هي التفاصيل الصغيرة ...اللي تخلينا نحب!

[HaWeK]

سلام عليكم متزوجات

حبيباتي عساااكم طيبين ومستانسين ان شالله :eh_s(7):

موضوعي هذا اهداء لكل متزوجه مر على زواجها سنة واكثر ..
في اول الزواج ساعات تتعودين انه ريلج يسوي شغلات معينة وعقب عاد يقطعها او ينسى يسويها لانشغاله بالدوام او مع اهله او عياله .....الخ
يعني مثلا أول شهور بالزواج كنتو متعودين اتصبحون علا بعض ابوسه ابضمه .. أو اتدزون لبعض مسجات اتصبحون علابعض .. اتدزون مساج حب وشوق ..الخ
ومرة علا مرة وبالتدريج انقطعت هالعادة .. شوفو مع انه كانت شئ بسييط حيل بس يونس
انا مع ريلي كنا جذي .. وقطعنا
والله يا بنات من جم يوم دزيتله مسج حب وشوق استااااانس عليه حيييل ودق علي علاطوول يقولي شنو هالمسج الحلو شنو هالكلام الطيب والله انه كان ضايق خلقي بس الحين صرت احسن ! بعدين قاللي تدرين شلون ودي نطلع نتغدا برا من زمان ماطلعنا !! انا تفاجأت من ردة فعله الصراحه!!! لول شوفو شئ بسيط ترك فيه أثر
أنا اتوقع صار جذي لانه قبل كان متعودين ندز مسجات وساعات العادة تولد ملل > حلوة تولد لول بس فاهمين شقصد .. يعني صارت سالفة روتينيه

المهم ,
الشئ الثاني كان توا راد من الدوام ماله خلق لنفسه تعباااان اهو يخلص دوامه قبلي .. بس هذاك اليوم قلت إلا ارد البيت امبجر واونسه .. رديت البيت تسبحت وزهبت نفسي له
بس دش من الباب ودخل علي بصالة جان المه حييييل واهمس بإذنه بلكلمة السحرية وابوسه
عاد تفاجا واستانس حييييل فوق ماتصورت !! بس شوفو الشئ البسيط اشلون يأثر بالواحد
وااايد شغلات بنات شقول وشخلي

نصيحتي لكم بهالموضوع
لا تهملون التفاصيل الصغيرة او تستخفون من تأثيرها

 

[Moim]

اي والله صج في اشياء صغيره حلوه
الله يهننييييكم يا رب

 

[زوجة عزيز]

الله يسعدكم ويخليكم حق بعض

 

[شادن33]

الله يهنيج دوم حبيبني
كلامج صح. الاشياء الصغيره اللي ماتنتبهين لها وتكون عفويه لها تاثير
شجعتيني بروح ادز مسج حلو

 

[wedifeek]

صاااجه بكل كلمه احنا جذي بعد اياام زواجنا مانام الا لما احد يسبق الثاني بكلمة تصبح ع خير حبيبي او حبيبتي عودني عليها من اخذته

بس من فتره نسيناها وزوجي ذكرني فيها قال ماتلاحظين ماعاد نقوول هالكلمه وبعدها ردينه مثل اول واحسن ان شالله بس انا احس اني مقصره حيل ويااه

وهو مومقصر علي بكل شي حتى احس انه يحبني اكثر من حبه لانفسه الله لايغير علينا ودي اسوي نفس اللي يسوويه معاي واصير نفس اول مرحه وفرفووشفه

بس المرض شين وايم يقوولي احسج حييل تغيرتي معااي حتى اني صرت عصبيه حيل واعصب ع ادنات الدوون بس لما اقعد مع نفسي ابجي واقول يارب صبرني

وارسل مسجات اعتذار وهو قلبه طيب بسرعه يرضا

وانا ودي اغير نفسي بس المرض شين

والحين احاول اغير اسلووبي معاااه

وان شالله الله يقدرني يارب

مشكووره يالغااليه ع فتح باب النقااش وهالموضووع الحلووو والمفيد من احلى

المواضيع اللي قريته حلوو تغير حياتك وتجددها وتغير الروووتين

الف شكر لج
*

 

[nezgha.85]

صاجه والله يمكن تسوين شي صغير وماتتوقعين ان يأثر بس حلو ان تلقين رد حق اللي سويتيه وتنونسينه وتسيتانسين ​

 

[iLLuMinaTion]

الله يسعدكم

 

[HaWeK]

يعطيكن العافية اللي ردوو
اتمنى محد يقول فات الاوان أو إنه مايأثر فيه , ياليت كلن يجرب منتو خسرانين شئ
حبيبتي *ودي فيك* ياربي يشفيج وطولي بالج حاولي تمسكين نفسج علشان لاتعصبين واايد عسى ربي يشافيج بعدعمري ربي يسعدج ويديم محبت ريلج لج ويخليه لج

الله يسعدكم بنات ويهنيكم
اتمنى لكم كل خير :*

 

[هُدوء]

وآنتي صآإجه الااشيآء الصغيره يكون آثرهآ كببير ححححيل
وخآصه ان الريآل من اي شي يستآنس ويفرح

لووووووول ، ومشكوره ع آلموضوع

 

[shy rose]

يبيلنا ,,

 

[انثى عاشقة]

صاجة تفاصيل صغيرة لكن مردودها كبير للحياة الزوجية
تسلمي ياعسسل ع التذكير ​

 

[مناير ...!]

يعيطيج العافيه

 

[HaWeK]

حبيبتي كبرتني وياهم ، ساعات الكلمة الطيبة اثرها اكبر من هدية ابمبلغ وقدره
ي ليت كل من قرت الموضوع تبادر الحيييييين بأي شئ لريلها بمسج حلو أو تدق عليه أو أو..........الخ

اتمنى البنات استفادو وتسلمون علا الردود الطيبة حبيباتي :*

 

[ميمي الكويتيه]

شدني العنوان !! و طرحج للموضوع وايد حلو و فغلا انا اوافقج بكل كلمة كاتبتها والله يوفقكم

 

[ام كداوي]

واله دكرتيني بشغلة كان حبي يسويها كان متلا ادا احنا قاعدين مع بعض ويبي يقوم يروح يجيب شغلة او يروح للحمام اويقوم يسوي اي شي يطالعني ويرميلي بوسة من بعيد وكنت احب الحركة هدي منه حيل بس الحين بطل يسويها لي وصار يسويها لبنتي بعد ماولدت بس شكلي انا لي برد واسويها له عشان ادكره فيها

 

[7bebt-nfsy]

تسلمين على الموضوع الحلو الله يهنيكم يا رب

 

[HaWeK]

واله دكرتيني بشغلة كان حبي يسويها كان متلا ادا احنا قاعدين مع بعض ويبي يقوم يروح يجيب شغلة او يروح للحمام اويقوم يسوي اي شي يطالعني ويرميلي بوسة من بعيد وكنت احب الحركة هدي منه حيل بس الحين بطل يسويها لي وصار يسويها لبنتي بعد ماولدت بس شكلي انا لي برد واسويها له عشان ادكره فيها

الحمدلله اني ذكرتج واحسن شئ بتسوينه انج تسوينها علشان تذكرينه

وحياج ميمي وحبيبة نفسي :eh_s(17):

 

[al-musk]

برااااافو عليج ..فعلا الأشيا البسيطه الي طالعه من القلب توصل ولها تأثير ..الله يتمم عليج من خيره

 

[سفيره الكويت]

موضوع مفيد نتمنى من المتزوجات الاهتمام بازواجهم بالتوفيق

 

[HaWeK]

المسك وسفيرة اسعدتوني بردودكم
وان شالله الكل استفاد =)