هنا مراسلتكم من لندن عاصمة الضباب ........ ""ام مرام""

[أسيل]

الحمدلله على سلامتج ياقلبي يا المرام وتردين ان شاءالله وتوأمج الصالح والمعافى بين ايدينج

 

[اشتاق الى الجنة]

آآآآآآآآآآآآآآآآآآآآآآآآآآآآآآآآآآآآآآآآآآآآخ يا ام مرام :lkmnkl:

يعطيج العافية على تواصلج معانا

بس والله ضاق خلقي يوم قريت اللي كتبتيه حسيت اني دخت واني غبية ومو عارفة شي يالله والله ما ادري شسوي

زوجي ملتزم وسمه وموته يشوف مناظر جذيه مثل اللي شفتيها بالهايد بارك

لا انا ولا زوجي نعرف انجليزي يعني بالكويتي ميييييييييييييييييييح يا ربي الحين محاتاتي زادت فيها طابور وعفسة انا بالنسبة لي يمكن اتحمل بس بالنسبة لزوجي صعبة صعبة حيييييييييييييييييييييييل انا ادرى فيه

 

[أسيل]

مس جاندوفلي لا تحاتيين حيييل خلي كل شي ورا ظهرج وبس جهزي الاغراض اللي تبين تاخذينها معاج والحياة هناك تساااهيل ربج اسهل كل شي شدعوه عاد انا وزوجي كلش الحين فلته بالانجليزي ونزلنا ترانزين في المانيا ومنها على بلجيكا وعشنا في بلجيكا لين خلصنا علاجنا وربج سهلها علينا ونركب باصات وترامات وخرايط لها وسوالف واختج بالله مع الخيل ياشقره ان قام زوجي قمت وان قعد قعدت بس فيني رجا احاول اعرف وافهم طريقتهم وعرفت بعض الشي لاني ما احب اشوف نفسي عاجزه من شي او ما اعرف شي لازم اعرف وبروحتي الجايه ان شاءالله بجرب واشوف شطارتي هونيها وتهون

 

[اشتاق الى الجنة]

والله غصب علي مو بيدي

مع اني الحمدلله ايماني قوي

بس اكثر شي احاتيه اهو زوجي شوي صعب ومشكلته اذا حطيتيه في مكان ومو عارف شيسوي اووووووووووووووووووف يالله عاد تحملي اللي يجيج نفسيته تصير صفر واحنا رايحين علاج مو رايحين نلعب

النفسية ثم النفسية ثم النفسية لها تاثير كبييييييييييييييييييير

يا ربي والله مو قادرة

 

[أسيل]

لا صدقيني شكله مو بعيد من زوجي بس شوفي لما يشوف الشباب اهناك راح يرتاح ويتفهم كل شي

 

[اشتاق الى الجنة]

جزاج الله خييييييييييييير يا الغالية يا اسيل سبحان الله دائما الانسان يحاول قد ما يقدر انه يرسم البسمة والامل بوجه صاحبة

اطلب الله العلي العظيم انه يرسم محياكي ببسمة رأية اولادج مجتمعين حواليج بالخيييييييييير يا رب
كل التقدير والاحترام لكي انتي يا اسييييييييييييييل يا صاحبة القلب الكبير
بصراحة لساني يعجز عن التعبير وشهادتي فيج مجروووووووووووووووحة
وما انسى الغالية اختي العزييييييييييييييزة على قلبي وقلوبنا جميعا اللي اكن لها محبة خاصة هي في قلبي وعقلي اتمنى اني التقي فيها في لندن
وما انسى ابدا باجي البنات اقسم بالله وهي ليست مجاملة
نابعة من قلب محب مليء بالايمان وذكر الرحمن من قلب صافي احبكم جميعكم في الله

 

[أسيل]

حياااااااااااااااتي انت والله لبى عيييينج ويعلم الله نفس الشعور متبادل والله يجمعنا على طاعته ورضاه ياام الفصلات انت

 

[النسره]

اول شئ السلام عليكم ورحمة الله وبركااته
ثانى شئ صباح الخير يا حلوين ...ثالث شئ الخووف ليش توكلوا على الله وتساهيل من عنده
انا ما انكر سفرتى الأولى للعلاج كنت خايفه وكنت ماخذه معااى اغراااض واايد كأنى بروح اسكن بروحى
يوم دخلنا لندن وكنا بالاجورود وساكنين بالبارك وست اعتقد اسمها جذى شفت العالم كلهم عرب والمحلات فيها
بياعين عرب اذا ام مراام راحت للوادى الاخضر بتشوف اللى اهناك اكثرهم لبنانين ودكتورى عربى مصرى جورجى امين
ومعااه دكتور ثانى اسمه عادل اسكندر وبنسبه لللغه امشى حالى يس ونو هههههههه وكل شئ موجود هنااك اييه ونسيت اذا ماتبين دوخت الباصات مثلى انا وريلى تعاملى مع تكسى يجى ياخذج ويوديج لمواعيدج ويكون عربى او يتكلم عربى مثل ما احنا تعاملنا مع كردى عراقى
طولت عليج بس حبيت اقولج شيلى الخوف من قلبج وسمعى نصيحة اخت

اذا رحتى هناك حطى فى بالج انا بروح سياحه اذا الله كتب اللى الحمال الف شكر وحمد واذا ماكتب لى قدر الله ومشاء فعل
لا تحاتين ولا تفكرين ترى شد الاعصاب وتفكير والمحاتاه كلها تاثر عليج وانا ورب البيت لما سافرت اول مره كنت حاطه فى بالى الشغله هذى لانى تعبت من الانتظار وربى مارجعنى خايبه امل رزقنى بأحلا بنت الله يخليها لى ولبوها قولوا امين ويرزقكم

 

[اشتاق الى الجنة]

عزيزيتي النسرة يا الله مابي اسميج بهالاسم انزين انتي ام شنو عشان اقدر تواصل معاج يا الغالية

الله يخليلج بنيتج قولي آمين ويبلغج فيها بالخير ويجعلها ربي من الذرية الصالحة ومن المستغفرين لكي ومن البارين اللهم آآآآآآآمين

أسأل الله العظيم انه ما يردج خايبة واللي فرحج اول مرة يفرحج بالمرة الثانية

انتي متى تسافرين انشالله وجم أجار الشقة تقريبا بالصيف وانا ابيها حلوة ونظيفة وشرحة ترا انا نفسيتي تلعب دور بالمكان اللي اعيش فيه
بالشهر والا بالاسبوع وابي فيه كويتيين وبدو عشان زوجي يستانس أكثر ويحس انه قاعد بدوانية انا ابي زوجي تكون نفسيته مرتاحة هناك تكفين فصليلي

 

[النسره]

هلا وغلا مس جاندوفلى انا تقدرين تقولين لى أم نوره والله يجزاج خير على الدعااء الحلوو ويرزقج يارب ياكريم
شوفى بنسبه لسؤالج متى اسافر للحين ما ادرى لانى امس بس ودينا الفاكس وقالوا انطروا عشر اياام
والشقه اللى كنا ساكنين فيها بالبارك وست كانت استيديو وقعدنا فيها كم يوم بس وغيرناها لعمارة الديدلى كورد
وكانوا فيها كويتين والاغلبيه بدو وبالاخص عجمان وكان فيها شمر وعنزه وبنسبه لزوجج اللى هناك حاطين ديوانيه
يقدر يروح عندهم ورااح يستانس معاهم بأذن الله لانهم يساعدون بعض ويوجهون بعض وكان الاجار اسبوعى
500 باوند ونسيت شقتى فى الديدلى كانت من غرفتين وحمام الله يكرمج ومطبخ حلوه وجنب العماره المكتب اللى اجرنا منه وكان لشخص عراقى اسمه ابو ايهم وتحت سكنا فى الوادى الاخضر مثل السوبر ماركت الصغير وداخله بعد مخبز للخبز والفطاير

 

[اشتاق الى الجنة]

جزاج الله خير على الرد يا الغالية يا ام نورة الله يجمعنا انا وانتي وضي الايمان rain fall وام افنان وام مرام وwachocha آمين وبشر بعض بحملنا ان شاء الله

واللي بيروحون لندن وما قلت اسمائهم يعذروني

اختي ام نورة 500 باوند جم بالكويتي؟؟؟؟؟؟؟
والحين جني سامعة انه العملة يورو باوروبا كلها انزين انتي ليما كنتي هناك بالصيف والا لا؟؟؟

وجزاج الله خير

 

[اشتاق الى الجنة]

اختي ام نورة الله يعافيج بغيت شقق كويتيين قريبة من مستشفى جايز

 

[النسره]

هلا والله.... سؤالج عن 500 باوند هى تقريبا 250 كويتى
وعن طلبج شقه جنب مستشفى جايز انا ماعندى علم وان شاءالله البنات اللى هنااك يساعدوونج
انا حولونى لمستشفى ليستر ومبتلشين وين مكانه بعيد عن اجواارلود ولا قريب وللحين الله المستعاان

 

[WaChoCha]

مس جاندوفلي ..حببتي انتي يا ام مبارك لا تحاتين لندن والله كانج قاعدة بدولة عربية ..خليها على ربج وتتيسر امورج
انا باحاول ادور لج على شقق قريبة لج من عنوان المستشفى بالنت واعطيج خبر
انتي متى روحجتج ان شاء الله لندن ؟

 

[بنت السلف]

الله يوفقج يا ام مرام

وان شاء الله تردين وفي حضنج اللي يدخل السرور على قلبج

أمين أمين أمين

 

[اشتاق الى الجنة]

ما ادري والله بس انا وضي الايمان ام فهد ان شاء الله دزينا الفاكس في 13/4 مع بعض

وما ادري لي الحين وودي يكون آخر 6 بس انا اهم ما علي السكن راحتي بالمكان اللي اقعد فيه يكون نظيف ومرتب يشرح القلب لان والله نفسيتي راح تنعكس حسب الشقة اللي اكون فيها (غرفة وصالة وحمام ومطبخ)

وشنو عمارة العوازم اللي يقولون عنها
ارجو الرد بالتفصيل

واشكركم على تواصلكم معاي ام نورة و wachocha

 

[بنت السلف]

الله يوفقكم كلكم

وترجعون وبيدكم اليهال:ioljnmlk:


شدي حيلج يا م نورة _03BA:

وانتوا ياالغالين شدو وياها :eh_s(6):

 

[RAIN FALL]

أهلين يا حلوين شخباركم انشاء الله خير
اشكركم وايد مس جاندوفلي و كل البنات الصراحة احس كاني اعرفكم من زمان
الله يوفقكم و يعطيكم اللي في بالكم
لا تحاتون وايد توكلو علي الله
و انشاء الله الوعد في لندن

 

[اشتاق الى الجنة]

الله كريم نجتمع هناك ان شاء الله

وكل وحدة تكشف عن نكها ونتعرف على بعض حقيقة

الا تعالي اشلون اعرف ان انتي rain fall
او ضي الايمان او انا او ام مرام او ام افنان؟؟؟؟؟؟؟؟؟ والا ما نكشف عن نفسنا ؟؟؟؟؟؟؟؟؟؟؟؟؟؟؟؟ونقص على بعض!!!

 

[RAIN FALL]

اهلين انشاء الله نجتمع يا رب علي خير
مادري شلون راح نتعارف ونصير اصدقاء من صج بس لا تحاتين الله قادر يجمعنا يا رب من غير ما ندري شلون