السلام عليكم
امس نزلت لكم صور غذانا يوم امس
واليوم جايتنكم بغذا اليوم
ما اطول عليكم
اول شي برايكم الجهاز اللي استخدمته
هذا هو البيزا ميكر بس اني من النوع اللي استغل الاجهزة لاكثر من شغلة
يعني ما يعجبني الجهاز بس يكون للبيتزا
اللي ما عندها الجهاز مو مشكلة قبل اني كنت اسوي نفس الوجبة بس في مقلى على الجولة
ويكون للمقلى غطا واخليه على نار هادئة واذا ما عندكم غطا الالمنيوم ما يقول شي اهم شي
تحكمون البخار وتستفيدوا منه
ألحين نجي للوجبة الرئيسية هي عبارة عن بطاط اقطعه شرايح واملحه خفيفة واحط وياه شويه زيت وسيدا في الجهاز
يبي ليه ربع ساعة على ما يتحمر ويطلع بهالشكل
واذا نضج انشيله ونخليه برد
الحين نجي للدجاج ويفضل هالشغلة تسونها قبل ما تبدون في البطاط علشان تستفيدوا من الوقت
تجيبون
دجاج وقطعونه مكعبات لو شرايح
والخضار عبارة عن طماط - فليفلة - بصل شرايج - فطر نص علبة
والصلصة عبارة عن
عصير ليمون - صلصة صويا - ملح وبهارات - صلصة طماط ولا تنسون التندوري
مع الزنجبيل المهروس والثووم كله تخلطونه مع بعض
ألحين تخلطون الدجاج والخضار مع الصلصة وتتركونه بالثلاجة تقريبا نص ساعة بس اذا ما عندكم
وقت عادي تقدرون تواصلون الشغلة
ألحين تجيبون الخلطة وتصبونها في الجهاز ومثل ما قلت لكم اذا ما عندكم مو مشكلة في المقلى
وتتركونه ربع ساعة وبعدين تقلبون
بتلاحظون بعد الربع ساعة انه نزل ماي واجد فحاولوا تتخلصون منه ولواستخدمتوا مقلى تركوا الطبق مفتوح
علشان يتبخر
بعدين تضيفوا البطاط المقلي وتقلبونه وتتركونه ربع ساعة لو عشر دقايق ويكون كل شي جاهز
وهذا طبقنا صار جاهز
يتبع ..............]
التعديل الأخير:
