هل يضر السونار من اول شهر؟؟

[caribou]

السلام عليكم

بنات انا سمعت انه السونار بأول شهور يضر الجنين وانا راجعت عند الدكتوره زينات بدار الشفا وسوتلي سونار وانا توني اول شهر حقي قالتلي عشان أجيك على جيس الحمل واذا كان الحمل داخل او خارج الرحم،، وناس يقولون دار الشفا استغلالي اخاف سوتلي بس عشان تاخذ فلوس؟؟

سؤال ثاني
حبوب الفوليك اسد شكثر استمر عليهم؟ لانها صرفتلي علبه وحده تكفي شهر

 

[ghadeeeer]

أكيد ما يضر لأنه موجات صوتية مو أشعة سينية ومالج شغل باللي يقول يضر بولدي كنت كل أسبوع تقريبا أسويه عيارة حريم مو أكثر ولأني بجرية كنت أوسوس وكاهو اسم الله عليه مافيه شي ربي يحفظه وماااااااااااااااااااالج شغل بكلام النت ترا يهولون عالفاضي
وبالنسبة للفوليك أسيد بالرابع وقفته

 

[Meeesh]

لا طبعا مايضر
لو يضر ماسووه لنا..

الفولك اسيد لمدة 3 شهور

 

[سوزي الشرقية]

ماما غير هوسونار عادي حتى اني في بداية حملي سوت لي سونار عشان تشوف كيس الجنين ونبض الجنين وكم عمره وكل موعد اروح لها تسويه لي عادي لوهو يضر ماسووووه لينا الي يضر اتوقع الي هي الاشعة الصوتية لان يسووووها تقريبا 4مرات فقط خلال فترة الحمل

 

[سوزي الشرقية]

وحمض الفوليك اسيد 3شهور الحمل الاولية

 

[caribou]

مشكوووورين بنات طمنتوني لاني بجريه ونوعي أوسوس وخوافه،، ماقصرتوا يعطيكم العافيه والله يتمم على كل حامل آميين

 

[عاشقة لندن]

بحملي كل شهر يسولي سونار و اول شهر سويت سونار داخلي مايضر

الله يتمم عليج ياقلبي

 

[ابدا يالغالي مانساك]

اذا قصدج بسونار العاادي ماتوقع فيه شي

ام السونار الدااخلي مو زين يسبب اجهااض كفينا الشر

الفوليك تستخدميها 3 شهور ​

 

[kuwaitiya_84]

حبيبتي احسن مستشفي دار الشفا ولا تحاتين لازو سونار حتي لو حكومه اول شهر يتاكدون من جيس الجنين والحمل طبيعي لاتحاتين والفوليك اسبد كثر ماتقدرين اخذي لاتوقفين حتي بعد الولاده وااااااااايد زيييييين اخذي علي طول

 

[الجوهرا]

ماقصروا البنات

 

[ملاك ^ الحب]

حبيبتي عادي حتى السونار الداخلي عادي

وماعليج من الي يقول يسبب اجهاض انا الدكتور يسويلي سونار داخلي اول الاسابيع من الحمل

لان السونار الداخلي يكون بس بالمهبل ما يحوش عنق الرحم


والفوليك اسيد 3 شهور تستمرين عليها

والف مبروك حبيبتي والله يتمم عليج

 

[وحيدة اخوانها]

اكييييييييد ماااايضر
عشان يشوفون الحمل
لا موعشان يبون فلوس
والفوليك اسيد
تشربينه لمدة
٣اشهر

 

[زمردة مشعة]

البنات ما قصرو . الله يتمملج على خير .

 

[" ذوق "]

حتي انا خايفه نفس المشكله

 

[ام الحلوااات]

مــبـــروووك عــســى اللــــه يـــثــبــــت حـــمـــلـــج ويــتــمــم عـــلــيــــج
اخــــــــذي راااحـــتــــج بـــاالـــسســـونـــاااار عــــاااادي مــــايــــضـــــر

 

[نبنوبه.!]

السونار ما يضر و حتى السونار الداخلي ما يسبب اجهاض لانهم ما يادوب يدخلونه بالمهبل وانا سائله الدكتور عنه

والفوليك اسيد ٣ اشهر

عسى الله يتمم عليج وعلى كل حامل