وأخــــــــــــــيرا عرفت الفرق متى نكون مسيرين ومتى نكون مخيرين ؟؟

[al-musk]

السلام عليكم ..

دايم بكل نقاش وخصوصا بحياتنا وظروفها ولما ننحط تحت المحك بمواقف معينة نسأل نفسنا هل إحنا مسيرين ولا مخيرين ؟

ودايم حتى مع نقاشاتنا مع دكاترة الفلسفة وعلم النفس إنتم مو مقتنعين لأن ساعات ظروفنا تجبرنا على وضع معين فنقول وين الخيرة ما احنا ما اخترنا احنا كنا مسيرين وظروفنا حدتنا على هالخيار..
فهني لازم نؤمن بالقدر وإلي الله كاتبه لنا عشان يكون إيمانا صح..

بس بالوضع الطبيعي

نكون مسيرين : بالجنس واللون والأصل إلي إنخلقنا فيه

ومخيرين : بين الخير والشر والعبادات المختلفه وأمور حياتنا ..



متى حسيتو نفسكم بحيرة ومتى إضطريتو تسوون شي وقلتو إ؛نا بهالموقف مسيرين مو مخيرين وكنتو فاهمين هالشي خطأ ؟

الحصيلة .. إن أي شي نسويه بحياتنا هو خيارنا حتى لو كان خيار مو محبب ولا حلو بالنسبة لنا وإن قدرنا إلي مكتوب عند رب العالمين يسيرنا وله دور بهالشي ...


وأحب أشكر أمي حبيبتي إنها شرحتلي بالضبط شنو الفرق وهالشي خذته من درس العقيدة بدار القرآن.. فحبيت أشاركم وأفيدكم مثل ماستفدت وفهمت ..

ناطرة رايكم وتجاربكم :eh_s(17)::eh_s(17)::eh_s(17):

 

[khawla&tito]

مشكوووووووووووووووووووووره ع المعلومه

 

[PuPa^^SWeeT]

انا فلسفتي و تفسيري لمعنى مخير و مسير هو كالاتي


الانسان لما ينولد يكون له دربين

اما خير او شرر


لمل يكبر اكيد بيختار واحد منهم

اهني اهوو مخير


بس بعديين بتلاقين نصيبه من هالدربين شنوو

يعني لو اختار درب الخير اهوو مخير بس اتلاقين الناس ابتعدوو عنه اهني اهو مسير لأنه ما ختار درب الناس له


بس لو اختار الشر اهووو مخير بعديين شنو المصايب اللي باتييله اهنيي اهوو مسير

يعني قعد ويا شلة تعبانة وحب يجرب ابرة مخدرات اهنيي اهو مخير


بس نتايج الفعل بعدين التراكمية اهني اهو مسير

الا اذا اختار يرجع عن الدرب


يعني اهوو خياره اختيار الدرب من خير او شر حرام او حلال


اهنيي بعدين لما ربه يوريه نتايج افعاله لازم يختار خط الرجعة لأنه نتايج افعاله ماراح يقدر يتحكم فيها


اتمنى اتكون وصلت المعلوومة


ماعرف شلون افسرها عدل

 

[انسآنه لن تتكرر]

انا فلسفتي و تفسيري لمعنى مخير و مسير هو كالاتي


الانسان لما ينولد يكون له دربين

اما خير او شرر


لمل يكبر اكيد بيختار واحد منهم

اهني اهوو مخير


بس بعديين بتلاقين نصيبه من هالدربين شنوو

يعني لو اختار درب الخير اهوو مخير بس اتلاقين الناس ابتعدوو عنه اهني اهو مسير لأنه ما ختار درب الناس له


بس لو اختار الشر اهووو مخير بعديين شنو المصايب اللي باتييله اهنيي اهوو مسير

يعني قعد ويا شلة تعبانة وحب يجرب ابرة مخدرات اهنيي اهو مخير


بس نتايج الفعل بعدين التراكمية اهني اهو مسير

الا اذا اختار يرجع عن الدرب


يعني اهوو خياره اختيار الدرب من خير او شر حرام او حلال


اهنيي بعدين لما ربه يوريه نتايج افعاله لازم يختار خط الرجعة لأنه نتايج افعاله ماراح يقدر يتحكم فيها


اتمنى اتكون وصلت المعلوومة


ماعرف شلون افسرها عدل

,.
:eh_s(15)::eh_s(15): معآهَــَآ’
,.

 

[هب العطر]

السلام عليكم و رحمه الله و بركاته

اختي حبيبتي ,,


بقول لج شيء درسته بالكليه بمادة ثقافه اسلاميه و هي ماده مشتركه


الدكتور كان يقول لنا اننا مخيرين في اعمالنا من خير و شر , مسيرين فيما اختار الله تعالى منها


يعني


فيه شيء اسمه مراتب القدر ,


1- العلم : ان الله تعالى يعلم كل انسان : هل هذا الانسان صالح او طالح , هل هذا الانسان سيسلك طريق الخير


ام طريق الشر , هل اذا كان امامه مال هل سيسرقه ام لا , اذا كان بإمكانه ان يظلم هل سيظلم ام لا , اذا كان لديه والدين هل سيبرهم ام لا .... الخ


الله تعالى يعلم ما سيحدث بالمستقبل و يعلم كل انسان من هو و اي البشر هو .


2- الكتابة :


ما يكتب في اللوح المحفوظ في حياه كل انسان , من احداث و ارزاق و امور مختلفه .


3- المشيئه :


يختار الله تعالى سبحانه من افعال هذا الانسان مايريد


مثلا : الله تعالى يعلم ان هذا الانسان سيسرق و يقتل و يكذب , فيشاء الله ان يكذب هذا الانسان , لكن لا يشاء ان يقتل و لا ان يسرق ,, على سبيل المثال و لله المثل الاعلى .


و يشاء هنا لا تعني ان هذا الانسان صادق , و الله يجعله كاذب , استغفر الله , لا .


هذا الانسان كاذب اساسا , و الله تعالى يعلم انه كاذب , و لله ان يشاء و يريد بعض او كل ما كان هذا الانسان سيفعله اصلا .


4- القدر : الامور التي تحدث بعد المراحل الثلاثه السابقه على الترتيب .




لمزيد من البحث شوفي الكتب العلميه الدينيه و شوفي قوقل , اكتبي ( مراتب القدر )




هذا و الله اعلم .




اكبر غلط ان فيه احد يقص عليج يقول لج : ان الخطأ و الصواب ليس بأيدينا و احنا غصبا علينا نصير زينين او لا ,, هذا اكبر غلط .


كل انسان ( مخير ) في انه يكون صالح او غير صالح , و ( مسير ) فيما يختار الله من اعماله التي سيفعلها بناء على حالته .


تعالى الله تعالى عن الظلم علوا كبيرا .

 

[PuPa^^SWeeT]

^^^^



يسلمووووووووووووووو عالتوضيح


بس سؤال

اللي طرحته انا صحييح ولا خطأ

 

[manoooram]

هب العطر
ما شالله عليج كفيتي ووفيتي
بأسلوب راقي يستوعبه القلب والعقل
فعلا احنا بشر مخيرين بحياتنا أن نكون من نكون
من خير أو شر
ومسيرين بأمر الله فيما اختاره لنا

 

[نور مغليها]

دآيم تصير لي أمور احتآ فيها اكون مخيره او مسيره
بس للحين مو مقتنعه .. لان دايم اشك << أحيانا اعتبره وسوآس !

 

[al-musk]

ماشاء الله عليكم النقاش معاكم حلو ومفيد ومتشعب...

نبي آراء أكثر ..

 

[manoooram]

تسلمين لي على الموضوع الحلو

 

[دلوعة أبوهآ]

ماشاءالله نقاشكم جداً مفيد ..
بآرك الله فيكم

 

[al-musk]

حياكم الله وناطرين بعد تجارب اكثر مو بس آراء

 

[ام سعود ديكسون]

هلا غلاتي شدني العنوان و دشيت

اي هالكلمة كله أقولها للي أعرفهم
أنا الله خلق لي عقل اعرف الصح من الغلط وعندي حرية الاختيار
عيل أنا مخيرة مو مسيرة

الخلاصة ان اذا اختلفتي مع شخص سوي الشي اللي بقناعتج
اللي اهلج ربوج عليه
اللي دينج امر فيه
اللي عقلج يقولج هذا صح
اللي قلبج ما ينغزج منه
اللي فطرتج الطبيعية تقولج اي هذا المسار السليم

لا تخلين احد يمشيج و تجارينه و بعدين تلقين اللوم عليهم
انتي اتخذتي هالقرار تحملي تبعاته


لا تنحاشين من المحاضرات عشان رفيجاتج و تقولين وي ضيعت فرصة الدراسة بالكلية بسببهم

لا تطلعين من الديرة و تقولين والله زوجي او رفيجاتي خلوني اجرب الخمر او أعصي ربي و اجاريهم

لا تعصين ريلج او اهلج لان رفيجاتج شيشوج
لي صرتي عاقة او ناشز او تطلقتي محد بيدري عنج كلمن بيرد بيته اخر الليل و محد بيدري عن هوا دارج
لا تتكاسلين بحياتج
لا تتهاونين في طلب العلم او الوظيفة او الإنجاز
و تلقين اللوم ع الظروف
او الأهل
او الزوج
او المادة

سوي اللي تقدرين عليه و ربي بيكون بالعون >>>اسعي يا عبدي وانا اسعي معاك

واذا ربي ما كتب ذيك الساعة قولي
أنا اخترت و ربي ما اختار لي لحكمة ما
ربي يسير الامور بهالطريقة لمصلحتي


علي قولة اخواننا بمصر :
إحنا عملنا اللي علينا والباقي علي ربنا

 

[PuPa^^SWeeT]

اب اب اب
اب اب
اب

 

[al-musk]

خوش كلام ونقاش وردود كملو بنات ناطرين بعد راي ثاني وثالث

 

[متوفيه امس]

احنا مخيرين وموووو مسيرين ..

مخيرين بكل شي حتى بقضاءنا وقدرنا مخيرين > ونقدر نغير القضاء والقدر بارادتنا لكن ما نشعر بهشيء

مثال لتوضيح السورة اكثر :

انت تمشين بالسيارة بالطريق ..

وفجأة

فجأة

تغيرين رايج

وتاخذين اقرب لفـــة فوق تحت ..

( وانت مو عارفة انج لــو . .
لــووو..
لــو كملتي طريقك ...

جان سار لج حادث
وتعوقتي او تموتين او اصابات فادحه)

فانت غيرت قضاءك وقدرك >>>باتخاذك قرار العودة وتغير مسار الطريق ؟

الانسان هو

السيارة = والقضاء والقدر هو طريق نمشي فيه

( فانتبهي للمسافات وخطواتك اللي ......تمشينها لانها ممكن تغير قضاءك وقدرك ؟

وعلى فكرة

انا لازلت ابحث في نظريـــة ( السيارة والطريق ) ولم استطع انهاء بحثي لضيق وقتي

 

[al-musk]

up up

لايوقف ونبي آراء اكثر

 

[al-musk]

up up

 

[яεεм<3]

؟!

:eh_s(1):
مـآ فَهمت شي ؟!​

 

[Ms.PeRFeCT]

اتذكر خذيت مادة الفلسفه ايام الدراسه ووجهات نظر كل عالم

واللي فهمته ان الانسان يختار يكون كافر ويختار يكون مؤمن (مخير)
يختار يسافر بالطياره او يسافر بالسياره (مخير)

بس اللي ماا فهمته: عقب ما اخترت اني اسافر بالسياره.. صار حادث مثلا

الحين هالحادث مكتوب (قدري) يعني من الاساس كاان شي اجباري اختار السياره لاني لو كنت بسافر بالطياره ماراح يصير الحادث اللي اهو اساسا مكتوب لي؟!

نقاشكم مفيد واتمنى يستمر.. ويعطيج العافيه صاحبة الموضوع