وأخييييرا سويت كيراتبن

[semaasem]

روزي بينك

حبيبتي اسمها مدام تمام وهي خبيرة بالشعر وكانت تشتغل بصالون لامود قبل واذا رحتي لها قولي لها من طرف سماسم اللي بالنت لاني قايلة لها اذا يولكم زباين من طرفي ضبطوهم
عاد هي تشوف شعرج وتقولج بس انا حاولت معاها بالسعر لاني قلت لها اني بقص شعري والله ماقصرت راعتني

 

[مشمش أحمر]

عليج بالعااافيه حبيبتي

 

[حلوة الروح]

سماسم ودلوعة القادسية وكل اللي سوو الكراتين انقذوني انا ودي اسوي حق شعري لان رايح فيها من الصبغات وحيل ناشف الحين اذا سويت مع الوقت المادة اللي حطوها في شعري ما تاثر على الشعرالله يجزاكم خيرقولولي سماسم جم كلفج الكراتين كلة مع الشامبو والكريمات ميخال استحمليني اشوي ؟

 

[engineerh]

الصراحة يزاكم الله خير و بالخصوص الاخت سماسم ماقصرتي على نقل تجربتج

انا شعري ناعم بس منفوش ودي اسوي تتوقعين مايصير ملزق وسايح اخاف يصير مو حلو

انتي نعومت شعرج اساسا كانت شلون اتمنى تفيديني

 

[إنسانة]

انسانة

تقدرين تصبغينه قبل لا تسوينه بس عقب ماتسوينه لازم تنطرين عشرين يوم يالله تسوينه هذا على كلام خبيرة الشعر اللي بالصالون اللي سويت فيه وحبيبتي ماعتقد يأثر على شعرج لانه مواد طبيعيه واستخيري وتوكلي على الله

بعد عمري ماقصرتي على الرد

شورج وهداية الله

بمرهم واشوف جم يكلف

عسى ماتصلخني :dddds:​

 

[أم عزيـز]

انا رفيجتي توها مسويه ومستانسه عليه وايد وشكلي بلحقها
كنت خايفه اسوي لأن الولاده خلفت شعري يطيح وما بقا غير جم خصله
خايفه بعد يطيحون اذا سويت

عشان جذي متردده
وهم ابي صالون مضمون
رفيجتي سويته 180 دينار شعرها كان لي كوعها
والحين قصته لي جتفها
وكان مصبوغ ولما ورتنا شعرها عقب الكيراتين ماشاء الله طلع وايد حلو جنه طبيعي
يعني مو طايح مثل الفلبن بس صاير نعومته طبيعيه شوي ويفي خفيف كلش
واهي طبعا اللي طلبت انه ما يكون ناعم طايح تبي يكون شكله طبيعي وفيه موجه خفيفه

وان شاء الله راح اخذ منها اسم الصالون

على فكره السعر يختلف على حسب كثافه الشعر مو بس الطول

 

[حلوة الروح]

سمساسم رديعلي انا ناطرتج وينج ام عزيز اذا عرفتي اي صالون قوليلي بليز

 

[semaasem]

حلوة الروح

هلا وغلا فيج حبيبتي وسوري عالتأخير
شوفي..هو أساسا يقولج انه علاج للشعر المصبوغ والمتقصف والتالف يعني ينفع حق اللي متعلمين عالصبغ
أما بالنسبة حق الاسعار شوفي الكيراتين عطتني فيه بعد ماطلعت روحها 140 والشامبو مع الكريم مالهم 18

وبالخدمة حبيبتي


engineerh

حبيبتي حتى انا شعري مو وايد خشن بس مثل ماقلتي منفوش ويحتاج سشوار على طول وفيه ردات والحين مثل ماذكرت ام عزيز طلع طبيعي مو مثل الفلبن على قولتها يعني مو كللللللللش سايح السيوحة اللي تلوع الجبد جنه لاحسته صخله (عفوا على هالتشبيه) لا بس طبيعي وحلو وانتي استخيري وتوكلي على الله


انسانة

حاضرين وبالخدمة

 

[دلوعة القادسية]

امس تسبحت والنتيجه روعه والله

بس نشفته هوا حار وعلى الاطرف ستريت وايد حلو ما شاء الله


بس الصالون مو اسمه كرستال اسمه جنها كلمه هنديه لووول


بس ترى اهي رخصت لي لان معرفه


اذا وحده من بره اكيد بال 100 او اكثر

 

[نيلفار]

واي وناسه حدج شوقتيني



انا مسوية من قبل شي اسمه ستريتنر ووايد حلووو بس جني ودي اسوي كراتين الحين



انزين اهو تقربا جم ينعم بالنسب لان انا سمعت ان ينعم 60 %

واليوكو 90%



صج هالحجي ؟؟

 

[semaasem]

دلوعة القادسية

عليج بالعافية تتهنين فيه انشاءالله

نيلفاز

مادري بس صج في درجات انا قالت لي خلطت لج انتي سئلي

 

[slk]

بس نصيحه للبنات روحو لصالونات ثقه لان فى نوع من لبنان ويتميز بريحه شوى قويه يعنى مو البرازيلى فانتبهو

 

[عسوله_8]

بالتوفيق حبوبه ،،، وباذن الله تحصلين على النيو لوك الي بغيته

 

[fĂňţąşŧĭĊ«3]

Lمشكوره اخت سماسم ودلوعه القادسيه على نقل تجربتكم

 

[sweeta77]

سماسم
قولي لنا شلونك معاه ...مستانسه انشالله؟

 

[semaasem]

الحمدلله لو مو مستانسة مانقلت لكم تجربتي عالاقل افتكيت من شي اسمه سشوار ومااحاتي التسبح قبل احاتي اذا لي خلق استشور ولا لا بس انا اقولكم من البس عليه الحجاب احسه يخترب يعني يلزق ويصير جنه مدهن بس اذا قعدت بالبيت وطقه الهوا يصير حلو بس هالامطة مشششششكلة احس لازم اتسبح عقب كل طلعة لانه يلزق والقذلة تصير لاااااااازقة ماتتحرك ويع (مادري اقط حجابي على هالكيراتين) لوووول
أستغفر الله

 

[semaasem]

على فكرة انا استخدمت البرازيلي

 

[barbreeta]

السلام عليكم شلونكم اختي سماسم واختي سويتا واختي دلوعة القادسيه شلون الكيراتين معاكم الله يعافيكم عندي سؤالين وابي خبرتكم اول سؤال عن الكيرلي اذا اقدر اسويه بالفوم او الفير وثاني سؤال اذا شعري خفيف وفيه فراغات يعني يحتاج عنايه اقدر احط فيه زيوت او امبولات وتونك والامور هذي ولا مايصير انا مره سالت وحده قالتلي مايصير لانه والله فكه قبل كل ما احط انبوله او تونك يخترب السشوار الحين قلت لو اسوي كيراتين يمكن اقدر اعتني بشعري اكثر فمادري اشرايكم ؟؟؟ اتمنى اتجاوبوني بليز...:tek:

 

[OM-A6YAB]

مشكورة اختي سماسم على طرح تجربتج والاستفاده منها

 

[sweeta77]

الحمدلله لو مو مستانسة مانقلت لكم تجربتي عالاقل افتكيت من شي اسمه سشوار ومااحاتي التسبح قبل احاتي اذا لي خلق استشور ولا لا بس انا اقولكم من البس عليه الحجاب احسه يخترب يعني يلزق ويصير جنه مدهن بس اذا قعدت بالبيت وطقه الهوا يصير حلو بس هالامطة مشششششكلة احس لازم اتسبح عقب كل طلعة لانه يلزق والقذلة تصير لاااااااازقة ماتتحرك ويع (مادري اقط حجابي على هالكيراتين) لوووول
أستغفر الله

الحمدلله انج ارتحتي عليه
على فكره اول كم سبحه يكون شوي وايد ناعم بس بعدين يصير احلى
سماسم حبيبتي اهو اسمهbrazilian keratin بس صناعه امريكيه
اللي يشوفني انصحكم فيه ....يقول انا الوكيل ....بس والله من الفكه اللي افتكيتها
ومن الوسواس سويت بحث طويل عريض عنه