وأخييييرا سويت كيراتبن

[بشور]

حبيبتي شلون مانربطه؟؟؟ يعني شلون البس الشيله بعدين يطلع من ورى؟؟؟؟؟؟

انا محيرني هالموضوع الصراحه ولا انا ودي اسويه

 

[semaasem]

هلا فيكم من جديد

حبيبتي فيونكا شتقصدين بالكاريه القصة اليديدة يعني مافهمت ممكن اذا عندج صورة علشان اعرفها تقصدين قصة حصة اللوغاني؟ اللي من صوب اقصر من الثاني؟ اختي تقول الحين هابين فيها ولا شنو بالضبط انا ناوية بوي ادرجه من فوق هالقصة وايد تلوق لي بس ممكن قبل لا اقصه اسويه كاريه على قولتج أحلل فلوس الكيراتين

بشور حياتي

بسيطه لا تحاتين انا البس الشيلة والامطة بعد بس مااربط شعري بشباصة لا ادخله داخل ظهري وهو مفلول فهمتي واحط الامطة والف الشيلة بس اهم شي مافي شباصة لانها راح تسوي كسرة بالشعر راح تعلم على الشعر عرفتي

بالنسبة للي اسألوا عن الشعر لا ماتسوينه والشعر وصخ اول خطوة يسوونها لج غسل الشعر قبل الكيراتين


المهم نرجع حق محور حديثنا..

أول مارحت الصالون طبعا استقبلتني مدام تمام بنفسيتها الحلوة وبعد ماضيفوني وشربت قهوتي وبعد ما نشفت ريجها بالاسئلة وكاسرتها بالسعر توكلت على الله لاني خلااااص بفتك من السشوار راح اكتب لكم الخطوات علشان ابسطها لكم:

1- غسلوا شعري وحطوا لي كريم قبل الكيراتين
2- لبسوني كمام ولبست اللي تسوي لي كمام عن الريحه(على فكرة ريحته موخايسة بس قوية شوي..)
3- مشطت شعري وقسمته حق خصل وقامت بوضع المادة مثل الصبغ على كل الشعر
4- قامت بتنشيف شعري بالسشوار وهالخطوة هي اللي تعبتني شوي لاني اختنقت وقمت اكحكح بس والله الجماعة ماقصروا سوولي عصير ويابولي ماي ودلعوني دلع.. لان لازم ينشفون الشعر قبل السيراميك مايصير يسوونه وشعرج رطب لازم ينشفونه5
5- يخصلون الشعر ويسوونه بالسيراميك.
6- انتهى الموضوع

ولازم تروحين لهم لمدة4 ايام يسوونه سيراميك وانا يوم الاحد راح اغسله ادعولي بس يطلع زين معورني قلبي على شعري وخايفة

وأي سؤال انا حاضرة وبالخدمة

اي الصالون قتلكم اسمه سيماز ورقمه2620340 والله على ما أقول شهيد اني مااسوي دعاية لاني ليلحين مثل ماقلت لكم ماشفت النتيجة النهائية والله يستر ادعولي بس يطلع زين اي وياخذون اسمج ورقمج وفي سحب ممكن يطلع لج عمل مجاني يعني حمام مغربي..اي شي
بس بليييييز اللي تروح او تدق تقول لهم انها من طرف سماسم لاني ناوية اسوي عندهم بعد اشتراك مساج وابيهم يراعوني بالسعر عندهم خبيرة صينية يمدحونها وتسوي مساج ريلاكس ومساج تخسيس عاد انا قتلهم راح اكتب تجربتي وانا ناوية اكون زبونه دايمة لهم لاني ارتحت لهم فاذا شافوا زباين من طرفي يمكن يراعوني بالاسعار وبنفس الوقت قتلهم اذا يولكم زباين من طرفي توصوا فيهم

 

[cuta_saroona]

حبيبتي سماسم يعطيج العافيه وماتقصرين زين سويتي وصيتيهم

بس سماسم ماعليج امر عندي سؤال

انتي مو تقولين سويتيه الاربعا؟؟

معناته الاربعا اول يوم
والخميس ثاني يوم واليمعه ثالث يوم والسبت اللي اهو باجر رابع يوم يعني المفروض تغسلينه باجر ليش عقب باجر تنطرين ؟؟؟؟

حبيبتي بغيت اسالج عن الصبغ عندهم . يعرفون بالصبغ ؟؟؟ يعني عندهم خبيرات وزينين بالصبغ ومضمون ولا ماتعرفين؟؟؟

واخر سؤال ياقلبي ابي مكان الصالون بالتفصيل انا بيتي بالقرين مبخالف توصفيلي ياه من خط الملك فهد او الفحيحيل ؟؟ ابي مكانه عدل ودي اروحلهم والله شوقتيني

الله يشافي بنتج حبيبتي ويقومها بالسلامه وناطره ردج

 

[semaasem]

cuta_saroona

هلا فيج ياعمري ماطلبتي الا عزج من عيوني ومشكورة على دعائج حبيبتي

صح كلامج بس هي قالت لي اليوم اقصد اول يوم مو محسوب من باجر تعالي عاد انا موطاحت بنتي مريضه انشغلت معاها ماقدرت اروح ولما رحت لها من باجر قالت لي ترى راح تغسلين شعرج الاثنين مو الاحد لانج امس ماييتي عاد انا ضاق خلقي انطر اللحظة الحاسمة بشوف النتيجة مستعيلة وبعدين بقص شعري لاعت جبدي بسوي نيولوك صاير سايح ولا اقدر اربطه ولا اسوي فيه حركات المهم قتلها انا يالله قاعدة انطر يوم الاحد لاعت جبدي بغسله جان تقول موهو لازم ينعاد عليه كل يوم سيراميك بعدين اذا اخترب شعرج راح تقولين الكوافيرة ماتعرف تسويه و..وهذي سمعة الصالون..مع اني اعتقد انه عادي بس هي دقيقة شكلها تحب تسوي الشي بأكمل وجه المهم امس لما رحت لها الصبح قتلها خلااااص مافيني انطر زيادة يوم الاحد ابي اغسل شعري بليز جان تقولي خلاص اوكي بس تعالي باجر يعني اليوم واللي عقبه بس راح نعيد عليه آخر مرة ونغسله بس لعيونك عاد انا استانست

بالنسبة حق الصبغ ياعمري شوفي انا من فترة وانا ادقدق عالصالونات كنت حامل دقيت على صالون معروف ومسوين عنده بنات هني عندنا ويحط اعلاناته بالجرايد بدون ذكر اسماء تخيلي انها قالت لي عادي تسوينه وانتي حامل بس اللي خلاني مااسويه ان صالون ثاني مارضوا يسوونه فخفت وحسيت انهم ماديين بس يبون ينهبون وقالت لي بعد عادي اصبغه لج ويصير تصبغينه بنفس اليوم..بس الحمدلله اني ماجازفت ورحت لها خيره لان الصالون اللي سويت عندها قالت لي بعد20 يوم تعالي اصبغه لج اذا تحبين واسوي لج خصل هايلايت بعد بيني وبينج انا اللي عجبني فيها حرصها على الشعر نفسه كانت تقدر تقول يالله مرة وحدة واستفيد بس قالت لي بعد20 يوم بس بالنسبة حق الصبغ اجذب عليج اقولج جربته لا والله ماجربته بس ورتني كتالوج صور يوم افتتاح الصالون افتتحته حليمه بولند قالت لي احنا صابغين لها انتي عاد شوفي الصور وسئليها بس اللي شفته ان كل منتجاتهم اللي يستخدمونها وايد زينه حتى راوتني الشامبو اللي غسلوا فيه شعري نسيت اسم الماركة بس معروفه قالت لي شوفي حتى الشامبو مانستخدم اي شي حتى مادة الكيراتين نفسها ماخلطتها وحطتها وانا مادري شحاطه بشعري لا يابت العلبه وورتني اياها وفتحتها وحطتها جدامي يعني ثقة...من هالناحية تطمني
بالنسبة حق مكانهم بالضبط شوفي اعتقد لما تيين على خط الفحيحيل تدخلين الشعب البحري الدخلة اللي قبل مطعم فيلا فيروز اعتقد لفة صيدلية العودة لاني ايي من الصوب الثاني البحر المهم تدخلين تمشين سيدة سيدة آآآخر لفة على ايدج اليمين تلفينها قبل الطلعة اذا طلعتي راح تروحين الخليج البحر قبل لا تطلعين آخر لفة تشوفين عمارة تنبني تكملين سييييييدة راح تشوفين نقابة العمال بالخطوط الجوية الكويتيه اعتقد العمارة اللي مجابلتها في اعلان يعني هو بالزاوية على اللفة سامحيني اذا ماعرفت اوصف لج عدل بس اتمنى انج فهمتيني عموما انا وصلت هناك عند صيدلية الحافظ ودقيت عليهم همه دلوني وعلى فكرة مكانهم سهل ومايضيع تخلين صيدلية الحافظ على يمينج وتكملين سيدة آخر لفة يمين سيده سيده آخر الشارع تصفطين وتشوفينه صالون سيماز2620340

وأي سؤال ثاني حبيبتي انا حاضرة وبالخدمة

أتمنى أكون كفيت ووفيت

 

[ذابحهم غروري]

نا طره تجربتج

 

[بشور]

الله يوفقج حبيبتي ويشفي بنتج وان شاء الله يضبط الكيراتين معاج ومايطيح شعرج <=== عشان بعد انا اجربه

 

[semaasem]

الله يسلمكم حبيباتي

بس في خبر ضيق خلقي اليوم اللي هو ماراح اغسله باجر عقب باجر الاثنين واي حدي مستعيلة لان الخبيرة باجر اجازة وتقول انا احب اشتغل بالشي بنفسي للاخر واحب دايما اشوف نتيجة شغلي وقصت علي بجم كلمة واقنعتني بيوم الاثنين واااااااااي الله يصبرني بخلص شعري صاير ويع ملزق بغسله بس اهم شي بعد هالتعب والصبر يطلع حلو يارب

 

[semaasem]

بشور

توني اشوف ردج عادي حبيبتي تدخلينه داخل ظهرج من ورى مايطلع انا سمعت ان في وحدة شعرها حيل حييييل طويل ماطلعت من بيتهم هالاربع ايام شتسوي بعد يا معودة تطوف تقزر اهم شي النتيجة

 

[MassComm]

علييج بالعافية

 

[نانيـة]

ناطرينج و ان شاء الله يضبط معاج ..

ما ادري ليش مو داس مزاجي هالكيراتين ..

هل بعد مدة يرد و يخشن و لا على طول يطلع ناعم ؟؟

انا اغامر بكل شي الا شعري مع انه ناشف شوي ,!

 

[الفوز حلو]

موفقه

 

[semaasem]

الله يسلمكم

اليوم الصبح دقت علي خبيرة الشعر وقالت لي اليوم انا ماعندي اجازة لان عندها مواعيد صبغات شعر فاذا تحبين تيين تعالي عاد انا استانست وشكلي بعد شوي بعد بروح لهم يارب يطلع حلو يارب الله يستر

 

[كويتيه دوم]

موفقه

 

[amani]

بشرينا شصار نبي نعرف النتيجه أنا بسوي هاليومين شعري رحت عند صالون مادحينه لي بالمنتدى اهني بس وايد غاليه انا شعري تحت جتفي بشبر وبقص وبسوي صبغه عاديه 350 دينار الصراحه وايد بس ودي اسويه وأنا ناطره تجربتج بروح عند نفس صالون ثاني

 

[Heaven Light]

بشرينا بالنتيجه حبيبتي ..

وانتي شعرج فيه رده ولا خشن ؟

 

[semaasem]

الننننننتييييييييييييييييييجة

طانطاااارااااراااا

أحب اسلوب التشويق

والله يابنات الحمدلله النتيجة رووووعة شعري عاجبني وصاير طبيعي مو سيده مثل اليوكو جنه مخمة لا صاير مموج شوي وفيه ردات خفيفة بس ناااااعم وحرييييير عالخدود يهفهف واخيرا قمت اتدلع فيه امس غسلته وحطت الشامبوو ماله والكريم وبعدها بس هوااا ولا اروع واليوم بعد انا تسبحت شريت الشامبو والكريم منهم الخاص بالكيراتين وطلعت اول مرة اخلي شعري بس مشطته ونشفته بالفوطة واااااو طبيعي حدة عجيب

الصراحة اللي تعبت مثلي من السشوار انصحها فيه وانا شعري مو خشن خشن لا بس فيه ردات واذا مااستشورته يصير كشه بس الحين لا طايح


يبيله كيراتيييييييييين

هذي تجربتي واللي عندها استفسار انا حاضرة وعقبال القصة انشالله

 

[ريماا]

مبروك عالنتيجة وتحملينى أسألتى ماتخلص لووووووووول
الشعر صار استريت؟
الملمس ناعم؟ انا مجربة اليوكو الشعر ماخلية ناعم بس يخلية مثل المحنط فماعجبنى وايد
يعالج التقصف مثل ماقالو؟
وشكرااا مقدما

 

[Forever & Ever]

عليج بالعافيه حبوووووبه

وسلامات ماتشوف شر بنوتج

 

[*مارلين_مونرو*]

حبيبتي بالمبارك عليج شعرج اليديد لووووووووول عليج بالف عافيه ..

بس بسألج حبيبتي انا شعري الحين لي حطيت فيه فوم و حطيت الفير عليه اسويه كيرلي يضبط ..

مع الكيراتين اقدر اسويه كيرلي ولا كله طايح و ناعم !؟

 

[nonono]

صاير مموج شوي وفيه ردات خفيفة

شالفايده عيل من الكيراتين اذا الشعر ليلحين مموج وفيه ردات
انا ودي اسوي بس لما قلتي ليلحين في ردات هووووونت