وأخيرا بعرضلكم إنتاج دوراتي وأعمالي :)

[توتي نوتي]

شغلك مرررره حلو ومرتب


موفقه عزيزتي

 

[ريحانة_14]

تسلمين حبيبتي توتي نوتي
والله يوفقنا كلنا يارب

ونورتينا بمرورج

 

[ريحانة_14]

إن شالله تعالى يابنات بدورتي راح أوفرلكم الأغراض إللي تشتغلون عليها

بس مشكلتي مع الفرش .. أنا من عادتي إذا عطيت فرشي حق الطالبات يردونها لي وما أعتبرها من ضمن مبلغ الدورة

لأن البنات ما يستعملونها عقب ولا يستفيدون منها لا وتخترب معاهم بعد .. إللي تخلي الصبغ عليها 3 أيام وإللي تنقعها بالماي إسبوع

وتالي تييلي تتحلطم علي ليش فرشهم اختربت

فودي أسوي استطلاع .. هل راح تشترون الفرش والا أوفرهم لكم وأحسبها من ضمن مبلغ الدورة ؟؟؟

إللي تدش ياريت تجاوب على هالإستفتاء

 

[فديت عيالي]

هلا ريحانه

الحين بما إني خارج الكويت شلون اقدر احصل على الصور اللي شريتيهم من برى

 

[ريحانة_14]

أممممممممممممم

أول يا فديت عيالي يشرفني إن وحده من أهل قطر بتشارك معاي بإذن الله

ثاني شي يا طويلة العمر .. أكيد أكيد بتحصلين على هالكلينكسات في سنتربوينت بقطر .. عندكم سنتربوينت هناك ؟؟

أو أي محل يبيع مثلا أدوات مطبخ وإذا مالقيتي بلغيني خنشوف شلون نوصلهم لج

 

[Shima-Style]

واااو روووعه ماشاء الله
بس حسبي الله على ابليسج على هالزهيــوي يمه كشيت

 

[ريحانة_14]

لووووووووووووووووووووووول شيماء

شكله الزهيوي أحلى من شغلي البنات انعجبوا فيه وايد

 

[الهاجريه]

تسلم الايادي
شغلج روعه الله يعطيج الف عافيه
ونبي منح تعطينا دورات بالمنتدا علشان الكل يستفيد من خبرتج من ما سوت الاخت علويه لما علمتنا
الكروشيه

 

[ريحانة_14]

هلا وغلا أختي الهاجريه

من عيوني بعد عمري

إن شالله تعالى تفاصيل دورتي بتنزل يا إما اليوم أو باجر وراح تكون شي مميز جدا

بوصل لكم الأغراض لي بيتكم وتشتغلون معاي بالصورة ويمكن بالأفلام بعد

خلاص إن شالله إللي حابه الديكوباج راح تتعلمه وإهي فبيتهم بعد ماراح تحوس وتفتر وتدورلها أدوات وفرش وألوان لأ

الأدوات علينا
والإبداع عليج شرايج

 

[Miss-LuLu]

ماشالله

 

[فديت عيالي]

هلا ريحانه

يابعد قلبي انتي والله

وانا اللي يشرفني اني اكون معاكم بهذا المنتدى الرائع


حبيبتي قصدج الكلينكس اللي عليه صور

اذا هو ماكنت ادري انج تشتغلين عليه كنت مفتكره لزقات

ويالله غلاي ننطر الدوره

 

[ريحانة_14]

هلا والله فديت عيالي

إي ياعمري هذيل كلينكسات .. بس دايما إللي تييبينهم من بره نقشاتهم أحلى وأرقى لأنهم يستخدمونهم
حق الكريستماس وعيد الشكر وراس السنة .. فتشوفين إن نقشاتهم أحلى

بس إن شالله تحصلين بقطر أشكال حلوة

يالله توكلي على الله ودوريلج واختاري لج شكل حلو واستقري عليه

إعلان الدورة يا إما اليوم بعد شوي أو باجر الصبح

 

[ريحانة_14]

إللي تحب تشارك معانا بدورة الديكوباج حياها الله بنات

القوا نظرة على تفاصيل الدورة بهالرابط

http://www.q8yat.net/showthread.php?t=364740

 

[ريحانة_14]

ياريت أعرف آراء إللي ألقوا نظرة على إعلان الدورة

ونرحب بالنقد والمدح على حد سواء

 

[*لولو*]

حبيبتي ريحانه.....الصراحه كلمة روووووووووعة شويه على شغلج
تسلم هالايادي اللي تنلف بذهب....ما شاء الله تبارك الرحمن

ودي اعرف من وين خذيتي الصحون الفخار اللي مشتغلين عليهم البنات بالدوره
لاني بصراااااحه من زماااان و انا ادور اماعين فخار...عيزت و ماني لاااااااقيه

الله يعطيج العافيه... و يوفقج بالدوره القادمه ان شاء الله

 

[صلاتي-حياتي]

لما شفت الصرصور قلت يمكن تستخدمه بأعمالها لووووووووووول طلع الفقير مرشوش بفليت هههههههههههه

المهم
ماشاءالله روعه روعه روعه
وتسلم ايدينج

 

[*لولو*]

لا اله الا الله

فوق فوق

 

[عشق قلبين]

ماشاء الله

مبدعه تبارك الله والله يوفقج

 

[ريحانة_14]

واااااااي حبايبي والله ونستوني .. عيووووووونكم الحلوة يالغاليات

==============

بعد قلبي يا أم الذوق *لولو* المواعين من شويخ يا إما سوق الإيرانيين إذا عندهم أو السوقه الشعبيه إللي حوالينه

بس تره قاعدين يرفعون أسعارهم لحقي عليهم

وتسلمييييييييين على هالمرور الروووووووووعه بعد قلبي

==============

صلاتي حياتي .. موتيييييييينيييييييييييي ضحك لووووووووووووووووول

إي والله راشينه الصبح ونسيناه كان منخش وره الثلاجه منسدح هناك ما يندره شقاعد يسوي هاهاهاهاهااااااااااي

================

عشق قلبين .. نكج رومانسي حده ونعوووم

تسلمين عالدعوة الحلوة بعد قلبي والله يوفقنا كلنا يارب

 

[ريحانة_14]

وحياكم مرة ثانيه