هل يتحول الحب إلى كره..؟؟سؤال للجميع

[dalo0o3ah_kw]

انا اشووف ان الحب الحقيقي صعب يتحول لكره ممكن يموت بين الزوجين حتى لو الرجل خان كثير من الزوجات يسامحون ويسامحون ويتجدد الحب هذ حالة وفي حالات يوصل فيها الكره لأبعد الحدود بعد ما الحبيب او الزوج يخون العشرة ويستقل الحب ابشع استقلال يكون فيها من الصعب المسامحة او الغفران فيتحول لكره ماله حدود وشكرا​

 

[قانون كـيفي]

شوفي عندي قاعده

الي يكره انسان كان يحبه

فهو من الاساس ماحبه حتى يكرهه
​

 

[يرخصلك كل غالي]

اكييييد يتحوووول

 

[ماني من الناس]

ممكن

افعال الشخص الشينه اهي اللي تخرب عليه

 

[حورية الكويت]

نعم

 

[al505a]

انا برايي الحب عمرة مايتحول الى كرة
والقلب اللي حب بيوم مايقدر يكرة بيوم
يمكن من قوة جرحنا وصدمتنا نحسس روحنا ان احنا كرهنا
لكن لااااااا

 

[~ FOOSY ~]

مـــادري .!

ماجربت الحب ولا جربت الكره

 

[بنوتة رياضية]

اول شي يعطيج العافيه على الموضوع المميز

ثانيا بخصوص الحب الشديد هل يتحول الى كره شديد؟

نعم يتحول خصوصا لما توصل الى التجريح او الغدر و الخيانة خصوصا عند الرجل اذا أنجرح او تعرض لامر يمس كرامته من احد او تعرض للخيانه مستحيل يرد يحبه مره ثانيه لان

اهم شي عنده كرامته وفي قصة مشهورا بالكويت القصة اللي صارت بالمعهد التجاري

تقبلي مروري *

 

[قوقوش89]

انا برايي يتحول حق حقد انتقام بس ماتوصل حق الكره اذا كان صج في حب بينهم

لانه الي يحب عمره مايكره

 

[Tutti-Frutti]

اي يتحول حق كره ليش ما يتحول

اذا الشخص انطعن من اكثر انسان يحبه بالدنيا او خانه او صدمه بمواقف او تخلى عنه

اكيد كثر ما حبه راح يكرهه

 

[انين_الصمت]

تسلموووووووووون بنات على تفاعلكم وردودكم الي الكل يستفيد منها
كلكم اجمعتو ان ممكن ان الحب يتحول الي كره اذا الطرف الاخر
كان مو قد الحب هذا كله اما انه يكون خاين او مو كفو تضحيات
وانا من هل راي لآن كثرة التضيحه لشخص وبعد فترة تتأكيد
ان هل الانسان او الانسانه مو كفووووووو بمن كل قلبج
راح تندمين على كل شي سويتيه ومن دون شعور
راح تحسين ان الكره بدا يتسلل الي قلبج بعد ما
تنعاد ذكرياتج وتشوفين ان العين والقلب قبل
كان عمي ما يشوف الحقيقه بذاتها
صج شعور مألم

بس هم اتمني اشوف راي البنات اكثر
ودي اشوف ارااااااء وااااااااايد
علشان نجزم على اجابه واحده

 

[* بنت المطر *]

اي يتحول اذا كان اثر الصدمه اقوى من اثر الحب

فيه كره مؤقت مع الوقت يتلاشى ويرجع الحب اقوى وفيه كره مابعده حب وحسب درجة الموقف والصدمه

 

[مرا دلع]

ممكنين بعد
بس درجه الكره تعتمد على حسب الاذى اللي جااك من الشخص

 

[انين_الصمت]

يسلم لي مروووركم وردكم
ومشكووورين وايد على
تفاعلكم مع الموضوع
نشوووووف بعد ردوود

 

[one two 3]

طبعن يؤدي الى كره وساعات انتقااااااااام


بتقولون من شنو ؟؟




من الحره
من القهر
من الي يسويه جدامها سواء خيانه او غدر او يقص عليها او يستغلها ويجرحها

وهي المسكينه تحبه حب عمي
مثل ما غنو مسكينه تهوينه هو الي خانج وياها ما بين حبج بعينه


واخر كلامي


حسبي الله ونعم الوكيل علي يظلم او يجرح بنيه باي طريقتن كانت​

 

[غلاهـا غيـر]

من وجهة نظري

ان اللي يحب مستحيل يكره .

صحيح ان في خيانات وجرح
وحزن . والــم


لكن فتره وينتهي .. ومايوصل الى كره

الا في حاله وحده
اذا هالشخص ماحبيتيه
بمعنى ماكان له جزء وشعور منج ..




والله يكافيج شر الجرح والخيانه
والحب ...

 

[" ام حمود "]

اي يتحوول بس مو كل مره ع حسب الحاله اللي يكونون فيهاا

 

[تمنيته]

الحب الصادق النقي لايمكن يتحول لكره لو يكسرت مليون مره.. من صجكم انتو؟؟ يتحول كره مستحيل
الا اذا كان حب لمصلحه او حب نص ونص .. والله اعلم

 

[تمنيته]

ليته يتحول كره وافتك

 

[Denya-3'areeba]

يعتمد على حسب الشخص
انا بالنسبة لي مستحيل
اقرب مثال خالتي ام زوجي وايد اذتني سنين واهي ملوعه جبدي نقزات وتعليقات وحركات بايخه اكبر موقف صارلي معاها انها كانت السبب في زواج زوجي علي
حقدت عليها وقطعتها بس مع الوقت كنت اتذكر مواقفها الزينه وكان هالشي يشفعلها
صج مواقفها الزينه قليله وتنعد عالاصابع بس انا يبين بعيني ومتربيه عدل الحمدلله فأكبّر عقلي واترفع عنها
مابي اترس قلبي بالحقد والكره