب التغير وكلش كلش اشتري واحد نفسه يديد ؛بدال ما يدز شي انا ما ابي احد يعرفه ويفضحني :dddds:

 

[زيـنـه]

شصار سبوج ؟

 

[سبائك]

شلت الشيب وعفسته فوق تحت ماكو فايده

شكله ناوي على زواله خلاص بعزم اشتري ثاني ان شاءالله مع اني ما احب تغيير الموبايلات وايد

 

[supermarket]

لاحرام وديه الورشة يمكن بس يبيله اب ديت او فورمات

 

[كلي تفاؤل]

انا بس يعكس لى اسماء المرسلين والمستلمين للرسايل مثل

جهراوية = ةيوارهج

وجننى غيرت اللغة نفس الشئ الحين تعودت صرت ما اعرف اقرى الاسماء الا بالمقلوب

اللى عندها حل ...

وسبوووجة ودية الوكيل خل يشوف شسالفته ...

 

[& شهد &]

انا تلفوني سوني اريكسون بس ما صارت معاي المشكله

 

[سبائك]

لا بنات حجه وقضاء حاجه بخاطري سوني اريكسون k850i لأن كاميرته 5 وعسى الله يسهل

 

[كلي تفاؤل]

عندي بو 5 ميغا بكسل ...فيه مميزات حلوة مو موجوده بالk800خاصة وان شاشته باللمس بس يبيلج قت قصير تتعودين عليها والحلو بعد فيه ان فيه ليت اضائه قويييي ينفع حق الصيف لي طفت الكهربا بالليل او بالبر وتقدرين تخلينها يأشر وقت الخطر بعيييد الشر ...عشان يعرفون مكانج امممم بعد شنووو عجبني فيه تنظيمه للرسايل على حسب الايام مثل يحط لج مسجات اليوم _البارحة -قبل اسبوع وهكذا اسرع لصفح الرسايل ...ومبروك مقدما ...ايي وترى مرات يعلق بس من فترة لفترة بعيييده يعني شئ لا يذكر