هل هذا الحمل مهدد ؟

[شمووووخة]

مرحبا بنات انا حامل في الشهر الاول ومن اول ما اكتشفت اني حامل والام الدورة مستمرة معاي بشكل دائم لدرجة قبل كم يوم نزل مني بنيخفيف بعدين نزل اليوم دم وردي خفيف وبصراحة خايفة مع اني مستمرة على المثبتات
هل هذا الشي طبيعي وخصوصا سالفة الام البطن المستمرة وهل في وحدة صار معاها هاﻻشي وكمل حملها ارجوكم فيدوني

 

[ghadeerq8]

ماعندي فكره والله حبيت ادعليج الله يثبت حملج و تولدين بالسلامه

 

[شمووووخة]

ماعندي فكره والله حبيت ادعليج الله يثبت حملج و تولدين بالسلامه

مشكورة ياقلبي وجزاج الله خير

 

[اناظرك وكلي حزن]

الله يثبت حملج ويرزقج الطفل المعافاة

 

[ابدا يالغالي مانساك]

دامج حبيبتي تاخذين مثبتات ان شالله خير ونزول البني دليل انج مجهده روحج ومتعبه نفسج ربي يتمم لج علي خير والالام الدوره بالشهور الاولي شي طبيعي بس انتي راجعي والتزمي بمراجعاتج

 

[أأأميرة الورد]

الله يثبت حملج ويرزقج شوفة البيبي بصحة وعاافيه

لازم ترتاحين ولاتتحركين وايد

وان شالله اذا الله كاتبه لج بيثبت باذنه

 

[غرام القمة]

اب اب اب

 

[Mrs.H]

في ناس الدم يعتبر من علامات الحمل.. ومرات الرحم يتخلص من الدم الفاسد علشان يهيئ مكان لنمو البيبي.. اهم شي انج ترتاحين تمامااا وتنسدحين واكلي مهلبية عالريج واي شي فيه نشا زين وقطعي الفلفل بالمرررة وكثري لبن وروب وايس كريم

والله يثبته يااارب

 

[شمووووخة]

الله يجزاكم خير يا بنات طمنتوني الله يطمنكم الله يستر والله الحمل هذا جاني بعد معاناه
الله كريم

 

[مشتطـه]

شموووخه بأغلب الحالات هذا حمل مو سليم ويطيح

بس ترى في حالات قليله استمر حملهم


ف لا تاخذين على حجي البنات


هذا قدرة قادر

اهو ممكن يثبته وممكن بدون دم يطيح


اانا لاني ما احب سوالف احد يطبطب علي قلت لج الصج


انا رفيجتي مثلج وطاح البيبي

عسى الله يثبت حملج

انا مسافره ولعل دعوتي مستجااابه لج

 

[شطانه طفله]

:yaaaaaarb:الله يثبت الجنين يارب وتولدين بالسلامه

 

[شمووووخة]

مشكوووورين يا بنات اللي دخل وفادني حتى ولو بدعوة عسى الله ييسر لكم اموركم ويرزقكم من حيث لا تحتسبون واللي الله كاتبه بيصير
الحمدلله على كل حال ورب البيت كريم

 

[rachaaa]

حبيبتي انا خواتي الثنين بكل الحمل معهم يضل الدم واحده منهم ل 7 والله العظيم
ووحده منهم ع 3 يوقف توكلي عالله ادا اراد الله شي قال لها كن فيكون

 

[شمووووخة]

الله يسمع منج يا رشا ويكون ااحمل سليم الاه يطمن قلبج مثل ماطمنتي قلبي

 

[rachaaa]

والله ما اكدب ولا اجامل واختي يلا نزل منها ل شهر 7 كنت حامل بتوم حتي قالولها ان يمكن واحد فيهم ميت علشان شدي الدم ومشالله ولدت جبت بنت وولد ومشالله عليهم اللحين عمرهم 10 سنين

 

[ريتاج_90]

روحي لدكتور يفيدج اكثرر

والله يثبت حملج يااارب
ويرزقج بالذريةة الصصصالحةة

 

[شمووووخة]

رشا مشكورة ياقلبي الله يجزاج خير وعسى اللي يخلي عيال اختج لها ويرزقج ان شالله بالتوأم اللي يسرونج

 

[شمووووخة]

ريتاج مشكورة باقلبي على هالدعوة الطيبة

 

[برنسيسة2007]

حبوبه سالفة الدم عادي بس لازم ماتحركين الا للحمام فقط يعني دوام زيارات طلعات مافيه خليج عظهرج24ساعه لين يوقف الدم
اما من ناحية حمل مهدد :
اذا صار عمر الجنين8اسابيع اتروحين اتسوين سونار ويبين اذا فيه نبض واموره
طبعاً انا ليش قلت الاسبوع8 لان اغلب الحريم ومو كلهم مايبين النبض الا متأخر ويبهذلونها ويقولون كيس فاضي وخرابيط تتعب النفسيه
واذا خايفه ومافيج صبر تقدرين اتسوين تحليل هرموني الرقمي وتعيدينه بعد 48ساعه اذا تضاعفت النسبه معناته الامور اوكي
لكن ارجع واقولج لازم تستريحين عدل وم تلبسين كعب

وموفقه

 

[شمووووخة]

هلا برنسيسة حياتي مشكورة على مشاركتج وانا سويت كل اللي قلتي عليه وسويت تحليل الهرمون والحمدلله تضاعف وعسى الله يثبته ويفرحني بشوفته