هل ممكن اتوجبين انسانه ما اتوجبج و ما اتوجب احد ،،، حتى لو كانت اخت زوجج ؟؟؟؟؟

[tho tho]

رد : هل ممكن اتوجبين انسانه ما اتوجبج و ما اتوجب احد ،،، حتى لو كانت اخت زوجج ؟؟؟؟؟

شوفي يا اختي اوجبها وكسر عينها قبل فترة تزوجت حماتي وجبتها وانا لما ولادت ما وجبتني لا هي ولاخواتها ولا امها الي هي خالتي وعادي مطنشتهم ولا كأن صار شي ولا وازيدج بعد حريم حموني لما جو من العمرة الجاي والقهوة والحلو وما وجبوني من ولادت بس شسوي عشان زوجي اسوي كل شي

وجبتهم اكثر من مره بس ماكو فايده ما يستحون
ريلي قالي لا اتروحين لهم :d
اشكرج حبيبتي على رايج

 

[حوراء الرضا]

رد : هل ممكن اتوجبين انسانه ما اتوجبج و ما اتوجب احد ،،، حتى لو كانت اخت زوجج ؟؟؟؟؟

أوجبها علشان نفسي أنا الزينه مو علشان وجبتني ولا لأ

وإذا كانت من أهل زوجي بالعكس هذا دافع أكبر اني أوجبها واهي ماتوجب

أولا علشان خاطر ريلي علشان ارزه بين اهله

وثانيا علشان خالتي هم يقولون جنها خوش وحده توجب ومايهما القيل والقال وانا عموما مايهمني يتني ولا مايتني

ولا عزمتني ولا ماعزمتني

 

[tho tho]

رد : هل ممكن اتوجبين انسانه ما اتوجبج و ما اتوجب احد ،،، حتى لو كانت اخت زوجج ؟؟؟؟؟

ريلي قالي لا اتوجبينها
كلش مو شي ما احب جذي :/
اشكرج حبيبتي على رايج و مشاركتج

 

[أحلى همبه كويتية]

لا والله ما هم احسن مني بشي
اللي توجبني ووتقوم فيني اكيد بعاملها بالمثل

لكن اذا وجبتها وما قدرتني
على طول احط عليها اكس كبييييييييييييييييييييييير


وايد انقرصت من ناس وشفت العجب
فهذا كان قراري النهائي حتى لو يزعل



"عامل الناس كما تحب ان يعاملوك"

 

[احلى بنت بالدنيا]

شوفي لو مكانج ماأوجبها واعطيها طاااااااااااااااف هالكبر

بس لو أنا بحياتي العادية اوجب واوجب واوجب 100 مرة وماأنطر شي من أحد .. سوفي انا ياما عطيت هدايا وعزايم بكل المناسبات زواجات وولادات .. بس مايني شي لأني مومتزوجة .. نصيب

 

[أحلى الألماس]

رد: رد : رد: هل ممكن اتوجبين انسانه ما اتوجبج و ما اتوجب احد ،،، حتى لو كانت اخت زوجج

خل تستررررريح ماتوجبني واوجبها ليش من تكون
بس كل وحده ولها ظروفها لو بررت لي انها ماقدرت ومن عالكلام
اعذرها اما انها توجب الناس وماتخلي احد وانا لا
بالسلامه أعطيها اكبر طااااف

 

[HaYoOoMa]

اذا حماتي مو راعية مواجيب

اوجبها مره اذا وجبتني عقبها وجبتها اذا حقرتني والله ماني ملزومه بحقرهاااا

 

[الحلللوه]

الله يهدي المسلميين ادعيلها خيتو نصيحه اذا واجهتي مشاكل عقييمه ادعي باذن الله بتنحل ياااارب صلوووعالنبي

 

[الحلللوه]

نصيييحه لاتنتظري الشكر من احد اعملي الخير وخليكي متعلقه بالله وان هالعمل لله

 

[جولينار]

داائم احنا نسوي خير وننتظر الرد


هالشي غلط

لأني اتعامل بأخلاقي اوجبها عشانه حق علي وصلة رحم وراح أرضي ربي بهالشي

مو عشان سواد عيونها او حبا فيها

ابي ماعند الله ,, مابي منها شي


هنا يبان الامتحان اذا انا اتعامل عشان الله والا عشان الناس ورغباتي ,,


على فكرة انا احاول اجاهد نفسي واطبق هالشي

مع انه يصعب ع الانسان بس لله كل شي يهون ,,,

 

[كاجـــو]

والله امي كل ماتولد وحده تسوي لي استجواب وماتفك عني ليما تعرف اني وجبت<<فديتها:eh_s(7):

بس بالفتره الاخيره سويت لسته للمواجيب نوعين:krkrkr:
ناس اوجبهم حتى لو ماوجبوني<<من باب سوي خير وارميه بالبحر

وناس اوقف لهم بالمرصاد:ggdw:<<ماوجبوني ما اوجبهم

حشى لو قاعد على بنك الراجحي فلست:krkrkr:

 

[الغلاااااااكله]

انا عندي قاعده اعامل كل شخص حسب تعامله

اللي تجيني اجيها واللي ماتجي ما اجيها ومالها حق تتشره بعد

 

[tho tho]

مشكورين حبايبي على ردودكم و مشاركتم ما قصرتوا