ههههاي شر البلية ما يضحك !!!

[كويتيه كلاس]

هههههههههااااااااي
و الله كل ماتذكرت شكلي بمختبرات تحليل الحمل أموووت من الضحك
آنا من تزوجت طبيت حوالي 6 مختبرات حمل أو أكثر و النتيجه هي إللي تضحك !!!
السالفه إن لما ياخذون عينة دمج تقعدين تنطرين بالإستراحه لين تطلع النتايج بعد ربع أو ثلث ساعه .. و تلفين و تراقبين هالحريم المسكينات كل وحده قاعده على أعصابها تنطر النتيجه جنها إختبارات الثانوية العامة !!
آنا قاعده أنطر .. قريت من هالمنشورات لين صدع راسي ...
تك توك تك تووك تك توك و الوقت يمضي ..... و إللي يمي تكلم إختها تقولها سويت تحليل و إنشا الله حامل .. آنا حاسه .. تضحك شوي .. الله يبارك فيج يا عمري بس تو النتيجه ما طلعت!!! و آنا أقول يا حليلها حامل >>> تو النتيجه ما طلعت يا ماما !!
جان يجي الفارس الملثم بالماسك الطبي و يحمل بين يديه أوراق النتايج ....:eh_s(12)::eh_s(12):
بهدوووووء تام يعلن الأسامي عند باب الإستراحه .. فلانه .. فتهم فلااانه من مكانها مسرعه حتى لا تنكسح إذا طلعت مو حامل فيصرخ الحقير بالنتيجه جدام الله و خلقه (( نيقااااااااااااتيييف )) فلااانه هي نفسها إللي كانت تكلم إختها قبل شوي و الله كسرت خااطري شكلها إنكسرت من الحقير إللي فشلها بصراخه !!
جان يجي دوري فلااااانه جان أركض ما أبيه يتكلم بصوت عالي عشان ريلي ما يسمعه جان يصرخ (( نييييقااااتييييف ))) لعن الله بليسك يا بشير السوء !!
ريلي قعد يضحك بالسياره و آنا محتره من هالهندي !!! يقولي لا تعصبين تو الناس عالحمل جان أقوله آنا معصبه من هالهندي إللي فشلني حسبي الله عليه !!! جان يقول و الله هالهندي جنه ناظره توزع شهادات طالبتها فلاانه .. ساقطه .. فلانه .. ناجحه !!

لا كلش و لا سالفة الممرضه في مختبر ثاني قلتلها إذا طلعت النتيجه ناديني ما أبي بابا يدري جان تقولي أوكيه مدام .. و أول ما طلعت النتيجه جت تركض و آنا أبسبقها جان تقول ((مووو حااامل ))) هع هع هع ريلي مات من الضحك !!

عاد من عقبها كرهت المختبرات إن ربي كتبلي حمل إنشا الله راح أستعين بتحليل البيت أشرف لي علأقل مراح أحرج على نفسي جدام ريلي أسويها بسكات !!!

عندكم قصص شبيهه شاركونا ودنا نضحك شوي على أحزانا !!

 

[الفنانه79]

ههههههههههههههههههههههههههههههههههههههههههههههههههه
والله مت من الظحك
يالغاليه تراها كتبت ربج عادي اذا الله متب بيصير واذا ماكتب مافيها احراج

لا تخيلي انا اروح ابي طبيه تعبانه
تقولي دكتورتي ابد ماتطلعين الا انا ماخذتلج تحليل انحش منها تطلع وراي تمسكني غصب ههههههههه

المهم سويبيت التحليل طلعت بره اطالع وييه ريلي وانا امنبهه على السسترات لااحد فيكم ينادي ريلي اذا اطلعت النتيجه عن الفظايح ههههههههه
اطلعت النتيجه اتناديني بهمس ماما دكتوره تبيج
اقولها ادري موحامل تقولي دكتوره تبيج
ادخل على دكتورتي ولا تقولي تعالي ((حاااااامل))) هاااااااااااااا؟؟؟

جذاااااابه بأعلى صوتي اهي افطست من الظحك وانا مت من البجي
بس صج كان موقف الحين بتكلني مو قاده من البجي لحد مانادوا ريلي ودخل لقاني اشاهق من الخبال

عسى الله يرزق كل محروم يارب

 

[fatmasm]

وااااااااااي كرهت المختبرات

كله نيقااتيف


الله كريم


عسالله يرزقني وكل محروم

 

[الجوهرة الغالية]

نصيحه اخويه حبيباتي لازم ما نفقد الامل وندعي الله سبحانه بالذرية الصالحه ان شاء الله وحلو ان الانسان يعيش على امل ويتعلق رجاءه بالله سبحانه

 

[الجوهرة الغالية]

نصيحه اخويه حبيباتي لازم ما نفقد الامل وندعي الله سبحانه بالذرية الصالحه ان شاء الله وحلو ان الانسان يعيش على امل ويتعلق رجاءه بالله سبحانه:eh_s(7)::eh_s(7)::eh_s(7):

 

[kankona]

هههههههههههههههههههه
تذكرت روحي وانا انطر النتيجة لا و انا داشة المختبر امشي مشية حمل و حالتي حالة حتى اذا قعدت على الكرسي ههههههههههههه و بعدين لي طلعت النتيجة اطلع اركظ و ادق على ريلي و اصيح و اهوى يضحك علي

و المرة الثانية تأخرت علي 3 ايام ما رحت سويت تحليل شريت تحليل الي اسوي فالبيت توني شاريتى جان تييني الدورة مت من الضحك من عقبها حرمت اسوي تحليل

عسى الله يرزقنى و يرزق كل محروم بالذرية الصالحة

 

[البيداء_77]

هاهاهاههاهاهاههاييييييييي

انا كل ماقلت حق ريلي ابي اختبار حمل يقولي اللة يعافيج ما نبي مخاسير الى بالجدر يطلعة الملاس ...... واللة فشلة

بس انا يوم حللت بولدي خذو العينة مني ودق عليهم زوجي وقالهم اني حامل واحنا بالسيارة

 

[-Bello-]

لوووووووول وناسه ياحلو سوالفكم ..انا اب بداية زواجي تخيلوا ماكنت اعرف احسب عبالي الوحده من التخلص مكرم السامع الدوره عادي يبين انها حامل وكلساع طاقه شلالتي ورايحه مختبر لوووووول وريلي مسكين مطاوعني ..واندقر ..وبس بعدها يمكن خذيت فترتين اسوي تحليل مكرم السامع بول وهم ماكو شي ..وقطعت فتره ططويله ما اسوي لووول وبعدين مره والله قبل دورتي بعشر تيام مادري ليش قلت ودي اسوي تحليل مادري ليش لاتسألوني ورحت بيت اهلي وسويته هناك اول شي طلعلي نيجاتيف لفيت ويهي وانا اقووول حق نفسي اشفيج يالهبله اكيد نيجاتيف اول شي تو الناس على دورتي وثاني شي مو اول مره عادي ان ماصار هالمره بيصير اللي بعدها ..ورب الكعبه رديت فريت ويهي على التحليل ولا ما اشووف الا الخط الثاني قاعد يبين شوي شوي انا هني وانا مفصخه قمت اصاااااااااااااارخ انادي اختي وابجي والمها لوووووووووووووووول امي مسكينه قاعده بالصاله عبالها طايحه بالحمام ولا فيني شي ومسكينه اتصارخ شفيكم ككككككك وانا المينوونه ركضت ابجي اقولها انا حامل ..بس سبحان الله ماكمل هالحمل مع انه كان احلى فرحه بحيااااااااتي الحمدالله على كل حال ..

 

[bnt_kwt]

يحلوكم
ويييييييييييييييي عيل انا من كثر ما رحت مختبرات واندقرت ريلي منعني من الروحه لانه عقب كل روحه وايد اتعب نفسيا واصيح صيااااح جني ياهل والله العظيم من التدقر

وحتى مال البيت صرت ما اشتريه بسنا مخاسير
مو فاقد الامل ولا يائسه من رحمه ربي بس كافي تدقر احس كرهت شي اسمه تحليل حمل لوووووووووووووووووول

 

[شاي اخضر]

هههههههههههههههههههههههههههههه صراحه حدج عجيبه وحلو بشير السوء بس صراحه انا من رايي انكمك تحللون فالبيت واذا بين شي تتأكدون اكثر فالمختبر درءا للاحراج والفشله على الأقل فالبيت محد يدري عنج ويكون وقع الصدمه اخف

 

[ذكريات]

الله يرزق كل محروم ان شا الله

سوالفكم تونس

ان شا الله ارد اقرا الموضوع عدل و اتذكر مواقفي علشان اخطها

 

[فوز الكويت]

صج شر البلية ما يضحك

بس يا اختي والله اني اكره المختبرات حوالي 5 سنوات كل ما تتاخر الدورة اركض عالمختبر وافتشل مع ريلي بس والله ريلي ما كان يضحك كانت عيونه تدمع في كل مرة علشاني لانه يشوف حالتي بعد التحليل وبالسنة السادسة من زواجي ما قمت اروح المختبر كله اسويها بالبيت وبسكات ومن دون ما يدري ريلي واقطه بالزبالة لين ما الله كتب لي الحمل وسويت التحليل في البيت ولما شفت خطين ما صدقت نفسي وخفت وقلت اشلون بحلل في المختبر اكيد بيطلع نيجاتيف اكره هالكلمة والله ان لمل الدكتورة بشرتني بالحمل بجيت انا وريلي بجي مو مصدقين كانه حلم والله يخلي لي بنيني يا رب ويرزقها باخو يا رب ادعو لي يا خواتي اني احمل لاني والله من امر من مختبر الحمل قلبي يرقع وابي ارجع مع اني ما اكون رايحة احلل بس حيل اخاف من المختبرات

الله يصبرنا وياكم ونحمل يا رب

 

[kankona]

بجيتوني بنات االله يساااااااااااامحكم
الله يرزقنا يارب وايي اليوم الي اكتب فيه قصتي وانا رايحه المختبر ويقولون بوزيتف ياااااااااااااااااااااااارب

امين الله يسمع منج يارب

 

[كويتيه كلاس]

(( الفنانه 79 )) الله يخلي لج إللي عندج و يرزقج الذريه الصالحه إنشا الله و يرزق كل محروم .. بس جنها قويه (( جذااابه ))!! زين ما رقعت التحليل براسج!! لووووووول أضحك معااااج:eh_s(9):

 

[كويتيه كلاس]

((fatmasm)) أي و الله صاجه يا كرهي لهالمختبرات جتني عقده مو من النيقاتييييف إلا من صراخ الممرضين جنهم يبون يحرونج (( ترى مو حاامل .. ترى مو حامل ))!!!:eh_s(13):

 

[كويتيه كلاس]

(( الجوهره الغاليه )) صاجه يالغاليه و الله يكفر من يقنط من رحمة الله آنا أعرف سالفة وحده قعدت عشرين سنه صابره هي و ريلها لين ربي رزقهم .. بس وين هالريال إللي يصبر ؟؟؟ و الله ما يصبر إلا إذا كان التأخير بسبته ..

 

[كويتيه كلاس]

((kankona)) ههههههههاي ذكرتيني فيني شريت تحليل بيت لما تأخرت الدوره يومين و أول ما دخلت الحمام مستانسه أببدا الرحله ما دريت إلا الحلوه مشرفتني بحضورها :eh_s(14): يا شينها ...!!! والله طاح ويهي من نفسي !!!

 

[كويتيه كلاس]

(( البيدا 77)) هههههاااي تذكرت ريلي المسكين و الله تخسر على تحاليل المختبرات و البيت عاد ألحين من أقوله يبلي تحليل من الصيدليه يقولي ماله داعي إصبري كله كم يوم و تييج الدوره!!! :eh_s(22)::eh_s(22): و الله مو يأس بس أحيانا الواحد يكون حاس إن ما كو شي هالشهر !!

 

[كويتيه كلاس]

(( البنوته )) لوووووول آنا نفسج كنت بثاني أسبوع بعد الدوره أسوي تحليل و الله حدنا فراغه!!! :eh_s(6)::eh_s(6): الشرهه على ريايلنا إللي مطاوعينا من البدايه !! بس خلاص عرفوا الطبخه ماكو تحليل إلا بعد شهرين من تأخرها !! الله يرزقج و يرزق كل محروم بالذريه الصالحه و يعوضج خيير إنشا الله

 

[كويتيه كلاس]

(( bnt_kwt)) إي و الله بسنا تدقر وتعب نفسي إللي بالجدر يطلعه الملاس بعد شهرين من الطبخ !!! خلاص هذي قاعدتي !!