هنا تجمع اهل الفاكسات .....

[كشموووشه]

الله يبارك فيج حبيبتي
ماتدرين يمكن اسمج من الاسامي ال20 اذا تبين تتاكدين انا حاضر الورقه يمي

 

[((الماسه))]

كشموشه الف مبروووك
ماشاءالله زاد العدد وصرتوا اربعه

ادعولنا ننضم لكم

بنات تتوقعون راح ننضم معاكم شهر 12 ولا راح يكتفون بال20 اسم؟؟

الله يبارك فيج حبيبتي

انشاءالله تكونين معانه حاولو ادزون الفاكس بسرعه
بس اتوقع انكم شهر 12

 

[((الماسه))]

وناسه ثنتين من المنتدى معاي بالعلاج
عاد اليوم زوجي ياب الكتاب وفيه اسم ال20 عائلة اللي راح يسافرون شهر 12 امريكا
الي تبي تعرف اسمها موجود ولا لأ انا حاضر_03ba:

مشكوره حبيبتي ماقصرتي الحمدالله زوجي شاف اسمنا وتاكد منه بس شوفي غزل اذا تبي تتاكد
يارب اتكون معانه وريحة الجنه وانتي قبلنا انشاءالله

 

[((الماسه))]

بس ليش الدكتور كاتب لنا شهر 11 والله هالشي امعقدني وليش الباجي شهر 12 ؟؟؟؟؟؟؟؟؟؟؟
تتوقعون يمكن بالدور يعني من شهر 11 لي 12 ولا مايصير

 

[$غــ(ز)ــل$]

كشموشه..مثل ماقلتلج صارلنا يومين دازين الفاكس
توه ماوصلنا الرد
يعني احنا مومن العشرين
بس ان شااااااااااااااءالله ننضم لكم قرريب يااارب


الماسه..ان شااءالله ننضم لكم قريب ياارب

الحين صرتوا اربعه
اللهم زيد وبارك

الماسه 22 _ ريحة الحنه _ كشموشه _ الغلا 2003
والفال حقي وحق ام جسوم نصير معاكم

لموسه..انتي قبلهم شهر 11
غريبه بس انتي
بس يمكن الدكتور موزعكم بين 11 و12 مثل ماقلتي

 

[$غــ(ز)ــل$]

بنات الحين يعني خلاص تحدد موعدكم باليوم الفلاني
ولا بس قالولكم الشهر؟؟؟؟؟؟؟

وقولولنا شنو قالوكم وشنو باجي الاجراءات؟؟؟؟؟

 

[ريحة الحنه]

حبيبتي غزول بس قالولنا الشهر ماحددوا المواعيد لي الحين
وماقالولنا اي شي نسويه الا انا نجدد قرارنا المنتهي بس
وان شاء الله تنظمين معانا عاد نكون احلى قرووب
الله يرزقنا جميعا بالذريه الصالحه المعافاه

 

[ريحة الحنه]

كشموشه مبروك وصول موعدكم
دزيتلج على الخاص

 

[((الماسه))]

لاغزل ماحددو ريلي دز فاكس مره ثانيه علشان ايعرف الموعد بالضبط واي يوم واذا طفنه هالمرحله راح اقولج الاجرائات

 

[((الماسه))]

حبيبتي غزول بس قالولنا الشهر ماحددوا المواعيد لي الحين
وماقالولنا اي شي نسويه الا انا نجدد قرارنا المنتهي بس
وان شاء الله تنظمين معانا عاد نكون احلى قرووب
الله يرزقنا جميعا بالذريه الصالحه المعافاه

ريحة الجنه في وحده بالمنتدى مثلج طالبين منها اجدد قرارها

 

[نــعــوومــه]

بنات إحنا قالوا لنا خلاص وقفوا امريكا ولندن وبلجيكا وقالوا لنا بس فيه السعوديه والأردن...شنو يعني يجذبون علينا ولاشالسالفه.!!!!!!!!

 

[كشموووشه]

كشموشه مبروك وصول موعدكم
دزيتلج على الخاص

الله يبارك فيج ياقلبي مشكوره

 

[فجرالعيد]

تخيلوا بنات دازين الفاكس حق وزارة الخارجيه علشان يدزونه للسفاره في بلجيكا وهذا الكلام من شهر تقريبا وناطرين الرد بالموعد من السفاره وكل مارحنا نسأل قالوا ماوصل الرد ولما شيكنا علي السفاره هناك قالوا ماوصلنا شي من الخارجيه حسبي الله عليهم شهر مادزوه
:Confused:

 

[$غــ(ز)ــل$]

الله يسهل عليكم بناات امريكا
وناطرين اخر التطورات ان شااءالله


نعومه..الحين مافي الا الاردن والسعوديه
لان احنا سوينا اوراقنا قبل لاينزل القرار بمده
بس صار التأخير من الدكتور اللي بأمريكا لان رفض استقبال الفاكسات لي شهر 9 ولا احنا خالصين اوراقنا من شهر 5 والمفروض دازين الفاكس شهر 5 بس كل تأخيره وفيها خيره ان شااءالله
وهالاسبوع بدا المكتب العلاج بالخارج يدز فاكساتنا لامريكا

 

[$غــ(ز)ــل$]

بناااااات ضروري ابي رقم المكتب الصحي اللي بأمريكا
عفيه اللي تعرفه تكتبه لي بلييييييييييييييز

 

[$غــ(ز)ــل$]

تخيلوا بنات دازين الفاكس حق وزارة الخارجيه علشان يدزونه للسفاره في بلجيكا وهذا الكلام من شهر تقريبا وناطرين الرد بالموعد من السفاره وكل مارحنا نسأل قالوا ماوصل الرد ولما شيكنا علي السفاره هناك قالوا ماوصلنا شي من الخارجيه حسبي الله عليهم شهر مادزوه

الله يعينج حبيبتي
لازم تكونون معاهم خطوه بخطوه
عشان مايأخرونكم اكثر

بس بسألج حبيبتي
شلون نشيك من الخارجيه؟؟
ندق عليهم ولا نروحلهم ولا شنوو؟؟

 

[غزلان كويت]

والله لله يعين ويصبرنا وان شاء الله ما تردون الا وانتوا حما بتوائم وربي يجعلهم من الذريه الصالحه آمين

 

[الغلا2003]

الغلا..ماشاءالله تبارك الرحمن
الف الف مبروك اختي
ماشاءالله انتي ثاني وحده تبشرينا بموعدج شهر 12
واتووقع معاكم اختنا الماسه 22
انشااءالله تبشرنا قريب لان من زمان دازه فاكسهاا

والفال لنا ياارب

الله يبارك فيج ياغزل.. والفال لكم ان شاء الله ونصير قرب هناك...
يارب ترزقنا بالذريه الصالحه اميييييييييين

 

[$غــ(ز)ــل$]

بناااااااااات انا اليوم كلمت المكتب الصحي بأمريكا والحمدالله وصل فاكسنا بس قالتلي الموظفه لينا شي يضيق الخلق
قالت احتمال موعدكم يصير بعد شهر 12
وقالت حتى ال 20 اسم احتمال موكلهم شهر 12

وهم رحت دقيت على منى اللي تشتغل مع الدكتور بيتر اتوقع المترجمه وقالتلي نفس الكلام
قالت ال20 اسم احتمال موكلهم شهر 12
تقول احنا ننطر الدكتور يحدد لنا المواعيد

يعني للحين ماحددوا المواعيد
ناطرين الدكتوووور يحدد

انا مستغربه شلون قالولكم خلاص موعدكم شهر 12

بناااااات عفيه تأكدوا وردولنا خبر

وان شااءالله يكون الخبر موصحيح ياااارب

 

[الغلا2003]

مشكوره اختي ريحه الجنه ..والفال للبنات ان شاء الله...
يارب تزقنا بالذريه الصالحه امييييييييييييين..
صرنا اربع من المنتدى بروح امريكا ..والفال للباقين..