هل ممكن ألوم الريال الخاين ؟؟

[كلي ثقه و سنع]

بسم الله الرحمن الرحيم



ابيج تتذكرين لما تروحين السوق وتشوفين شي يعجبك

لما تتفرفرين بين المحلات و البضاعه

ملابس ( اخر موضه ) الوانها و موديلاتها

تحتارين شنو تاخذين

اخذ هاللون ؟

او هالقماش او هالنقشه ؟؟
:klhfl:


احنا الحين باخر زمن ( زمن الفتن ) اللهم ارحمنا

الريال يحب الزين و يشوف هالبنات

يزوق قلبه عليهم

الطويله وام شعر فاحم

واللي عطرها واصل اخر الديره


مثل ما احنا نزوق علي البضايع

بعض البنات خلت روحنا مثل البضاعه ( هي راضيه تكون بالوصف )

بضاعه تمشي و تعرض نفسها
عاد هي متعمده او مو متعمده بس طالما جابلت المنظره و تزينت و هي تدري بتروح مكان مختلط
معناها حاطه في بالها ان يمكن احد ينظر لها بطريقه ( x)

يعني ما يبقي سايق بالمواقف - اللي ينظف المجمع ٠ عامل الصيانه

انا احط هالنماذج لان اكثر ناس محرومه و عينها تشفي علي البنات و الحريم

هذا لما يرد البيت شنو يسوي ؟؟ مو رح يفكر في البضاعه و يشتهيهيا ؟

انت ترضين احد يفكر فيك جذي ؟؟



المتزوجه اللي تشوف او تحس او تشك ان زوجها صار بصباص

من باب بعيش مره وحده خل ادلع عمري او اجرب شي جديد ( استغفر الله )

يمكن يبي يقضي وقت و يسمع كلام حلو و يمكن يبي يكمل بعلاقات اكثر حرمانيه ( اعوذ بالله)

اللي متأكده منه ان

ماكو واحد صاحي يسوي جذي

اما سوا جذي بلحظه ضعف

او

قله دين وما عنده احد كبير بالعايله يخاف منه

او

قص عليه الشيطان بلحظه:0bee2e8d89:

احنا كزوجات هل مطلوب منا ان نسامح و ندعي له بالهدايه و همن نذكره بالله و رجعه للفطره و الطهاره ؟؟

او نفضحه و هي خاربه خاربه ؟؟


شنو في نظركم نسوي ؟؟ اذا حطينا بالاعتبار ان احنا باخر الزمن و القابض علي دينه كالقابض علي الجمر ؟؟

هل هذا عذرهم ؟
​

 

[أنا Top أنا]

رد : هل ممكن ألوم الريال الخاين ؟؟

كلامج سليم و100%

بس ستشويـــــــــــن؟ ؟ اذا اهو عاجبه الوضع ورجال طول بعرض ويعرف الدين ويعرف الحرااام شتعلمين فيه ؟؟؟

اهو عارف كل شي بس.. عينه زاغت .. تبطين عينه ؟؟ ما تقدرين الا اذا جا الشي من رب العالمين وهداه رب العالمين

وعسى ربي يهديهم آمين ...

 

[wafa82]

رد : هل ممكن ألوم الريال الخاين ؟؟

لا الخاين ماله عذر باي حال من الاحوال ينطبق على الريال والمره يعني المره لو غازلها ريال احلى او اغنى او اكشخ من ريلها لها عذر انها تعطيه ويهه وتمشي معاه ويسووون علاقه وانا اقول المره والريال نفس الشي هم المره عندها احساس بس لان المره مو مهم عندها الاشياء الماديه واهم شي عندها بيتها وعيالها نلاقي الرياييل يخونون اكثر والله يستر علينا من هالزمن اللاغبر وشكرا على الموضوع النايس

 

[FeShinGoOo]

رد : هل ممكن ألوم الريال الخاين ؟؟

اذا مرته مقصره معاه
لا شكل ولا اخلاق ولا ريحه ولا اهتمام وتشوفينها طول الوقت زوارات ويمعات ولا تنام عند اهلها بالاياام ومخليه الريال ماتدري عنه ماينلااااااااااااااااااااااام

 

[الأميرة جوري]

رد : هل ممكن ألوم الريال الخاين ؟؟

اللي علينا الدعاء له والتذكير بالحساب والعقاب والقبر والنار .. لان اذا الله ما هداه ماراح يهتدي ,,,, وممكن نسامحه اذا تاب .. والله يقبل التوابينن ليش احنا ما نسامح وننسي ونفتح صفحه يديده ...مع ان الشرع حط حد واهو القصاص

 

[نور78]

رد : هل ممكن ألوم الريال الخاين ؟؟

عليج بالدعاء ثم الدعاااء ثم الدعاااء اذا الزوجه مقصره اتعدل بنفسهااااا اما اذا اهو مريض تصبر وتحتسب الاجر والله يهديه المشكله اذا كان عندهااا عيال وماتحب تهدم بيتهاا وعيالهااااا يتطشروون بين بيت الزوج او بيت الزوجه صدقوني بناااات رب العالمين يهدي عبيده وهذا بلاء وناخذ الاجر اذا صبرنااااااااا

 

[.،:"$الـعـوبــــة$":،.]

رد : هل ممكن ألوم الريال الخاين ؟؟

يمكن ندعي له الله يهديه ! يمكن ندعي الله ياخذه !
وردة فعلي على حسب ، ذاك اليوم خاميني الربع ، والا خاشعين سكوني !
انا والله ردات فعلي على حسب مزاجي !
بس على طاري البنات الحلوات !
اذكر مرة شفت بالمهلب وحدة !!!!
لابسة لبس جيشي ، بلوزة ضيييييييييييييقة وبنطلون ثلاث ارباع مدري شتسمونه !
وكعب احمر وشعرها اسوااااااااااااااااد وحاطة حمرة حمرااااااااااااااااااااااا !!
تجنن !!
والله بغيت اخلي زوجي ، واروح انا اغازلها !!:d
<< ترى اليوم فاصلة !!​

 

[كلي ثقه و سنع]

رد : هل ممكن ألوم الريال الخاين ؟؟

العوبه

شفتي شلون ؟ صارت البنت ما تصبر الا تبي تطلع بكل جمالها عشتو يعني كشخه و نست ان صار اسمها بضاعه و شوفي كم واحد شافها

تري الخيانه ساعات تصير مو جسديه حتي لو الزوج يفكر باللي شافه و يكون مع زوجته

 

[q8ia4ever]

انا مع wafa82 100% المرا = الريال و اي شي يسويه الريال المو=را تقدر تسويه

 

[Vouge]

رد : هل ممكن ألوم الريال الخاين ؟؟

الشيء بالشيء يذكر


مثل ما بضاعة البنات تنوعت .. فبضاعة الشباب أيضا تنوعت بل و تعرض نفسها في جرأة و صراحة


و مثل ما الرجل له رغبات وزلات .. للمرأة أيضا رغبات و زلات
و كلاهما في الخيانه متساويان في العقاب الشرعي



هل إذا زلت المرأة .. مسموحة؟
و نطوفها و نقول "قص عليها الشيطان زله و تعدي؟"

ولا بيقلبون عليها الدنيا؟


طبعا ما لها عذر و إن كان زوجها هاجرها و داقرها و ما يدري عنها



بس احنا للأسف مجتمع فيه خلل من هالناحية
حلال عالصبي حرام عالبنت !!




فمن وجه نظري .. لازم الرجل ينلام على الخيانه
لاااازم


لأن الله مو بس قال للبنات تحجبو
قال للرجال أيضا غض البصر
لا تجلسو في الطرقات
لا تختلو بالنساء




يعني هناك قواعد كثيرة غير الحجاب يجب أن يلتزم بها الرجل
و إن خان .. لأنه خل بهالقواعد

 

[كلي ثقه و سنع]

رد : هل ممكن ألوم الريال الخاين ؟؟

اختي Vouge

تدرين امس في قناه الرايه المقدم شيخ سعودي دايما مواضعيه عن الحياه الاسريه و يحرص علي نصح الازواج

قال : الزوج اذا مرته قصرت معاه يقدر يتزوج عليها > بس الزوجه اذا قصر معاها زوجها وين تروح ؟؟ و حرص الرياييل يهتمون بحريمهم و قال اهمال المره لزوجها مشكله بس اهمال الزوج لزوجته كااااااااااااااارثه

 

[واصله]

ينلام ونص
وانا مع كلام وفاء

 

[tbola]

رد : هل ممكن ألوم الريال الخاين ؟؟

حاووو موضوووعج حييل

بس والله احيانا مالوم الريال لمن يشوف اذا انا بنيه لمن تمر بنت بضاعه على قولتج اغزها فما بالج بريال والللله سبب الاول والاخير بناااااات الي يمشون ويعرضون اجسااامهم ماااتقدرين تمشين وتغمضين عن ريلج عنهوم لانهوم صارو بكل مكااااااان والله قامو يتحرشون برياااييل حته والله شيطان شاطر لمن ريال يصد عن البنت وبنت مصممه تشووفه اهو راح يميل لهااااا

وااي الله كريم ويستر على بناتنا ويهدييهوم بلبسهوم

 

[أزهااار]

ههههههههههههه
والله احنا اذا شفنا هالبنات نخز من فوق لي تحت تحت تحت

والله بهالزمن البنات صارو كلهم حلوات

والمشكلة كشختنا بخش ودس ع اساس منقبات

الله يعمي قلوب ازواجنا عنهم


اقسم بالله زمن يخررررررررررررع

 

[Tom ♥ Jerry]

.


اذا شاف مره مرتين ثلاث > أوكي بسآمحه بقول قص عليه الشيطآن
بس مآ يروح يخون و يخوزز بلي رايحه و الي راده
و يقول الشيطآن قص علي
> ليش بالله الشيطآن مآ عنده الا انته يوسوسلك

 

[كلي ثقه و سنع]

رد : رد: هل ممكن ألوم الريال الخاين ؟؟

.

> ليش بالله الشيطآن مآ عنده الا انته يوسوسلك

:aha: لوووول