ههههاي شر البلية ما يضحك !!!

[كويتيه كلاس]

(( شاي أخضر )) يا حلو تحليل البيت لا طلع خطين !! على طاري الشاي الأخضر يا بنات إذا طلعتي مو حامل و عصبتي شربي شاي أخضر يهدي الأعصاب!! و الله عن جد بس ليش نعصب ؟؟ و الله ماله داعي تعصييب كل تأخيره و فيها خيره :eh_s(15):

 

[كويتيه كلاس]

(( ذكريات )) ناطرينج مع مواقف المختبرات المحرجه !!

 

[كويتيه كلاس]

(( فوز الكويت )) الله يخليلج بنتج و يرزقج بالتوأم المتعافي إللي مافيه لا نقص و لا زياده اللهم آمين و نحن معكي أجمعين ..

 

[كويتيه كلاس]

((babloo)) الله يرزقج و يرزق كل محروم بالتوأم المتعافي و بالذريه الصالحه اللهم آمين و الله ماله داعي البجي خليج مقتنعه إن كل تأخيره و فيها خيره .. و فيها حكمه من رب العالمين و إختبار للإنسان قادر يصبر و إلا بيقنت من رحمة ربه ..

 

[MaYoOoma]

ويه صج دقره
انا ماحب اروح المختبر الا اذا حللت بالبيت
ومن عقب ولادتي بولدي الاول كل شهر اشتري تحليل احلل بالبيت احسب الدوره متأخره ولازم من احلل تنزل علي يانفس اليوم او اليوم اللي وراه ههههه
اخر مره قلت بس خلاص لي متى بقط فلوسي جذي ماني محلله
والا صج الدوره متأخره ! قلت بنطر بعد ماني شاريه وعاندت نفسي لما نفسيتي تعبت رحت شريت التحليل وحللت والا حامل هههههههه

الظاهر كنت مقبسه على نفسي من كثر ماشتري كل شهر

 

[كويتيه كلاس]

((Mayooooma)) هههاي حلوه مقبسه على نفسي !! عيل إذا السالفه فيها تقبيييس يا كثر ما قبست هالتحاليل علينا !! وقبسنا إحنا على ريايلنا !!

 

[أم بدير]

والله من صجهم جذي طريقتهم؟؟
انا احتريت
شنو يعني مايدرون الطريقه تدقر؟
قاعده اتخيل نفسي يسوون فيني جذي وابي اتخيل شنو بتكون ردة فعلي مو قادره
مو معقوله يكونون مو حاسين انهم يدقرون والا يحرجون الوحده
بس شنو يعني بيبينون انهم عديمين احسان ومايهمهم شي؟!

وانتوا الله يهداكم لازم تاخذون رياييلكم يعني؟
اول مره نيقاتيف
ثاني مره نيقاتيف
ثالث مره لاتقولون لهم ولا تاخذونهم وانشالله بيطلع بوسيتيف وتاخذون النتيجه ترزونها جدامهم قولوا امين​

 

[حـور]

الله يرزقكم بنات الصراحة الله يلوم اللي يلومكم وانا حاسة فيكم..لاني كنت من رواد المختبرات....وبكل..ثقه...ولما يطلع نيقاتيف عبالكم تطيح الثقة بالنفس؟؟؟؟ لالالالالالا....ابد.....كنت اضحك ضحكة سخرية.:eh_s(20):..واتحلطم..>>الحمدلله والشكر الشرهه علي انا اللي يايه مختبر سكه..اجهزتهم بايره تطلع نتايج غلط!!! شلون نيقاتيف وانا احس بلوعه ودوخه؟؟ اصلا بالليل احس بحركة الجنين!!! خل اروح مختبر ثاني..:eh_s(20):
وبعدها قررت انه مختبرات الكويت اي شي..معقولة ولا شهر اكون حامل؟؟؟
وتحليل البيت..اقطهم تكرمون بالزباله واطلعهم ثاني يوم اشيك عليهم يمكن يطلع الخط الثاني!!!
بس الموقف التحفه الصراحة......الذي لا ينسى....

كنت ماخذه حبوب تنزيل الدورة وتاخرت 10 ايام مانزلت...
ومعاها كان فيني عواار بالمعده ولوعة تقعدني من عز نومي...وماقدر اكل شي كلش..
وكنت متاكده اني حااامل...
واقعد بالدوام..احط ايدي على بطني..ادور البيبي ابي احس فيه يتحرك...:eh_s(22):
وخذيت اجازة اسبوع اريح ظهري!!!!
والتحاليل تقول نيقاااااااتييييييييييييييييف ..وانا مصرة من مختبر للثاني وقلت بالطقاااق انا حامل متأكده ليش..اسوي تحليل ..خل ارووح اسوي سونار على طول بعد الحين اسم الله علي بكمل شهر!!!:eh_s(9):
واروح بكل ثقة العيادة..وتسوي لي الدكتورة سونار.....ماكو شي...
المهم مني مناك....طلعت اللوعه والم المعده لان وقتها كان فيني الم بضرسي وكنت اخذ حبوب بندول اكسترا الاحمر وكان قوي علي وتعب معدتي واايد!!! :eh_s(1):وقفته وراحت اللوعه...
وخذيت حبوب تنزيل الدورة مرة ثانية ونزلت الدورة عادي!!!!:eh_s(22):
وافشلتااااه...خخخخخخخخ<<<<<لا تعليق:eh_s(1):​

 

[كويتيه كلاس]

(( أم بدير )) يحليلج ما شفتي شي لا إللي يقهر لما يقعد يصارخ جدام الله وخلقه نييييييييييييقااااااااااااااتتتتتتتتتتتييييييييييييييييييف :eh_s(13)::eh_s(13):
ليش يبا تعور صوتك ييب مايكروفون وإطلع بالشارع لما توقف الإشاره و إنشر آخر الأخبار !!! :eh_s(13)::eh_s(13)::eh_s(13):
لا يا معوده لا حملتي تعالي عندي أنا صرت خبره بسوالف التحاليل .. رفسه عالبطن تبين لج حامل و إلا تتحيملين !! خخخخخخ أضحك معااج :eh_s(3):

 

[كويتيه كلاس]

(( حور )) هههههههااااااااي و الله عن جد سالفتج خطييييره و الله نفسي سويت تحليل بالبيت طلع العله نيقاتيف جان أقول مالت تحليل مسكرب خن أنطر و خليته ساعه كامله و نفس النتيجه جان أروح المختبر طلع ماكو قلت ويه توه ما بين آنا إحساسي يقولي حامل كل أعراض الحمل فيني :eh_s(1): و ريلي المسكين مطاوعني و بعد مده نزلت الدوره و أقول لا هذا نزيف أول الحمل !!!! أقسم بالله عباطه !!! لا و النكته لما سافرت كنت أبي ريلي يمدد السفره و هو مو راضي جان أقوله إنزين أوكيه آنا لايعه جبدي و أحس بدوخه واااي يبلي تحليل حمل من الصيدليه جان يقولي من صجج قلت إيه لا تنسى التحليل>>>المسكين راح يمدد السفره!!! عارف خططي الجهنميه !!

 

[منوووووله]

واااااااااااااي ياحلالاتكم هههههههههههههههههههههههههههههههه

عيل سمعوو سالفتي اول حمال (( والله يرزقكم كلكم انشالله بالذريه الصالحه ))
كنت كله اراجع تميت 4 اشهر وانا احووس بهلمختبراات ماكوو فايده ؟؟
بعد اخر زياره لي حق المختبر بيوومين شريت مال البيت وريلي يقولي يعني انتي
بتعرفين اكثر منهم !! قتله موشرط اللحين احلل بعد اسبوع بستخدمه ورديت
البيت طبعاا لازم يحووشني طبع اللقافه هههههههههههههههههه دشيت الحمام تكرموون
واسوي التحليل وخليته عالطاوله وطلعت برى قعدت بالصاله ونسيته بالمره
تابعت فلم مصري كامل وناسيه التحليل دش ريلي الحمام ولا اتذكر وطيير ورااه
وطق الباب يقولي اشفيج اقووله بطل اسكب ويطلع من الحمام ويضحك ؟؟ يقوولي مبروك ويبووس راسي وانا مصدوومه مبروك على شنو ولا يقوولي حامل :eh_s(2): وابجي مثل الهبله ويدق على امه وامي وماخله احد ماقاله
وطلعني وتعشينا برى .. ااه ايام .. وبحمالي الثاني الله يسلمكم كنت بالامارات
وبعدها كنت بروح مصر وكله ظهري يعوورني وانا مسويه الهوايل بالامارات رايحه
رحلة سفااري وباليخت وكل يووم بحر واحواض يعني تعب تعب تعب
ورحنا على مصر واهناك كنا نتمشاا وما احس الي شي حااار ينزل مني
وانطير على مستشفى ويسون تحاليل ولا حامل :eh_s(16):
متى وليش (( حكمة ربج سبحانه الله )) وحجز ريلي على اول طياره وردينا
الكويت :eh_s(4):
وسلامتكم :eh_s(20):

 

[كويتيه كلاس]

(( منوله )) لووووووووووووول والله طلعتي خبيره !!
بس نصيحه لا سويتي تحليل بيتوتي ثاني مره لا تطالعين فلم هندي عشان ما راح تشوفين النتيجه إلا وعيالج اللي بالتحليل دخلوا الروضه هههههههه!!
الله يخليلج عيالج إنشا الله ويصلحهم ويرزق كل محروووم

 

[قمر ضاوي33]

ههههههههههههه

يا حلوكم ويا حلو سالفكم ...

اما سافة التحاليل والمختبرات قصة

في بداية زواجي كنت كل احلل بجهاز البيت وكل خط وااااااااحد يتيم لمن زهقت من تحاليل البيت وقمت احلل دم وهم كل فشيلة نيجاتف الحمد لله ...

بس ها ما آخذ ريلي وياي لو شنو ... حق الشماتة يا سعد هههههههههه

المهم لمن طاف على زواجي سنتين واكثر بشوي مليت من المختبرات والنيجاتف وكل اروح المختبر وعندي احساس اني حامل لا واثقة مع الوي والصدمة الكبرى نيجاتف ...

لمن حملت ببنتي الله يحفظها ودتني اختي غصب المختبر وسويت تحليل واهي خذت النتيجة تقولي حامل وانا مو مصدقة منصدمة ابي شكلي يضحك وبجي انا واختي في المختبر بس للأمانة اهي ماتت من ابجي وانا مستحية من الأوادم في المختبر ...

عسى الله يرزق الكل والجميع بالذرية الصالحة يا رب

 

[كويتيه كلاس]

(( قمر ضاوي 33)) ههههههههههاي حلوه خط واحد يتيم!! مو آنا مع مرور الوقت كسر خاطري هالخط ركنته على صوب!! صج الوحده أول ما تتزوج تتدلع تحس بأعراض الحمال و الدوخه و اللوعه و آخرتها يطلع هبوط بالضغط !!! آنا لما سافرت لدبي يتني لوعه و دوخه مو طبيعيه و أغمى علي عند باب الفندق جان أتشيحط عند ريلي يمكن وحام !! صج فراغه إنزين دايخه روحي إرتاحي .. تحسبيني إرتحت؟؟ و الله ما أرتحت لين كملت مشواري و دوجت و فرفرت بالمجمعات !!

 

[Swan]

ههههههههههههههههههههه
اثاري مو بس انا اعاني من هالتحليل... خل اقولكم عن سوالفي ..

والله انا من تزوجت وانا كنت كله اسوي تحليل البيت بس طبعا كلا هالخط الواحد المليق .. وبعد سنه ونص تقريبا تطورت شويه ورحت المختبرات وهم النيقاتيف لاحقني لاحقني لحد ما فقدت الامل اني اسمع هالبوزيتيف قمت ما اسوي تحاليل ليما كملت الاربع سنين ونص وبعدين رديت عالمختبرات وهم ماكو فايده والمصيبه كل اعراض الحمل احس فيها بس لا عديت اسبوع بعد ما تتأخر الدورة تروح كل الاعراض وتنزل الدورة ... ذاك الشهر حسيت بأعراض الحمل قلت هالمره خلاص بسوي التحليل قبل لا تتأخر الدورة بيومين عالاقل ورحت وريلي مو مقتنع ويتحلطم شحقه الخساير وانتي تدرين بالنتيجه بس انا لا مصره على رايي..
المهم يوم رحنا وسويت التحليل وطلعنا نتمشى لحد ما تخلص النتيجه وانا بحاله وبس ادعي وريلي يضحك علي ويتطنز وانا معطيته طااااف :eh_s(4): واخر شي جان ازفه واقوله اني ماراح اقوله شنو تطلع النتيجه... المهم يوم وصلنا المختبر والا حده فاضي وطلع لنا الهندي يعطيني النتيجه واهوه ساكت انا مسكت الورقه جااااان انصدم والا حامل بالاسبوع الثالث قولولولووووش :eh_s(9): مسكين الهندي بيتحجى بس انا معطيته طاف اشوفه يأشر واسمع ريلي يكلمني بس ما اسمع شي عيني بالورقه وامشي وريلي لاحقني ويوم وصلنا السياره ريلي يسألني ها شالسالفه حامل ؟ جان اهز راسي ايييي وانا خانقتني العبره اهو مسكين طخ وما تحجى وقعدنا طول الطريج ساكتييين ونلتفت على بعض ونبتسم ونرجع نطالع الشارع لووووووووووووول ليما وصلنا البيت .. بس حسافه ما كمل الحمل وبعد اسبوع من التحليل انزلت الدورة :eh_s(2):

قبل جم شهر كنت شاريه جم تحليل حاطتهم عندي احتياط عشان ودي لا حملت افاجيء ريلي لأنه لزقه لازم يروح معاي بكل تحليل .. المهم ذاك اليوم شفت موضوع بمنتدى وحده تقول ودي لو مره اشوف هالخطين .. عاد انا رديت ايييييييي والله جان زين جان اتذكر التحاليل والدورة المفروض اليوم تنزل جان اقول لنفسي جنه يبيله اجرب واحد والله واروح واجرب وشوي والا يطلع لي خط ضعيييف وخط غامج جان ابققققق هالعيون هااا معقوله ؟ :eh_s(10): لالالالا مو معقوله جان احذفه وانسى السالفه .. ومن باجرالصبح جان اتذكر السالفه قلت يلا خل اجرب مره ثانيه ... والله وجربت والا خطييييين غامجيييييييين ياربي صج جذب مادري .. مومعقوله الاثنين خطين !!
لووووول ومن الصدمه حرقت لفتي وانا اكويها لووووول لي الحين متحسفه عليها
المهم ويوم رديت من الدوام قلت حق ريلي وما صدق والعصر رحت المختبر وسويت التحليل والله وكيلكم اول ما قزت الابره حسيت بشي ينزل علي تان ترارااااااااااا
قلت بس الدعله نزلت .. وطبعا طلع نيقاتيف .. والله قعدت طول الطريج اتحلطم عالدورة .. شهالنحاسه جان نزلتي قبل لا احلل ... عاد يوم قلت حق ريلي عصب :eh_s(14): وقالي مره ثانيه يا ويلج ان سويتي تحليل قبل لا تتأخر عليج بأكثر من عشر ايامِ...

سوري طولت عليكم بسوالفي

 

[pharmacist]

الله يرزقج يا عمري

عيل شتقولين عن حالتي هذي ثاني مرة اتصيرلي أحمل و الجنين يموت بالأسبوع الثامن من غير أي سبب و لا أحس بشي لا دم ولا شي بس أروح أسوي سونار اتقول مافي نبض و الجنين واقف عند 8 أسابيع و الله العالم شالسبب؟؟؟؟؟؟

و ألحين ناطرة التنظيفات و الله لا يوري وحدة منكم اللي صارلي

 

[كويتيه كلاس]

((swan)) ههههههههههاي والله ضحتيني و ضايقتيني بنفس الوقت ...:eh_s(1):
الله يرزقج ويرزق كل محروم و يثبته فبطونكم .. آنا ألحين أحس بعوار بظهري بس تو الناس عالدوره .. :eh_s(10): ما أدري شكله على قولتج يبيله تحليل!!! بس البلشه بريايلنا إللي حتى ما يواسونج يقعدون يتحلطمون عالمخاسير!!!
((pharmacist)) الله يعينج يا عمري و طالعه من الشر إنشا الله و الله يرزقج بالتوأم المتعافي يا ربي آمين ...

 

[حاااايره]

ههههههههههههههههه امبيه طلع الكل مثلي؟؟؟
انا اول كلا اتدلع وزوجي يطاوعني بس هالايام يتحلطم يقول مردج بتعرفين شحقة المخاسير<<< عبالكم اسكت كلا اروح من وراه صيدليه واشتري
وهالشهر دورتي بعد يومين واحس اني حامل يااااااااااارب يااااااارب لا تحرمني وياكم
بحلل اليوم وكالعاده من وراه وبقولكم شيصير معاي؟؟؟

 

[كويتيه كلاس]

(( حايره )) الله يرزق الجميع باليهال المتعافين حسنين الخلق و الاخلاق .. و بشرينا شصار عليج ...؟؟؟

 

[الغــ مرت ــالي]

عيل انا مره وحده حللت بمختبر الشفا

بس لاتشوفون شكلي رايحه ويايه على الحمام اقول جنه يتلي

وبالاخير نقاتيييييييف