هل يوجد عرس اسلامى ا===

[غيوووض*]

انتشر فى الاونه الاخيره عرس اسلامى وعرس غير اسلامى والفرق بنهم هو عدم وجود الاورج مع الطقاقه هل هو حرام ام لا افيدونا

 

[غيوووض*]

وين مشاركاتكم بنات==

 

[الغلاااااااكله]

اختي الغاليه

مافيه شي اسمه عرس اسلامي

حتى اللي يقولون عنه عرس اسلامي تلقين فيه حريم متفسخات ولابسات العاااااااري

لكن هالاسم يطلقونه على العرس اللي ( لا ) يوجد فيه معازف _ مثل الموسيقى والمزمار ..الخ وتوابعهم _

وبالتأكيد ان هالامور حرااام

حياج ربــــــــــــي

 

[~ تسبيـــــح ~]

مثل ماقالت اختي الغلا ..
تدرين ان كل المعازيم انتي تشيلين ذنبهم ؟!!!
اللي تجي متعطره وهي مع السايق !
واللي لابسه النقاب والميك اب حدّث ولا حرج !
والمتفسخات ع قولتها ...!
الله يرحمنا برحمته ويغفرلنا زلاّتنا ..
هدانا الله وإيّاكِ

 

[رقي]

السلام عليكم ورحمة الله وبركاته
في عرس اسلامي وحده مسويته الاغاني عبارة عن اناشيد
وحاطه سله كبيرة المتفصخه تعطيها شاله تلبسها
بس بصراحه كلش مايسوا بالاسم اسلامي
واهوا لا اسلامي

 

[تفاحة حمرة]

ودي والله اللي تكتب على كروت الدعوة عرس اسلامي والرجاء الاحتشام ممنوع العري ونحط اناشيد بدال الطقطقه اللي تشيل قلبج وتعوره وتصير ظاهره ويقلدونها النااااس

 

[عسولة الكويت]

كلها فيها معاصي ومفصخات مافي اسلامي ومو اسلامي
تروحين اسلامي بدون اورغ وكل الحريم مفصخات شالفايدة ذنوب في ذنوب

 

[امـــــل مقتول]

حلوووو العيون

موضوع دايم يخطر ببالي بس ما فكرت اطرحهـ
سبقتيني بس ما عليه بالمنتدى الثاني

اول شي انا ما اشوووف فرق بين الاثنين لا يقلون هذا في طبل وما ادري شنو والثاني عادي

العرس عرس واحد .... (( طقطقهــ واغاني ))
واذا عن الحرام والحلال فألي مدين يعني يقولو بحط
عرس اسلامي انا ما اتوقع في عرس اسلامي الحين
فلشكه للمدين ما يحط عرس احسن


تقبلي مروري البسيط.. عاشقة راشد

 

[ام سارونة]

موووووووووضوع مهم جدا
واعتقد ان الحين لااااافي عرس اسلااااامي ولا شئ
قبل كان في اشعااااار للعرس فقط بدووووون فخفخة وبهرجة
الحييييين مظااااااااهر واسرااااااااف والله يعييييييين
بس الله يرحمنا برحمته .....

 

[الكويتـ80ـية]

شكراً لكي اختي الكريمه على هذا المشاركة

 

[مسك]

نــفـــــس الشــــي

انا مره رحت عرس قالو انه عرس اسلامي

ماشوف فيه فرق عن العرس العادي

الي فرق علي بس انه طيران بس بدون اورغ​

 

[اعييز]

اريح شي الاستقبال .. وفكي عمرج .. لا ناس مادري شلون قايله ولايخورونه عليج ملوت الدي جي ويحطون لج اغاني مش ولا بد ومايبقى تجكجك ولا اورغ الا وحاطينه .


ملاحظه / مسمى عرس إسلامي غلط ، ماكو شي بالاسلام اسمه عرس اسلامي وعرس غير اسلامي ..!! خو كلنا مسلمين ^_^


اما عاد ان مايكون بدون هالتجكجك فلأن هذا اللي مشروع واللي فيه دليل على جوازه والباجي من التجكجك والاورغ والخرابيط ماتصير



وسلامتكم وتعيشون

 

[طماشه]

مشكوره أختي على الموضوع

انا ماعندي خبره بهالمواضيع لان فاكه روحي ماأروح عروس
ولااقدر أفتي ​

 

[om el7elwen]

انا اشوف ماكو فرق والاغاني فيها كلمات حب وين الاسلامي

 

[رماديه]

أول شي احب اقولكم إن العرس مو حرام لأني مره شفت شيخ بالتلفزيون قاعد يقول ان العرس مو حرام لأنه فيه اشهار بالزواج واشلون يتم الاشهار غير بالعرس والرسول عليه الصلاة والسلام امرنا بإشهار الزواج وبعدين العرس فرحه ولازم الناس تستانس وتفرح مو اتحزن!

وسالفة عرس اسلامي مادري ديجيه اسلامي كلها خرابيط وكلام فاضي ولا تقصون على عمركم ابهالكلام لأن الاغاني نفسها إهي الاغاني اللي تنحط ابموسيقى والا بدون موسيقى والكلمات وحده وكلها كلمات حب وغزل.

والله سبحانه وتعالى يحاسب كل واحد ونيته( انما الاعمال بالنيات ) يعني اللي يايه علشان تندمج وتنطرب ويا لأغاني هذا حرام واللي يايه علشان تتطمش واتعيب هذا حرام واللي يايه علشان اتأدي الواجب لأنه الناس عازمينها وتبي اتباركلهم بالعكس هاذي مافيها شي ويجب ان يكون هناك استنكار في قلبها اذا شافت شي غلط وبس ... وبعدين الاخت اللي قالت ان انتي اتشيلين ذنب المعازيم شالسالفه كل ذنبه على ينبه والله يحاسب كل شخص على عمله هو واللي تبي اتفصخ ذنبها على ينبها احنا ما قلنالها تفصخي وتعالي واحنا بريئين من ذنوب الناس.

 

[[]نهاوند[]]

اذا كان قصدهم أن ما فيه موسيقى ولا معازف فهذي هي الأعراس من عمرها يجبيون لهم طقاقه اتطبل على طيران وطبول بدون موسيقى

شحقه يسمونه اسلامي ؟؟؟؟

استغفرالله العظيم كل شي بيكشخونه لزقو فيه كلمة اسلامي​

 

[أغلى حبيبه]

عرس اسلامي كله مفاصيخ

ونفس الاغاني بس بدون موسيقى

 

[منوله]

شوفي حبوبه اهوا العرس بحد ذاته مو حرام بس البلاوي اللى تصير فيها مفاصيخ واللى قصير حده وترقص شرقي يعنى شوفوني والا اذا يه المعرس وحطو اغنيه قامت رقصت جدام المعرس بس شنو في بعضهم مايحطون دي جي اغاني واورق لا يكون نفس الاغاني بس طار بس هذا الفرق

 

[عالي مستواها]

العرس مو حرام لكن المحظورات اللي فيه حرمته

وكون أهل المعرس يحاولون يقللون من المحظورات أو المحرمات فهذا لا شك أنه شي طيب ونشجع عليه

واللي تقول أهل المعرس يشيلون ذنب المعازيم اللي جايه مع سايق ومتبرجه .. لا حبيبتي لا تز وزره وزر أخرى .. محد حادهم يتعطرون ويجون مع سايق وأهل المعرس ما حلفوا على المعازيم أنهم ما يغطون وجيهم

ياليت ناخذ الدين على أصول .. أهل المعاريس حتى لو أنهم مطاوعه من حقهم يفرحون بعيالهم .. الدين أحل الفرح طالما أنه ما فيه معازف أو الآلات الوتريه مثل العود والقانون والأورج وغيرهم

ونفس الشي بالعزايم .. يعني جذي المطاوعه ما يعزمون أحد لأنه بياخذون ذنب اللي متعطره ومتمكيجه ؟

مثل ما قلت طالما أنه الأناشيد إسلامية بالدف مافيها محظور من الآلات الموسيقية وكلماتها مناسبة ما تخدش الذوق .. وطالما أنه بس حريم مو داخل عليهم رجال حتى لو المعرس بروحه ما يجوز دخلته

على الأقل شي أرحم من شي .. واللي تبي تتفصخ لنفسها شكو أهل العرس يشيلون وزرها

 

[غير كل الناس]

الله يتوب علينا