وااااي حدي منبطه جبدي ؟؟؟؟

[يكفيني حنانك..]

اكيد يحبونهم بس انتي يمكن حساسه شوي

 

[Om_3bady]

عادي حبوبه انا جذي اميل حق عياال خواتي اكثر من اخواني بس مومعناته اني مااحبهم ولا افرق بينهم لا بالعكس اذا شريت هدايا اشتريلهم كلهم بس لان عيال خواتي وخواتي امووون عليهم اكثر من اخواني وخواتي عيالهم ٢٤ ساعه عندنا عكس عيال الاخوان كله عند اهل الام
والمحبه من الله

 

[Maaya]

اعيال البنت غير عن الولد
يعني مثلا الياهل كله مع امه وامه اللي ماترضى عليه وامه كل شي فمحد بيقرب لهم الا اللي يكون ميانه مع الام وعادي مثل امها او خواتها, يعني اعيال الاخت عاديييي نزفهم نسوي اللي نسوي ونشوفهم وايد لأن كل ماتمر البنت اهلها يكونون معاها عكس الريال لما يمر اهله اعياله مع امهم , اعيال اختي احس اعيالنا احنا برغم انهم شايلين اسم ابوهم واعيال اخوي بيكونون متعلقين بأمهم صج اعيالنا بس ماراح اكون وايد ميانه بزود كثر اعيال اختي طقيناهم زفيناهم اختي ميانه ماتقول شي بس اعيال اخوي يابوووي خوفج امهم تسويلنا سالفه لول وسلامتج

 

[محرومة من الحب]

ترى سالفه الحب من الله

مو انه ما يحبونج ولا انتي مو زينه معاهم الحب من الله بتقولين زوجي وحيد اهله المفروض يحبون ولده

اقولج انتي ساكنه معاهم بنفس البيت!! اذا اي طبيعي يتشفقون على اعيال بناتهم لانهم بعيد عنهم بس الاكيد انهم يحبون عيالج بس بطريقه معينه

واقولج عن تجربه اختي مسكينه ولا واحد من عيالها امي طارت فيه بالعكس عاادي واقل من عادي بوقت ولدي ماكل الجو عند امي بشكل مو طبيعي مو عشان انا غاليه او اختي امي ماتحبها بس من الله حتى اهي تقول ولدج خرب على الكل مع انه ولدي صراحه مافيه زود

الي ابي اوصله لج الموضوع يقهر بس ترى الموضوع مو انهم مايقدرونج او مايحبونج بس هالشغله من الله

الله صااااااااااااااجة

 

[حجيه هيونه]

ترا عادي

هم اكيد يحبونه بس مو شرط انه يعرفون يبينون هالشي يعني انا احب بنت اخوي بس مادري عمري مافكرت اعبر عن هالشي



لاتحطين ببالج

 

[بدووورة]

ابعد عن الشر وغنيله عادي الوضع طبيعي يامعوده لادورين المشامل

 

[PuPa^^SWeeT]

لاا اللي اعرفه انه عيال الولد اهمه تووب بالنسبة للام

بس يكوون عااد فييه ولد معين ماخذ الجو مو شرط من عيال الولد

يكوون شي بالقلب وبالفعل


يعني امي اتقوول في يااهل يلزق نفسه فييج يدلعج و يدلع نفسه و يقط نفسه علييج

هذا ماتقارنيينه بلود بنتج ولا ولد ولدج

حسب انتي لاتاخذينها بحساسية

بس انتي قربي عيالج منهم اكثر اذا تبين

 

[كاليفورنيا]

لاتضايقين يمكن يحبونهم بس مايبينون

 

[مشاعر]

لاتقولين حق زوجج ولا شي ...

اكيد يحبون عيالج والغلا بالقلب هذيل عيالهم قطعه منهم وشايلين اسمهم اكيد يحبونهم لاتخلين الشيطان يوسوس لج يالغاليه ...

 

[شنوووفه]

حبيبتي مو ضروري يحبوونهم كافي انتي وابووهم والله لااغار ولاشي ولاتكبرين الموضووع وتحسسين عياالج انه اهل ريلج مايحبووونهم يمكن ليش نوهم صغاار باجر لي كبرهم ياخذون البيت بسوالفهم وشطانتهم

موفقه :>

 

[خشف العذارى]

رد : وااااي حدي منبطه جبدي ؟؟؟؟

اب اب

 

[احنا عشقناها]

ليش تطالعين المشكلة من صوبج

بمعنى شلون علاقتج بعيال اختج وعيال اخوج

اكيد عيال اختج اقرب لج بالغلا من عيال اخوج لانها اختج لو زفيتيهم اوطقيتيهم عادي اختج ماتزعل

بس عيال اخوج تخافين لا امهم تزعل او تفسر السالفة غلط

بالنسبة لي احبهم اثنينهم بس اعيال اختي غلاهم شوي زايد بس بالمعاملة احاول اعدل بينهم

وهذا شي طبيعي عيال البنت اغلى ولاحظي مكانت عيالج عند خالاتهم غير عن عيال خوانج

تقبلي رايي هذا تصرف طبيعي

 

[ZajiL]

هلا وغلا مزيونه
انتي نفس مشكلتي بالضبط بس في فرق انه انا
اهلي يحبون عيال اخوي اكثر من عيالي قعدت سنين اجذب عمري
واقول لا مو معقوله لينه عيالي حسوا وقاموا اهما يقولون انه يحسون فرق بالمعامله
وترى كلمت خواتي وحاولت اقولهم لاتفرقون بسن اليهال وكيفكم تحبونهم اكثر بس لايصير تفرقه
مافي فايده جني ماقلت شي انا يحز بخاطري هالكلام ويحزون بخاطري عيالي لانه متعلقين بخواتي
ويخدمون ويساعدون مؤدبين بس الحب كله لعيال خوي

 

[$حبيبة عبودي$]

عاتي انا ولدي بو شهور ماكانو يحبونه يحبون اللي كبره
قلت والله لا الزقه فيكم غصب كل يوم مطرشه صوره لهم
وكل طلعه اخذه معاي لهم الحين بس يدورونه والله حتى مل شسوي بالله صوري حتى واهو نايم
وعمي وخالتي الله يخليهم لي وقمت اضحك ظحكه خبيثه قلت شفتو شلون علقتكم فيه غصب ههههههههههه قولي ماشاء الله
ماصدقت يحبونه

 

[غروري بطيبتي]

عاتي انا ولدي بو شهور ماكانو يحبونه يحبون اللي كبره
قلت والله لا الزقه فيكم غصب كل يوم مطرشه صوره لهم
وكل طلعه اخذه معاي لهم الحين بس يدورونه والله حتى مل شسوي بالله صوري حتى واهو نايم
وعمي وخالتي الله يخليهم لي وقمت اضحك ظحكه خبيثه قلت شفتو شلون علقتكم فيه غصب ههههههههههه قولي ماشاء الله
ماصدقت يحبونه

الله يخليه لج ويبلغج فيه معرس
حلوه حركتج

 

[صمــت_ALsHfaaH]

اتفق مع البنات

لاتقولين لزوجج كافي انتي وزوجج تحبوون عيالكم

وصج المحبه من الله