- إنضم
- 11 مارس 2011
- المشاركات
- 769
- مستوى التفاعل
- 0
- النقاط
- 0
بنات اليوم رحت لحرمة تعالج والله يكتب اللي فيه الخير
ويجعلها سبب في شفائي بعد الله سبحانه
هذي الحرمة تقرأ وتحجم وتعالج أعرف حريم من جماعتنا
راحوا لها وحملوا من بعد الله على علاجها << طولت السالفة وهي قصيرة هع هع
المهم والله وحدة لها عشرين سنة ماحملت ومن بعد ماراحت لها وهي حمل وراء حمل
جابت بنت بعدين ولد والحين حامل الله يتمم لها ويقومها بالسلامة عاد وصت أختي توديني لها
تقول ما شاء الله عليها ووحدة ثانية متزوجة لها خمس سنين وراحت لها واستخدمت علاجها
وحملت صار لها الحين كم شهر والد <<< تحملوني بس من الحماس أبي أقولكم السالفة بالتفصيل
أول شيء قالت لي التكيسات علاجها مو بالمستشفيات مهما خذيتي من أدوية وفعلا هذا نفس كلام
دكتورتي بريتي بعدين بهواني قالوا حتى الجلوكوفاج مو علاج نهائي للتكيس بس يخففه شوي
المهم قالت هذي أعشاب أخلطها مع ربع كيلو عويدي << قرنفل
وربع كيلو ملح خشن طبعا مطحونين وأخلطهم وآخذ منها بقبضة اليد<<للي مافهموا يعني تملين
يدك
وتحطينها بقدر ماي وتغلينها بعدين تحطين القدر تحتك تتبخرين فيه قبل النوم من بعد الدورة لمدة
أسبوعين وتنامين على طول والماي اللي تبخرتي فيه صفيه بالصبح وتسبحي فيه
الشغلة الثانية عطتني أعشاب آخذ منها ملعقة صغيرة وآخذ ملعقة كبيرة من عشبة المدينة
أحطهم بقلاص حليب وأشربه بالصبح والليل<<الله يعين على طعمه
الشغلة الثالثة عطتني صبخة أعجنها بزيت زيتون وماي وأحطها وسط شيلة وألفها على بطني
وفوقها سفرة بلاستيك وقت النوم اخليها للصبح بس لازم تكون دافية كثير
الشغلة الرابعة والأخيرة <<< تحملوني بنات أقرق واجد بس من حبي لكم أقولكم بالتفصيل
عطتني خلطة الرومي أكيد تعرفونها أو سمعتوا فيها لأنها أول ماحطت يدها على بطني قالت أنتي
فيك نفس واضح من مبايضك << مدري على أي أساس تحكم :eh_s(10): :bbbiu:
وقالت أخذي منها فنجال بقدر ماي أتروش فيه وبعدها أدهن بزيت زيتون مقري فيه مدة
واحد وعشرين يوم ..<< خلاص خلصنا أحسكم بتكفخوني خع خع خع
أدعو لي بنات ربي يكتب لي فيها الشفاء بإذنه عز وجل
وإن شاء الله إذا ربي كتب لي الشفاء واستفدت لو شيء بسيط بأجيب لكم منها إذا رحت لأهلي
هدية مني لوجه الله يـــارب ..:eh_s(2): :yaaaaaarb:
