هل يتعامل بيت التمويل الكويتي بالربا !!!!!

[متوكلة]

السلام عليكم ورحمة الله وبركاته

في الحقيقة استغربت كثيرا عندما عرفت ان بيت التمويل الكويتي يعطي قروض ( كاش ) ويأخذ عليها زيادة وقت السداد !!! وهذا ماجعلني اذهب بنفسي لأحد فروعه وأسأل نفس السؤال وكانت الصاعقة بالجواب نعم !!! والأدهى والأمر عندما شرحت لي الموظفة المسؤلة عن القروض قالت كالتالي :

تذهبين لأحد الشركات التي نتعامل ( ونعطيكي بعض اسماء هذه الشركات ) معها مثل شركات اسمنت او حديد او اخشاب ثم تطلبين منهم عرض اسعار بقيمة القرض الذي تحتاجينه 5 آلاف او 10 آلاف ... وتحضرين لنا عرض الأسعار بالقيمة المطلوبة .. ونحن ( بيت التمويل ) نراسل هذه الشركة وننجز لك المعاملة (( على الورق فقط )) وبالنهاية تأخذين القرض كاش وطبعا سداد مبلغ القرض يكون اكبر من القرض نفسه !! على اعتبار انني اشتريت اخشاب او حديد او اسمنت وانها عملية مرابحة وتمت عملية الكاش بسلام !!!

وانا لا اشتريت لا اخشاب ولاحديد ولاهم يحزنون !!!

مجرد تحايل بالورق علشان نصل اني اخذ قرض كاش والعملية على الورق مرابحة !! وهمية !!!

هل اقول لربي انا اشتريت اخشاب او حديد عن طريق بيت التمويل واخذت الفلوس وهي عملية مرابحة؟؟!! وهل رب العالمين لايعلم انها معاملة على الورق فقط !!!

بصراحة استغربت وماعندي تفسير !!

عندكم بيت التمويل اسألوه ويمكن احد يفيدنا بهالموضوع !!!


تحياتي للجميع ​

 

[غيـ الناس ـر]

حبيبتي هذا يسمى تورق وموجود بالشرع ومافي اي دليل يدل على تحريمه


وهم بالواقع يشترون الحديد او الاسمنت ويبيعونه ويعطونج القرض


ولا تخافين هالمسأله واصله لمشايخ من السعوديه وأكدو على عدم حرمتها

ويا بنات الله يخليكم ترى والله المسائل اللي فيها الاموال والاسهم صعبه صعبه صعبه مو اي احد يفهمها .. الناس تدرسها سنين عشان تفرق فيها بين الحلال والحرام

وهذي العمليه يا حبيبتي تسمى التورق وبحثي فيها بالنت

 

[غيـ الناس ـر]

وياليت تتأكدين زياده بسؤال احد المشايخ المتخصصين بهالمسائل ومنهم


الدكتور نايف العجمي دكتور متخصص بجامعة الكويت ..

 

[TeAcHeR_BeZaRiN]

أختي الكريمة أكيد أنتي فاهمه الموضوع غلط من الموظفة طريقة المعاملة كالتالي:

عميل يراجع الشركة أولاً ياخذ عرض السعر من الشركة , ثانياً يراجع بيت التمويل القطاع التجاري بالضجيج أو أي من فروع القطاع التجاري تتم المعاملة ببيت التمويل شلون, بيت التمويل يشتري البضاة ولنفرض إنها بسعر 10000د.ك بالشركة لما يشتريها بيت التمويل يبيعها على العميل ولنفرض 12000د.ك يعني أرباحه 2000د.ك وبعد ما يشتريها ويملكها العميل وأبحت في حيازته بمعنى أن الشركة إفرزت له البضاعة اللي شراها ولها أيضاً رقم تسلسلي خاص serial no.لكل كيس اسمنت ويتم فرزها بمخازن خاصة للبضاعة المباعة, اهني انتهى دور بيت التمويل تماماً بحيث وفر للعميل البضاعة اللي يبيها لكن في عملاء يبون مبلغ كاش, في هالحاله يراجعون الشركة اللي أخذ منها العميل البضاعة ويطلب منهم بيع البضاعة وإعطائه المبلغ كاش طبعاً راح يخسر من أكثر من ناحية , أولاً الشركة تاخذ عليه عمولة مقابل بيع البضاعة وثانياً يبيعونها بسعر السوق يعني إحتمال أنه يخسر أيضاً من ناحية السوق ممكن يكون اشترى البضاعة10000 تنباع بعد اسبوع أو اسبوعين 9500 يكون خسر 500د.ك زائد العمولة اللي تاخذها الشركة , طبعاً العمولة تختلف من شركة إلى شركة منهم ياخذ 7% ومنه 5% منهم 4% على حسب الشركة , إذا بيت التمويل انتهى دروه من أول ما اشترى البضاعة وفرها للعميل وبعدين اهو العميل بنفسه يبدأمعامله جديدة مع الشركة حتى تبيعه لابضاعة سواء اسمنت أو حديد أو خشب المسمى الشرعي لها (التورق) طبعاً في ناس تقول الموضوع فيه شبه ربا, وغذا فرضنا إن في الموضوع شبهة ربا فبيت التمويل طلع منها لأنه ما تكفل أصلاً ببيع البضاعة فقط اشتراها للعميل والأصل إن ما فيه شبهة ربا وسبق إن وضعت رابط في أحدد الردود على إحدى الأخوات فيه فتاوى للشيخ بن باز أن العلماء إنقسموا إلى قسمين في موضوع التورق ومنهم يجيزونه ومنهم يحرمون واللي يجيزونه لأ، خطوات المعاملة شرعية تماما وتوفر فيها شرط مهم جداً وهو حيازة العميل للبضاعة وذلك مصادقاً لقول النبي (ص) : (لاتبيع إلا ما تملك) أي يكون بحيازتك وبعدها تستطيع بيع البضاعة أم الذين حرموه أو كرهوا التعامل بالتورق لأن فيه شبة ربا , وقد رد عليهم علماء المسلمين على مر العصور أن التورق لا شيهة فيه, وأيضاً ليس عندهم دليل لا من الكتاب ولا من السنة على تحريمه , والاصل في المور الحِل إلا ما حرم الشارع, أرجو ان يكون الرد واضح حيث أن بيت التمويل لا يعطي قروض نهائياً وانما معاملة التورق على أصول شرعية واضحة لا غبار عليها.

 

[متوكلة]

شكراً للأخوات المشاركات في هذا الموضوع ...

وانا كان لي رأي شخصي ... ليش بيت التمويل يدخلني في مجال انا ما احتاجة ولا لي فية حاجة .. يعني.. ليش يسوي لي معاملة بيع وشراء ... وعلى كلام ( تيجر بزارين ) يمكن ينزل سعر البضاعة على حظي ... واخسر اكثر واكثر ... ليش كل هاللفة الطويلة العريضة ...!!!

انا محتاجة كاش ( على سبيل المثال ) يخلوني اشتري بضاعة مااحتاجها ليش ؟؟

وبالمناسبة ...انا سألت عن ( التورق ) وهذا الموضوع اول مرة اعرفه ... واسمع عنه !!!... ونفس كلامكم ان هناك فتاوى تجيزه ...!!! مع اني غير مقتنعة بهذه الإجراءات !!! ولكن للتوضيح !!!


تحياااااتي​

 

[طماشه]

نو وي

بيت التمويل عنده هيئة فتوى وتشريع ما يطبقون اي شئ الا يستشيرونها والهيئه من كباااااااار العلماء وعلى راسهم محمدالطبطبائي وهو معروف بتشدده وكلامه ثقه بإذن الله دخلي على موقعهم وجيكي

http://www.kfh.com/AboutUs/management/al-fatwa.asp


اتمنى افدتج

 

[غيـ الناس ـر]

متوكله حبيبتي .. في امور شرعيه كثيره الناس ما تعرفها مو بس التورق

 

[متوكلة]

متوكله حبيبتي .. في امور شرعيه كثيره الناس ما تعرفها مو بس التورق

ومنكم نستفيييييييييييييييييييييييييييييد​

:eh_s(1):

 

[AnaMASHYA]

مشكورين عالافادة

 

[ام خالد99999]

يتعامل بالربا ومشلوعه عيونه انا كنت عميله عندهم انحشت منهم من المقصه على خلق الله

 

[غيـ الناس ـر]

حبيبتي ام خالد لا تتكلمين عن شي بصوره سيئه اذا كنتي مو متعمقه فيه وما تعرفين احكام الشرع فيه

 

[raw]

انا محتاجة كاش ( على سبيل المثال ) يخلوني اشتري بضاعة مااحتاجها ليش ؟؟

​

التاجر اللي يشتري شيارات من برا ويبيعها بالكويت محتاج السيارات؟
لا !! محتاج كاش
صح؟
مو بس تاجر السيارات حتى التاجرات بهالمنتدى وغيرهم بكل مكان اللي يبيعون البضايع هل هم يبون البضاعه؟
طبعا لا
اهم يبون الفلوس
والسوق بيع وشرا
لنتي شريتي بضاعه اكيد انج ما تبينها وتبيعينها عشان تستفيدين من فلوسها


يعني مو معقوله انج مو فاهمه

الله يهداج طريقتهم مقنعه 100%
والمعامله مو بس ع الورق
انتي اللي تمشين فيها
وبضاعتج انتي اللي تبيعينها
والشيك انتي اللي تقبضينه

الله يهداج بس كل هذا وما اقتنعتي؟

تقبلي مروري

تحياتي

 

[*بسبوسه*]

مثل ما قالو البنات طريقه شرعيه 100% \واهما يخيرونج اذا انتي تبين تروحين بنفسج تشترين الحديد او ما يعادله او اهما يقومون عنج بهالامهمه ويكون كل شي موجود بالاوراق00مافيها غش
ودام انه بنك اكيد بيستفيد
يعني انا الحين سيارتي شروها لي بيتالتمويل من الساير وباعوها لي بس باقساط يعني انا مو مطلوبه للساير مطلوبه لبيتالتمويل وبطريقه شرعيه اللي اهياالمرابحه

لا تخافين الناس بس قامت تشكك بالبن الاسامي وهذي من فتن الدنيا

 

[متوكلة]

الأخت الفاضلة raw

انتي تقولين :

(( التاجر اللي يشتري شيارات من برا ويبيعها بالكويت محتاج السيارات؟
لا !! محتاج كاش
صح؟))

وانا ارد عليك :

مافي وجه مقارنة طبعا !!! بين تاجر عنده الفلوس ويبي يربح ويزيد فلوسه .... ومع شخص محتاج اصلا فلوس ويقترض لأجل أمر ضروري ويقترض مبل ويسدد مبلغ اكبر منه بنسبة معينه ... !!!

ملاحظة :

اذا كان هناك فتاوي بالتورق الذي ذكر بهذا الموضوع فانا احترم الفتوى واسلم الأمر لذوي العلم ....
ولكن وجهه المقارنة بين المحتاج والتاجر ... في غي محله ... يخليج ربي !!! [/​

COLOR]

 

[أم معاذ و حورية]

الله يهديكم يا بنات ويصلحكم ما يصير الواحد يرمي التهم جزافا انتي على فرض انه من سؤالج انج تبين تعرفين بيت التمويل يتعامل بالربا ولا لآ ولا بتأكدينه هذا مو المكان الصحيح عندج الفتوى الهاتفيه وعندج ارقام المشايخ دقي عليهم وتأكدي أما سالفة غني وفقير يبي ياخذ القرض فهذا ماله شغل كل البنوك عندها قوانينها الخاصه في التعامل مع العملاء ومو معقوله ماتبينه يستفيد اهو بنك مو بيت زكاة وانتي قبل ما تاخذين القرض لازم تحطين بالج تقدرين عليه ولا لآ مو يعني ابي ضروره سياره آخذ بورش كل واحد يعيش على قده وكافي انج مرتاحه من الفوايد مو اتمين سنين ادفعين والقرض على حطته

اما موضوع التورق والمرابحه فهذا موجود من ايام الرسول عليه الصلاة والسلام والصحابه يعني ما يبيله فتوى اما اذا بمشي معاج انه والله يمكن يكون يتعامل بالربا اقولج هل شققتي عن قلبه هم امام الناس والله يتعاملون بالشريعة اما ماهو بالنوايا والسر فالمحاسب هو الله

فالله يخليكم يابنات ديربالكم علشان ما تأثمون

ان شاء الله ما تزعلون مني

اختكم في الله أم معاذ