البــــارت الاول
في احد الشقق المشبوهة
صوت الموسيقى الصاخبة
و الانوار الخافتة
واقفة و متكئة على الحائط
اتاها شاب و هو يسير بخطوات غير متوازنة
و رائحة الخمر تفوح من فمه
:هلا و الله بالزين كله
: اففففف ....شهالريحة الخايسة
بصراخ: ها ....شنو قلتي
: ما قلت شي
: اقول يا حلوة ....اشرايج ترقصين معاي يا حلوة
: ما باجي الا انت ارقص معاك .....قطيعة
سحبها من يدها و مسكها من خصرها و الصق انفه على انفها
: تدرين انج حلوة
دفعته عنها
: الله ياخذك شهالريحة الخايسة
ابتعدت عنه و جلست على احدى الكراسي
اتت لها
: نورة يلا ئومي رئصي ....شِوفيهن كلهن عم بيرئصون
جنى: مالي خلق
مدت لها كأس
: اوك تشربي
نورة: نوران تدرين انا ما احب هالسوالف
نوران : و لك فليا
قطع حديثهم صراخ الموجودون
دخل مجموعة شباب
و الجميع يجري و هم متفرقون
: و لا واحد فيكم يتحرك
: رفعوا ايدكم
نوران بخوف: هادول الشرطة
نورة: عادي
نظرت اليها و هي مصدومة
اتاهم مجموعة رجال من الشرطة
و امسكوهم من ذراعيهم
نوران و هي تقاوم : ولك بعدوا عني ....انا ما عملت اشي ....بعدوا عني
امسكوا رجال الشرطة جميع الموجودين في الشقة
في حافلة الشرطة
نوران و هي تبكي : خلوني امشي .....انا ما عملت اشي ....الله يخليكم
صرخ احد الشباب: انجعمي احسلج
وجهت نوران الحديث لشجن: شو بدنيا انساوي هلأ
نورة ببرود: و لا شي
نوران بعصبية: انتي شو ....ما عندكي احساس
نظرت اليها نورة: عادي
ظربت نوران يديها ببعض: هي اللي بدها اتجنني
بعد دقائق وصلت حافلات الشرطة الى المركز
ــــــــــــــــــــــــــــــــــــــــــــــــــــــــــــــــــــــــــــــــــــــ
في احدى الفلل الفخمة
بصراخ: جنــــى
جنى:.......
اقتربت من اذنها
:جنى و صمخ
قفزت جنى فزعة
جنى بعصبية: حلا مينونة انتي.....في احد ينادي بهالطريقة .....ترى اذوني ابيها
حلا: لما اناديج من المرة الاولى تردين
جنى:اصلا انتي ناديتيني مرة وحدة يا جذابة
حلا باستهزاء: مو منج يا حظي.... من هالفون اللي مجابلته 24 ساعة
جنى: انتي مالج شغل
حلا: حاجيني عدل ....ترى انا اختج اكبر منج
جنى: اكبر مني بـخمس دقايق
اخذت حلا الوسادة و ظربت رأس جنى بها
وقفت حلا ومدت لسانها و هربت
حلا بصوت عالي: اذا فيج خير لحقيني
ركضت خلفها جنى
جنى: انا اعلمج
ـــــــــــــــــــــــــــــــــــــــــــــــــــــــــــــــــــــــــــــــ
في نييورك
الساعة 7 صباحا
تسير وسط البرد
مع افكارها و ململمة نفسها
: الله يسامحك يا يبا .....فرقتني انا و اختي ....و كل لاهي في شغلك ......اول اهتمامك الفلوس ....و احنا شنو مو بناتك....الله يسامحك .....انا بديرة و اختي بديرة ....حتى امي ما اعرف شكلها
سارت و هي لا تزال مع افكارها
دخلت الى احدى المقاهي
و جلست على احدى الطاولات
اتاها النادل
( الحجي مترجم)
النادل: مرحبا.....ماذا تريدين سيدتي
: اهلا .....من فضلك اريد نسكافيه
النادل: هل من شي اخر
: لا شكرا
النادل: دقائق و الطلب يكون جاهز سيدتي
: حسنا
ـــــــــــــــــــــــــــــــــــــــــــــــــــــــــــــــــــــــــــــــــ
في احد مزارع الوفرة
سار حتى وصل الى الاسطبل
و اخذ خيله و جهزه بالكامل
: 24 ساعة على هالخيل
التفت اليه
: شسوي يا اخي .....هالخيل اهو الوحيد اللي اعشقة
: اي مشعل و الخيل قصة عشق لا تنتهي ههههههههه
مشعل: ههههههه الله يقطع بليسك جسوم....عليك حجي
غمز جاسم له
جاسم: اعجبك ههههه
مشعل: ييب خيلك .....انتمشى بالمزرعة
جاسم: اوكي ....انطرني على ما ازهب الخيل
مشعل: اصلا انا واقف اهني ......ما راح اروح اي مكان
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في احد البيوت متوسطة الحال
توجهت الى غرفته و هي تجري
فتحت الباب بقوة
استيقظ من نومه فزعا
: انتي شنو ....ما تستحين على ويهج خرعتيني
اقتربت منه
: اسفة يا اخوي
: طلعي برا لا و الله التج طراق يطيرج لي المريخ
طالعته بنظرة براءة
اكره ما عليه هالنظرة
: بس بس لا تطالعيني بهالنظرة
بابتسامة: عزوز يا اخوي حبيبي بعد قلبي
قاطعها
عبد العزيز: حور من الاخر ......انتي السانج ما يقطر عسل ....الا عندج شي .....من الاخر شتبين
حور: ابي اروح المول
عبد العزيز: لا ماكو
حور بنغزة: انا و فوز بنروح المول
سمع اسمها
و فز قلبه
عبد العزيز: ها اي خلاص روحي لبسي .....خمس دقايق اذا ما خلصتي ....ماكو روحة
قفزت حور و قبلت خد اخيها
حور: فديتك يا احلى اخو
خرجت حور و اتجهت الى غرفتها
ظلت تبحث عن هاتفها
حور في نفسها: اففف هاذا وينه
وجدته تحت السرير
حور: هاذا شيايبه تحت السرير ههههه
ظغطت على الارقام المطلوبة
حور: الووو
: ها بشري امج وافقت
حور: اي وافقت ....فوز انا اللي راح امرج
فوز: منو اللي بياخذنا ؟
حور بكذب: السايق بعد منو غيره
فوز: اها .....يلا صكري ....بروح ابدل
حور: و ليش مو انتي اللي تصكرين
فوز: حور صكري
حور: هههههه ....اقول مالت بس
فوز: عليج
و اغلقت الهاتف
حور في نفسها: مينونة هالبنت ههههههه
ــــــــــــــــــــــــــــــــــــــــــــــــــــــــــــــــــــــــــ
في احد الفلل
خرج من دورة المياه ( تكرمون )
و اتجه نحو التسريحة
في نفسه: اففففف وين الكريم اليديد اللي شريته
فتح الأدراج
و يبحث بداخلهم
وقف عن البحث و انصدم من الذي امامة
خرجت من غرفة تبديل الملابس
: زهبت ملابسك .....كل شي داخل الغرفة ....انا بنزل تحت تبي شي
رفع يده و هو ممسك بشئ
بهدوء: شنو هاذا
التفتت اليه و نظرت الى يديه
: اكرر سؤالي شنو هاذا
ببرود: شنو انت اتشوف ....موانع حمل
التفت اليها و اقترب منها
: حلو موانع حمل ....و بكل برود اتقولينها
: اي موانع حمل
بصراخ: و ليش تاخذينها .....ها ما تبين عيال مني صح .....اكيد للحين تحبين هذاك الخسيس
: اي طارق ما ابي اييب عيال منك ......اييب عيال من واحد كل يوم يخوني ....و كل ليلة مع وحدة.....حرام عليك كل يوم اتعذب مليون مرة .....لي متى و احنا على هالحال ....حط نفسك مكاني .....لو انا اخونك و تدري بهالشي ..... شنو بتسوي
طارق بعصبية: عشان اذبحج نور
نور: شفت شفت اشلون.....و انا شنو ما عندي احساس .....كل يوم تنعاد السالفة .....و تدخل هشام بحياتنا ....و انت تدري ان هشام ماضي ....و انا ما احمله اي مشاعر ....و الريال راح بحال سبيله و متزوج و عنده يهال بعد
طارق: نور انا اسف
نور باستهزاء: اسف كل يوم اسف .....كلام الليل يمحيه النهار ....ما عاد اصدقك طارق
طارق بندم: نور و الله اسف....بس عطيني فرصة ثانية ....و صدقيني راح اتغير
نور: كنت اعطيك فرصة من نفسي ....حتى بدون لا تطلبها و بالنهاية ....بالنهاية تكرر خيانتك لي ....حرام عليك ذبحتني خلاص
نزلت دموعها اقترب منها طارق يريد مسح دموعها
امد يديه ليمسح دموعها
مسكت يديه و ابعدتها
نور: ما عاد اصدقك
تركته و ذهبت
جلس طارق على السرير ووضع يديه على رأسه
طارق في نفسه: لازم اصلح كل شي.....ميت و ابي ياهل منج يا نور
طرت على باله فكرة
ذهب و غير ملابسه
و اخذ الحبوب و خرج من الجناح
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بنات ادري ان البارت قصير
بس ابي اشوف تشجيع و ان شاء الله البارت الثاني اطول
مع تحياتي
نبع الكون
