هل يحق للناظرة ورئيسة القسم معاقبة المعلمة على الغياب المرضي؟

[الزورق222]

الله يشفيج اختى ..غريبة مديرتج والرئيسة متفقات على الظلم كل الثنتين هذ الغريب الله يعينهم على انفسهم ويهديهم ..
اهم شى صحتج ولاتطولين لسانج عليهم مايستحقون صراحة انتى اللى راح تتعبين زيادة ..اذا مااعطوج حقج اللى تستحقينه اشتكى عليهم ..
​

 

[أم جوري]

اهم شي صحتج
ولا تقرير الامتياز شنو بيسوي ؟؟؟؟
15 سنة موظفة كنت اشتغل شغللللللل ولا مرة عطوني مكافأة او قدروا تعبي
صح اخذ امتياز بس مكافاة الاعمال الممتازة تروح للحبايب وكذلك الترقيات

محد يقدر يحاسبج على الطبيات
بس يقدرون يحولونج مجلس طبي او اذا تاخرت في تسليم الطبيات يكتبون فيج انقطاع عن العمل وبالتالي يوقفون الراتب !!!
سوها فيني مرة بس ربج كريم ...
قعدت سنة بدون راتب
وبعدها قدمت كتاب لمدير المنطقة مع التقارير الطبية وكنت وقتها سويت عملية ...
ولله الحمد رجعولي رواتبي كلها

 

[جـمـان]

هالحريم ولله ميــانين .. شفيهم يــنوا وقعدوا ؟؟

مو من حق اي وحده تتحكم بغيااابج و تعاقب , لج حق غياب
لي 15 يوم و يومين عرضي كل كورس . اذا زاد حزتها يخصمون .

هالمديرات عبالهم اذا بيـدهم التقرير يقدرون يذلون الوحده .. ولا كأنهم كانوا ابلات قبل
و مرضوا وصار عندهم ظروف . لااااااا تخلين احد يذلج عالتقرير مهما صـــــــــــــار .
امش سيده يحتار عدوك فيك .

 

[ناتشوو]

انا من راي الباسمة
لا تفكرين وتشغلين بالج مع التقرير والامتياز
فكري بصحتج وراحتج وخير ياطير ماعطوج امتياز
غيبي ولو تروحين مجلس طبي احسن
عالاقل الجدول يتوزع حتى رفيجاتج يعرفون شغلهم واللي عليهم وماعليهم
لأنهم الحين مو ماسكين صفوفج ولا درجات البنات

 

[ناتشوو]

وبعدين هذي حركات الحريم اللي تكثر الغياب مهما كانت ظروفها حتى زميلاتج بالقسم
يتضايقون منج
خاصة اذا كانو اصلا مضغوطين من الشغل

 

[جيتك تعال]

حبيبتي دام غياابك مرضيات لا تردين على اكبر رااس فيهم

بس انتي اعتقد انج تتواصلين معااهم بالتيلفوون عشان جذيه يسموونج بالكلاام

مالج شغل فيهم والزم ما علييج صحتج ... واذا عالتقرير مو مهم داامج تعباانة خليهم يشربون من البحر

الله يشاافيج ويعاافيج