هل يصير التحويل من المعهد التجاري لكلية التربيه؟؟

[منوله كويتيه]

مساكم الله بالخير

عندي استفسار مهم

بنتي حاليا تقدم امتحانات الثانويه العامه اللي آخرها باجر

وهي بالقسم العلمي ،،، وخااااايفه ماتييب نسبه تؤهلها لدخول كلية التربيه - تخصص رياض أطفال لأن حلمها تكون أبلة روضه

شافت اليوم النسب المطلوبه لكلية التربيه أدناها 70%

ضاااااااق خلقها

فسؤالي هل يجوز تقدم على أساس تنقبل بالمعهد التجاري وعقب قبولها تاخذ مواد قسم رياض الأطفال وتخلص عدد وحدات محدد بتقدير زين وتحول عقبها لكلية التربيه ،، مثل نظام الجامعه في التحويل الداخلي ؟؟؟

ربي يسعدكم طمنوني

 

[كويتيه سبيشل]

حبيبتي ان شاء الله تيب خوووش نسبه تفرح وتفرح قلبج

بس عن التحويل ماادري والله

 

[غلا عدوان]

آيه يصير آكيد ..
لـ التربيه الاساسيه ..3 نقاط ونص
وللجآمعه آعتقد 4 نقاط ..
وان شاءالله ماتحتاج وعلى طوول تروح المكان اللي تبيه

 

[ايماني قوي]

السلام عليكم

اختي العزيزه لا ما يصير تحولين للجامعه بسسسسس التربيه الاساسيه

ويصير اذا اجتازت اكثر من 15 وحده وبمعدل لا يقل عن 3 و60 نقطه على طووول رياض اطفال

واذا تبي فنيه 3 بضبط مع التربيه البدنيه بس بشرط لازم تجتازين امتحان القدرات والاغلبيه بواسطه

انا حولت اقتصاد منزلي (( علوم اسره )) بمعدلي 3 و87 بس اهم شي شدي حيلج ترا التجاري سهل حيل بس اهم شي تبينين قدام الدكاتره انج شاطره وجايه عشان تدرسييين ..

 

[||89-Ko0okH||]

اختي بقولج اللي عندي

انا مثل بنتج كنت علمي

وماقدرت ادش التربيه الاساسيه لان نسبتي اقل من ٧٠

ودخلت التجاري ع الكورس الثاني

والحين معدلي يبت٣.٨٠

وان شالله ناطره التحويل واحول

بس الجامعه ما يصير


بس اذا اطرت تدخل تجاري

ظروري ماتخالط بنات وايد

واذا كلش بس زماله علشان تسالهم اذا احتاجت شي

لان لو رافجت بنات راح يلهونها عن الدراسه


والله يوفقها وتيب النسبه ولا تشوف التجاري

 

[KelyAmanii]

اللي أعرفه يصير تحول لـ التربيه الأساسيه بس



وان شاءالله تييب نسبه عااليه وتدخل المكان اللي تبيه

 

[منوله كويتيه]

كويتيه سبيشل

غلا عدوان

ايماني قوي

ام عطوه

kely amani

ربي يسعدكم ويريح بالكم ويطمن قلوبكم مثل ما أسعدتوني وياها وريحتوا بالنا وطمنتوا قلوبنا

يارب يتقبل ردودكم بالخير علي بميزان حسناتكم ويوفقكم بدراستكم

 

[وٍنْة خٌفْوٍقٌ]

منــوله الله يوفق بنتج وينولها الي فبالها وتشوفينها باعلى المناصب

انا ماعندي فكره والله بس حبيت اسأل اذا عندج خبر متى يفتحون التسجيل في التطبيقي للكورس الاول

ياليت تفيديني اذا عندج خلفيه عن الموضوع

 

[ام احمد Q8]

انا اعرف وحده معاي بالكليه يايه من التجاري
يابت ثلاث نقاط وحولت

الله يكتبلها اللي فيه الخير ان شاءالله

 

[نيــــروز]

هم بعد رفيجتي شدت حيلها واخذت باول كورس اي كلهم

وحولت للتربيه

عسى الله يوفقها

 

[مرمووور]

يصير من تجاري لتربيه الاساسيه
بشرط تجتاز 14وحده ويكون معدلها فوق الـ 3نقااط
بالتوفييق لهإ يارب *

 

[قدساوية 99]

حبيبتي يصير بشرط تجتاز 14وحده ويكون معدلها فوق الـ 3نقااط وان معدلها بالثانوية مو اقل من 70 % لان اذا كانت نسبتها بالثانوية العامة اقل من 70 مايصير تحول واذا حابه تتاكدين سالي التسجيل بالتجاري

 

[غلا الرووح]

بنااات شلوووووووون احووول ادش التجااري شلوون اي قسم اي تخصص ((ترى انا كلش ميح مو فااهمه شي
خااايفه ماااجيب نسبه وابي اصير مدرسه روووووضه

 

[منوله كويتيه]

ونة خفوق

ام أحمد q8

نيروز

مرمووور

قدساوية 99


يارب لاخلا ولاعدم منكم ،، مشكووووورات حبيباتي انتوا وخواتي اللي جاوبوني بالأول على لطفكم وتجاوبكم معاي

أدعيلكم بظهر الغيب ربي يعطيكم كل ماتتمنون ويسعدكم

ونة خفوق ،، ماعندي خبر عن مواعيد التسجيل بس الأكيد بعد ماتطلع نتايج الثانويه

يارب برد قلبي وقلب بنتي وقلوب اللي مثلنا اللهم آمين

 

[منوله كويتيه]

وهذا بوكيه ورد مني لكل وحده منكم