هواشي انا وزوجي والسبب ... تكفووون شوروا علي

[عهد..]

الله ايعينج حياتي وايعوضج خير ..............
اعذريني ع اللي بقوله بس انتي مو متزوجه رجال ............شين وقوي عين امانه قوليلي وش تبين من العيشه معاه لاعيال لاحب ولا احترام ولا رزه قدام الناس هذا حقير سوري بس انتي شاللي امصبرك عليه .............
استخيري واطلبي الطلاق عندك ابو ايعزك ...........ومثل هذا ماعليه حسوفه ي خيتي لايضيع عمرج بالفلس الله يرزقج بالذريه الصالحه اللي اتعوض صبرج ................
اعذريني بس صج مقهوره عليج اتذكريني بوحده قريبتي زوجها عقيم ولاعن خيرها واهي ساكته وصابره والله مادري شتنتظر من واحد زي هذا.................

اختي حرام عليك مايصير تتكلمين على الرجال بالطريقه هاذي
مهما كان اكيد له اشياء تحليه بعينها ولاماكان صبرت عليه للحين
قلتي مو رجال وحقير وماعليه حسافه ووو..
ايش بقيتي للي يشرب خمر والي يضرب مرته
والي مايصلي والي يتعاطى مخدرات
والي يسرق والي ماشي بطريق الحرام
الله يهديك ادري انك حزانانه عليهاوحاسه فيها
بس مايصير تشيشينها على زوجها بالطريقه هاذي
تذكري الرسول قال (لعن الله من خبب امراءه على زوجها)
وكمان تذكري( قل خيرا او اصمت ) الله يهديك بس الحين اخذتي ذنب الرجال لانك اغتبتيه.. ​

اختي صاحبه الموضوع
فكري بعقلك قبل قلبك اذا ماتقدرين عليه مره مره
دخلي احد حكيم من اخوانك يصلح بينكم ويفهمه مطالبك
ويفهمه غلطاته هوه يمكن يتعدل وانتي حاولي تكسرين كل الحواجز الي بينكم
وعن الهديه خلاص خليه
واذا توفرت لك فلوس جيبي لها هديه
قولي لها والله وقتها ماكان عند زوجي فلوس
ومهما كابر عليك ومهما شاف نفسه مو غلطان
الا يجي يوم ويحس بقيمتك ويحس انك صبرتي عليه
انتي بس اصبري واستغفر والله معاك ان شاء الله......​

 

[ايماني بالله]

شوفي حبيبتي ،،
انا ما احرضج على ريلج ،،
بس قعدي قعدة مصارحه مع نفسج هل فلان يستحق تضحين بالعيال ؟؟
واخذي قرارج على الاجابة اللي راح تطلعين فيها .. ​

انا مع الاخت تعبت :rerrerek:والله يوفقج ويرزقج ويصلح حالج:yaaaaaarb:

 

[النوري نور عيني]

الرجال دايم يحب يكون قوي والمره تحت منته مو منتها ...واضحه تصرفات زوجج خايف تتركينه ..خايف يكون طيب وحبوب وتقولين ايه يسوي جذي علشان ما فيه عيال ...فيعاملج بجلافه ..على طريقة هاذا انا تبيني اقعدي ما تبيني كيفج ...ولما زعلتي ورحتي لاهلج يمكن خايف انج تطلبين الطلاق بسبة العيال ...وسالفة الهدايا لاهله ...خايف يكون كريم معاج جدام اهله ..يقولون علشان ما فيه عيال شاخت عليه وماكلته ...اذا انتي تبينه وتحبينه ..لازم انتي الي تقولين كلام حلو وتفهمينه انج ما راح تخلين عنه بسبة العيال ......وانه اهو يعوضج عنهم ..وبعدين تفاهمي معاه علشان العلاج ..

 

[PuPa^^SWeeT]

رد: رد : هواشي انا وزوجي والسبب ... تكفووون شوروا علي

الله يهدييكم ويسخركم لبعض



وترا ممكن نفسية الريال تعبانة

ما اعطيه عذر

بس ريال ماعنده حيوانات منوية اكيييييييد بينتحر زين منه عايش ليلحيين


هدي بالج وياه

 

[رفيقه الأمل]

الله يسخركم لبعض يار ب العالمين
ويرزقكم بالذريه الصالحهههههههههه ياارب
شووفي شخصيتك زوجك مو غريبه علي ابد ابد
لأن اذكر وحده مرت عليها وللحين تعاني
بس ناطره الفرج
اسمعي اجلسي معه جلسه صراااحه واذا قام وصراخ عليك
قولي له لاتصارخ علي انا قاعده اكلمك على هيئه زوجي انت احترمني اني زوجتك
بيقووول مالك احترام قول له مو شي غريب منك
ومره مرتين
قولي لهه لاتصاارخ
وبعدين هو بنفسه بيحس ماراح يصاارخ علييييك
وزوجك من النوع اللي مايصرف الا لمن تطلبين
اسمعي ياغاليه عوديه على الصرف لأنه الرجال على ماتعودينه
مثلاُ يوم بيطلع تجين له وتبوسينه وتقولين له مشتهيه كذا وكذا
مرتين
وثلاث مرات لمن يزهق وينفذ طلبببببك
ولا مره وهو جالس بالصاله ولا بالغرفه ناديه بدلع وقولي له طلبااتك وقولي عمري انا زوجتك ومايهون عل من غيرك
والله اني اعد لك مقام كبير علشان كذا اقول لك
وناقشيه من ناحيه موضوع الصرف
مو بصراخ
ناديه تاج راسي ناديه نظر عييني وبحكم ماعندكم عياااال قولي له يابووو عيالي مستقبلاً
بيقول لك مو مبين انا بنجيب عيااال
قوووولي يوووووه وش ابي بالعياال دام الغالي معي
ويعني ححسسسيه بالثقه ان حياااااتك تبينهها علشانه هو بس مو بزياده
مره رخي وصيري كأنه هو دنيتك
ومره شدي ان حياتك بدونه وبوجوده وااحد ماراح يأثر عليييييك
صدقني لا تستسلمين مره ولا مرتين
اطلبي منه وهو اكيد بيعطيك بس بطريقه اشوي تجبر بخاطره
والظاهر ان زوجك حساااااس من ناحيه العيااال
كل خوفه ان ممكن تتركينه
ولا يكابر ويبي يبين لك ان التحاليل ماراح اخليك تشفقين علي
انا رجال سواء بالتحاليل ولا لا
كثري من قووول بو عيااالي
وكثري من مناداته بأسم بو مثلاُ بو محمد ولا بوعبدالله اللي متفقين عليه
واذا تهاوشتوا ولا تزاعلتوا اشغلي نفسك في امور البيت وبعدين ارجعي ناقشيه وكلميه بطريقه بسيطه
كانه غلط عليك قولي له متأكد
واسحبي نفسك وبعدها لاتعطينه وجه ساعتها بيحس انك متغيره ويعرف انه غلطان
تمنى اني افدتك واي خدمه انا حاضر
موفقه اختي ....

 

[Tame]

ممكن اهو حاس بالنقص من جذي يطلع حوته فيج ومايبي يطلع ضعيف بس انتي بعد لاتكسرين نفسح جدامه بس مو مهماته هواش وصراخ بالهدوء ولذا اهو مايحب يسمعج او يتناقش معاج دزي له مسج طوووويل عريض بكل اللي في خاطرك باسلوب حلو وصريح أنا دائماً اسوي هالحركه لان اوقات اذا متضاربه وايد ماقدر أتكلم بقعد أبطئ وأنسى أفكاري ودايم تنفع معاي هالحركه
واذا مافادت كل الحلول استخيري ريج لان لعالمنا مافي شي يستأهل التضحيه

 

[Tame]

واذا تقدرين تشتغلين شوفي لج شغل لاتخلينه اهو بس محور اهتمامج واذا اشتغلتي داعي نفسح ولا تخضعين وايد

 

[Tame]

متضاربه - متضايقه

 

[*ملامح يوسفيه*]

حبيبتي لاتضحين علي شانه بالعيال والضنى نصيحه ليش ماتطلقين وتشوفين حياتج عدل انا اعرف وحده اقعدة مع زوجها 13 سنه واهو مايجيب وبعدين اهو اللي طلقها واهي تبكي عليه وعقب تزوجت وجابت اعيال واهي قبل تحبب اعيال خلق الله وبعدين زوجج مافيه الصفات اللي تخليج اتضحين على شانه ترى رجاجيل الزمن هذا كذابين ومايستاهلون شي انا حانتج فكري بنفسج عقب كم سنه شنو بتكون حالتج

 

[ام ثامرررر]

اتررررررررررررررررررررررررركيه بدون تفكيرررررررررررر شين وقوي عين خليه يولي الي جابه يجيب غيره تكفووون ياحريم الى متى نضحي بدون مقابل والله وانا منك ..............لا اخليه بدون ما اقوووله حتى.......وانتي حره هذا رايي​

 

[امرأه من الزهره]

الله يعينك بس انتي من حقك تنجبين اذا اخلاقه مو زود ليه قاعده خالي فيه ضعف وزوجته عنده من 18 سنه بس مغرقهااااا بالفلوس لدرجة نستها الا طفال اي شي تبيه تاخذه وبيتها من افخم البيوت بالاثاث وكله من خالي هو طيوووب حيل احس زوجك مايستاهل تضحين عشانه

 

[اسراب الطيور]

نصيحتي لا تسويين مشاكل ولا تخربين حياتك عشان انك ما جبتي هديه بأسمك
خلاص اهم يدرون ان ما عندك وظيفه

 

[اسراب الطيور]

نسيت اقول لك حبوبه
لا تستمعين نصيحه اختك في انك تروحين بيت اهلك وتقولين لزوجك تعال نتفاهم
ترى الريال بيحس انك تدورين المشاكل صدقيني ابي مصلحتك وانتي قلتي انك ظليتي شهر في رمضان في بيت اهلك
التفاهم يكون بينكم في مثل هالمشاكل لان اذا نقلتيها بيت اهلك وراح تدخلين اهلك راح تكبر في راس ريلك
الله يوفقك ويرزقكم الذريه الصالحه

 

[لعنبؤؤكـ مغلآكـ]

دير بالج تدخلين ابوج بالسالفه لانها ما تسووى اذا الله لايقوله كبرت اوكي يحق لج لكن اذا عن هديه وهيك لا

حاولي ما تكلمينه لمدة كم يوم ابعدي عنه تحاشيه وزهبي او جهزي يوم للنقاش بس هااااااااااااااااا اهم شي الاسلوب خلي اسلوووووووبج عدل فاجئيه بسلوب ثاني مو اللي متعود عليه حاولوا تحلون الامور بهداوه

والله يسخره لج ان شاء الله ويهديه