هل هدوم المره و عطورها و مكياجها عليها او على زوجها اذا كانت موظفه؟

[Ms Zara]

حبيبتي كلن وضروفه .. انا سلفتي زوجها رافض انها تصرف اي ريال ع نفسها اوبيتها او حتى عيالها ..
كل شي منه .. للعلم هي ممرضه وراتبها فوق 12 الف

يعني كل واحد وتفكيره ووضعه المادي .. واذا مطفر اكيد بتصرف عليه بعد هههههاي

 

[&الماس&]

اصرف على نفسي وعليه اذا يبي هم انا حلاله اهم شي مااخلى الماده عثره بطريق حياتنا

 

[من يشابه ديرتي]

ان الرجال يشيل ايده نهائي من زوجته على أساس انها موظفه غلطططططططططططططططط
معاشها لها .. وهو ملـزوم بالدين والشرع والحق انه يصرف عليهـا .. على حسب مقدرته ..

 

[خالتي قموش]

اذا كلشي عليه
شحقه تشتغل
وتلم فلوس
خلها تقعد احسن

وبعدين حلو الاعتماد ع النفس
والحياة تعاون
مو فلوسي و فلوسك ومعاير
تراها وصخ دنيا
لا تركز على الكماليات وايد
سهالات انشاء الله
وبعدين هي ليش مو عايشه معاه وتبي فلوس
ما فهمت

 

[طلة شيوخ]

حطي هالقاعدة حلقة باذنج
( احنا متزوجين عشان نرتاح مع بعض و نحب بعض و نستانس مع بعض مو داشين حرب مع رياييلنا )
يعني اذا عندج راتب ليش تكسرين ظهر المسكين
كسري الحواجز اللي بينج و بين ريلج
يعني اذا عندي ليش اطلب منه ؟ صح استقطع مبلغ حق الزمن و بدون لا يدري عنه
لكن الباجي استمتع فيه
اهوا كافي عليه ماجلة البيت و معاش الخدم و مصرف اليهال و سفر

حتى بنظري السفر ما يمنع مثلا لو ولد الحلال قرر يسفركم تقوليله حبيبي الفندق علي او التذاكر علي .. كافي بيدفع دم قلبه بالصرف هناك

اما لما الزوجة على كلامج اذا تاركة البيت
اذا كان الريال عوي ... تطلع مصرفها منه من عينه حتى لو مو قاصرها شي
اما دلع منها و مياعة و عوابة .. لا والله تصرف على عمرها و تحفظ كرامتها


الحياة تعاون ... شراكة
الا في حالة حسيتي ان قام يلعب بالفلوس و بديتي تشكين في وحدة بالموضوع .. لا مصي فلوسه مص

و سلامتج

 

[معلمة شيسمونه]

طلة شيوخ كلامج عجبني حيييييييييل

انا قاعده اخطط شلون اتصرف بهالموضوع بالذات

لانه دخله حيييييييل ضعيف وودي اساعده لانه بالاساس ما يقدر يفتح بيت بمعاشه اللي عنده حاليا

وهو حاط بباله اني بساعده لهالسبب متيسره الامور براسه

انا ابي اساعده بسسسسسسس ما ابيه يشوف هالشي اجباري علي يعني ودي اساعده باللي يحتاج واللي ناقص
بس ما ابي التزم بشي يعني ما يحط علي الاجار وانجبر طول عمري ادفعه
او يخلي الماجله علي وانجبر طول العمر

اما سالفه مكياج وعطور وهالشغلات انا من اول حاطتهم على نفسي بس ما يمنع يشتري لي شي ماشيات

هالموضوع عافس مخي عفييييييييييييييييييييسه ولا عارفه من وين ابدا فيه


اسفه صاحبة الموضوع قعدت اتشكى بموضوعج اعذريني

 

[PuPa^^SWeeT]

والله اقلبي




اهووو من حقي يصرف علي



بس اذا مايقدر شيسوي



واذا يقدر



استقيييل و اقعد على راتبه

 

[خوووخه w]

شوفي حبيبتي معااش الحررمه لهااا ماله شغل فييييه الا اذا من كيفها تبي تحط وهذا طيب منها اما الرجال عليه الماجله والاجار والخدامه و الجهال واذا خذت منه مافيها شي عادي بس دام معاشي مكفيني وراهي علي ماله داعي اضغط على زوجي اذا كان معاششه ضعيف اما اذا قوي اخذ منه الرجال مايصير يظلون بايده فلوس ههههههههههه هذي حكمتي لازم تشطيب اول باول هههههههههه انا عن نفسي متفقه مع زوجي معاشي ما اجيسسه مخليته حق سفره او انه حق الشغلات الضروريه والحمدالله هو معاشه راهي وماعندنا التزامات اللهم ماجله للبيت بس والنونو جاي بطريق عسى ربي يبلغني شوفته بحضني حلوه لما تيفقون الزوج وزوجته ترا بشي

 

[جنوني نور عيوني]

مافيه وحدة مااتمنى زوجها يصرف عليها وهذا شرع ولافيه منه >> الوظيفه شي مكمل للتعليم لكن مو شي اساسي واجباري اني اكون موظفه واصرف على عمري مع الاسف بدايتها كانت المره تشيل روحهااا واهو يشيل البيت لييييييييييييما تمادوا وصرت اسمع انه فيه ازواج بطاقات حريمهم وياهم وين الرجوله بالله بهالموضوع وليش متزوجة؟؟؟ انتم ساهمتوا بهالخراب بحجة رااتبه ضعيف ومايقدر!!! طيب ليش يفتح بيت اذا مايقدر؟؟ ماكو وظايف العصر اذا فعلا حالته صعبه!! انا شخصيا موظفه بالدرجة الاولى عشاان ماأخلي شي بخاااطر امي حبيبتي وبعدها اصرف على الكماليات اللي ناقصتني لكن مصروفي الاساسي منه