هنا تجمع اهل الفاكسات .....

[بنت السلف]

السلام عليكم


بنات المنتدى الحبيبات


انا بصراحه مليت من الانتظار

وعساه خير لي ولكم


بس حبيت اكتب موضوع خاص للي مطرشين فاكسات ياخذون مواعيد سواء في بلجيكا او فرنسا او لندن او اي دوله للعلاج فيها


بغيت منكم اللي مطرشه فاكس وما وصل أو وصل تكتب لنا هنا علشان الاخوات يستفيدون منها .. ونعرف الخطوات اللي بعد وصول الموعد المحدد


وبارك الله لي ولكم

 

[نيبال الايمان]

ضى الايمان

والله يا عمرى مادرى 000 ليشنى للحين ما راسلنا المستشفى ناطرين تفرج علينا ماديا الله كريم 000

بس ما حبيت امر من دون ما اعلق وبصراحه فكرتج وايد حلوة ومفيده وعسى الله يرزقج من اوسع ابوابه ويرزق بنات منتدى تاخر انجاب ويرزق كل محروم ومحومه منهم اللهم امين ياارحم الراحمين امين امين

 

[بنت السلف]

مشكوووووووووورة يا ahzaan( افراح ) على المرور ما حب كلمة ahzaan خلي حياتج كلها افراح

وانا بصراحة فكرت بالموضوع قبل لا اكتبه

لاني شفت نفسي وشفت الاخوات محتاسين ونسأل كل وحده متى طرشت ومتى ردولهم خبر


قلت اختصر على نفسي وعلى البنات واحط موضوع بهالفكره ونشوف رد الاخوات

وجزاج الله خير على تحمسج معاج في الفكره

 

[ام_مرام]

عجبتني اهل الفاكسات
انا بأقول لج ...
في يوم 11/3/2009 قلنا نبي لندن و قالوا خلاص اليوم ندز لهم الفاكس ( انا و رفيجتي مع بعض )
في يوم 25/3/2009 جت موافقة رفيجتي
و انا قعدت انطر و انطر و انطر
و كل ما اتصل عليهم يقولون للحين
عاد يوم الاحد اللي طاف .. يعني من يومين .. دقيت على المكتب الصحي في لندن ... قالوا احنا طبعنا الفاكس و دزيناه راجعي العلاج بالخارج
لكنه ما وصل لهم شي
لكن .. اليوم .. الحمدلله اتصلت علي رفيجتي تقول موعدج ان شاء الله 21/4/2009 يعني بعد 21 يوم
لكن الفاكس للحين ما وصل
يمكن يوصل باجر
قلت الحمدلله على كل حال



الله يطمن قلبج يا بنت السلف انتي و باقي البنات
و الله يرزقنا الذريه الصالح
الحين اقعد احاتي التذاكر و الفيزا و السكن
نخلص من شي يطلع لنا شي
ما نرتاح

 

[نيبال الايمان]

ضى الايمان

ياعمرى يا بنت السلف انا مغيرة اسمى الى ضى الايمان بعد نصيحة خواتى بالمنتدى وتشجيعهم لى بس للحين قسم الشكاوى بالمنتدى ما ردوا على عشان جذى قبل اى اكتبه اكتب اسمى الجديد ذى الايمان ومشكورررة يا عمرى وانشاء الله كلنا ايامنا تكون افراح بعد ما الله يرزقنا بالذرية الصالحه البارة امين يارب

 

[om_jsoom]

مرحباااااا بنااات
انا دزو فاكسنا اليووووم وقالولنا تعالو بعد 10 ايام
تتوقعوون يردون لنا خبر بعد 10 ايام؟؟

 

[ام_مرام]

ام جسوم ... أعتقد يختلف من وحده للثانيه ... على حسب المستشفى
نفس ما قلت .. انا و رفيجتي دزينا مع بعض ... لكن جا موعدها قبلي الله يوفقها
بس لازم على طول تروحين و تسألين
الله يعيننا

 

[مهاوو]

الله يوفقكم كلكم يفرح اقلوبكم

 

[بنت السلف]

انا ريلي راح اليوم وقالوا له ما وصل .. انتي وين طلبت ؟؟ قال : بلجيكا .

قالت ويييييييييييييييييييييييييييي يطول شهرين ....ثلاث !!!!!!:nocommint:


اشدعوة طالبين موعد والا طالبين مقابلة وزير بلجيكي


جان يقول لها ريلي عطيني الملف .. وخذاه وراح للفاكسات وقال لها دزي مره ثانية

وقالت ان شاء الله بدزه وراجعنا بعد اسبوعين


بنات يا ليت تقولون اي دوله علشان الكل يعرف صج تطول سالفة الفاكسات والا مواعيد العلاج بالخارج حجي فاضي

 

[نيبال الايمان]

ضى الايمان


والله يا بنت الشبف مادرى بالنسبة للندن 000 انا اخت ريلى كان علاجهم بامريكا وماشاء الله فاكسهم ما طول اخذاله ثلاث ايام وكام مستشفاهم مستشفى مايو كلينيك بامريكا بمنطقة ونشستر

الله يوفق الجميع انشاء الله ويرزقنا كلنا عاجلا غير اجلا بالذرية الصالحه اللهم امين يارب

 

[بنت السلف]

امين يا ضي الايمان

احنا طلبنا بلجيكا


وعليها زحمة

سبحان الله .. الناس قبل ما تييب طاري بلجيكا

الحين الكل راح لها

وصارت زحمه

بس شنسوي

الله كريم ورزاق ووهاب

الله يفتح لنا باب رزقه

 

[نيبال الايمان]

ضى الايمان
امين ياعمرى وانشاء الله ما تخلص سنة 2009 الا واحنا كلنا حمل باذن واحد احد امين يارب


بس يا عمرى ما قلتى لى اروح باجر اسالهم ليش ما عطونى هذى الاوراق ولا انطر 000 لانى قلت لج انا معاى القرار بعلاجنا بلندن بس امورنا المادية شوية صعبة وبنحاول ندبر نفسنا بس للحين ما راسلنا لا المستشفى ولا شى بس اخذنا القرار لين ندبر عمرنا

ادرى دوختج بس عفية قولى لى اروح باجر واطلب هذى الاوراق ولا شلون

 

[بنت السلف]

روحي واسالي ضروري

قرار بدون اوراق ما تضبط سفرتج

 

[نيبال الايمان]

ضى الايمان

اكيد يا عمرى بسال 000

الله يعطيج العافية انشاء ويرزقج من اوسع ابوابه

 

[النسره]

السلام عليكم ورحمة الله وبركااته
حالفه انكم ماتقومون.....
الله يرزقكم ويطمن بالك جميعا انا دخلت وشاركت مع انى ما انطر فاكس ولاشئ بس حبيت ادعى لكم
ويرزقنا ويااكم قولوا امين

 

[بنت السلف]

مشكووووورة ياالنسره


ليش الحلف الله يهديج

نبي نسلم عليج

 

[ام_مرام]

و انا بعد للحين

 

[om_jsoom]

انا ريلي راح اليوم وقالوا له ما وصل .. انتي وين طلبت ؟؟ قال : بلجيكا .

قالت ويييييييييييييييييييييييييييي يطول شهرين ....ثلاث !!!!!!:nocommint:


اشدعوة طالبين موعد والا طالبين مقابلة وزير بلجيكي


جان يقول لها ريلي عطيني الملف .. وخذاه وراح للفاكسات وقال لها دزي مره ثانية

وقالت ان شاء الله بدزه وراجعنا بعد اسبوعين


بنات يا ليت تقولون اي دوله علشان الكل يعرف صج تطول سالفة الفاكسات والا مواعيد العلاج بالخارج حجي فاضي

تدريين شتسويييييييين؟؟

وحده قالتلي ان لمه دزت الفاكس بعد جم يوم دقت عالسفارة ببلجيكا وقالتلهم يستعجلون بالورقه ويدونها المستشفى ولمه دزها االمستشفى دقت علىيهم وقالتلهم يستعجلوون وخلتهم يدزوون الموعد اهني بالعلاج بالخارج وماخذه منها وقت الا اسبوويين
واانا بسويي جذي
يالله كلكم دقوووووووو عالسفارة احسن

 

[بنت السلف]

ريلي يقول بروح بعد اسبوعين

وانا محتاره


والله بشوف اذاما وصل بندق

والله يسهل لنا ولكم

 

[نيبال الايمان]

ضى الايمان

يا عمرى يا بنت السلف 000 لا تنطرين اسبوعين دوخيهم وكل شوى نطى عليهم غثيييهم لين يستعجلون بالفاكس ويعطونج اياه

والله يوفقج ان شاء الله