واااي تعبت نفسيتي من قسم الحياة الزوجية

[كريستال]

رد : واااي تعبت نفسيتي من قسم الحياة الزوجية

يبون لهم طبيب امراض نفسيه

 

[منوة القلب]

والله يالغاليه اتوقع انهم ناس فاضيه تجي تألف قصص دراميه اخر الليل

واتوقع انه شخص واحد سوا رجال او مره

لاني لاحظت أسلوبهم واحد نفس الشي و ما يردون بسرعه

واذا ردت ردت برود وغير مبالاه واستخفاف بردود البنات او تحاول ترد رد يستفز البنات

عشان تحصد قدر ممكن من الردود الظاهر هم مجموعه ويتحدون بعض أيهم اكثر ردود

والله اعلم صراحه مشكوك بأمرهم

 

[حبـ admant ـك]

رد : واااي تعبت نفسيتي من قسم الحياة الزوجية

اي والله
شي يشيب الراس
مشاكل مادري من وين تطلع
بس بهالزمن صرت اتوقع اللي مايصير يصير

 

[( مي )]

بصراحه انا بشكل يومي لمدة 3 سنوات ادخل على القسم

احاول افيد واستفيد من المنتدى

ولكن المشاكل هاليومين

تشيب الراس

اللي تحب ابو زوجها

واللي تلعن بنت زوجها

واللي تخون

مشكلتي اني اقرا وارد بضمير

والموضوع يستمر براسي فتره

واتعب نفسيا منه .......تصدقون امس مرتفع ضغطي من اللي تحب ابو زوجها

وتستخف بردود البنااااات

واليوم بكل وقاحه وحده تسمي بنت زوجها ام 15 سنه ملعونه لانه قالت لها يما !!!!!!

يارب معقوله الدنيا تغيرت

معقوله احنا بديره الاسلام

معقوله النااااس صارت ما تعرف دينها

اللهم ثبتنا على دينا واهديني واهدي جميع المسلمين

فوفو

فوفو حبي السالفة مو سالفة دين
أيام قبل الناس كانت عايشة على الدين والإسلام ومخلينه مرجع لخطواتهم
بزمنا هذا الناس تعيش على أخلاقها وضمايرها وتربيتها وعقليتها
وكل مرة قاعده اشوف التزام الناس بالدينن يتراجع أكثر من قبل وانتي شايفة المنكرات اللي تزيد ما تنقص

اقرب مثال
اتذكر وانا بالمتوسط لما وحده تحب واحد كل شي تسويه البنت بالخش والدس ،، وتعتبر قليلة أدب البنت اللي تماشي اي وحده عندها بوي فريند ،، الحين :080402ask_prv:
يضحكون على الغير مرتبطة عاطفيا ،، والمواعد أشكره أخبره على قولة خالد العبدالجليل ،، ووايد سوالف عندي لما اتكلم فيها مع بنات صغار توهم متزوجات يضحكون علي تخيلي @@ ويعتبروني دأة أديمة على سبيل المثال اني أبدل عيالي واسبحهم ،، يقولون شخباري انتي من امهات قبل الحين الخدامة تدخل البيت قبلنا :eh_s(12):

ما اقول الا الله يستر من الزمن اللي يكبرون فيه عيالنا عسى ما اييلهم وقت يمشون فيه بدون هدوم :s141:​

ملاحظة : تصدقين ساعات اتنرفز لما اشوف ردود البنات يقولون لصاحبة المشكلة انها تألف وجذابة !! مو تعاطفا مع صاحبة المشكلة ،، بس لان الناس تظن ان الكل مثل عقليتها وتفكيرها وبيئتها ،، ومن يشوفون قصة غريبة قالوا عن صاحبتها جذابة @@

 

[FeShinGoOo]

رد : واااي تعبت نفسيتي من قسم الحياة الزوجية

اي والله يافوفو انا قبل امشي واقول الله يهديهم اليوم قريت هالموضوعين خصوصا موضوع الي تلعن بنت زوجها وقمت ادعي عليهم من كل قلبي حسبي الله ونعم الوكيل

 

[رووحي لغاليها]

رد : واااي تعبت نفسيتي من قسم الحياة الزوجية

اي والله انج صاجة

 

[ايمانو حلوة]

قسم الزوجية صار تافهه بصراحة بسبب المواضيع والمشاكل التافهه البنات موكلهم طبعاالبعض
صايرين سطحين لابعد الحدود وعقليتهم متخلفة تفكيرهم كله جنس جنس جنس والحين هابين بالي تحب ابو زوجها على قولتج واللي تسب بنت ريلها عقل ماكو استغفر الله يارب

 

[~LiBrA~]

رد : واااي تعبت نفسيتي من قسم الحياة الزوجية

حسبي اله ونعم الوكيل في كل ظالم

 

[يالبىآ]

عن جد هالقسم

يكره البنات للزواج

> وربي اني احاتي اقول عسى المعاريس مايدخلون هالقسم قسم بتجيههم عقده


مدري كيف احس حياتهم كلها مأساه مافي فرح مافي رومنسيه

كلى مشاككككككككككككككككككككككل

امانتااا بعض المشاكل سخيفه مثل اللي تحب ابو زوجها خخخخخخخ الستغفر الله يارب لاتعاقبناا

ماكأنهم مسلمين

 

[DooLy88]

راسهم خالي مافيه مخ الحمدلله والشكر
وبعضهم مرضى !! يألفون قصص

 

[شقرديـه عالطل]

والله يافوفو ماتنلامييين
صج يشيب راس الوحده من هالسوالف التفاهه
والله مرات اقول يستعبطون مو من صجهم
الله يعين
والله يستر عالسنين اليايه شبيصير

 

[♥ąϻᴑŁ♥]

والله صدقتي .~

بس مــآآدري ليش احس اخر ســآآلفتين استهبـــآآآآل .. !!

 

[مناير ...!]

رد : واااي تعبت نفسيتي من قسم الحياة الزوجية

تدري لي يومين اقرا بردودج حسيتج امي
مشاء الله عليج تردين من قلب وتدقرينهم أعجبتني ردودج
فالله يعطيج العافيه على حرصج ومحبتج ولاتنغثين حبيبتي
اكو بنات يستخفون بعقلونا ويكتبون مسلسلات

 

[قهوة عربية]

صاجه حبيبتي ....


بعض مرات تييني الكآبة من المواضيع اللي تضيق الخلق وتقمت القلب ....

وأقول الله يحفظ بناتي ويستر عليهم ويرزقهم الأزواج الصالحين ويرزق أولادي الزوجات الصالحات هم وجميع المسلمين

قمنا نسمع ونقرا سوالف يشيب لها الولدان ومواضيع ماكنا ندري عنها وبلاوي ماتصير إلا خارج الكويت ....وكل هذا مثل ماقلتي بسبب نقص الوازع الديني وانعدام الخلق وسوء التربية وعدم الخوف من الله ...

ألحين كل شي قمنا نصدقه ....ومانعرف الصاجه من الجذابة .....المبالغة من الحقيقة ....واللي يهولون وايد واللي يألفون أكثر ....!!!!!


بس تدرين وين المشكلة ....

المشكلة في البنات الله يهداهم اللي كل مشكلة حطوها بقسم الحياة الزوجية

يعني مشكلة مثل الهبلة اللي تحب عمها أبو زوجها ...- واشك انها ولد قزرها علينا ليلة راس السنة - هذه المشكلة مفروض تنكتب بقسم المشاكل الاجتماعية مو هني

كذلك مشكلة مرت الأبو اللي استنكرت على بنت زوجها تقول لها يما ...أيضا مفروض تنكتب بالمشاكل الاجتماعية ....

فصارت أغلب مواضيع القسم كئيبة ....غريبة ....


واحنا مانلوم المشرفات ...الله يكون بعونهم شيلحقون ...

بس لابد يكون فيه تعاون من العضوات ان كل موضوع يحطونه بالقسم اللي يناسبه ....

 

[لمسه حزن]

رد : واااي تعبت نفسيتي من قسم الحياة الزوجية

اي و لله الدنيا

مو مثل قبل

 

[ريماس77]

رد : واااي تعبت نفسيتي من قسم الحياة الزوجية

اي والله اخيتي ناس والله مابقلبهم رحمه ابد اخييييه عالزمن الاول تحول يافوفو الله المستعان كثر الله خيرج والله لايراوينا مثل هالازمات
:hjy5jewf:COLOR]

 

[نـعـومـه]

رد : واااي تعبت نفسيتي من قسم الحياة الزوجية

يمااااااااا وحده تحب ابو زوجها قويه

 

[برونزية رشيقة]

أناااااااااااااااااااااااااااا عاد صج صج تعبت نفسيتي من هذي العضوة أللي اسمها نقطتين

أللي تلعن في بنت زوجها .. وتبي تزوجها وتفتك منها ..

وطااااااااااااااااااافكم ثاني يوم داشة بنك يديد تقول : أنا صديقة العضوة نقطين الله يخليكم لا تدعون عليها .. ترى اهي مسكينة وبنت زوجها تبي تخرب بيتها ..


وهذي أم مشكلة : أحب أبو زوجي .. مرييييييييييييييييييييييييييييييييييييييييييييضة نفسيا .. أقروا ردودها من صجها تبيه يطلق الأم وياخذها

قطيعة تقطع هالأشكال !!!!

ودي أكلم مديرة المنتدى أو المشرفات على القسم يحطوووووووون لنا حد مع هالأشكال المريضة !!!!!!!!

شرايكم ؟؟؟؟